御泰坊-泰越菜

營業中

休息中

有齊泰菜越菜印尼菜🤩滿足你所有要求~圖二的燒印尼椰香雞✨用藤織筒裝住椰汁飯 成個擺盤都好有外國feel🌿🌴綠色牆黃色椅配芭蕉葉圖好有東南亞feel💚💛喺觀塘apm四樓 足料價錢中上 仲有落地玻璃位🏙空間大光線足

疫情開始緩和，apm 同工廠區都好多人一點多apm有些餐廳仍大排長龍🕴🏻🕴🏻見御泰坊不用排隊，餐廳環境乾淨便決定食這間餐枱之間都有隔板分隔仍記得幾年前的聖誕節🎄午餐在這裏慶祝餐廳屬於景樂集團旗下正常來講應該是有質素保証不過抹碟時，其中一隻碟上有乾的飯粒明白總會有的，但始終疫情期間..令我有點擔憂三個人沒有叫套餐，單點了想食的鮮蝦金柚子沙律 | $88柚子依然冰凍，感覺剛從雪櫃取出，食起來甜及多汁，不會有苦澀味，較大塊的柚子亦很有口感。整個沙律微辣，配搭起來頗為清新。可惜...當食到鮮蝦時，肉質竟然是霉的，而且不是一隻，是三隻也有問題除了鮮蝦不新鮮外，整個沙律其實值得食。農夫包配星洲咖喱軟殻蟹 | $188軟殻蟹的份量十分多，每人大約有三分二的蟹。咖哩味不香，而且偏鹹，配上農夫包食都覺得鹹。農夫包不夠脆，有點韌，真的不值得食。泰式鮮蝦金邊粉 | $92金邊粉味道不會太甜，亦不會太辣，味道偏淡。這碟鮮蝦肉質正常。花生碎放在碟的一旁，怕肥可以食少點整體來說，餐廳質素比以往低，這個價錢在工廈及apm內，應有更好的選擇。我明白..不用排隊的其中一個原因

放工後兜哂成個 APM 終於諗去好想食泰菜, 咪行入去食囉 ! 以前曾經食過, 見咁耐無食咪又食 ! 打開 meun 我叫咗海鮮炒粉絲 ( 忘記影相 )咖喱麵包軟殼蟹,小食拼盤 ( 因為超過300可以半價叫 ) 香茅雞煲 , 飲品有碟豆花椰奶 , 曼谷特飲 ( 都係唔記得影 ) 初頭一嚟就上炒粉絲, 一食嘩:好好味 ! 對之後嘅滿心昐望。點知……1) 海鮮炒粉絲 呢個好夠鑊氣, 好好食, 好有泰國正式 feel , 加埋辣椒粉落去食, 一流。2)咖喱麵包軟殼蟹賣相唔錯㗎,個咖喱嘅味其實唔差, 不過堅咸囉 ! 最重要我最愛嘅軟殼蟹出哂事, 炸過火直頭蟹腳係燶哂, 食落仲有苦味。救命呀！3) 香茅雞煲無諗過咁的骰囉！舊舊雞丁屎咁細舊, 仲要無味, 又唔辣 ! 唉…4) 小食拼盤有炸雞翅, 春卷, 魚餅, 蔗蝦 , 串燒除咗個魚餅用春卷覺得好食外, 其他都係過咸5) 飲品個奶茶奶味太重, 其他不錯。總括嚟講真係比以前差咗, 一開初個粉絲太好食, 後面不堪回首 !

APM周圍都好多人排隊, 呢度少人啲就入咗嚟食，比起之前嚟食，食物嘅質素好似冇以前咁好, 中伏 咖喱軟殼蟹農夫包 賣相唔錯，咖喱入面有炒啲蛋花喺度，軟殼蟹份量都足夠，但食落就麻麻地，咖喱好鹹，同唔夠辣炒金邊粉一見碟粉上枱已經無乜期望，金邊粉炒完仲係見到有白色底，唔夠酸又唔夠辣，無色無味加好多辣椒粉落去先有返少少味柚子沙律最後要講下呢個柚子沙律⋯入面啲蝦⋯點解會有陣膻味架？！即刻lur 返出嚟 食物壞咗唔好上枱

即將便來到我男友的生日了，由於他十分喜歡吃泰國菜，所以我便準備和他來到這間餐廳慶祝生日，不過今天我們卻先提前來到這裡品嚐一下它們的菜式，看看食物的質素到底如何，畢竟大家都不想生日的時候才「中伏」這麼掃興嘛今次我們點了一份 $288的假日午市二人餐，勝在可以在最短時間內品嚐多款食物，可惜最後事實證明，二人餐的食物不單止欠缺驚喜的感覺，味道亦相當平平無奇，普普通通，到此刻我們終於都知道，為什麼這個二人餐只售 $288這麼便宜！No.1【南瓜忌廉湯】雖然南瓜忌廉湯的味道都算濃郁惹味，但是配料我們卻只嚐到一些粟米粒而已，感覺上只是一些罐頭湯的貨色，只需直接加熱和保溫便可以給顧客享用了No.2【特式頭盤】頭盤總共包括了三款食物，分別是蒜茸牛油雞翼、香芒鮮蝦紙米卷以及沙嗲豬肉串，雖然食物看似種類繁多和豐盛，但是實際上每款食物的份量都太少了，只能讓我們品嚐一次而已，讓人難以好好回味食物的味道至於味道方面，即使雞翼是即炸，但是蒜茸牛油的氣息並不算特別濃郁，整體味道其實和普通的炸雞翼分別不大，另外雖然紙米卷內的生菜十分清新清爽，可惜鮮蝦卻淡而無味的，讓人味同嚼蠟，吃糠咽菜惟一比較出色的，應該就只有沙嗲豬

