微辣大排檔 (已結業)

終於終於黎到試佢啦 好野✌🏻入到去已經比裝修吸引住❤️❤️分左唔同區，有微辣士多、微辣娛樂場等今次我就坐娛樂場果面 張台好搞笑🤣🤣🤣有麻雀做台面其他都有打卡位好啦 開餐！飲勝🍻必點之選～懷舊蟹膏蝦多士淨食蝦多士已經好好味蝦肉好彈牙而且唔油配埋蟹籽蟹膏，層次更加豐富少少貼士，記得將啲蟹籽蟹膏攪拌會更加好味 必點之選～咪走雞一上枱比佢個外型好吸引，好似以前認識嘅Angry Birds咁 好得意呀店員會預備一啲酒然後點火再淋落雞上面等火熄左就可以食啦店好貼心咁準備左手套、鉸剪、鉗方便我哋食打開荷葉之後，雞入面仲包住啲金針、雲耳、梅菜好豐富呀 雞肉好幼嫩再點埋米酒汁簡直係絕配🤤🤤🤤🤤🤤打於之選～發記大香腸完全俾佢個外型深深吸引覺得佢係似紅腸，然後加咗啲黑椒喺入邊都係好彈牙啦 口感一流同時可以自己剪番啱自己嘅大細適用厚切有得薄切都得椒絲腐乳通菜 炒得好有鑊氣，份量都好大碟 一個字！ 正！整體份量都好大足料同埋都好適合一大班朋友嚟一齊打卡食飯

成日經過碌IG見到人哋啲打卡相好靚，食物又吸引，今次終於有機會同朋友嚟食喇。餐廳每個位置嘅裝潢擺設都好有心思，隨便一影都可以呃like懷舊蟹膏蝦多士睇到啲蟹膏蟹子都知正，啖啖鹹香，鮮味十足；蝦多士即叫即炸，外層嘅多士酥脆香口，中間嘅蝦膠扎實彈牙，撈埋啲蟹膏一齊大啖大啖噉食，真係鮮上加鮮。發記大香腸條大香腸原條吊住上，蜜汁好香，唔使點醬都好惹味。咪走雞用個好得意嘅大煲上檯，職員即場倒啲米酒再點火，一路睇表演，一路聞住濃濃嘅米酒香食落雞肉嫩滑，酒味之中又帶有淡淡嘅荷葉香；雞入面釀咗啲雲耳、蔥頭同金針等嘅材料，無論味道定口感都非常豐富。椒絲腐乳通菜食咗咁多肉，梗係要叫返個菜～碟通菜勁大碟，炒得夠鑊氣，好食。

微辣大排檔 沙田🦀️懷舊蟹膏蝦多士蟹膏份量好足,蝦多士炸得好酥脆, 點蟹膏食一流🐔米酒雞上菜嘅時候會點火,效果好驚艷,雞肉超級冧, 一夾就開, 好推薦! 另外份量亦好多, 2个人一定食唔曬, 建議多d人黎食🤣🥬腐乳炒通菜通菜好新鮮, 口感爽脆, 份量又係超級多, 但食唔到腐乳味😥🍖發記大香腸賣相好吸引, 食落就普普通通冇特別驚艷🧇北角雪糕格仔餅雖然黎到嘅時候雪糕已經溶左😢但格仔餅好好食! 口感煙韌, 味道唔會太甜, 超推薦

