御滿屋日本料理

營業中

休息中

荃灣大鴻輝中心有好多不同種類嘅餐廳，今晚冇食午餐好肚餓，所以決定試吓喺10樓嘅「御滿屋日本料理」。而家可以經inline網上訂位，方便度更勝之前。餐廳主打日式放題，今次試咗佢哋最平嘅套餐，性價極高，下次一定要試吓高級啲嘅套餐。餐廳設有小食區，飲品區和甜品區，全部都係任飲任食。小食和飲品種類繁多，有我最鍾意嘅八爪魚仔，海帶，響螺和海蜇，而且連日本清酒都係任飲。雖然我哋今次揀咗最平嘅套餐，但食物種類都好多。刺身我哋叫咗帶子、甜蝦、阿根廷赤蝦、泰式生蝦、希靈魚、北寄貝、油甘魚、三文魚、八爪魚、松葉蟹棒，還有我最鍾意嘅劍魚，而家劍如唔係好多地方都有得食。刺身有冰承載着，確保新鮮，值得一讚。我哋仲叫咗燒左口魚壽司，芥末八爪魚軍艦，和花之戀。而最令我驚喜就係呢個價錢居然有海膽手卷。食完刺身，當然要試吓佢哋嘅燒物，今次叫咗燒羊架，串燒牛舌，鹽燒比目魚、燒雞翼和燒生蠔。火喉控制得好好，最欣賞係比目魚，Encore咗幾次。L除咗日式，原來仲有中式食物，叫咗個薑蔥炒蟹，蟹肉羹，估唔到都好高質素。甜品區裏面有好多種類嘅雪糕，居然有Movenpick 和Häagen-Dazs，食埋甜品真係超滿足。

又嚟到荃灣依間「御滿屋」食放題，今次多咗D唔同款式嘅甜品可以試下，蜂蜜蛋糕同伯爵茶布丁燒都令我忍唔住encore食咗各五、六件，壽司、刺身、熱食等等都依然維持到水準。*此餐廳收取加一服務費。五六日假期A組合放題成人晚市自選2小時（兩人$616），刺身，帶子、阿根廷赤蝦、赤貝、泰式生蝦、希靈魚、北寄貝、角螺、油甘魚、劍魚腩、甜蝦、八爪魚、挪威三文魚、鮑片、松葉蟹棒，食落好新鮮。蒜蓉燒生蠔（跟餐$0），表面鋪滿金銀蒜、指天椒，生蠔味道鮮甜，食落好Juicy。日式炒蜆（跟餐$0），蜆肉肉質飽滿，食落有鮮味，加入指天椒、蒜蓉、彩椒、香蔥炒製，味道類似大排檔裏食到嘅香辣醬爆炒蜆，食落好惹味。鹽燒海蝦（跟餐$0），肉質爽口，味道鹹鮮。竹笙瑤柱蟹肉羹（跟餐$0），口感濃稠，略嫌瑤柱、蟹肉份量少，食落比較細碎，味道類似碗仔翅。海膽魷魚軍艦（跟餐$0），表面鋪滿海膽醬，魷魚口感爽脆。蜂蜜蛋糕（跟餐$0），口感鬆軟，味道清甜。伯爵茶千層蛋糕（跟餐$0），略嫌蛋糕分層口感比較厚實，茶味濃度6分，略嫌味道偏甜。伯爵茶布丁燒（跟餐$0），表面鋪滿日式芝士蛋糕，味道鹹香，底部為伯爵茶布丁口感濕潤，茶味濃度8分，整

12月26號中午去到門口，先知話係特別日子，B plan要388再加一，由開始食到埋單都無7成客。刺身叫左鮟康魚肝等左一個鐘先黎。餐廳話必食既三味生蠔杯唔供應又唔講，凍鮮奶桃膠雪燕又無又唔講，榴槤冰糖雪燕榴蓮飄香都係冇架。個脆皮紅燒乳鴿王得層皮，有相為証，啲肉小得可憐，唔知以為食緊片皮鴿。睇youtube話自助區有麵包蟹，去到好失望，因為冇。蒸蠔同蒸扇貝上到枱得5毫子size咁大粒，拖羅第一次黎個啲仲要有好多筋咬唔開，果然圖片真係只供參考，智商稅。

