德國餐廳 (翠怡花園) (已搬遷) 新店位置

今晚收工去到太和揾餐廳醫肚，經過翠怡花園，見到呢間Das Bier, 就俾佢門口既豬手圖片吸引住左啦Das Bier 門面裝修好光猛新淨，而且有情調食物種類都幾多，選擇困難，不過豬手一定係必食店內面積吾算太大，不過座位都幾好坐，好岩一班朋友一齊黎佢地既防疫隔板，都幾有心思首先黎左啤酒先，好大杯呀，我酒量吾太好，所以兩個人飲就剛剛好呢個係墨西哥芝士薄餅，一拎上手熱辣辣，入面既芝士軟綿綿，食落去會有拉絲，再點埋醬汁，十分滿足主角出場啦，呢個德國咸豬手真係份量十足，外皮烤到金黃色，未食已經流晒口水。伴碟仲有酸菜同薯仔沙律睇真d, 連薯仔沙律既份量都係好多。食一啖薯蓉，十分軟滑，真係食吾停口。之後就要食豬手啦，一啖食落去就食到豬手既煙燻香味，肥瘦適中，而且好淋，一d都吾會韌。外皮脆卜卜，好香脆真係越食越欲罷不能，豬手有豐富既骨膠原，食完感覺特別有滿足感。食少少伴碟既酸菜，又可以減去油膩感今晚一路食豬手，一路飲啤酒，咁就過左好寫意既一個晚上

來到太和，一直好想試但未有機會，今天終於試到這間德國餐廳，重拾歐遊時的感覺。餐廳很貼心，提供電子餐牌避免接觸性傳染嘅風險，與時並進10分抵讚👍🏻👍🏻👍🏻。餐廳室內環境好舒適，有德國小屋嘅感覺。啤酒杯、德國國旗等小不免，餐廳亦播住柔和嘅外國音樂，氣氛一流。店員向我們介紹餐廳主打德國豬手和德國腸，都是德國名物。此外亦都有唔同嘅西式主食，甚至更有加入亞洲風情醬汁嘅德國腸，如印度咖喱、泰國冬陰功等fusion 配搭。先叫咗個餐湯，麵包夠熱夠軟夠香，忌廉湯是水準之內，先開一開胃。之後叫咗比較出名嘅德國腸，其中一款辣肉腸10分香口多汁，一咬落去肉質四溢，一試難忘。此外仲有大大小小嘅雞肉腸和豬肉腸，香脆嘅薯角和解嚟嘅酸椰菜鋪底，多人分享十分滋味。之後再叫了一個羊架，羊味足夠，羊架香口，肉又夠淋，配上香草薄荷醬，喜歡羊肉嘅你不可錯過。最後飲品叫了個好像啤酒既芝士奶蓋蜂蜜茶，芝士奶蓋香濃，配上淡淡蜂蜜茶，係食咁多肉類之下有解肥嘅作用，不錯不錯。

好耐冇食德國野，記得之前喺mikiki食過間唔錯既，原來喺太和都有分店，今晚就同男友過去食。餐廳喺條巷仔入面，但都唔算難搵，門面幾搶眼。餐牌係用QR code掃既，而家其實都唔太想掂人地用過既餐牌，咁樣掃完喺自己手機睇其實仲好。我地叫咗個$188既超級香腸拼盤同羊架做主食，再加湯同野飲。湯係正常質素既忌廉包，但跟埋嗰舊蒜蓉意大利包好好食，焗到好脆。香腸拼盤都幾大盤，呢度既酸椰菜係偏幼身既，同埋酸味唔太重，唔食慣酸椰菜既應該都易入口；腸仔最好味係深紅色短身嗰隻，脆皮之餘超級爆汁。羊架都煮得唔錯，好多肉汁，唔韌，香料入味之餘又保留少少羊肉既羶味，我覺得係平衡得幾好既。飲品方面我地share咗杯芝士奶蓋蜂蜜雪梨，茶味清淡，突出個海鹽芝士奶蓋既味，同埋呢杯野賣相都幾似啤酒，襯返呢間德國酒吧～