微辣嘅YouTube片就成日睇,反而佢哋嘅澳門過江龍—微辣大排檔就一直都未試過,次次夜少少去到都好多人等位,呢日終於可以見識下餐廳好有特色,坐嘅係麻雀檯,連隻杯都寫住飲勝,好有心思—————————————————————📍 微辣大排檔地址: 沙田沙田正街2-8號新城市廣場第三期2樓A216號舖✍🏻/食評/◍ 米酒雞 $249上檯後即刻點上隻雞,本身已經倒上米酒,昇華咗雞嘅味道,全隻雞用荷葉包住,雞入面仲有金針,雲耳等等,非常補血,餐廳提供咗較剪俾客人選擇手撕定逐件剪開!◍ 阿姜至愛 冰鎮素咕嚕肉 $109顏色鮮艷奪目,非常吸引,雖然係素咕嚕肉,但其實食唔出係素😂入面熱辣辣外層好冰涼,口感好特別！◍ Yelo咖喱大雜燴 $109話明大雜燴當然包羅萬有,咖喱辣度適中,入面有大量魚蛋,魷魚,豬皮同蘿蔔,全部都同咖喱好夾,個爐一直開住,唔使擔心好快凍曬◍ 北角雪糕格仔餅 $59雪糕球可以揀抹茶/士多啤梨,格仔餅係即叫即製,外脆內軟～

今日我哋揀左微辣大排檔同朋友慶祝生日🎂先講食物，最欣賞嘅都係「椒鹽九肚魚」‼️係我食過最啖啖肉、最大件嘅九肚魚好喇～～已經讚完了，輪到彈嘅時間👎🏻其他食物無咩特別，所謂必食「富貴雞」淨係得個🔥著火嘅震撼性當中嘅鮑魚、花膠、冬菇得2-3舊，而且味道反而比淋落去嘅酒蓋過哂啲味道，搞到酒味勁重，味道不算討好‼️至於隻雞亦係敗筆之處隻雞無咩味道，連雞嘅香味都無，所以真係唔知憑咩係必食推介🤦🏻‍♀️呢個水蟹粥味道好淡，完全冇水蟹嘅鮮甜味蟶子煮得唔夠爽彈，時間控制得唔夠好，有啲韌度‼️另外，我哋聽到侍應話last order，問我哋有冇嘢要加，我哋話有，要睇下先，睇左2分鐘都無，就即刻打算落單，點知佢嘅回應係：已經last左order了，無得加單😤💡其實一般我去食飯嘅經驗🤔侍應係同你講last order後，你話有野加，佢轉頭會主動再過嚟幫我哋落單的‼啲食物上得勁慢～～而且侍應人手又唔夠，叫極都無人應，拎支可樂，都要催幾次先到😫 加上又唔主動清碟，你上菜時見到無位放，而又有空碟，竟然都唔收碟喎‼️🌟今次呢餐飯後，搞到我朋友要即刻❌unfollow微辣‼️呢間完全係名多於實嘅大排檔～～

久聞微辣大牌檔，今日友人邀請一試，到底係商場入面都食到大牌檔係點呢？喺舖頭出面已經見到北角雞蛋仔，就算唔堂食都可以買到雞蛋仔。呢度裝修好有特色，連餐具都落足心思，好適合大家嚟打卡。今晚仲坐咗喺張麻雀枱上面，充滿情懷。我哋分別叫咗咪走雞(米酒雞)，懷舊蟹膏蝦多士，椒絲腐乳通菜同埋發記大香腸，將街頭小食同大牌檔風味融為一體。店員送上咪走雞嘅時候仲好貼心咁問下我哋需唔需要影相同拍片，用火再焗一焗隻雞，令到啲荷葉同酒氣更加香雞肉好嫩滑，根本可以唔使用較剪。另外釀喺雞肚入面嘅金針雲耳充滿咗雞肉嘅鮮味，正！蝦多士香脆可口，配上蟹膏蟹籽，鮮上加鮮，不過記得趁熱食，凍左會回油！最後淨係主菜都食到太飽，未有機會試到佢個雪糕雞蛋仔

