御名軒

營業中

休息中

今晚1家人食中秋團年晚飯，巳經早1星期打電話book枱，晚上去到都要等位，唔梗要，到有位之後，好似坐左向1個密室裡面，仲要冇冷氣甘，巳經同職員投訴很多次，唔該，開大d冷氣啦，都係好似冇冷氣，到食野的時候，越食越熱，流晒汗，熱到都唔想食，仲衰過向大排檔食野，我地差唔多食完，先拎把風扇入黎比我地，我真係好想講粗口鬧佢地。貼錢買難受，我地絕對唔會再幫襯囉，真係好差的1次體驗。

放工約咗娘親食個晚飯，由於佢講咗好多次想食片皮鴨，於是揾咗間娘親搭個叮叮就可能去到，位於天后嘅酒樓食片皮鴨。位置好方便，勁近天后地鐵站，又多巴士到，又可以搭叮叮，非常適合家庭聚會，老人家都方便過去呀。京式片皮鴨(半隻) $98————————————有得點半隻份量實在太好啦！大概係2至4人份。鴨皮嘅部份都好香脆，啲油脂都好豐富，入口好香油脂味，用餅皮包住，加埋醬汁、京蔥一啖入口，正呀👍🏼冰鎮南非鮑魚(每隻) $58————————————處理得不錯嘅冰鎮鮑魚，入口冇雪味，亦冇未融化嘅冰碎。冰鎮後鮑魚仍然有彈性，原來上菜時已將鮑魚切成四小份，方便食用。醬汁都好特別，有芥末味，又幾夾冰鎮鮑魚架喎。勝瓜蒜蓉粉絲蒸帶子 $108————————————個粉絲底勁香蒜蓉味呀！勝瓜蒸至淋身，夠入味，帶子又滑又大粒，好滋味！荔芋滑雞煲 $108————————————芋頭份量好多，煮到有點蓉蓉嘅感覺，個汁都好正，充滿甜甜嘅芋頭香，好Creamy，好送飯。呂宋芒果布甸 $28————————————最後食返個經典甜品😋細個去酒樓唔敢舉手同屋企人講想食芒果布甸，大個咗就可以啦🤣係童年嘅味道。

是日在天后睇醫生，睇完都接近7點，便直接在openrice 揾下有咩好食，御名軒的評分好高，所以決定試下佢。其實佢就係間酒樓，但帶新式裝修絕不陳舊，中間就是大大的電視螢幕。驚訝的是閒日晚市都好熱鬧！小試牛刀點了4個菜。欖角蜜糖骨大大碟不過$98，真係大件夾抵食。骨有10多件，件件都骨肉均稱、酸甜開胃，就算放涼左，都仲食到骨肉是微焦帶脆的！波爾多紅酒燴牛尾跟法國麵包，份量真的意外，大大煲不過$128，絕對良心價！因為這個價錢，這個份量，真的好足料。牛尾骨的肉也頗多，所以也是啖啖肉的。精髓是個汁，好濃、用香脆麵包點來吃，令人食唔停口，真係好好食！游水沙巴龍躉又是抵食之選，魚好大條，絕不欺場，蒸得剛剛好，所以肉質仍然保持嫩滑，又不失爽彈。夾著葱絲等，點少許豉油食，就是就佳鮮味！馬拉盞通菜鮮魷條條通菜都有菜葉，今時今日好難得，而且份量又係好多。鮮魷爽口彈牙，馬拉盞做法香口惹味，食菜食得滿足！甜品點了芒果布甸和楊枝甘露，兩者都好足料，兩者入面有粒粒芒果肉，好香甜。估唔到咁有heart。這間平常不過的酒樓，真係做街坊生意，大件夾抵食，價錢又唔貴，比起好多大排檔仲要高質，仲有不得不提，係服務好好，難

