德昌魚蛋粉

營業中

休息中

近月因生產而放左個悠長假期，下午嘅時候難免會口痕同埋肚餓想搵下午茶。所以趁呢個機會喺屋企附近一嚐所有嘅茶記同埋粉麵舖。點了招牌魚蛋河粉，驟眼望落去，魚蛋數量不少，每件魚蛋都大大件，價錢$38，算是同區比較便宜的粉麵選擇。魚蛋味道還好，夠彈牙，沒有腥味，相比起好多其他的魚蛋河，算做得不錯，大概是有自設工場，而不是返一些劣質魚蛋吧。辣椒油亦都夠味不只是死辣，能夠帶出香港特色魚蛋味道。見佢下午茶有做茶餐但唔包魚蛋就知佢地把魚蛋既定位當做王牌吧

今日口淡淡盲入呢間餐廳！簡直破壞了一日多的心情！一坐低已經一陣尿臭味！馬上調位！之後從來沒有吃過咁難食叉燒蛋飯！叉燒超鞋！蛋沒味！餐廳裡面8成係遊客！屋企人叫牛腩麵話D 牛腩超硬。咬不到😂 雲吞麵一上，屋企人話咩來😂😂😂anyway! I won’t visit again! This is the worst restaurant I ever been! Crazy! Not the HK local food! I have to tell this is true!

我好少寫食評，不過今次食完真係好唔開心，所以專登開個account嚟呻下。個餐牌無標價，我朋友想要魚蛋粉，個服務員介紹佢要個八寶淨食，無問清楚價錢，結果就係8件普通野（魚片、水餃、雲吞、魚皮餃、魚蛋、墨魚丸仲有粒豬肉丸）加2條河粉收70蚊，如果要魚蛋粉就38蚊，就咁就無啦啦俾多32蚊，雖然可以話多左4粒丸，但4粒丸都唔值32蚊啦。Between, 啲味道都係standard偏鹹啦。雖然我朋友都有責任去問清楚個價錢先落單，但佢set個咁既八寶淨食出嚟都好有心啫。

阿婆賣雞蛋，阿叔賣魚蛋，我就來呷魚蛋！🐟 今次食評唔使排隊，一腳踏入呢家店，「哇」嘅一聲，食客們都嘅頤而笑，彷彿話喺度食嘢，份外有種幸福感。我就揀咗碟魚蛋粉絲，好期待佢哋個「彈牙揪心」嘅魚蛋。餐墊一落桌，個肚已經七上八下嘅叫囉。🍜味道嚟嘅話，魚蛋真係得意，入口即溶，當中嗌出嘅海鮮鮮味，與太白粉絲交纏落嗲食，係夠晒「翻生」。而嗰粉絲，滑得來唔甩身，勁似自家煮嘅咁啱口。再加埋啲油菜，略帶嘅苦澀，配上魚蛋嘅鮮甜，真係夠晒「哂嘴」。另外，啲蘿蔔牛腩亦必須一讚，牛腩炆得惹味，軟滑得黎又保持到啖啖肉嘅質感，我差啲連啖氣都唔抽，一路食到底！🥢實不相瞞，這家店雖然裝修普通，但食物嘅味度同質素，絕對唔普通。下次再黎，記得多留幾粒魚蛋畀我！

平日真係比較少會去天后 當日為咗睇大坑中秋舞火龍🐲🐉 諗住快食個晚餐就入咗去呢間粉麵店🍜郊外油菜 $22菜心只有5條 好似就咁用水淥 油都無滴 呢個價錢份量少 而且仲要係白烚 真係有啲過分😓上湯水餃 $34水餃有4粒 加2條生菜🥬 蝦肉都算爽口 但雲吞皮太厚 有啲部份唔熟 食落係硬硬地 😐生菜唔新鮮 有一達達啡色….鮮蝦雲吞麵 $34味道不過不失 係雲吞細粒咗啲整體食物質素差 又唔抵食… 個人好少俾差評 但真係唔想再有人中伏！

【灣仔區】【德昌魚蛋粉】我喺杭州做嘢返嚟唔係好耐，因為仲要去，所以要搜集定一啲嘅資料，下次過去做嘢就可以大派用場。我作為一個唔識上網嘅老鬼，去嘅就梗係位於天后嘅香港中央圖書館，睇完就喺附近食少少嘢，行行吓就見到呢間。呢間好似喺度好耐，但我都係一次都未入過嘅，咁趁今次機會就食吓啦。叫咗個 $65 嘅細「金牌八寶湯窩」淨食，咁佢就真係好細，魚蛋、魚片、魚皮餃、墨魚丸、貢丸、豬肉丸、雲呑、水餃都好似係每樣一件，食水都好深。質素方面，每一樣嘢我都唔覺得有好特別好出眾嘅地方值得我要特登搬出嚟講，所以都係普普通通。加上佢係散叫嘅嘢嚟，想飲嘢就要另外叫，杯「凍檸茶」走甜都成 $17，係散叫嘅價錢嚟，我都好少喺茶餐廳就咁叫嘢飲呀。咁樣質唔飽我，我叫多個 $45 嘅「營養餐」，有雞扒配煙肉，仲有牛油多士同炒蛋，都係正常茶餐廳水平，嘢飲今次加 $3 要「凍華田」因為都算又口渴又熱，都要豪畀佢。咁樣食吓就食咗我 $130，做 foodie 真係慘啊。。。（地址：天后電氣道75號地下）

