德國餐廳 (已搬遷) 新店位置

上年去完德國，突然懷念德國的豬手。無意中發現香港都有「德國餐廳」，於是約友人緬懷一下德國豬手。大角咀這條街滿佈食肆，這間是一間小小的餐廳，周圍都滿佈有關啤酒的物件，就好像置身於德國。食物的種類不多，德國鹹豬手和卡邦尼意粉已吸引了我。我覺得食這兩款食物已夠飽，所以就只點了這兩款。德國鹹豬手配酸菜及薯仔沙律！嘩！好大件的豬手呀 啖啖肉，皮脆肉嫩，再配酸菜消化一下！像在德國一樣咁大件！以為只食豬手不夠飽，所以再點了卡邦尼意粉，卡邦尼意粉都好好食，但配豬手就較膩了！沒想到一間小小的店，都可令我緬懷德國的時光 ^_^ 

期待已久既德國大餐🇩🇪😍依間叫Das Bier既德國餐廳 有兩層 門口左手邊係beverage bar 感覺好地道！我哋叫咗個德國鹹豬手配酸菜薯仔沙律，啲鹹豬手真係勁好食，可以話係食得出係德國餐廳嘅味道！好多肉食到之餘，啲皮炸得好脆真係好好食😋另外酸菜薯仔沙律又唔會好「漏」，真係好推薦好值得食。另外佢有比兩個醬：一個係芥末；一個係酸酸地落咗薑黃嘅醬汁。我覺得兩個都好好食，不過另外酸酸地嗰個特別啲，因為芥末好多外國餐廳都會提供。另外叫咗個西班牙海鮮炒飯，啲料比得好足， 有魷魚、青口、蝦、蜆等等。啲西班牙飯煮得好入味，好大粒，同平時普通嘅飯真係好唔同，更加煙un。同埋兩杯啤酒一杯係Hoagaarden嘅Rose，另一杯係Guinness黑啤。兩杯都好好飲，我特別鍾意飲rose，一試愛上😍少少甜味加上好香嘅玫瑰味，配德國鹹豬手簡直係完美！而黑啤個味道呢，都唔會好苦又好清新。

今日去開奧海城行街 就黎左吾算太遠外嘅呢間德國餐廳度搵食 就咁睇門面冇乜特別感覺 行到入去反差好大 因為佈置得吾錯 有西式懷舊嘅感覺 牆上面掛左好多舊式車牌 海報咁 幾有感覺因為係tea time 時間 所以2個人吾係食左太多野 叫左一個德國咸豬手配酸菜及薯仔沙律同墨西哥香蔥芝士薄餅 個豬手都幾大隻 多肉 好欣賞佢個皮烤得好夠脆 配左2款汁 一隻酸酸甜甜 好醒胃 另一種係芥末 但偏辣少少 中意刺激嘅會幾中意 至於個芝士薄餅都有驚喜 餅本身就冇乜特別 正常墨西哥薄餅咁嘅質地 個個汁好好好正 咸咸地 好香芝士味 但又吾會太濃味 2個人食晒一個餅都吾覺滯野食之外 都有叫野飲 一杯芒果汁同啤酒 啤酒大大杯 都幾抵飲呢間餐廳幾有特色 坐得舒服 食物質素同服務都吾錯 推介

上年同朋友去完歐洲食過豬手之後，一直都好掛住好想再食，之後有朋友介紹依間話豬手好正崇，而且價錢都好抵，就決定要去回味下。佢個環境都好似德國既餐廳，用咗木嚟做主要既材料，而且燈光都係好有feel。除咗豬手，餐廳都有好多選擇，例如豬排骨、牛扒、徳國腸等等。而且，食豬手梗係飲啤酒啦，啤酒既選擇都有好多，仲有我幾鐘意既hoegaarden rosee。我地叫咗德國咸豬手配酸菜同埋薯仔沙律，個豬手一嚟到個賣相就好吸引，見到佢塊皮就知口感係好脆。試咗個肉之後，我同朋友都覺得係有德國既味道，而且佢吾算好咸，好適合我地。佢仲有一個幾特別既醬，我地食得岀有黃姜粉既味道，點豬手真係一流。之後我地叫咗二人份量既西班牙海鮮飯，佢好足料，有青口、大蝦、蜆同埋魷魚。我地叫咗一杯Hoegaarden rosee同埋Guinness sugan。後者都好特別，有微微既咖啡味，飲完之後仲有餘下既啤酒苦味。