朋友住附近，話呢間酒家經常座無虛席，小菜又抵食，所以今晚帶我嚟試吓。蝦球芝士炒蛋白平時食賽螃蟹就食得多，用蝦球炒都係第一次食，蝦球好大隻，啖啖肉，而且份量都好多，再加埋少少芝士嘅調味，恰到好處。御名小炒皇講到小菜我就一定會嗌小炒王，呢度嘅小炒王嘅配料非常豐富，蝦乾唔會太硬又有鮮味，腰果分量多，韭菜花新鮮，炒得好惹味。沙巴龍躉平時喺屋企蒸魚好難掌握火候，梗係要來酒樓食啦，而且魚又新鮮，熱辣辣，正！冰鎮南非鮑魚好少地方有得食冰鎮鮑魚，估唔到有幾好食，鮑魚有預先調味，加埋Wasabi更加可以帶出鮮味。楊枝甘露見到隔籬枱嗌楊枝甘露，賣相非常足料，吸引到我都嗌一份嚟試吓，西米有咬口，好香芒果味。呂宋芒果布甸芒果布甸超多芒果果肉，加埋花奶，係經典嘅味道！

今日去開維園，在附近搵食，記得呢間酒樓都好似開咗好耐，但裝修仍然保養得幾好，有宴會廳氣氛。大部分菜式都係傳統中式菜，但其中一款係比較fusion ，波爾多紅酒燴牛尾，仲有脆身法包一齊上，牛尾炆得好淋，好入味，醬汁可以加上法包一齊食，增加層次感。片皮鴨半隻，皮夠脆夠薄，有水準。西湖牛肉羮，份量充足，有幾多牛肉粒，亦夠滑口。勝瓜蒜蓉粉絲蒸帶子，帶子都幾大隻，加上魚肉將勝瓜及帶子黐住，一口食的時間有不同口感的食物一齊，唔錯。

✨招牌吊燒雞點左半隻 吊燒雞皮燒得薄脆 肥美 肉質軟嫩 調味適中 大花尾龍躉兩味✨翡翠炒斑球斑球啖啖肉 好厚肉肉質結實彈牙 西蘭花翠綠爽脆 ✨雲耳蒸斑頭腩斑頭腩鮮味 肥美爽實 雲耳爽口 好惹味✨欖角蜜糖骨份量十足 肉排外酥內軟味道蜜甜鹹香 送飯一流總結：食物可以 選擇多 份量足環境服務唔錯 價錢合理餐廳晚市有唔少優惠 例如推介孖寶同優惠晚市三寶 就連海鮮都唔貴 相當抵食難怪平日六點多已經有唔少人光顧另外眼見好多街坊食冬瓜盅 下次一定要試試

晚餐－枱12人要找地方真的不客易，但好彩有人安排地点，安排食物真幸福🥰 有鱼、有肉、有菜、有甜品、有酒，只系不夠人🤣因为碟碟餸都好大，冇一碟能清碟的🤣但巧味道！

今晚我哋兩個人都想食海鮮，又想經濟實惠啲，就揀咗御名軒。餐前小食-咸香花生（$15）：新鮮脆口，鹹味適中。冰鎮南非鮑魚（每隻$58）：見呢款菜式係晚市廚師推介，而且呢個菜式平時比較少見，就叫兩隻試下先。南非鮑魚一向質感厚實，口感一流，廚師應該都花左啲時間同埋用咗濃汁去烹調呢種食材，唔單止令佢入味，而且仲令鮑魚有咬口得黎又唔會話咬唔斷嗰隻。蒜蓉粉絲蒸大元貝（$138）：1客有4隻，見呢個價錢咁經濟實惠，完全冇諗過佢咁大隻，所以嚟到真係有驚喜。元貝蒸嘅時間啱啱好，一啲都唔韌。粉絲索曬啲蒜蓉味，忍唔住食晒。蘇格蘭蟶子皇（每隻$42）：因為我本身好鍾意食蟶子，所以叫咗三隻。既然元貝用咗蒜蓉粉絲蒸，蟶子就試下唔同嘅味，用豉椒炒先。蟶子好大隻。煮嘅過程應該冇乜點縮水，厚肉有咬口，肉質爽口。用豉椒炒的確係惹味。個汁好多洋蔥同青紅椒塊，有啲菜食吓都幾好。游水沙巴龍躉（$108）：目測條魚約一斤（同餐牌上面所講嘅相符）. 肉質爽彈，連魚肚位置都唔會覺得腥，一定係真鮮魚先做到呢個效果。簡簡單單用薑蔥蒸，已經好鮮味。呢個菜式係晚市三寶嘅其中一款，所以係好抵食（平時喺街市買一條新鮮嘅沙巴龍躉都$8x）. 紅豆