牛腩魚蛋河粉湯底冇味如滾水，唔合格河粉太厚身上菜仲仲黏住，唔合格牛腩只有一件，賣相差，肉質太硬，咬唔入魚蛋兩粒，尚可鋪頭衛生情況惡劣，地板長期有水，舒適完全唔合格

一個淨雲吞魚蛋收$40，竟然得三粒魚蛋四粒雲吞一條菜。佢係咪傻咗。隔離車仔麵兩餸$30。唔難食嘅，但係唔係好食到可以收呢個錢囉！比多幾粒人哋都唔怕死啦！隔離車仔麵三餸都係$39！起碼食得飽。

常來這裡食宵夜，夜晚不想食太飽，一碗魚蛋粉或牛腩粉的份量就最適合，我喜歡魚🐠蛋粉多蔥，魚片爽脆，再加一塊片頭，加些這裡獨有的辣椒醬，香辣鮮美，牛腩粉也很好吃，最好就是有兩塊羅蔔，同牛腩一齊燜得鬆軟，吸曬腩汁，非常惹味，而且價錢不貴，＄34就解決了宵夜。😋

最近食咗兩次，懶到而家先一次過寫食評🤪🤪🤪 我朋友問個店員有冇崩沙腩，佢話冇，得牛腩，所以結果就嗌咗雲吞牛腩河。 朋友comment話牛腩炆得入味，算滿意，不過雲吞一般。 而我就叫咗鹹牛肉蕃茄奄列。我知個combination有啲好奇怪，但我想食多啲菜類減低罪疚感，因為我做緊減醣飲食╮(￣▽￣"")╭ 無奈。 味道正常，加入咗番茄但係個奄列唔會好濕，只係份量對我嚟講係唔夠飽嘅😅😅😅 第二次我就揀咗個下午茶，炸魚柳拼薯條。魚柳係熱嘅，應該係返炸，不過就炸到燶晒邊。 而我朋友就嗌咗個營養餐，牛扒煙肉拼炒蛋。佢話味道OK，份量都夠佢飽。 呢間喺天后嘅茶餐廳，價錢OK實惠，不過衛生條件比較差。如果唔係附近冇乜茶餐廳，我諗都好難會揀佢。

呢間牛腩麵好好味， 超正牛肉味。每次尼天后都想食一碗！兩送牛腩加雲吞真係好正，d 湯好鮮甜，的確唔錯！餐廳的服務質素好好，出餐好快。其他野食都好新鮮，真係唔錯，性價比十分高。

沙嗲牛肉煎蛋出前一丁 $𝟹𝟹 牛肉好嫰 但唔係好重沙嗲味 出前一丁正常彈牙😆啲野食黎得好快 趕時間黎食岩曬 熱阿華田 充滿住奶味同埋朱古力味有啲偏甜 可以加多少少水去減少甜味

估唔到會响魚蛋粉店食菠蘿包，飲奶茶紅豆冰！紅豆大粒又軟身，有半杯咁多，加上奶茶，係食過最好食嘅紅豆冰！菠蘿包係叮熱咗，中間夾隻燶邊煎蛋，係流心蛋嚟㗎！熱辣辣，好軟熟，係食嘅時候有啲麻煩，因為蛋黃會漏出嚟！不過真好味，會再去！

兒子突然話要食魚旦粉，不幸選上德昌魚蛋粉。$75一碟金錢肚，只有七八片，而且好像不小心跌了落碟的賣相，而且完全不好吃。魚旦米的米粉濕濕碎碎，吾知想點，牛腩河質素更慘不忍睹. $19 一碟油菜應該是最正常，因為只是灼熟，沒技巧可言價錢已經絕不平宜，再加這樣質素及份量真的不能接受。一間完全徹底沒有誠意的餐廳。魚旦質素應該是全店最正常的。但魚蛋粉加紫菜要加$10. 而且紫菜份量極少，真的有被欺騙的感覺。一定不會再返轉頭的一間店。

見人唔太肚餓就入咗一間魚蛋粉，食啲嘢啦，而且聽講話幾好食就入去試吓啦覺得環境同服務都唔算好，因為我哋四個人入去食，手上拎住好多嘢，但係佢比一張好細嘅枱我哋，連放食物位置都覺得唔夠位放，所以我就決定轉去另一張枱。　坐低左叫咗一碗墨丸米，墨丸唔好食，唔夠彈牙，而且冇墨丸味。淨魚蛋，唔夠魚味，一般。蘿蔔牛腩，牛腩比較瘦，個味唔錯。魚皮反而幾好食，仲叫咗多碟，叫咗大嘅份量就都係唔多。而且價錢比一般魚蛋粉貴少少，而且份量唔多。