好多刺身唔新鮮 尤其甜蝦同赤蝦完全無味熟食叫做好過刺身少少鵝肝又係唔知想點 又係淡茂茂😂如果一早知咁難食 就唔會加錢比最貴個套啲野食出餐等得耐 又成日漏洞食物質素真心麻麻完全唔值呢個價錢邊個去邊個中伏 我寫包單唔會再黎 因為真係完全唔值呢個價錢

今晚到荃灣吃放題。這間御滿屋環境寬敞，坐得舒適。一進門便能看到琳瑯滿目的飲品、甜品和凍海鮮選擇，包括各式汽水、啤酒和茶飲，食物應有盡有。自助取餐區自助餐區分為小食、飲品和甜品區。前菜和小食有多款選擇，炸餃子，沙律的章魚小丸子等等，湯類、熱葷、點心、冷盤海鮮、生果、軟雪糕、Haagen-Dazs及 Movenpick 雪糕任食。飲品有各款啤酒、紅酒、白酒，清酒及梅酒等，還有一些特製mocktail ，賣相和味道俱佳。刺身及壽司刺身和壽司的種類繁多，質素上乘。有三文魚，甜蝦，帶子，劍魚腩，油甘魚，大赤蝦，鮑片，赤貝，角螺，北奇貝，蟹棒，八爪魚，希靈魚同泰式生蝦，冰鎮上枱十分新鮮、三文魚肥美，大赤蝦彈牙，赤貝爽脆，帶子鮮甜，食材新鮮，味道鮮味。海鮮特色這裡的海鮮極具特色，最特別的是有三味生蠔、極品魚子醬、滿屋海膽杯、鮟鱇魚肝、三文魚子黑松露魚生杯、冰鎮新鮮阿根廷大蝦砂帶子等。不是每間放題餐廳都有的，所以非常特別，而且全部食材都很新鮮美味。其他菜色我們還點了一些特別的菜式如佛跳牆、蟹肉魚翅羹、泰式酸辣醬鮑魚、黃金蒜蓉熟蠔、鐵板西冷牛扒、鰻魚及雞軟骨等，風味獨特，讓人感受到日式放題的魅力，一個大

期待咗好耐，約埋朋友一齊去食荃灣大鴻輝嘅御滿屋，現場環境寬敞舒適，食物方面亦好有質素👍店員亦好有禮貌，上菜速度亦都超快！刺身、壽司、手卷好新鮮出色：整個刺身拼盤都非常新鮮，有多款刺身選擇：三文魚腩（好肥美）、油甘魚、赤蝦和長腳蟹等。海膽手卷好creamy，入口即溶，超高質。火炙壽司亦都係必食推介，例如火炙三文魚及左口魚壽司真係回味無窮！燒物及天婦羅恰到好處：非常推薦鹽燒牛舌（非常嫩滑）、雞軟骨串、西京燒比目魚。所有燒物的都能夠鎖住肉汁，肉質鮮嫩多汁。天婦羅炸漿夠薄夠脆，能夠保持著食材的鮮味，尤其推介大蝦天婦羅，肉質豐盈，過足口癮。鐵板及小食令人眼前一亮：冷鮑魚有彈性咬口，配酸辣醬汁，非常醒胃，可中和油膩。鐵板紐西蘭西冷牛扒經過烹調後保持了肉質的嫩滑，配上黑椒汁，非常惹味。自助吧選擇多元化：自助吧供應多款美食，包括炸薯條、麻辣豬耳、香炸雞塊及燜牛腩等，應有盡有。仲有各種飲料及甜品，特飲美常好飲，非常適合炎炎夏日解渴，還有海鹽軟雪糕，透心涼好味。仲有各款蛋糕甜品，一定可以滿足你嘅口味。總結，呢間日式放題非常高質！餐廳提供非常多款式，且高品質的食物選擇，加上地理位置方便，鄰近荃灣市中心，係一

平台有優惠買了A餐，先點魚生，鮮味和柔軟度一般，擺盤打卡不錯，之後點花膠，鮑魚，帶子和燒蠔，食材本身較硬身，跟着煱物海鮮煱、海鮮粥和卜卜蜆好足料，味道不錯。最後甜品完全唔好食，有HD雪糕和韓國雪條算係咁。最唔掂係個中湯完全無味。不過以優惠價算係咁。

繼上次五月今次又再食放題，實際上畀我有一個好大的驚喜，以前abcd四餐，現在縮減為ab餐(B=以前的A-D)而且多了一些不錯的食物，最新奇的是居然有乳鴿、魚子醬，不是說有多好吃但當某一刻魚子醬和拖羅一起上桌，一時間以為在吃什麼貴價餐廳，這叫門面...另外個人最喜歡吃的蟹腳(松葉蟹)，由以前的C餐降為A餐，若果不是想試下其他玩意，今次其實a餐就夠，另外，送了半隻芝士焗龍蝦，不過今天已經是公開優惠期的最後一日了。食物什麼的有吃的基本都在相片中，總結來說個人比較喜歡他這次變相減價，星期六午餐368加一，約等於以前的500-600加一。而且實際上，以前什麼中拖羅大拖羅，反正不太喜歡，油脂較多。話說openrice又send什麼未能刊登，搞到都唔想寫食評了...