朋友在天后工作，放工後相約在「御名軒」酒家吃晚飯，酒家超近天后站一出不用2分鐘就可去到。晚飯時段有多款經濟套餐及菜式選擇，有晚市三寶，晚市廚師推介及是晚孖寶等，十分超值。首選必吃「冰鎮南非鮑魚」是晚市廚師推介$58/個，爽甜有咬口，配以秘製的醬汁，清爽又醒胃。半隻京式片皮鴨(一食)，超抵$98/2人份量，鴨皮酥脆、鴨肉甘美，不油不膩，用京蔥條、青瓜條加醬汁來搭捲烤餅吃，層次豐富，非常滋味。「西芹炒蝦球」$148，這是一道港式地道小炒，蝦球彈牙，西芹清脆，清爽可口，送飯一流。「荔芋滑雞煲」$108，熱辣辣香噴噴，椰香芋頭味超濃烈，在遠處都散出香味，雞肉鮮嫩，芋頭綿軟，暖胃又飽肚。

位於天后的「御名軒」粵式酒家，晚市時段供應多款優惠推介，其中晚市三寶、是晚推介孖寶、晚市㕑師推介、以至二人至八人的套餐等等，多元化的選擇，迎合不同人的口胃，而且價錢十分優惠，一家大小都定必找到他們的心頭好。冰鎭南非鮑魚（@ $58）原隻的南非鮑魚，以冰鎮配合日式醬汁和日式芥末，芥末的清香帶點點嗆鼻，十分醒神亦很適合作為餐前小吃。游水沙巴龍𧄌（$108）晚飯三寶之一的游水沙巴龍躉，大約一斤重左右，廚師掌控蒸煮的時間和火喉恰到好處，魚肉與魚骨恰好分離，口感幼滑。海皇燉冬瓜盅（$108）同様是晚飯三寶之一的海皇燉冬瓜盅，原個冬瓜盅份量足夠4-6人享用，清怡的湯水最適合夏天炎熱天氣，既清熱又生津。糖醋話梅豬手（$78）糖醋話梅汁配合冰凍的豬手，酸酸甜甜味道感覺開胃，令豬手吃落一點也不覺膩。椒鹽腰果鮮魷（$98）如果喜歡飲番杯，這個椒鹽腰果鮮魷就是不二之選，香脆的腰果和惹味的椒鹽鮮魷，大人小朋友都會喜歡。Interior Menu

星期日當日12點半到達餐廳，知客通知只需等候一張4人枱，茶樓陸續有其他客人到達，如果8位以上一般可以直接入座等候半小時仍未有枱，但途中不停有客人進出茶樓，最後上去上層觀察，發現有部分食客取票後直接上門口等位，然後有枱便可入座，導致等位的客戶一直都無枱，要上去理論方可安排座位，聽聞當日老闆老闆娘亦在場，如果唔上去理論恐怕等一小時仍未能入座。最後等候45分鐘才能入座，茶樓需要好好培訓知客的能力，唔好一味話唔知唔知，由其該名知髮知客，態度差，工作能力欠佳食物質素只屬正常，燒賣比較咸，炸物完全唔熱

呢日8號風球 唔想喺屋企煮飯就落街去咗樓下嘅酒樓食飯🙈 由於擔心佢冇開門 所以落嚟之前都打咗一個電話 店員話佢哋全日都有開門呀 10號風球都開添㗎😮 咁第日天氣惡劣 晚餐咪有着落囉游水沙巴龍躉呢個係優惠小菜嚟嘅 有三款可以選擇 $108有咁大條魚真係好抵食呀🐟 難怪枱枱都嗌呢個魚啦 條魚鮮味 而且唔會蒸得過咗火候🔥蒜蓉粉絲蒸大元貝4隻元貝都好飽滿 最鍾意就係佢嘅蒜蓉粉絲👍🏻 非常惹味可口蜜椒京蔥爆牛仔骨牛仔骨份量充足 而且好厚身🐮 配菜都炒得非常有鑊氣 個芡汁好好送飯啫啫通菜煲出街食飯都要嗌返碟菜 健康啲平衡返🥬 一打開蓋已經好香 入面有蒜子 豬肉粒 同埋蝦米 簡簡單單已經好吸引甜品呂宋芒果布甸 配埋啲花奶真係唔錯🥭 入面仲有芒果粒粒㗎 擂沙芝麻湯圓 外層煙韌 面頭就有啲黃豆粉同芝麻碎前菜及茶芥前菜係好開胃嘅蕎頭 脆卜卜咁 口感十足🥢 茶芥14蚊位 唔似坊間用茶包🍵食完咁多樣 最鍾意都係佢個蒸元貝 因為蒜蓉蒸粉絲係我最鍾意嘅配搭 而且依度都整得唔錯☺️

