御品·千之味 (Eastmark)

營業中

休息中

新鮮嘅刺身壽司專門店！串燒炸物都即叫即做！款式又多！每樣食一次都飽到上心口！平時食嘅時候都就住就住，而家係放題就係咁食唔好蝕🤭食咗幾多海膽，鮮甜美味🤤拖羅好肥又油香！不過壽司就飯好多😅串燒牛脷豬腩肉同鱔最正！飲品有好多款，有韓國，台灣同香港既飲品，大把有得揀！QR Code落單，店員上菜和收碟速度都好快，唔會上菜時放低就走，會好好搵位置先放好，收碟時又會先詢問先收走碗碟或者飲品嘅罐！座位好寬敞，坐得舒服，而枱就算叫到一枱都嘢食都唔會無位放👍🏻👍🏻

新開嗰時印象中最平既雙色三文魚丼賣$55係幾抵食，之後加到$68都算，但再到依家加到$78都只係兩年既事服務都差咗，以前電話12.55落order13.05到比錢就有得拎，依家係根本落去比完錢先整比你，買埋今次唔會再食

好耐未試過打9、10號風🌪️了，以前打8號風球，我諗有9成食店都關門，都啱嘅，老闆都要保障員工嘅安全，但近年生意難做，到今時今日，只要掛8號都仲有良心小店開門。千之味就係其中一間，5點左右，9號風球剛落，掛8號，尼間小店已經開咗門👍🏻👍🏻👍🏻，相信佢地一早已計劃開舖營業，但員工們笑容服務態度不減，非常感謝👏🏻👏🏻👏🏻。我地叫了2款定食，咖哩炸豬排飯🍛，咖哩係日式，唔辣少少甜，豬排好軟熟，炸粉好香唔油。另1款係餃子🥟烏冬，湯清甜淡淡的，餃子好香，另加了$20追加炸蠔，抵食。🍴千之味地址⛩️: 九龍灣常悅道21號The Eastmark 1樓5號舖

來9龍灣做野都差晤多4個月，對於附近林林種種架鋪要都試得7788。最最最令我覺得抵食又好味架就一定數到呢一間日本餐廳!! !前前後後我都幫襯左呢間餐廳差晤多6次lunch，依然覺得佢價錢植之合理之外，味道直頭可以拍得上中高價位架餐廳 😊 😊今日Lunch 我依然係選擇關襯佢~今日叫左佢個火灸丼，晤使加1，包埋可以揀湯或者汽水，埋單都係$75~ 實在都係想講句真人好抵食errrrrr!!!成個火灸丼包括左2大隻超大隻架甜蝦，2片左口魚，2大塊三文魚仲有玉子，以我一個都算大食架女仔來講都好足夠~~值得一提架就係上次來幫襯架時間，收銀送左1大pack coupons 俾我，入面有晤同種類架折扣，今日我就用左張免費架厚身玉子燒@@Happy Friday happy lunch!, 星期五再加埋食左心心掛掛架火灸丼，真係可以完美咁放星期6日了 佢除左響9龍灣，仲有其他分店，大家如果經開佢地，不防真係入去試一試!!! #hkfoodie#Hkgirl#eatingwithneyneyb#delicious#HK#852#food#日本野#yum--------------------------

每次食千之味都係到會，一個合理價錢就可以免費送貨真係好抵✅九龍灣分店位於The Eastmark，穿過德福就到啦～ 平日14:00人流唔算好多，幾清靜，堂食區係開放式，空間感大。落單用QR Code，唔識整問職員都會回答幫手，最後喺芸芸嘅餐單裡需揀左「迷你三文魚粒粒海膽丼」，睇相⬇️會發現好豐富大滿足💕想有大滿足嘅感覺就去千之味啦～📸門口一睇就知點解我咁中意叫千之到會，因為$300就送貨了🥰📸迷你三文魚粒粒海膽丼（連壽司🍣、汽水/紙包飲品）+$8再有沙律、刺身好值！📸個碗睇落好細，但係所有嘢夾埋份量真係好多😆味道正常都新鮮📸另外每個套餐可以再加1款小食，加咗$20餃子一份（3件）有少少燶📸同行朋友加咗個刺身拼盤，裏面隻牡丹蝦條數長起碼30 cm🤣

