德福軒 (已結業)

友人介紹這酒店餐廳食自助餐有大閘蟹送兼且價錢又唔貴(約$200), 於是約齊4個人去食番餐. 當晚入到去時發覺餐廳十分之細又多人 直情係寸步難行. 不過既然來左就算喇. 一於走出去拿野食, 點知兜左一個圈 (好細個圈) 後發覺好少同無野好食. 全間餐廳所有 (連甜品, 生果, 湯類) 擺出黎比人食既野數埋都唔夠 40 樣. 重有一樣十分之小家就係全場用的好細個碟比人拿食物, 好似唔想比人食咁.食品方面全部都唔好食, 其中有幾樣特別難食 的生蠔十分之腥又有沙. 羊腩煲的羊腩少到搵唔到咁滯. 的魚生同壽司就見到都唔開胃.的糯米飯硬到難以入口. 最後黎個隻叫做大閘蟹真係細隻到嚇死人, 個蟹殼只有2.5" X 2" 咁大..雖然係呢的 2 星級酒店食自助餐都唔方會有甚麼驚喜, 但咁大個仕德福酒店集團都唔好咁樣做呀.

睇D壽司幾好味但係食起來,D飯好難食個三文魚好味我睇報紙D壽司和X身都好但在場都沒去旺角個間D路難找死人行了成個圈個女廁很臭都有3個手提電腦給你上網3個得1個上到網

今日媽咪係飲食男女度見到有間酒店既buffet好似幾正,又有生蠔食 !!佢一見到生蠔就流晒口水話想去試下...好吧 !!我們dinner一於去食buffet~~~今次我們去旺角既 仕德福酒店(德福軒) ..做左廿幾年人真係未聽過呢間酒店 ~~搵左陣先搵到,地方都幾偏避 ~~入到去地方真係好細呀 !!所以都諗到食物款式唔會太多 ......媽咪即刻出去拎生蠔,第一次冇,第二次先有~~不過d蠔十分瘦同細隻 !好多比人拎晒!!我就食左佢個咩得獎炸雞, 都幾好味既 ~~d雞好嫩又脆~~不過我揀黎揀去都揀唔到野食.....連甜品都好少款 !!!所以同媽咪一致認為比雜誌的相片呃左, 平野果然冇好野...壽司刺身款式少, 壽司飯大舊,個料又細....所以剩係食左一件甜蛋壽司...不過個度d人既服務態好不錯~~值得一讚 !!最終填埋份意見書, 最喜歡的食物 ~~揀左佢送既酥皮湯同熱辣辣既梳乎里!但如果有得食我寧願食返五月花呀...陰公~~仲有一度幾好笑既係, 佢一推出招牌蛋糕 -->火焰雪山既時候好多人出晒去睇同影相, 仲熄晒燈添 !!個個都勁期待佢點火..點知點完原來只係得微微火..咁就完左

　五月十一日係我嘅舊曆生日，我家姐好有心，請埋我同媽咪同佢個朋友，一行四人一齊幫襯呢間酒店。　酒店屬三星級檔次，不過氣氛都不差，但係佈置就幾逼夾下。家姐一嚟到坐低個侍應就叫佢拎張coupon出嚟，氣都未抖順，佢都不知幾谷氣。　佢哋最近推廣緊星（加坡）泰（國）自助晚餐，四個人幫襯為過一百六十蚊一位，台式飲品同埋金威啤酒任飲。家姐覺得幾划算，先至訂位；不過唔食猶自可，食咗把幾火，因為根本所謂星泰自助餐，完全係好取巧。　大家應該會諗，星泰自助晚餐或者會有海南鷄飯、肉骨茶、冬蔭功或蝦餅之類嘅食品，但係呢間酒店完全欠奉。佢哋所謂嘅自助晚餐有：燒牛肉、燒烤多春魚、大蝦、生蠔、以及一般酒店都供應嘅冷盤（如沙律同壽司）同熱葷（如蒸魚同豬腳薑），以及生果甜品等等，除咗喇沙之外，完全冇一樣嘢同新加坡同泰國菜有關係。　嘢食已經唔多，最慘嘅仲係唔經常更換膳食，好似冷盤係有八爪魚仔同螺肉，前者已經畀人食晒，但等咗成粒鐘都冇人更換；啲白斬鷄（權充海南鷄）仲係生嘅，。　任飲嘅飲品僅得三種，其中一種仲係啤酒，但不知鬼咁多兒童，你叫啲細路飲乜？　連餐茶都渣個人，飲檸茶無檸檬味，仲要係好難飲嗰隻添。　埋單六百五十幾蚊，仲

