復興牛什魚蛋

營業中

休息中

復興牛雜米粉 🍜復興牛雜米粉真係一個好驚喜嘅發現！打開個外賣見到一大碗碗嘅米粉，份量真係多得驚人，完全冇俾人打折！米粉煮得剛好，柔韌有勁，食落去口感好正。最正係佢嘅牛雜，牛腩同牛肚都煮得恰到好處，唔會過老，咬落去有肉汁流出！而且，佢哋嘅辣椒油真係一絕！一啲都唔辣過頭，反而係有啲香氣，令到整碗米粉味道提升好多。搭配上蔥花，味道更加豐富，簡直係無敵！👍不過，唯一可惜就係呢間店喺街市入面，環境就唔算靚，有啲擠迫！如果你鍾意米粉或者牛雜，絕對唔可以錯過呢一碗！ 🍜❤️

今天突然就很想吃牛三宝，于是来到了这家店，从UNY的电梯下去右手边就是。姐姐人挺好的，当时没什么座位了，正想坐在一个阿公旁边，姐姐给我使了一个颜色，带我坐到了另一边，我才注意到阿公四周的人都离他远远的，也不知道怎么回事。唉，虽然隔了一段距离，但是阿公擦了很重的风油精有点影响食物的味道。🌟牛七宝 49太对了，就是想吃到的那个味！料给的特别足！就是幼面略少。汤底也有个老生常谈的问题：太咸，吃完之后得连喝几大杯水。🌟鱼皮 10鱼皮很大，很脆，也很咸，真的太咸了menu在桌子底下，还有另外的常餐菜单，筷子有点不太干净，因为在街市旁边，还闻到了消毒水的味道…等等的其他味道，所以说是皱着眉头吃完的。价格很平（无加一），味道非常好，环境和卫生还有待改善。

今日過嚟依度，先將車停泊係車埸，然後塔電梯上商場，商場大，逛一逛，有酒樓可以飲茶、不過今日一個人自己食，就簡茶餐廳，好幾間餐廳都唔啱心水，最後行下行下見到「復興」行近睇吓餐牌，「啱食」於是我就入咗嚟！入咗舖原來佢有2層座位，我就行上層（其實係地面😑）坐低就有樓面「姐姐」主動問食咩，我問咗好多野，姐姐都一一解答我（問題少年」語氣態度好好，而且帶住微笑，最後我簡好餐，姐姐就向我重複一次我既餐，然後就出單俾我，再次提示我「對一對，睇吓啱唔啱！」真係好！🤭叫做乜嘢：「牛扒+腸仔+熟旦+公仔面+熱嘅即磨咖啡」真係冇諗過個餐既牛扒都大舊wo 而且唔係薄，入味好味喎👍！至於依個餐既價錢真係好抵，真係大眾化價錢👍食完行去埋單時，用八達通俾錢，姐姐就問我要唔要單去換泊車優惠，姐姐好好人真係好醒目，原來她見到我八達通扣左係車匙度，我當然二話不說話「要」姐姐即刻幫手印單出嚟，然後同我講去邊換泊車優惠（好詳細呀）🤗👍👍總結：餐牌價錢吸引，又有車飛，姐姐友善、醒目又有禮貌！

住係呢區咁耐 除咗早幾年前食過幾次早餐之後都好小黎呢間野食早餐 今日諗住試吓個早餐 點知好有驚喜😱😱😱首先係 服務員落單 佢問你食乜 佢邊聽邊寫 有本事對住自己寫嘅野都會錯 再重複講多次 佢又會再跟自己寫嘅野講多次 即係又錯🤦‍♂️ 第二 當日早餐 我後面3張枱嘅野都分別送錯晒 炒蛋變太陽蛋 麵就比咗米粉 亂晒龍第三 服務員態度好差 自己錯就過人地講唔清楚 有個服務員仲勁 一心二用 邊落單邊聽電話落外賣 攪到堂食落單嗰位客人重複要講咗4次先完成個落單程序😤😤😤 人地都講到唔耐煩 仲好意思話返d客😡😡😡食物就唔好講 因為一般嘅早餐快餐 來來去去都係嗰d野 不過係想講吓 早餐連個方包都仲係乾嘅 你又點會食落肚 杯凍奶茶仲衰 一d茶味都冇 係凍奶水就真 我飲咗兩啖都停口🙅‍♂️🙅‍♂️🙅‍♂️真心覺得佢早d收檔 唔好晒咗d食物👎👎👎