呢條街不嬲都好多外國小食店今日就嚟試一下呢間德國餐廳睇吓夠唔夠德國風味牆上面掛滿左唔同嘅油畫同埋相放滿咗好多啤酒擺設 幾浪漫同有情調 有唔少外國人幫襯我哋叫咗一個 肉丸意大利飯 nachos 芝士薯角 同埋甜品 朱古力咖啡柚子蛋糕Nachos 上嚟嘅時候 係暖暖哋嘅 應該係啱啱焗好 睇落去都幾大份 所以最好兩個人一齊share 佢咬落去有少少脆口 辣辣地配埋一齊點嘅係酸嘅蕃茄醬我就鍾意唔點醬食 因為唔點醬先食到原始個味道😋😋食完個nachos 個肉丸意大利飯岩岩好上個飯幾好味整得唔錯 芝士味好濃 肉丸夠彈牙配搭埋個飯都幾好味 仲有個驚喜位 就係有埋牛油果粒即刻多左啲清新😍😍 至於個芝士焗薯條 夠哂大份同幾足料 我地兩個人都食唔哂 啲芝士好足料 所以好快飽😮😮 可能多人食嗌會岩啲😉至於個甜品 我哋叫咗個朱古力咖啡柚子蛋糕 個蛋糕嘅朱古力味好濃😝🤤 食落去唔膩 可能因為柚子嘅酸味中和咗 我最欣賞嘅係佢最底層嘅朱古力brownie蛋糕🤤🤤 以38蚊呢個價錢嚟講 無嘢可以彈😀

早排我老友話去飲啤酒，我沒有多問，一口就應承佢了。佢話佢屋企附近有間幾唔錯既酒吧有得食咸豬手，帶我去試下。我遲左少少，入到去就見到平時食醉雞都臉紅既佢，竟然飲了一大杯hoegaarden了。咁我都立即睇下有咩野飲先：餐牌上面都有好多款酒，估唔到，竟然，仲有芝士奶蓋！！！不得不讚呢間德國餐廳十分貼地，相信一家大細來食都會好happy，不過，我係來同我老友飲酒的，就叫左杯stella先我望下周圍環境，雖然唔算大，但燈光少少暗，播下音樂，感覺仲cosy，然後我望下牆上面的掛畫同poster，有d德國野，有d啤酒咁，都幾有格調架。點知竟然比我見到右面有張tarkovsky既poster...tarkovsky，俄國導演來架喎，放張solaris的post係呢間德國酒吧，係咪想講呢間餐廳對客人來講，係另一個星球，會帶來另一種感覺？鏡頭一轉我就同我老友繼續飲野，佢已經飲了兩杯，但都仲未出過聲。我就好似tarkovsky的長鏡頭咁，淨係望住我老友，望左10分鐘，看到佢表面ok，但隱含住一絲憂傷。我話，不如叫d野食啦，一睇，都幾抵喎！呢個餐真係好抵，400蚊唔洗就有豬手、香腸拼盤同nachos！不過佢

我依D無飯煮婦，每日放工最傷腦筋就係諗食咩，今日反正要去接個fd收工就係個區食，邊行邊睇見到有優惠咪入去試吓， 睇完個menu見到德國豬手製作方法咁細心... 又話招牌菜就叫隻豬手，一份三文魚香草意粉，愛飲番杯嘅我又點會忍到唔飲啤酒食得德國菜就配番杯黑啤貪佢帶少少苦兼帶少少咖啡香味爽呀。個豬手一上枱就有陣陣香味撲入，影完相就即攞個皮嚟試一試，真係估唔到除咗脆之外又唔肥膩好似食緊薯片咁，再配埋佢哋個 芥末蜜糖醬甜甜的好野味，而個豬手肉係好軟淋淋，而個配菜薯仔沙律都相當唔錯，一啖豬手一啖酒簡直絕配，個香草三文魚意粉香草味濃唔會煮到好油當中仲有新鮮車厘茄帶少少酸酸甜甜都幾好，下次要試埋個德國腸仔同其他前菜。