我久不久星期六/日都會來這兒吃lunch buffet，主因又平又就腳。她會安排侍應在酒店門口派傳單，有點cheap。食物質素一般，可接受，又有生蠔和專人即製食擋，而且80幾蚊有不少選擇任簡任食，已好過很多食店50幾蚊，得來例牌套餐食物和招待。而且，這裡又靜又人少，招呼不錯(起碼是間酒店)，每次我都食得很自在，但要記得不要跟大酒店相比，記着自己身在MK吃午餐就會很滿意。

我們已多次前往旺角仕德福吃 brunch 自助餐，時間是由早上11時至下午3時，因為價錢實在超超值，本來以前他們的生蠔只會每個鐘出一次，經過我向他們的高層直接對話反映，現在一個鐘也會出三輪生蠔，但每次的份量不多，約有20隻左右，但勝在夠新鮮。今次我們兩人吃了共$174.80，即每人是$87.40。我的外子吃了20隻多生蠔，若每隻$15計，及我們吃了6件 american chesse cake，按每件$15計，只說這兩款食物足已回本及so 爆！雖則他們的裝修是有點兒古老，但勝在廁所夠乾淨，加上地方都算舒服，我個人認為以此價錢來說就極力推荐。

1.德福軒在仕德福酒店內，環境清靜，適合知己聚舊。2.用匯豐信用卡簽帳七折。3.菜式以無錫骨配炸銀絲卷最美味。啤梨彩椒炒蝦仁也 不錯。4.贈送甜品，款式配合時令。5.侍應及部長溫文有禮。

某集團的高層請食飯，地點是德福軒。這家酒店的位置很"墮角"，唔講我都唔知這裡有間酒店。因為大人物請食飯的關係，沒有人遲到，大概七點幾已經人齊。或許是地方較為隱蔽，只得三兩檯客，頗冷清。點菜方面當然是由主人家發板，要咖哩牛尾煲、炸蠔、蒸魚、炸子雞、燒味拼盤和西生菜等，仲有紅酒、啤酒和汽水咁啦，都幾豐富。不過唔知點解冇叫例湯。燒味拼盤麻麻地，似是雪藏了一段時間的，毫冇鮮味。反而咖哩牛尾煲就唔錯，好香咖哩味，牛尾亦好正，連主人家都大讚一流。西生菜是白酌的，幾清淡，不過我倒幾鐘意，夠晒不味，又夠健康。炸子雞雞皮好脆，可是肉質較"鞋"，唔多理想。魚方面，相信那條是星斑，幾大條，但就蒸得老了些少。炸蠔就好得多，香脆而且蠔又夠大隻，十分欣賞。或許是大人物請食飯的闔係，大家都食得比較拘謹，唔多發言。而且紅酒又冇咩人飲，頗浪費。總括而言，食物只是一般，侍應都只懂招呼大老闆，對其他人略為疏忽，未算稱職。

之前行旺角，四圍冇咩好的飲茶地方，所以去左間好似望落好少少的酒店酒樓啦。點知失望囉，服務．．．個４眼肥經理好假．．．難頂，食物．．．唔出色，價錢．．．貴。去稻香啦～坐得冇咁好喜馬d野食得。