餐廳一半舖位一半商場內露天，座位有限，價錢算實惠五香牛腩麵 $33呢個價錢係合理，牛腩份旺角份量多，而且唔係牛肋條扮牛腩，肉質唔會柴，好香好鬆化五香牛什河 $ 33牛什足料，每枝都差唔多兩件起，全部好食無腥味，麵底份量多呢檔係好食抵食，食牛腩粉麵呢間真係唔錯，區內又唔多，服務就唔好有要求，始終都係一間麵檔而已，車仔麵服務

一個早上，前往新都城二期地下復興牛腩店，選購外賣一碗牛腩麵。 回家開啟外賣盒，細看上盒擺放之牛腩表面並沒有異常。  但當將牛腩肉放入麵中準備食用，用筷子夾上牛腩肉，方能只見表面黏有少許肉塊，及後反轉牛腩肉底部，才見牛腩肉下面僅僅滿是肥油脂肪，而牛腩肉黏附之肉少之又少，只有薄薄少許。 真難相信能有如此騙人外賣手法，營商手法實在十分卑劣。敬告其他客戶，如欲購買，必須即場小心檢查為上。令本人並不能再有信心再次光顧！

第一次興致勃勃地與老伴投入接連新都城街市的「復興」粉麵專門店嚐鮮去，其食物質素還可，然而服務卻是強差人意。以為經歷上回的體驗「復興」將會被打入冷宮？誰不知在數週後的中午，倆小口子假日起床腸肚空空，老伴居然提意再次光顧餐廳來。何解「復興」這粗蠻式的態度竟可留得住老伴的心？或許是因為小的之童年回憶都喜歡吃牛什河，而不好內臟的老伴卻能在餐廳找到他最鐘情的碟頭飯。相對而言「復興」之價目也不算貴，咱們又可各取所需，是故老伴一再提起。從新都城二期商場穿過百佳超市，再沿電梯下降至地下接連菜市場的位置，「復興」粉麵店就在此處。咱們到甫時該已過了繁忙的午膳時段，不過做粉麵茶餐廳的就是有這道好，無論何時何刻都可吸引人流，早餐、中午飯、下午茶，及至晚膳來個簡單的料理也可。而且茶記之流轉非常快，一個小時隨時可翻兩三檯食客，只要勤奮地密密做，生意興隆袋袋平安。然而這些血汗錢，沒有超常的魄力與拚勁，也非是人人也賺得來。在這人流較為疏落的時段，咱們可自行找個空檔子入座。上回見過穿橙色風衣那個只負責帶位與清理杯盤的職員依舊渾渾噩噩無所事事地獃在餐廳接連商場的處所。「復興」有一個讓小的非常欣賞的地方，就是她們的自助水站

＄31起跳既中餐，相比周圍，其實真係扺。 而且重點係，食完真係覺得飽。 熱鴦走，濃d。樓面姐姐就問係咪多啡，同鴦走即係落煉奶。姐姐好nice。，好貼心，一d都唔惡。 沙嗲牛肉唔錯，肉質軟熟，入味，唔辣。佢既潮州辣椒油幾好味。腸仔&餐肉正常，但食落口係熱既，送河粉，送多士都得。

魚旦彈牙，魚片切到太薄完全無口感食唔到味道。河粉也不是太順滑。最大問題係湯底，其實同熱滾水無分別，因為連咸味都無。係勁肚餓情況下，都最後係靠辣椒油先食到大半碗。服務就無咩要求啦，不過不失啦。