It was my first time to have German dinner. To be honest, it is quit impressive- SAUSAGE and BEER, an idea combination. I saw the travel program which introduced how tasty the sausages are but I was not very interested with it at first. However, Das Bier gave me a new impression! I was famished before I stepped into restaurant as my friends and I met at 9 p.m.! We order the food immediately. In fact, I worried about the portion of the dishes, haha. BUT, it is unnecessary. Super Sausage Platter T

即興同幾個朋友嚟咗呢一間餐廳飲杯野同食啲嘢。卡邦尼意粉質地好杰身，芝士味好濃。上面部份煙肉係較高級嘅，口感同味道都好有層次。燒春雞等待嘅時間比較長，但係雞肉好嫩滑，同附上嘅醬好配合！德國香腸拼盤比較鍾意紅色嘅，彈牙一啲。白色嗰幾條入面有香蔥味，比較林。墨西哥香蔥芝士薄餅薄餅入面夾住芝士，中間係一個芝士乳酪味嘅醬。個人好鍾意佢有啲煙煙銀銀嘅口感。香蔥芝士焗薯條薯條好脆，啱一大班人食，因為份量好多。同埋要趁熱食比較好味。我飲士多啤梨味嘅啤酒，唔錯！整體來講呢一間嘅食物份量都好多，幾抵食。

今日同朋友經過奧海城，想喺附近食晚餐，見到博文街一帶好多小店餐廳，今次一於試下徳國餐廳。鋪面唔算好大，不過內裏環境好有特色，有好多木桶啤酒桶做裝飾，唔錯既格局。泥到徳國餐廳，梗係要德國豬手啦，一上碟都真係幾大份，個豬皮好脆口，好味，同唔會過咸，之前試過好多徳國豬手都太咸，再配埋個蜜糖芥末醬，好夾！餐廳好有心，已經將豬皮同肉切細方便進食，唔洗切到手軟👍🏻👍🏻 個豬手肉質鮮嫩，唔會過肥！值得推介！由於我地兩個女仔都唔係太餓，所以叫左個三文魚凱撒沙律清清地，再加左個香葱芝士焗薯條。薯條真係好大份，份量超多，三個人吃都無怕，由於加左䓤既配搭，會特別香！ 我同朋友都不太好啤酒，所以點了果汁，佢果汁特別之處係鮮榨的，真材實料！最後點了個咖啡柚子蛋糕作結，我地飽到很滿足

呢條街食肆林立，但嚟間連鎖式德國餐廳，門面大好吸睛，而且門口可以「偷雞」泊車。入到裡面樓底好高，環境好有歐陸feel！想點份二人套餐，經濟又「例牌」之選！不過我地兩個人，唔想飲啤酒，又唔鍾意食粟米片，想試奶蓋可惜無，所以散叫咗脆咸豬手及德國🇩🇪腸😋三款德國腸，兩條連住果款應該係芝士腸，一條紅色的是辣肉腸，白色果款係香草味轉向另一邊，有酸菜及薯仔沙律，蜜糖芥末醬，酸菜超好味，酸酸地好開胃。豬手煮得冧唔痴牙，而且大大嚿，加上起哂d肉唔會食得論盡👍🏻不過單點兩款，同套裝價錢差唔多，下次都係叫套餐抵d！