知道微辣大排檔開咗好一段時間，因為男人係粉絲，決定帶佢黎打個卡。個名好好笑😆今次食咩由男人發板男人叫咗沙田友乳鴿：隻乳鴿個外皮燒得香脆，個肉質幾滑唔會霉，其實已經好入味唔使點都得。個底鋪咗蝦片。外型仲有個重磅上陣，勁有台型！食得大排檔男人都中意叫蠔餅：蠔餅炸得酥脆，會係酥化少少。份量大到食唔曬。男人仲叫咗個何伯爆屎渠（酥炸豬大腸），呢個賣相已經好有驚喜，酸甜汁灌係腸衣入面，侍應哥哥一幫佢剪開就噴出黎，場面都幾震撼。出奇地唔會油膩，同埋腸無異味！最後幾飽都叫咗個甜品雞蛋仔：士多啤梨雞蛋仔配牛奶雪糕：士多啤梨汁唔會藥水味，個雞蛋仔係海綿實心蛋糕feel，幾真材實料，熱既雞蛋仔跟雪糕同cream一冷一熱咁好正！記得好似60左右，好大份幾抵食！

聽友人講於沙田一田超市樓上開左一間懷舊款式😍既~微辣大排檔餐廳！！不用多說🤭！即刻用網上平台book 位啦！OH!!!NO!!!😑不設即日訂位！唯有用電話查詢能否即時訂位啦！done✔️ book 好時間！準時到！友人喺度睇餐牌既時候！不用多說緊喺手機📸停不了啦！ 環境🤩 食物🤗 招呼🈶️ 打咭🉐️ 但~性價比就不高

♧ 微辣大排檔雖然自己唔係微辣fans，但係都睇咗微辣大排檔好一段時間，亦都知道佢哋喺沙田新城市廣場開咗第一間嘅微辣大排檔實體店，一直都好想搵機會試吓，今日終於趁放工得閒過咗嚟試吓佢哋嘅小菜🤩♥︎咪走雞（$249）叫咗呢款原味嘅咪走雞，兩個人食其實有啲太多，但係一場嚟到又冇理由唔試吓呢款招牌菜式！果然係冇令到我哋失望，首先係上菜嘅時候用咗一個好可愛嘅雞陶瓷煲，一見到即刻好感度大增，之後仲會有專人幫隻雞點火，火光熊熊啱晒打卡！重點係啲雞嘅口感好腍啤啤，幾乎唔使用力都可以起到啲肉出嚟，而且仲有少少入口即溶嘅感覺！♥︎椒絲腐乳通菜（$99）通菜本身炒得好香，腐乳亦都好入味♥︎發記大香腸（$79）上菜嘅時候真係估唔到原來呢條香腸係吊起咁上，認真棧鬼！本身以為香腸冇乜特別，但係大大條嘅香腸點埋啲醬食都幾惹味♥︎懷舊蟹膏蝦多士（$129）呢個蝦多士本身炸得好香脆，亦都唔會食得出好重嘅油益味，上面嘅蝦肉同個多士完美融入。最出色嘅就係啲蟹膏，令到成個多士嘅感覺昇華左！@manner_daipaidong 💰人均消費$300

我同朋友都鍾意微辣，見佢哋開餐廳就一起去試下！我嗌咗碗牛雜薯粉，結果一上到嚟超大碗，完全兩人份量🤣🤣好彩有得幫我打包我覺得整體質素唔錯，如果薯粉粗身d會更加好味

What a surprisingly interesting restaurant in Sha Tin which offers good food😍 I enjoy the dinner so much. !!! We ate for 2.5 hrs… so jeng 😍 simple 大排擋 but the food is really nice.The decoration is good as well. Seems like the old Hong Kong 🇭🇰. I love the seats so much as well as the wallpaper.The is a signature dish ~ 米酒雞🐔 The staff really use fire 🔥 to fire the chicken 🐔 Yhe taste of alcohol is strong. The meat is 嫩😄Love this so much. The second dish is the shrimp 🍤 toast. It is crispy and t

本身想起沙田求其食d嘢 但係間間都多人 咁啱見到呢度少人所以入左黎 我就冇fans嘅filter 所以好誠實咁講，真係好難食 番茄滑蛋豬排飯 番茄汁勁甜 好似以前$38個d碟頭飯/兩送嘅汁 豬扒有d老 有d正常 成碟飯唯一正常係蛋老火湯好鹹 食完甜到hihi嘅番茄汁再飲個老火湯更加鹹 究竟加左幾多鹽可以鹹到咁？呢個餐盛惠88大元 環境係唔錯 服務就冇乜 喔所以我終於知道點解咁少人 平時都想大家一齊中伏我嘅心會好過d 但係咁嘅質素支持小店好過啦！