今日自己製造假期 去大埔吹吹海風行下行下行到呢間德國餐廳-Das Bier🇩🇪餐廳牆身係以磚堆砌同用木桶酒樽做裝飾成個感覺好有德國氣息呢～疫症關係 佢地改以電子餐牌減低風險首先來一個前菜西班牙風乾火腿配凱撒沙律爽脆清新的沙律菜配咸香的風乾火腿一改我對沙律太清淡的印象黎德國餐廳食豬手是常識吧😛價錢幾實惠 $218已經有大大隻豬手德國豬手有兩款1️⃣白豬手 2️⃣鹹豬手向來鐘意香口既我 當然揀脆卜卜既鹹豬手😋上菜既時候已經幫你切好哂外皮香脆可口 慢慢咀嚼豬皮會感受到佢豐富的膠質豬手配有酸菜同薯仔沙律 可以解一下膩另外再點了香草醬煙三文魚意粉輕拌意粉既時候 香味撲鼻香草醬味道特別下次希望可以試下佢地季節限定的藍青口😋

回想起對上一次食德國餐廳已經係幾年之前，所以今日襯休息上網搵左呢間位於大埔既德國餐廳。店內係德式餐廳設計，環境衞生，坐位寬闊。西班牙風乾火腿配凱撒沙律火腿既咸味配上沾滿沙律既沙律菜好夾，絕對係會越食越開胃，份量好多，好抵食香草醬煙肉三文魚意粉清新既香草醬配上乾身既意粉，煙三文魚調味剛剛好，如果不想吃太濃味，這個意粉是不錯的選擇👍🏻德國鹹豬手配酸菜及薯仔沙津黎到德國餐廳點可以唔食鹹豬手呢！份量非常厲害，大大隻鹹豬手，可以夠3至4個人食，豬手既皮好脆，豬手肉質唔油膩，睇menu得知佢做法原來以360度旋轉既方式，將多餘既油份同水份抽走，先做到呢種好食得黎，但唔會覺得佢油膩既效果，再配上甜甜地好好味既薯仔沙津，絕對係必食之選！

放工黎到太和既依間德國餐廳吃過休閑午餐今次前菜點左墨西哥粟米片配左一小份酸辣醬汁細細份等正餐上場前可以快快醫醫肚醒醒胃德國餐廳當然有主打既豬手啤酒同德國腸但係今次就點左一份特別少少既泰國風味香腸拼盤包左青咖喱同冬蔭公味道好似都係幾稀有既組合市場德國餐廳少見，不過味道都幾好又有新鮮感脆條腸既質地唔錯配上茄汁/黃芥末/酸菜就變成不同味道配搭仲有薯角，份量十足仲有一款黃咖哩香腸拼盤，今次得兩人用餐，食唔到咁多了，或者下次再來嘗試喜歡有新鮮感既德國腸推介一試餐廳位置唔多，木系裝修連落地玻璃可以在用餐時望望街景餐牌電子化，掃掃qr code就可以利用手機落單方便快捷職員服務用心到位，疫情期間提供酒精搓手液，享用美食前都要不忘衛生呢

隔左4年，同朋友聚餐再去食豬手，食物完全水準無變，豬手的皮仍然好脆，好好食，飲住啤酒食感覺好正，風乾火腿同蒜蓉包今次太好食，仲叫左兩客，大人同小朋友都食到抱住個肚返屋企，好飽

今日難得weekday放假，決定同媽媽去大埔行下。每次去大埔都係去一田，但明明太和大埔中間有好多美食，今日一於去睇下有咩好食。於是就搵到喱間隱藏既德國餐廳Das Bier!!可能因為時間尚早，入到去人客未算太多，係疫情之下，人少反而安心得多。餐廳環境唔錯，牆身係磚牆，配上啤酒筒裝飾，好有德國既味道。雖然只係中午時間，都好想叫返個德國脆豬手同啤酒應一應喱個氣氛。對上一次食德國豬手已經好似係一年以上既事啦：P Das Bier既德國脆豬手好有驚喜，外皮超脆但肉質滑嫩 JUICY，味道方面亦絕唔會死咸。一脆一軟既搭配令人超上引，食下食下就大半碟～另外食到濟，飲返杯啤酒都係超爽, 一大早就開始飲酒，係放假既放縱XD意粉方面叫左煙三文魚香草意粉，份量比想象中大得多。加上已經豬手份量亦唔細，建議三人黎可以叫兩個Main加個小食已經好夠。意粉味道都唔錯，濃濃既香草香味完全混搭煙三文魚既煙燻味道，完全想象唔到係咁夾，比起經常食既忌廉/黑松露意粉，喱一種更加特別同埋可以試出材料既味道下次再係大埔搵野食，不防都走出商場試下德國味道～