心血來潮事件簿(27)🤤適逢假期完結前，本尊同好耐無見的朋友做個相聚一刻☺️於是就黎到依間德國餐廳食個飯😎入到依間餐廳真係有好好的格調，靜靜地好適合約埋三五知己黎依到傾下計，講下心事☺️本尊同朋友都好少食德國菜，難得黎到就試下D地道嘢先😎先叫左個意大利巴馬風乾火腿🤤個火腿配埋酸瓜一齊食，兩者係非常配合，不過放耐左會較鹹，所以想食嘅朋友都要快D食左先🤔隨後都叫左德國鹹豬手配酸菜及薯菜沙律😎個鹹豬手係值得推介俾大家👍個豬手外脆內軟，食落唔錯，至於醬方面，因為本尊嘅喜好就俾唔到大家意見，大家不妨黎到叫黎試下☺️最後就叫左來自美國的安格斯肉眼扒🤔不過食德國菜又點可以無酒相伴😎於是本尊同朋友就分別叫左三種酒🤤飲個飽☺️特別推薦俾大家👍Endinger Weissbier👍依種酒易入口，亦都好適合配埋唔同嘅德國菜食😎Endinger Dunkel🤤黑啤充滿麥味，絕對係必叫之選😎Kromenbourg 1664 Blanc 酒中帶甜，易入口之外，相信女士們都會較鍾意☺️最後佢而家仲做緊依個特別優惠添，想食下野飲下酒又想吹下水的你就好去試下😎

How should a new year be celebrated? Definitely with friends and good food, right?And here's a blog of a well-spent night in a hidden German restaurant located in Tai Kok Tsui, it's around 10 minutes' walking distance from Olympic MTR station.We arrived at around 1830, and there's still lots of empty seats waiting to be filled in.  It was like around 1930, when people are off from work, and the restaurant becomes stuffy.My friends and I decided to order 2 main courses and 1 appetizerItalian Parm

經開大角咀發現出名多野食既博文街有呢間德國餐廳，午餐就決定去體驗下久違既外國風味，估唔到呢一餐都發現到有驚喜入到餐廳見到擺設裝飾勝在簡單但風格鮮明，個風扇仲好特別好有特色，環境好乾淨舒適又寧靜，食客都會細聲傾計，用餐唔怕俾人嘈住😆之後點左三款食物，一個意粉，一個薄餅同一個小食香草醬煙肉三文魚意粉，原本諗住似係食開既煙三文魚意粉，點知一上菜個刻已經聞到好香既香草醬味，用料果然無手軟😂最特別係香草醬無搶到煙三文魚既味道，配合得好好，值得一試👍🏻煙三文魚又大片又多，見到都覺得滿足😆最令我驚喜既係墨西哥香蔥芝士薄餅，雖然佢個樣唔起眼，原本以為只係一塊薄餅再點芝士醬食，點知一叉落去就發現唔係咁簡單，佢係兩塊薄餅夾住一層滿滿既芝士，芝士入面加左d蔥，真係超級惹味又好食，佢個醬有點酸甜的味道，中和左芝士好”漏”既感覺，食食下食左四塊都仲想食😆中意食芝士既人應該會好中意食呢個薄餅最後就係粟米片，佢都無令我失望，上菜時烤到暖暖的，上面既芝士粉好香，再配上蕃茄醬酸酸甜甜咁，粟米片唔會咬咬下變成一粒粒咁，反而好脆口，份量又多👍🏻抵讚佢個醬係用鮮蕃茄整，甜甜酸酸仲加左香草，配粟米片味道好夾最後要讚下個侍應姐姐

地點環境一家德國風情小店，地點雖然有d狹泄，但更在有特色，雖然地方細細，但裝修非常有格調，黃色燈光好有feel，牆上掛滿畫，仲有beatles既馬路相，非常鐘意食物方面1。當然唔少得有德國豬手，外皮炸到好脆，無乜脂肪，配埋佢個密糖介苿，非常好食2。仲有佢個燒春雞，外皮脆，都係無乜脂肪，岩晒唔鐘意肥利既人仕飲品方面佢個奶蓋茶仲未返貨，所以試唔到，好遺憾，下次一定要黎再試另外熱門既朱古力黑啤都賣晒，睇相應該幾好飲，推介一試