以前有睇微辣既短片，都知道佢地黎左香港開大排檔，不過就一直都冇時間去食，今次咁岩經過，就決定試下。首先，去一間食店最悶既就係等野食既時間。但係因為微辣自已既元素，佢每一度嘅裝修同飾品佈置都好有趣，而且透過所謂既名場面，都會讓人會心一笑，完全打發曬等食物既時間，幾好。其次，係食物方面，佢應該同左幾間有名既鋪頭聯成，所以質素應該都有保證。今次入去叫左個乾炒牛河午市套餐，包野飲同湯。個湯幾濃，不過略鹹。個牛河幾香，d色水都好靚，如果口味比較重既朋友應該都會覺得唔錯，最後杯餐飲叫左奶茶，幾滑，同幾香。總體黎講印象都唔錯，有機會都會再去試下

今日情人節，我地放工後打算食餐特別嘅平時食開西餐，今日想試下一直都想幫襯嘅，就係微辣大排檔一入到去最吸引我嘅，竟然係入面嘅水族館同埋麻雀館零舍特別佢哋有特別推出情人節套餐，而且限定仲非常有意思不過佢其實成日都非常吸引分鐘有大排檔嘅風味我哋先叫咗一隻原味嘅咪走雞，上菜嘅時候仲有火喺上邊燃燒用荷葉包住將佢嘅香味鎖係入面入面嘅醃料一啲都唔少，有雲耳、金針菜、黑蒜、大蒜…雞仲好有雞味，係真係鮮雞嘅味道而且10分鬆軟，唔使鉸剪都撕得開啖啖肉，真幸福！情人節當然唔少得仙氣十足嘅咕嚕肉用嘅乾冰將成部送喺上菜嘅時候升華到另一個層次令我忍唔住讚嘆廚師嘅威力咬落去先知，原來咕嚕肉係素食，整得真係非常神似其他菠蘿同埋青椒都好甜第三道餸係辣就辣，唔辣就唔辣嘅咖喱煲入面嘅食材有情比金堅嘅炸豬皮，再將魚肉打成魚蛋，放係感情咖喱上面，當然唔少得代表天長地久嘅蘿蔔好好味呀！豬皮好入咖喱味，而且蘿蔔都好新鮮而且個煲好大，絕對啱晒兩個人享用後我哋仲叫埋甜品，雪糕雞蛋仔格仔餅士多啤梨醬配埋忌廉，在放喺格仔餅上面，特別有澳門嘅風味，久違嘅味道，令我哋諗起過去嘅往事每次拍拖都會忍唔住喺街邊享用街頭小食，估唔到今日再一次呈現！唔

今日去到聞名已久的微辣大排檔食嘢，平時睇微辣的影片多，都想來一睹其風采。大排檔的裝修很有特色，很有地道風味，地方十分大，這次安排了我們入房座，房間設有幾座卡位，以港鐵的模式作裝修，海報（地鐵廣告）是微辣搞笑的圖片，十分討喜。系度食飯仲有有機會撞到微辣的藝人，當日我便撞到了唯唯在我旁邊食飯。米酒雞本店的招牌菜，酒香配上原隻雞十分美味，雞肉軟滑仲同酒香發配料既味道融合。咖哩大雜燴把平凡嘅咖哩魚蛋豬皮蘿蔔發揮至極，仲有魷魚做配料，十分入味。豬大腸造形滿分,一剪還會爆汁，可睇可食，十分有創意！飲料點了一杯枱枱都有既霍哥頂得住，十分大杯，啖啖沙冰，酸甜的十分爽口解渴。甜品是雪糕雞蛋仔，標明是北角雞蛋仔，十分有蛋味，看得出用料充足。新鮮整完上枱，冰熱兩食好正！