救命！伏中之伏！去到見到餐牌已經覺得伏伏地，好少選擇，但唔緊要～貴精不貴多～以為會好食啦，點知哪左個二日套餐$408。啲野食黎到，我以為去左快餐店，hea到爆！尤其係個咖喱海鮮，將啲急凍海鮮馺熟，直接放落去咖喱汁度，一咬落去啲海鮮，又梅又淡，成啖水仲喺入面，仲要入面有個炸咗嘅魚柳，但係放咗好耐林晒、而且入面仲係凍嘅！好難食！之後食個雞丁都係，成碟嘢唔熱嘅，味道亦都唔好味，好一般～仲有個薄餅，由得來完全鬆化，實嘣嘣咁～🤮🤢🥴整體上係食材唔新鮮，完全唔值呢個價，真係好失望，以後唔會再食～

去到觀塘開會放飯，見到間餐廳乾淨有陽光就入去食個晏，餵吓個胃先午餐牌睇落都幾多嘢食咁，諗住3個套餐齊齊食首先頭盤：蝦多士配酸籽汁、柚子沙律&香芒雞絲米紙卷。本來真係想大家分吃，但每碟份量太少，不能分吃🤷🏻‍♀️。香芒米紙卷：幾清新，一次食幾件都無問題柚子沙律：柚子係清甜的，開胃囉蝦多士：食唔到蝦味，而且有點油「黃咖哩牛腩牛筋配白飯」牛腩牛筋各一件，好彩有咖喱汁，唔係我都唔知點夠送飯「沙爹豬扒配白飯」點講好呢....簡直係牙力大考驗，食完一件豬扒牙胶已經好累，老人家勿試，你會賠咗排牙俾佢，所以我都無食哂，食哂配菜、豬扒棄權🙋🏻‍♀️好彩最後有杯青檸梳打清清口腔，順番條氣啫，不過下次試第二間🤨

疫情關係，冇得同屋企人出去食飯慶祝生日，唯有買外賣返屋企一齊食，最近好多外賣都有折，意外發現原來呢間餐廳都係king’s parrot group!而家做緊六折勁優惠，買咗幾個餸返去一齊食。咖喱麵包軟殼蟹- 外賣包得好仔細，三樣嘢仲要係分開上，唔怕麵包同軟殼蟹浸到淋晒。麵包比起堂食較靭，軟殼蟹就保持到香脆，而且份量都唔少！咖喱好香，點麵包真係一流！蒜蓉炒芥蘭- 估唔到普通嘅炒菜菜式係最高評價嘅，每個人夾起都覺得炒得非常之香口，顏色也保持翠綠，食得出芥蘭菜非常新鮮柔嫩，係最快清晒嘅一碟！泰式菠蘿炒飯- 同餐廳比，就係少咗個菠蘿殼，肉鬆、炸腰果、菠蘿粒、肉碎、雜豆，材料十足，外賣都係咁好食！另外仲叫咗軟殼蟹紙米卷同埋炒金邊粉，紙米卷包得好靚，餡料填到脹卜卜，配埋酸甜汁好開胃！生菜肉碎包青檸同香葉味都好突出，個個食到舔舔脷！金邊粉少少酸酸甜甜都唔錯，係凍咗少少有啲黐埋一舊舊，不過呢d一定係現場食最好食！折咗之後咁多樣食物加埋都係三百幾蚊，真心非常抵，希望間餐廳可以捱過呢個疫情！

今日係公司忙到好晏先走，出到去食飯都成8:00，觀塘依舊人頭湧湧，咁啱依間餐廳直接有位，我哋就入咗去試吓餐廳嘅座位亦都唔算少，但係枱與枱之間嘅空間感就唔多，而且都比較嘈吵小食拼盤入邊包括左六款，略嫌春卷已經凍咗，美中不足。而當中最有驚喜就係蝦餅，熱辣辣非常之香脆可口。而串燒味道亦幾好，配上沙嗲醬最為妥當。馬拉盞炒芥蘭味道好香好惹味，馬拉盞幾時都係泰國菜嘅好朋友，而且食得出好有鑊氣，抵讚！軟殼蟹米紙卷作為前菜其實幾好幾開胃，但係略嫌米紙卷放得太耐，已經開始乾身。店員都幾有禮貌值得一讚，主動加水而且可能我哋晏去到其實都冇限時。