放假總會很晏起身 通常前一晚知道第2日放假都會用盡時間去煲下劇， 執屋 或者俾啲私人時間自己 咁放假收相一定會訓到自然醒， 醒都唔一定要起會想繼續攤 🤣🤣 起身一定係去搵野食 ， 同埋第一餐都唔會食得太多野， 咁一定會楝湯粉類別咁今次同呀哥齊齊去食下牛肚河， 呢間都成日幫襯， 其實每次去親都係等1，2 張先有， 不過食呢啲都會食完就閃呢間係拍得住以前係觀塘牛肚河既味道， 但可惜既係 觀塘果幾間拆左， 但個味仍在我心中， 好彩我都算有口福， 呢間都算係幾好，米線拉麵過後 ，次選就係河粉 呢間啲河粉好新鮮， 幾好架 ， 牛丸都正常水準

呢間魚蛋粉好多人幫襯，位置近街市，所以都好多人出出入入，而且座位少，可以話難搵位。不過佢開放式設計，空鄺又唔流通牛腩米，湯底好香，係油多左少少，同埋唔會搭條菜，但係主角牛腩質素高，半肥瘦，肉質唔會鞋同靭，因為有啲餐廳用牛肋條扮牛腩，變左肉質會因為炆得耐而柴。$32碗我對佢冇要求，不過佢已經比到好高質出品，所以我係會再幫襯價錢大部分單餸嘅粉麵都係$32-34，佢另外有午餐飯類，好似梅菜扣肉飯呢啲就$4-50

新都城商場最近多咗好多餐廳，但係好多間都係一啲連鎖嘅大集團開嘅，而喺商場地下呢個位置就開咗間粉麵店，成日經過都見到好多人，所以今日就決定試吓。基本上一般粉面店可以食到嘅呢度都會有，咁今日呢我就試咗個➡️ 牛腩河粉，牛腩比得好慷慨。牛腩夠淋夠入味，而且河粉份量都幾多，咁嘅價錢有咁嘅份量，都算唔錯！➡️ 炸魚皮份量都算多，而且炸得好脆好好味，就咁食個炸魚皮都已經飽啦！至於個➡️ 炸魚片米粉，不過不失啦！復興牛什魚蛋地址📍: 將軍澳欣景路8號尚鮮市場地下M107號舖.............................. 味道😋: ⭐⭐⭐💫環境👀: ⭐⭐💫服務👨🏻‍🍳: ⭐⭐⭐抵食💰: ⭐⭐⭐⭐

做完 一天工作但又不想吃飯的時候， 在這邊吃過好吃的 水餃 加油菜， 就是 既健康又美味的外食選擇!水餃份量十足 足足是一個 雲吞的兩倍 內含的 蝦及木耳均十分爽口 再加個菜心全走 確實是 令每天 辛勞工作回來 的一個動力添加劑!

做完 一天工作但又不想吃飯的時候， 在這邊吃過好吃的 水餃 加油菜， 就是 既健康又美味的外食選擇!在已經很攰的時候吃上一碗 有如乒乓波一樣大的水餃， 內裏的木耳 及蝦均爽口彈牙， 再加上 一碟 全走的 菜心， 活活就是一個 活力添加劑!

寶琳嘅新都城商場，大多數都係一啲連鎖大集團食店，新裝修好嘅新都城街市，隔離旁邊就開咗間潮式粉麵店，見到成日都好多人幫襯，質素應該都唔錯。今日行經過去買餸，就決定去試下，醫飽個肚。叫咗一客炸魚皮同埋墨魚鬚河粉，價錢都係40零蚊，都尚算可以。魚皮炸得好香好脆，好好食，冇油益味。墨魚鬚夠大粒，不過份量就少啲，唔太夠喉，河分都算滑。整體而言，街坊小店呢個質素都ok，價錢亦都唔算太貴，不過坐位就唔算太舒服，又要同隔離枱搭枱坐埋一齊，其實都幾逼，加上個位冇乜冷氣，夏天食嘅時候就會有啲熱。