呢間餐廳好特別，有得食德國菜同埋西班牙菜式食物種類非常之多，啱晒心大心細嘅你哋😚一邊嘅裝修好德州風情，木桶酒樽做裝修😍首先我哋叫咗個Cabonara意粉，冇出邊餐廳嘅carbonara 咁肥膩，食得好舒服😉份量又啱啱好，擺碟又擺得好靚😋食指大動😋之後嘅重頭戲當然係呢度嘅🇩🇪德國豬手，原來豬手都有分好多種類，有德國白豬手同埋德國鹹豬手。我同老公咁重口味當然要揀德國鹹豬手啦，價錢合理，$218 有埋薯仔沙律同埋酸菜，酸菜係食豬手必備的。因為可以去除一啲油膩感。嚟到發現份量充足，而且好細心咁切開細細件，豬手皮更加係非常可口，新鮮脆卜卜，我同老公講：「好似食緊乳豬皮咁脆卜卜」 👍🏻所以呢度嘅豬手我哋係非常之推介❤️❤️❤️而家外賣仲有折頭，我哋已經打算下次開派對一定要叫一隻😜

呢間餐廳既裝潢好有feel✨有外國餐廳既風格😻野食都唔錯，員工服務態度都非常nice👍👍坐低可掃qr code落order，店家仲送好靚既口罩套俾我地😳😳👍我同朋友嗌佐個二人套餐，菜式很多份量足，非常抵食😳最後我地食唔嗮就打包返去首先有墨西哥粟米片，搭配佢地自製既蕃茄醬，非常滋味😋食到手不停口不停，送任何飲品都好襯😋食主食隔唔中食幾塊幾好德國香腸拼盤😳有四隻唔同口味既香腸配搭薯角同埋兩款醬汁。四隻香腸既味道都很獨特唔會混淆，同埋cut開見到都好juicy唔會乾，齋食唔點醬汁都好好味😋可以食到一款有煙肉味、芝士味、蒜味、香草味🤔都可以加醬汁有蕃茄醬同芥末醬，另有一番滋味德國鹹豬手配酸菜及薯仔沙律🍖呢個俾佢個份量嚇親了😂豬皮脆香，加上少少脂肪同瘦肉部份令到口感豐富😍食到新鮮食材既肉香，點佢地襯既醬汁一流😳我個人好鍾意個薯仔沙律😋飲品方面可以揀酒類、果汁or汽水，同朋友揀佐清啤同麥啤，兩杯都好大😳😳麥啤飲後飲到麥香味，遲d想黎呢度試下其他手工啤酒😳😳我總括而言呢間舖坐得都幾舒服，食物份量足實惠😋經過可以試下噶😋

今日同朋友食飯，好想食啲特色野，就揀咗去食呢間德國餐廳。入到餐廳，店員就幫我哋量度溫度，仲好貼心咁俾咗個口罩套比我地😚 我地即刻可以用黎裝口罩，唔使用紙巾，仲可以從重用添！好細心呀～之後，因我地都唔太肚餓，我地就order左兩個dish，一個係德國豬手，另一個係西班牙海鮮飯。初時，我哋都驚訝，好奇點解餐廳叫德國餐廳，又會有西班牙菜式，一問之下，原來餐廳同埋另一間西班牙餐廳有合作，可以互點食物。 正呀～一次過可以食哂兩種唔同嘅菜式～我哋每人都叫左野飲，叫左1664啤酒同chocolate 沙冰，沙冰味道濃郁、好有朱古力味，而啤酒就正常發揮啦，夠凍👍🏻👍🏻德國豬手，分量夠大，絕無偷工減料，兩個女仔share都食唔晒。豬手皮又脆卜卜、肉又夠入味，唔會「銀」，食落啖啖肉～正！西班牙海鮮飯都好正，唔同嘅海鮮鋪上面，食落每啖都有海鮮味，非常好。如果有機會黎到德國餐廳一定要試下豬手，really recommend~