本人選擇B餐兩位，可以放得落口嘅菜式只有：蒜蓉帶子、鵝肝、刺身，完。其他菜式：佛跳牆、天婦羅、蠔、飽魚、比目魚⋯⋯係冇乜味，連本身食材味道都冇，佢哋嘅自家飲品唔好飲太甜，飲品顏色就係靚嘅。唔明白點解啲留言會寫到咁好，仲要係一啲缺點都冇，唔係呱，啲人真係覺得好好食？抑或⋯⋯就不得而知啦，我同朋友覺得咁嘅價錢好唔抵得，不過講真現場嘅客人好似真心覺得好食，或者我哋唔識欣賞。最後服務態度係冇乜，又要趕收枱趕收錢⋯粗聲粗氣⋯唉！

荃灣大鴻輝中心係食放題嘅天堂🍣🐙🦐，作為曾經嘅荃灣友，我今日同朋友嚟到10樓嘅御滿屋日本料理，踏入餐廳就感受到濃厚日式風情，職員好親切招待，而家仲新增咗網上訂位服務，非常方便。小食，甜品和飲品等全部都係任飲任食㗎。連最新嘅häagen-dazs雪糕，日本清酒都有，魚生等食材非常新鮮，同大家推薦幾款必試嘅美食！🤤🐙 八爪魚嚼勁十足，但唔會太硬，配上Wasabi同埋豉油，鮮味出曬嚟！👍🐟 希靈魚入口即溶，充滿油香，非常滿足！同時魚味濃郁，無需太多調味都非常美味。柚子醋花海蜇清新嘅柚子醋味同海蜇爽脆嘅口感，食落去有種好refreshing嘅感覺！🥒🍋🦐 阿根廷赤蝦蝦肉肥美彈牙，鮮甜味濃，完美突顯咗赤蝦嘅原汁原味！無論生食定燒製都非常適合。🦪 北海道帶子刺身刺身超級滑溜，每一口都充滿海洋氣息，濃厚嘅帶子鮮味簡直無法抗拒！🔥🐚 赤貝新鮮到無朋友！鮮味濃郁又唔會有腥味，口感獨特，有啲微微嘅脆口，好正！🍤 甜蝦呢款甜蝦簡直係海鮮愛好者嘅夢幻，鮮甜多汁，令人回味無窮！😋🐠 蜜柑真鯛壽司帶有蜜柑清香，淡淡嘅甜味與鯛魚壽司融合一體，真係意想不到嘅清新組合！🍊🍣🍣 芝士厚切鰻魚玉子燒濃厚嘅芝士味同滑嫩嘅玉子

從來唔會對日式放題嘅食物質素有任何期望，但御滿屋真係令我喜出望外。滿屋早前改名為御滿屋，旺角、荃灣、大埔都有分店，我今日試荃灣午市放題。放題分幾個級數，我食最平嘅A餐，$238，中午十二點開店，可以食到三點落場為止。諗住最平嗰餐一定冇嘢好食，點知就算係最低消，食物選擇到極之豐富。🐟魚生非常新鮮，🦐赤蝦更加可以用大隻來形容，蝦頭超多膏。加$10可以加一隻大閘蟹🦀雖然係細細隻不過都有蟹膏、鮮甜，十蚊真係超值。依家仲免費升級🇲🇾馬來西亞燒榴槤任叫任食，而且叫咗好多轉全部香甜多肉，真係淨食榴槤都回本。另外仲有燒羊架、紐西蘭西冷、燒乳鴿、煎比目魚、燒牛舌等，全部高質。壽司卷物就正常發揮，火炙焦糖三文魚甜甜哋好味。自助區仲有麻辣小龍蝦，好受歡迎。呢個價錢已經包清酒啤酒梅酒等任飲。連🍨häagen-dazs同movenpick雪糕都係任食。出菜快、收碟快、食物賣相靚、永無扣單漏單、服務好、環境舒適，我畀御滿屋滿分。

