德興潮州粉麵牛肉火鍋

營業中

休息中

話說之前都有用外賣平台幫襯呢間舖頭，啲嘢都幾好食。不過今日遇到個不知所謂嘅阿姐。今日order咗個牛腩米線，見到佢已經做好，咁就入去拎，點知個阿姐話要我撳取餐先可以拎，Okay,咁我就同佢講你要先撳完成，我先可以撳取餐。點知阿姐話我唔理，我唔會撳，你自己等到時間夠，我已經show埋手機俾佢睇，你地仲係備餐中，要係你地部機撳左完成先得，我真係撳唔到，最後幾經爭持，先有另一個阿姐過嚟幫我撳掣。咁嘅服務態度真係唔會再幫襯。

今日在外賣平台叫牛腩三寶牛腩，牛肋，牛肚淋煮得都好入味，好好食粗麵唔係間間煮得好食個麵餅有彈口爽身，煮得岩岩好，值得一讚湯底味道岩岩好👍炸魚皮普通野。份量都算正常，不過不失。下次會再幫襯👍

服務員態度超級差，多問一句也沒心情回應，凍奶茶茶膽超淡，過往幫襯比較濃啲，明顯溝淡左，叫佢換過杯話個味就係咁，雞扒飯扒超細，沒有下一次，香港仔街坊宵夜肚餓要慎重考慮一下

相入面係細羊腩煲，第一次食之後有一次再約朋友食埋大羊腩煲🤭真係勁大煲 份量有double跟煲會送一碟新鮮生菜🥬腐乳羊腩無揸流攤 有3/4嘅羊腩都係皮肉層層分明，有1/4左右係連骨肉（我好怕食嘅好un好柴嘅肉，個羊腩煲入面嘅連骨肉都好軟👍🏻）除左羊腩有冬菇仔、馬蹄、荀，食完可以落牛肉、雲吞水餃🥟全部大大粒因為係街坊 所以成日黎食🤭除咗好味，仲好有人情味🥰伙記同老闆都好好人，以家太多連鎖餐廳，好難得有餐廳仲可以有喱種感覺！

今日返工去左香港仔，見平時香港魚蛋粉咁出名，就求其搵間入去試下啦。今次食嘅係德興潮州粉麵鋪頭環境都係潮式牛腩牛雜鋪頭，大約可以坐30人左右，都係卡位面對面咁。入去就見到張餐單，除左潮州粉麵仲有係食牛肉火鍋，不過今日中午就食返粉麵啦見到餐廳話崩沙腩有牙力先食到，心唸好似幾勁咁，即刻叫返個清湯崩沙腩河粉同埋魚蛋雲吞紫菜麵試下。清湯崩沙腩河粉黎到崩沙腩大約有8至10塊到啦，食落有啲似橡筋，但有牛味嘅，仲有陣牛脂味道，清湯係鮮甜嘅，配落河粉食唔錯，辣椒油方面，食落係香口嘅。河粉無斷開，唔係碎濕濕嘅魚蛋雲吞紫菜麵魚蛋係似用鱔肉鮮打嘅，未必係用九棍魚，雲吞方面蝦有兩隻但細隻嘅，麵就無簡水味，咬落彈牙。今餐食左$108蚊，經過香港仔鍾意食牛嘅朋友可以試下。

假日專程到香港仔一天遊🎒，當然要試一試正宗香港仔魚蛋粉🍜啦🤣==============================環境：⭐️⭐️⭐️⭐️店鋪內主要都係卡位，座位唔算闊落，但都整潔乾淨==============================食物：⭐️⭐️⭐️⭐️1️⃣魚蛋🍥雲吞紫菜麵🍜魚蛋係手打魚蛋，咬落都彈牙有魚🐟味雲吞入面都多蝦🦐，d蝦應該係新鮮蝦，但口感較硬身，無咩大地魚味，仲有d進步空間🙂紫菜要另加$5先有，所以份量都算多，味道正常幼麵麵質彈牙，無咩梘水味👍🏻2️⃣崩沙腩🐂可粉鋪頭已於當眼處提醒‼️「沒有牙力勿嘗試崩沙腩，因為崩沙腩。位於牛的横膈膜，筋膜含豐富膠質，口感彈牙，沒有肉的！」我就想挑戰下自己夠唔夠牙力🤣試過之後又覺得唔係要好勁牙力先食到，佢只係比較煙韌，但咬多幾下都咬得爛😝而且牛味好重，鍾意食牛ge 人應該會幾鍾意食調味料：呢到有醋，魚露同辣椒🌶️油可以揀今次試左醋同辣椒油醋係普通大紅浙醋，無咩特別辣椒油食落似豆板醬，都夠辣，但同雲吞麵唔係好夾😗==============================服務：⭐️⭐️⭐️⭐️⭐️樓面d姨姨🤵‍♀️有禮貌，見我地唔知想食咩又會主動介紹👍🏻👍🏻👍🏻