一到假期，我地一定都會來九龍灣食飯，今次來到千之味醫肚，貪呢度環境好舒適，服務員細心，重要係平靚正！火炙壽司套餐（10件）有三文魚，左口魚，熟蝦、鰻魚、帶子、及時令魚等等，10件厚身壽司，件件都鮮甜美味，尤其左口魚肥美，入口即溶，帶子鮮甜，入口即化。炸餃子手打烏冬配辣味雞翼餃子餡料豐富，吃起來非常鮮美，外皮炸得很酥脆。整道菜色的味道非常清新，雞翼香脆惹味，配上手打烏冬，有嚼口彈牙，非常好吃，讓人食指大動的佳餚。咖哩吉列豬扒丼配吉列炸蝦豬扒很嫩滑，配上味道香濃的咖喱醬汁，非常美味。咖喱醬汁的口感非常豐富，非常之香口惹味。吉列炸蝦份量十足，真材實料，炸得很酥脆，肉質鮮嫩，配上脆口的外皮，吃起來非常爽口。飲品仲可以自己到冰櫃揀，選擇多，屋企人食得開心🥳，非常之滿足美味嘅一餐，令人回味，下次再嚟幫襯過😋。

朋友食過呢間千之味唔錯, 今日放工後同我黎食, 見唔少食客都會點套餐, 選擇好多, 價錢都係幾十蚊，相當抵食。不過我地就想食唔同嘅, 所以我地都係單點。除左壽司及卷物外, 我地都點左幾樣小食，整體都唔錯抵食。本鮪中拖壽司(2件) $75特大赤蝦壽司(2件) $34海膽軍艦(2件) $48火炙左口魚邊壽司(2件) $56油甘魚壽司 (2件) $35劍魚腩壽司 2件 $28辣味三文魚卷(4件) $50辣味芝士軟殼蟹卷(4件) $58芝士炸蝦卷(4件) $48鹽燒鯖魚(1條) $58芝麻雞翼 $38

千之味我之前都有買開佢既外賣壽司，通常都買佢啲好抵食既壽司盛合。今次係德福行街，近近地行去Eastmark食飯，可以順便試下佢既堂食。晚餐有多款set，價錢由$73-$128不等，包埋野飲，都係比午餐貴$10啫。有壽司、魚生飯同各款定食，仲可以加錢追加小食。不過當晚我地無嗌set，全部單嗌。例牌都係海膽、中拖羅、火炙左口魚邊 、卷物再加芝麻雞翼etc全部價錢都比出邊平一大截，由其係海膽，都係$24一件詐！平時呢個價錢，係出邊都係食到某外賣壽司連鎖店凍冰冰既壽司架詐😅海膽軍艦(2件) $48本鮪中壽司(2件) $75火炙左口魚邊壽司(2件) $28特大赤蝦壽司(2件) $34劍魚腩壽司(2件) $28油甘魚壽司(2件) $35辣味芝士軟殼蟹卷(4件) $58辣味三文魚卷(4件) $50芝士炸蝦卷(4件) $48芝麻雞翼(2隻) $38

係九龍灣食lunch,想食壽司都係揀千之味，抵食又高質，兩個人揀左超多款壽司，好多款都係必食！三文魚壽司 好新鮮好多人點八爪魚壽司 好食腐皮壽司 食過最正鰻魚壽司 最鐘意食鰻魚吞拿魚沙律軍艦 吾錯火炙三文魚壽司 個人都幾鐘意火炙熟蝦壽司 食完再食花之卷 食完再食鰻魚忌廉芝士卷 今次推薦食七味雞翼 超入味又香口，必選小食炸物同朋友都食過超多次呢度既壽司，係抵食同高質，每次水平都保持到而且又無退步，朋友都話呢度既食物質素一直都保持得好好，店員每次都好好，每次好有禮貌服務，覺得堂食同外賣都好有水準

堂食限定 2人套餐＄588包括以下：✨ 味噌湯及飲品✨三文魚蟹籽沙律 分量比想像中大 角切三文魚好厚 沙律醬分開上 可以隨自己喜好添加 很貼心～✨刺身 包括油甘魚、中拖羅和帶子三款都非常新鮮 帶子好鮮甜厚肉 🤤✨壽司拼盤包括 赤身、中拖、大拖同吞拿魚蓉軍艦 絕對滿足到吞拿魚愛好者 大拖好肥美 🤩✨蟹柳玉子燒 滿滿的蟹柳加上沙律醬同甜蛋 不死配搭😂✨芝麻雞翼即叫即炸 外皮酥脆 肉嫩juicy ～✨蒜香三文魚帶子炒飯 好大份既主食 飯炒得粒粒分明 加上三文魚、帶子同粒粒蟹籽 口感豐富 鮮味香口🍽️ 御品·千之味 (The Eastmark) #九龍灣sis🚆 九龍灣站，B出口步行約10分鐘📍 九龍灣常悅道21號The Eastmark1樓5號舖

