德島 (幸福中心)

營業中

休息中

#德島 😋😋😋😋😋actually the menu is a bit confusing for read. different combination cost diff. but we yall call see that their signsture gold milk tea label in everywhere, claiming once was tke milk tea king in hong kong competition. but sadly their boss and chef was died in 2022 very sad. i wish i can try his milk tea but not anymore. overall the food is good. sefvice is good. but just costing 6x - 7x to hav a full combo lumch set. but still good tea and will come back.

呢間餐廳喺舊公司附近，主打奶茶同鴛鴦，所以同一般茶記相反，佢係嗌飲品先可以用優惠價去加野食😅無奈我本身對奶類敏感所以飲品唔啱我🙈我就直接叫咗個沙嗲牛通粉配多士&煎熟蛋呢個餐食過兩次，第一次食沙嗲牛幾滑，通粉彈牙，但第二次食沙嗲牛就幾韌🙈而多士即叫即烘係幾香脆👍侍應哥哥，叔叔同收銀姨姨都幾有禮貌，服務唔錯嘅👍👍#尖東美食 #德島 #沙嗲牛通粉 #茶記推介 #多士 #冠軍奶茶 #鴛鴦 #沙嗲牛 #沙嗲牛肉煎蛋飯 #咖喱牛筋腩飯

《尖東美食》 22/7/2024 在九龍尖東位置的幸福中心，見到《德島Take Tou》茶餐廳，於是在這裏午餐，這店好著名飲奶茶同埋鴛鴦👍😮😮 分別是國際金茶王冠軍配方的《冠軍奶茶》及國際金鴛鴦的《鴛鴦王》😮見呢間店嘅另一特點是冇套餐，先點一杯飲品，跟住再以特價點其他美食😋😋當日我先揀飲杯凍嘅冠軍奶茶😋😋 （見到使用黑白淡奶沖調，不是奶精😃👍👍） 跟住揀份香煎鹹牛蛋治，烘埋底😋😋超愛港式奶茶😋😋

間中都會到這茶餐廳食早餐今日嘗試叫了一個蛋治熱奶茶熱奶茶大多數都好飲正常但今日來到的炒蛋三文治，看見有很多黑色一粒粒的在雞蛋上。原來是鑊窿⋯食落去身體相當無益⋯⋯即刻向職員反映⋯希望下次去的時候，不會再有這個情況，亦希望餐廳會作出相對的改善。

想分享上星期在這用餐時的體驗：有位外籍遊客入來問可否買幾杯凍水， 水bar靚仔二話不說裝了3杯給她拿走， 她問如何付款時， 靚仔話水啫， 唔洗喇， 還跟她說Welcome To HongKong搵!!!, 更細心放袋裝好讓她拿走！ 之後聽到哥仔跟同事話， 見佢頸都曬到紅晒， 可能太熱了，幾杯水啫，我豎起拇指俾個大讚佢！❤️👍🏻👍🏻邊個話香港待客服務差？ 見到呢一幕我覺得好驕傲就真！🥰推介佢哋既奶茶， 雞扒都好味， 件多士就更加要食

今日早餐食咗佢哋嘅招牌脆皮雞扒 ，牛奶滑蛋 ，多士， 凍奶茶 ，真係食評嘅嘢唔好信， 抵食 ，招牌 脆皮雞扒鹹到浸湯都唔掂 ，食左2舊就 投降，外賣早餐 連凍飲49蚊， 餐牌上寫住42蚊 ，以為加埋杯凍飲3蚊，加1蚊外賣，回頭 望清楚openrice個餐牌原來係早餐 唔包嘢飲 ，早餐單價42蚊 。如果你要飲嘅 就喺叫嘢飲 25蚊一杯凍飲加特價 24蚊個雞扒早餐 ， 所以真係要望清楚個menu。其他食評仲話好好食，亂吹亂吹， 唯一ok嘅，就係 杯凍奶茶還可以，要少少甜真係做到。

今早2人行專登黎試吓佢杯荼，結果叫了2杯茶王+蔥花三文治，三文治有水準，又夠大件，2女性食夠晒，勁飽。講返主要的茶王，茶濃味滑，唔鞋口，向油尖旺黎講佢認第二無人認第一，唯獨嫌佢唔夠熱(可能我比較偏好熱茶)，大家路經尖沙咀可以支持吓。

德島在尖沙咀開了分店，特意前來試吓。裝修格局上和天后店相似，環境整潔明亮，員工態度同樣殷勤有禮，用餐體驗良好。食物方面，點咗脆皮雞扒餐，雞皮煎得香脆，肉質嫩滑，配河源米粉，好味道。加了$10轉冰火菠蘿油，菠蘿包外皮酥脆，麵包鬆軟，夾了上下兩層牛油，非常滿足😋茶走香滑，茶杯是事先熱過的，這些細節都能顧及到，相當用心。整體而言，食物和服務質素都令人滿意，看得出由老闆至員工都努力做好每件事，值得推介👍🏻

經過尖東求其揾個地方醫肚咋入到餐廳聞到啲茶香咖啡香味，可惜我怕瞓唔著一向唔飲奶茶咖啡😛見到個餐牌有啲以為眼花睇錯🧐點解咁平嘅，雖然係試業啫🤭明明係香港，明明係尖沙咀東😅我好鍾意啲傳統三文治，仲要烘底，唔係厚多士嗰種，即管試下哩喥雞蛋三文治烘底，上枱嚇咗跳😱HK$10咁大份，啲蛋咁厚🤭真係好味喎😋👍🏻值得再嚟呀🤩茶餐廳仲有舒暢心情嘅Classic樂曲🎵🎧聽，邊食邊聽好relax😌👍🏻員工服務好有禮貌，依家係難得少有嘅香港食肆🤩👍🏻👏🏻

經過幸福中心德島，想入去試吓啲奶茶保唔保持得到，隻脚踏入舖頭，就已經有人招呼，我哋覺得坐呢度又好似大風，嗰度我又話近門口，换咗两次，個靓女侍應仍然殷勤招呼，可以比足分數。試吓未食過嘅咖哩牛筋飯，咖哩有椰汁同奶味，香氣十足，牛腩牛筋够"林"，奶茶仍然保留高質，值得一飲再飲。另一驚喜就係件多士，可以講其他茶餐廳都揾唔到，只睇顏色外觀巳經值90分，咬落脆口，我要求高啲都可以講接近滿分。呢間舖原來開咗幾日，大窗光線十足，望住出面個景，攞住杯奶茶或咖啡，真係可以呆足成個下午，享受吓人生。