今日同朋友去天后既酒樓食飯, 部長推薦了幾道菜式，一道冰鎮鮑魚。大蝦球芝士炒蛋白鮑魚肉質鮮嫩，配上清爽醋汁，愈吃愈滋味，愈嚼愈過癮, 做冰鎮的冷盤既消暑，又能品嚐其爽滑彈牙的口感大蝦球芝士炒蛋白，這道菜式是口感和餐點創意的完美結合。大蝦球鮮嫩多汁，芝士和蛋白的結合讓整道菜色更加豐富和美味。紅燒乳鴿，這道菜色濃郁，肉質鮮嫩，醬汁入味，讓你感到細膩的口感。接下來的菜式是咕嚕肉，咕嚕肉色澤金黃，口感酥脆，糖醋味道恰到好處，配埋菠蘿特別滋味接著上桌的是一道海鮮雜菜煲，煲裡的海鮮和蔬菜色彩繽紛，散發出濃郁的湯汁香氣，海鮮的鮮味與粉絲的口感搭配得恰到好處，粉絲在煮煮過程中吸收了湯汁的滋味，讓粉絲本身也散發出濃郁的香氣。

星期五晚帶屋企人嚟到位於天后嘅御名軒食晚飯。食物款式都幾多，除咗單點之外，更有一啲優惠孖寶同優惠套餐，價錢都幾抵。一坐低店員會先送上餐前小食同茶。京式片皮鴨($98/半隻)皮同肉既比例均勻，鴨肉肉質夠腍，帶少許鴨油香。餅皮煙靭，片皮鴨配埋青瓜、京蔥同甜麵醬，味道同口感更豐富，$98幾抵食。生猛波士頓龍蝦($98/隻)我哋總共叫左兩隻龍蝦，另外加左$50伊麵。龍蝦幾多肉，而且爽口，伊麵索哂湯汁同龍蝦嘅精華，幾正~蝦球芝士炒蛋白($ 108)蝦球份量多，而且大大隻，幾爽口。蛋白炒得夠滑，配埋蔥花，味道幾香。楊枝甘露($28)芒果味幾濃郁，配埋清爽嘅西柚，酸甜開胃。

長輩鐘意食酒樓中菜🥢今日近近地去左天后嘅御名軒食晚餐位置非常方便 一出地鐵站就見到😌睇一睇見到餐牌上嘅晚市三寶咁抵食就點晒佢地.🌟海皇燉冬瓜盅 $108冬瓜盅係夏天清暑必食☀️湯底清甜 原個冬瓜拎去燉係得酒樓先會食到!材料豐富 例如蝦仁🍤、元貝、瘦肉等等再加上冬瓜肉實在非常飽肚😋.🌟京式片皮鴨 $98 片皮鴨皮脆肉嫩 除左鴨皮之外仲有一排鴨肉可以食🪿用餅皮包住鴨皮、青瓜🥒、同京蔥再加入甜醬 味道絕佳要快啲食如果唔係就會凍晒🤭.🌟游水沙巴龍躉 $108酒樓食到嘅中式清蒸魚又係我嘅最愛🥰平時屋企蒸魚好難掌握蒸煮時間⏱️呢度嘅蒸魚味道鮮美 肉質鮮嫩 蒸得啱啱好👍🏻.🌟蝦球芝士炒蛋白 $108呢一道菜好有創意 未食過加入芝士🧀嘅炒蛋白🍳芝士味濃郁 蛋白亦炒得鬆軟嫩滑加埋大大隻蝦球提鮮好夾.🌟椒鹽腰果鮮魷 $98椒鹽鮮魷炸得香脆🦑而且係一口大細所以好易食再配上腰果豐富口感 好適合邊食邊傾😆.酒樓有宴會廳嘅裝修 而且同其他枱有足夠嘅距離 坐得幾舒服另外食物性價比高 一個小菜都係$100左右 味道又唔錯😎