我鍾意食呢間店，因為一次偶然機會買左一次外賣，我就愛上千之味。點解？當然食物質素唔錯，最重要係店員真係好細心好好人！買左幾次外賣後，我決定今日帶屋企人來堂食。屋企人話堂食仲好食，更新鮮。而且CP值超高，大大份足料，性價比高。壽司餐（10件）（套餐）有三文魚、油甘魚、三文魚籽、赤蝦等，大大件仲好厚身又好鮮味，非常之豐富。另外三文魚，油脂味更香濃，非常鮮甜。鰻魚飯定食（套餐）鰻魚份量十足，味道唔錯，一定嘅水準！值得一提係佢嘅醋飯，由日本米整成，煙靭軟熟，米飯酸度調教得啱啱好。辣味芝士軟殻蟹（4件）、辣味雞翼及炸餃子炸得岩岩好，香酥脆，內軟香甜！夠晒味，趁熱食啱啱好！正😄沙律及小食都幾開胃！推介畀鍾意食日本野嘅朋友😋

最近呢間店已變成我的食堂，佢唔單止有壽司、刺身、卷物、軍艦、小食等，更有多款刺身丼，重要的是價錢親民。食物即叫即製，賣相甚佳，絕不馬虎，而且件件都很新鮮，仲比預期大件。雙色三文魚丼好大碗，每件魚生都好大塊又厚身，三文魚色澤靚好肥美，脂肪均勻。火炙三文魚魚油豐滿，肉質夠嫩滑。丼飯仲贈送飲品，可到雪櫃任揀一款，另加廿蚊仲可追加三文魚剌身，同樣大大塊，非常肥美，超值！三文魚腩刺身肉質更嫩滑，啖啖魚油，十分美味。火炙左口魚邊壽司輕輕燒過後滲有啖啖魚油香，肉質仍能保持嫩滑。赤貝壽司好大塊，不會像出面壽司店細小到連飯都覆蓋不到。海膽軍艦份量夠多，味道鮮甜又十分creamy！

每次去九龍灣玩劇本殺都會去買千之味，今日都唔例外！我每次都係叫雙色三文魚丼, 連埋嘢飲之前係$68（晚餐）點知今次比錢原來加價到$78！🥶雖然都係好好食，不過一次過加價咁多，真係有啲肉赤

又黎到呢間壽司店 今次食九龍灣分店水準一樣係好高阿有時唔想夜晚食住家飯 食下外賣真係幾開心🤩 🍴人氣壽司拼盤A $108呢個set我稱佢為小朋友set🤣有玉子 蟹棒 鰻魚 腐皮壽司 同吉列炸蝦卷全部熟食 啱晒小朋友阿 🍴火炙壽司冷麵餐 $85火炙三文魚 火炙三文魚腩 火炙左口魚 火炙鰻魚 火炙熟蝦火炙壽司又香又惹味我最鐘意火炙三文魚腩 油脂香入口幼滑冷麵係跟胡麻醬 份量好多好足夠👍 🍴壽司手打烏冬套餐 $88三文魚 北寄貝 白身魚 蟹籽 芥末八爪魚件件壽司望落都好有光澤 新鮮！烏冬係手打烏冬 有咬口湯係另上 我自己加左胡麻醬變撈烏冬都好好食！呢度除左外賣都可以堂食架，下次約埋朋友黎食先😋。

Eastmark就係德福對面，如果德福搵唔到野啱食，行過黎Eastmark其實都有幾間餐廳，千之味係一間不錯既選擇！外賣返去食，佢地服務細心、處理衛生，生熟會分開裝。對於刺身壽司，仲會有冰袋，連冰種提供！咁就外賣路途遙遠，或者天熱落雨都唔怕！🍣本鮪三味壽司 $268平時去donki最鍾意既就係買佢嘅吞拿魚壽司，但係如果萬一附近冇donki咁點算呢？ 千之味就幫到你!佢呢盒本鮪三味壽司都不錯！一盒有齊大拖羅x3,中拖羅x3,赤身x4！新鮮好味！大拖羅入口即溶！性價比極高！唔一定要去donki先有平靚正吞拿魚壽司！另外一讚千之味既壽司,飯香軟,帶甜味,唔會乾!比好多外賣壽司店既飯出色！🦐天婦羅炸蝦壽司$28（2件）🍤吉列炸蝦小朋友鐘意食蝦，於是天婦羅炸蝦同吉列炸蝦都有叫。相較之下，外賣既話個人比較推介吉列炸蝦，外層麵包糠香脆，放得耐都唔會淋，仲跟好多沙律醬（你知啦，有時d小朋友鐘意食沙律醬多過乜😆😛😋）📝總評：千之味既壽司性價比真係高！推介佢嘅藍鯨吞拿魚系列👍👍👍佢仲有吞拿魚腦天、吞拿魚頸拖羅、 吞拿魚臉頰...呢d刁鑽d既吞拿魚部位！下次逐樣試！