荃灣大鴻輝真喺好多款美食！今次晏就去食日式放題🤩🤩 估唔到有齊3大牌子雪糕🍦連我哋臨走個陣都仲有好多人入座！入座後會喺用QR code 落單，而外面自助區都有好多款前菜、炸物、咖哩牛腩同同湯刺身有三文魚油甘魚希靈魚螺片包片甜蝦赤蝦帶子，壽司都有左口魚壽司火炙鰻魚花之戀鰻魚芝士卷卷物，海膽手卷，燃燒物方便更加多款式啊，牛舌牛扒博燒牛肉、雞軟骨包括有南瓜天婦羅蟹棒天婦羅再慢慢估唔到嘅係竟然有齊三個大牌子嘅雪糕🍧大驚喜喺H牌M牌D 牌都有齊🤩🤩

一入到門口已經有小小唔知乜味 令人感覺唔係好好 之後入到啲侍應態度都唔係咁好 一開始落唔到單 佢叫我哋用微信scan咁先落到 唔係個個香港人都用微信 之後食壽司又食到入面有蟹殼 個待應收起啲嘢嗰陣直接掉啲盤入㗎車 重點係佢掉嗰下啲汁彈到我隻腳 總之成個體驗都好差 完全唔會想再嚟

又來到荃灣的放題天地，每幾個月總會光顧一次，這次來到發現餐廳午餐也有日本清酒提供，會飲的就大愛了入座前先經過飲品櫃，種類真的非常多，茶，汽水，紙包，外國的，啤酒也不同款牌子，而且還有熱飲品機，即按即沖的，光是喝已經大滿足對面就是甜品櫃，全都份量小小的，非常適合想多試不同款式味道的我，曲奇，蛋糕，甜品杯，西餅等等任取，後面還有大大的雪糕櫃啊，甜品控不能錯過這次選了A餐，可以選的種類也不少，看我點了這些也是美味的啊雞軟骨，粟米，蜆，花膠，燒菠蘿，薄燒牛肉，牛扒，避風塘炒蟹，雞翅，軍艦等等，不能盡錄原來餐廳可以用新inline網上訂位，吃完已經期待下次再來光顧了呢📍御滿屋日本料理 (荃灣)荃灣眾安街55號大鴻輝(荃灣)中心10樓

今日去咗荃灣御滿屋日本料理食飯👍坐落喺荃灣大鴻輝中心，超方便🚆首先講吓佢哋嘅壽司類啦，海膽手卷嘅海膽新鮮到爆，簡直係口感嘅極致享受🤤。花之戀同龍蝦三色塔都係必試嘅選擇🌸🦞，牛油果蟹肉他他嘅味道夠鮮美🥑🦀。三文魚壽司同馬刀貝壽司都好吸引人🐟🐚，龍蝦膏赤蝦壽司嘅質感一流🦐，劍魚腩壽司同蜜柑真鯛壽司都好特別🍊🐟。芝士飛魚子車海老壽司就係芝士控嘅最愛🧀🐟，火炙三文魚壽司嘅香味撲鼻🔥🐟。特濃芝士醬燒皇帝蟹棒壽司同火炙海鰻壽司都好高質素🦀🐉，特濃芝士燒醬牛肉壽司同火炙醬燒蠔壽司味道濃郁🐄🦪。鹽燒左口魚邊壽司同芝士鰻魚卷勁肥美🧂🍣刺身類就更加唔使講，角螺刺身, 北寄貝, 鮑片同赤貝新鮮得嚟口感又好🐚，甜蝦同帶子都係海鮮愛好者嘅天堂🍤🐚。松葉蟹棒同阿根廷赤蝦都係質素一流🦀🦐，希靈魚同八爪魚刺身都好有特色🐟🐙油甘魚同劍魚腩都係好味嘅選擇🐟。御•泰の味冷鮑魚同挪威三文魚都係必試🐟燒物類都唔遜色，蒲燒鰻魚嘅味道正宗🐉，燒紐西蘭羊鞍嘅肉質嫩滑🐑。西京比目魚嘅味道細膩🐟，鹽燒牛舌嘅口感獨特🐄。芝麻雞翼同鹽燒雞軟骨都係送酒好選擇🍗🍺，燒有機菠蘿嘅甜味剛剛好🍍。芝士咖喱肉醬玉子燒就係創意滿分🧀🍛天婦羅方面，帝王蟹棒