沒食過如此難食噶豬頸肉，咬落去好似麵粉完全唔彈牙。勉強食左兩塊，真心好難食。平時去其他泰國越南餐廳差唔多每次都會試豬頸肉，即使醬汁或味道各有唔同，豬頸肉至少都是比較彈牙，從來都未試過有豬頸肉會軟lum lum，咬落去好似咬麵粉咁。而且豬頸肉仲要係廚師推薦......真是無語...鹵水豬手份量非常大但味道只是普通。座位比較寬敞服務人員亦比較積極招呼，雖然菜單上面菜式看似吸引但味道和用料實在一般。唔會再試亦唔推薦。

自己本身中意食開嗰間咁岩放假，唯有食呢間，本身以為佢應該會幾好味，點知啲嘢食都極度難食，第一樣野就係 : 肉碎撈檬粉啲檬粉一啲咬口都冇！第二樣嘢 : 越南蟹肉炒粉絲一啲蟹肉都冇，重點係勁腥🥴第三樣嘢 : 個冬陰功好酸，又話係辣嘅，得陣酸味請我都唔會再食呢間野，第一次食啲咁咁鬼難食嘅越/泰食！希望佢哋可以改善下自己食物方面嘅問題，完全一啲都唔掂！雖然佢外賣啲用品等等都還可以，但係始終都係講求食物嘅質素，唔好食嘅嘢就算你包裝到佢幾好都係唔好食！

慶祝父親節，出街食餐好嘅，預先book定位就可以坐 window seat 喇一行5人叫咗10樣嘢，係張枱一字排開勁滿足香芒軟殼蟹米紙卷好清新既一道菜，脆脆既軟殼蟹夾住甜甜既芒果，再點酸酸地既汁，好開胃呀小食拼盤有雞翼、串燒、春卷、蔗蝦、串燒、魚餅樣樣兩件，小食多滋味炸蝦餅配酸籽梅汁 新鮮炸起，個汁幾特別，厚厚蝦餅點汁後無咁膩泰式鮮蝦金柚子沙律🥗份量幾多，成座山咁高，蝦既數量都算多重叫左金邊粉、豬手、通菜、烤豬頸肉、咖喱羊、薄餅😋最後埋單$978

星期六落大雨，近近地係apm食個lunch, 被餐廳門口既2人套餐吸引左入去，餐廳座位寬敞，坐得幾舒適嘅，但食物水準真係強差人意二人套餐約$280包括：🎃南瓜湯味道好似嘔吐物😫我飲左一啖就放棄咗1. 蒜蓉牛肉雞翼—>轉左做2件蝦餅蝦餅味道算係正常，但個酸辣醬汁勁奇怪，又稀2. 越南粉卷塊皮厚、餡料亦好一般，得雜菜絲同一隻蝦3. 咖喱雞雞肉十分老，孩十十，薯仔又酸酸地，似係變壞左4. 炒雜菜個芥蘭離奇地苦，成碟野菇係最好味5. 香茅雞翼肉質好硬好實，雞翼上鋪滿蔥...賣相同味道都好差6. 紅豆芒果糕配搭好獨特，味道一般總結：呢一餐係食過最差既泰越式菜...一定冇下次圖片為我地食剩既野食，唔想浪費，但真係擺唔落口

四個人去食每人204，除咗途中食物之外另外叫咗三杯嘢飲。因為有共同抗疫半價優惠，個菜單上面寫有呢個係80幾蚊，但係最後買單嘅時候發現佢用正價價錢+10%服務費。最後變咗$108。我覺得呢樣嘢好陰森，有啲賤。蝦你睇唔到就收貴少少。食物方面都算幾大碟，啲豬手好林，會幫你切好上件。農夫包睇落去好吸引但係一切落去就知道瀨晒嘢。把刀吉都得唔入，個皮超級硬，就算點左汁之後都會好”銀”好難咬。一啲都唔好食。但係個軟殼蟹算係唔錯，起碼都有小小肉，唔係剩係得層皮。扎肉春卷雖然有個汁可以點但係其實整體來講都係冇乜味，有咩特色可言。可以唔使叫炒金邊粉都幾好食，側邊仲有啲花生碎可以撈埋一齊個海南雞都算幾滑，除咗呢樣野冇咩可以講😂🤷🏻‍♀️我嗰陣時仲要係夜晚最繁忙嘅時間(7:00)去等位，大概等左5分鐘就會有位。上菜速度都幾快。侍應會不停咁觀察你飲水速度好願意幫你不停加水。(檸檬水)

星期六要去觀塘買電腦用品，行完一輪好肚餓，想食菠蘿炒飯、芒果糯米飯！記起APM有間泰國菜，於是gogogo!因為疫情關係，坐得疏左，環境幾舒服，等左一陣就有位！菠蘿炒飯成個菠蘿上，外觀好靚，材料有🐔粒、腰果、肉鬆、新鮮菠蘿，炒飯都唔錯！再叫左一個黃白黑芒果糯米飯做甜品，十分好味！重點系黑白糯米熱lat lat, 芒果雪糕凍冰冰，芒果新鮮好甜，再加多一pat椰漿，好好味呀，真是想叫多碟呀！下次會約朋友去食，一人一碟！