德發牛雜粉麵

營業中

休息中

好幾個月無嚟過，原來真係好似某位網友所講，由德興改咗名叫成發，見到樓面嘅阿姐仲起度，收銀都好似同一個人，但師傅係唔係同一人就唔肯定腐乳芥蘭，$15牛腩牛什米粉，$36加$10之後加多個牛筋河外賣牛雜偏硬，牛腩唔錯，湯頭順喉芥蘭偏腍，而且唔夠油，所以唔夠滑同香外賣牛筋，質感似食一堆粉狀物體，脆身，一咬就碎，一啲牛筋應有嘅煙韌性都無，同以前係無得比整體嚟講，比以前食嘅確實差咗啲會唔會再嚟？應該會，始終起附近住，方便嘛

今日中午嚟呢度食個牛三寶米線，有牛腩、牛筋同牛肚。牛腩：腍得嚟唔會黐牙，又有肉嘅鮮味；牛筋：腍得嚟爽口，滑得嚟有咬口；牛肚：同樣都係用金錢肚，呢度腍得嚟爽口，實食無黐牙；米線：同其他店舖一樣，無咩特別。地方又清潔乾淨，人客食完，立即收拾及清潔。唯一要挑剔係出餐時間比較慢，要等成10分鐘先至出到碗米線，但其間我睇到個廚房只係出過一碗嘢咁大把。無比較就無傷害，要比當然係同旺角人氣小店承傳清湯腩比啦！今次我叫呢樣三樣食材，味道都完勝承傳，價錢更平一半都唔只，當然，承傳嘅食材份量多啲，但多係無用㗎，要好食先至得，今次我畀呢碗米線100分，屋邨食店，其實都可以係卧虎藏龍，都可以非常美味，但問題只係你是否遇上，而呢間小店，絕對好食同抵食。

這家麵店，翻查紀錄，原來我第一次光顧是上月16日，在短短不足一個月之內，居然光顧了3次，amazing 😱😱😱，上一次吃豬手粗麵，沒有在這裡發食評，不是它不好吃，只因明顯是雪貨（豬骨從中間完整切開，只有雪貨用機器切開才可以這樣）賣相太露骨，對！是豬骨露出太多，有礙觀瞻，所以才不貼出來。這次吃的是雲吞魚皮餃雙併米粉$39，加$8，一共$47。米粉正常，雲吞一共有5粒，魚皮餃就只有兩粒，名符其實食7咁食，但我百無禁忌，唔信呢啲。先講雲吞，每粒雲吞有超一隻蝦，另有豬肉，單併只是$33，今時今日的物價，絕對有驚喜及超值。魚皮餃的餡皮，以我所知是分兩派，一派是嚡身，魚味較強，一派是滑身，魚味較弱。如有說錯，還望各大食家指正。這一家的魚皮屬前者，但我個人喜歡是後者。湯是潮州粉麵的清湯，或許我是「鹹蟲」，所以我要加兩圈魚露才夠味，而我覺得廣東雲吞，始終是配傳統的大地魚湯，才是完美配搭，未知各位食家的意見如何呢？期待下次到這家點吃其他美食後，再跟各位分享。

雖然聽屋企人講呢間嘅牛筋好好食，但始終未食過，唔知真定假，在機緣巧合下，第一次嚟呢間粉麵店食嘢，而每到新店，我有個習慣係睇吓有無啲其他舖頭食唔到，而又自己負擔到而又會食嘅嘢（我唔係樣樣都會食，例如標明勁辣菜式一定唔啱我），我一坐低，個姐姐即刻嚟問我食乜，效率奇高，先始聲明，呢間店唔係拍烏蠅無人食，所以先咁高效率。我同佢講話等睇吓個餐牌食乜先，佢叫我慢慢睇，咁我一睇，先畀白灼肥牛吸引，再睇有懷舊豬雜，呢兩樣嘢都係出面啲粉麵舖好少見，於是揀咗呢兩樣嘢嚟試，粉麵方面，以前唔識，一直都係喜歡食粗麵，依家至知原來幼麵至係寶，可以食到麵嘅細緻位。餐飲方面，第一次光顧，除非有啲特別嘢，否則我都會叫熱奶茶做開頭。好啦！先嚟杯奶茶，耐熱膠杯盛載，味道正常，好過三大快餐連鎖店同老麥，茶味唔苦，但唔夠茶香，唔算係頂級，若果杯茶係用厚身瓦杯就好得多，呢方面太興做得唔錯，但呢度只係屋邨嘅粉麵店，唔能夠苛求咁多。再嚟碗麵，滿滿嘅蔥絲夾雜薑絲放面，下一層係豬雜同牛肉，最底係麵，我為求視覺效果，亦因為要將啲蔥浸熟，所以將麵撈起嚟拍照。牛肉有4～5塊，豬雜有厚切豬膶兩塊，其中一塊中間厚度至少有半吋，兩塊豬肚，一段粉腸，

冇乜胃口，又夠鐘食飯，好多時都諗住頹食碗粉麵～今日仍然！但原來粉麵唔一定頹😊今次簡單點左碗魚片河🍜清香可口😋河粉夠晒滑👍🏻魚片亦香口破晒以往河粉經常浸到唔夠爽既印象～好好食👍🏻👍🏻（其實呢到最出名牛雜麵，下次有胃口再試過🤭）整體黎講，粉麵界之中算幾值得推介😆👍🏻

啲牛腩望落去肥肥地, 但估唔到入口一啲都唔肥膩，而且幾”廉”口 🤤🤤🤤味道唔會太濃, 屬於清湯腩feel.估唔到位於屋邨地段有呢個質素,今天的意外收穫 😋👍🏻