以前都有嚟過呢間餐廳食飯，不過佢搬咗舖之後就冇再去啦。好耐冇食德國野，有啲掛住豬手，就約咗朋友食dinner。佢有個口罩套俾我哋裝住個口罩，個設計好靚。不過個size好似細咗少少，大d就好。我就好少飲酒所以叫咗杯朱古力smoothie，杯smoothie好驚喜！d朱古力咁深色就知道佢d朱古力勁濃，飲落去都係極濃朱古力味😍🍫佢應該係落左黑朱古力，所以唔算好甜而且完全唔稀，好好飲！個鹹蛋黃豬手都好出色。佢d鹹蛋黃醬好濃，而且豬手個外皮燒得好脆，裡面d肉都好大塊好淋，性價比好高。佢仲有酸菜同薯仔沙律伴碟，不過我就唔鍾意酸菜所以無食。個西班牙炒飯都幾好味，海鮮種類同數量都好多，我好怕海水味，所以啲青口同蜆都係朋友食晒，我鍾意食佢個魚，肉質鮮嫩而且好淋！

外賣不太久，也不錯，豬手、乳豬的豬皮亦仍舊香脆，外賣都保持優質，只是缺少了杯德國啤保留了隻豬手的骨給客人，也不錯，是原骨歸客乳豬飯，那個飯底，有些偏硬，但質感也不太差，亦都有點味道；乳豬，其實和澳門食葡式那些乳豬也差不多，乳豬皮夠脆有點油香，乳豬肉亦都有陣陣肉香，又香得來不會太過肥膩。豬手，亦都想不到，原來不算太大份，豬手肉亦都不算太乾，因為平時可能只想到百佳惠康那些比較乾肉的豬手；這兒的豬手，又香，肉又有肉汁，而且脆皮的豬手皮，吃來又香脆，但又不會太過硬正堅硬。另外有個香腸拼盤，雖然款式不多，但是味道也不太差，真正香腸肉香。雖然眾人也在爭相吃薯條，但是由於薯條是外賣的，我覺得雖然它的質地不錯，但是外賣溫度已經冷卻少許，和兩款非常香噴噴的豬手及乳豬由香四溢比較，我還是比較喜歡兩款肉。比較可惜的是，外賣不能將這店的德國啤酒外賣吧。

卡邦尼意粉:本來喜歡吃卡邦尼汁的人會更喜歡這個，因為醬汁很濃厚，蛋味很突出，份量也是剛剛好，不會太多也不會太小，令每條意粉都沾滿濃厚的味道，而且份量很大，一位女生吃可能吃不了其他東西。美國燒排骨:這個豬肋排薯條，也是醬汁調較得非常好，酸酸甜甜的味道非常開胃，又有果香，雖然旁邊有茄汁點薯條，但你會想用豬肋排上的醬汁點薯條，實在太好吃。而豬肋排的份量有八條骨，兩個人吃，加上薯條份量很多，都十分足夠。薯條即炸，每條都飽滿又脆身。Eddinger Weissbier:由於啤酒種類太多，所以都不懂怎樣選擇，就隨便點了一杯，這個麥味沒有太重，很容易入口，很容易就喝了一大口，適合沒有經常喝酒又想喝一點酒精就的享用。

經OpenRice Book左12:30pm，佢地係12點開舖但我去到嘅時間等左10分鐘先入到座，唔知點解係要等其中一個staff先可以入座，但明明入面已經有個staff入座後無主動俾水，問完之後個staff竟然係要問另一個staff而家有無水(??) 然後又係等左一段時間先有水飲無主動加水叫左次加水，個staff都係叫另一個staff去拎水(?)有啲唔係幾理解Caesar Salad普通，但煙肉食得出係即食一盒嗰種碎煙肉，麵包無乜點toast過就出，唔脆個salad唔知點解有2片洋蔥，無經處理無過水，係比較表層嘅洋蔥，超級辣燒排骨幾好食，但bbq sauce有少少太甜但都唔錯但薯條上菜嗰時已經半凍嘅狀態，唔知咩事Lunch Set係咸豬手德國腸，講真48蚊唔expect啲咩，不過咸豬手又真係得2塊LOL 意粉個汁無乜味，意粉本身都幾乾下次會試晚市，lunch個人覺得麻麻作為第一枱客我都明可能啱啱開舖有好多野都未ready，但service同食物質素真係爭咁啲