德記粉麵茶餐廳

營業中

休息中

方圓十里最好味的雲吞其他粉面飯也很出色價值親民 大份抵食位置不多 但長期滿座 幸好上菜快 翻桌率都很高長期幫襯的飯堂喜歡吃辣也有自家製特色辣醬 有興趣可挑戰Ps 只能現金支付請留意

10月26日揾食肥華陪靚媽到，深水埗運動場做完運動，時近中午，兩人便拍拖漫步到，青山道，呢間粉麵店食晏，因為時間尚早，肥華，靚媽，坐到舒適嘅四人卡座，又見到此店有自助斟水機，啱晒肥華心水，加添對此店好感。而食物質素方面，今餐肥華在此店，食到嘅嗰碟，蚝仔煎蛋飯，真喺驚為天人，大大塊煎蛋内裡包住份量不少，體積唔細嘅新鮮，蚝仔，連靚媽呢個煮飯婆，都讚此店，呢塊煎蛋質素無懈可擊，而跟餐嗰碗，紫菜湯，味道偏咸卻啱，肥華口味，加上此個飯餐衹喺賣$48唔俾個A+評分佢，都唔得。而此店招牌名物，牛雜米粉，則令肥華大失所望，牛雜欠缺應有味道，湯頭清淡，引致啲浸湯米粉，淡而無味，此店呢碗牛雜粉，衹值E級評分。不過因為此店，今餐嗰客蚝仔煎蛋飯，實在太，出色，堪稱，平，靚，正，攞盡肥華，靚媽，歡心，所以今餐有👍👍👍👍👍

夜麻麻諗唔到食乜只知道呢間係好嘢雖然舖頭唔係靚仔乾淨不過老字號夜晚八點幾行入去座無虛席就知道有幾好食啱啱好有兩個位坐低搭枱搭枱都唔緊要啦最緊要係好食坐低就叫咗個牛雜麵$31仲要加多一碟油菜係大嘅$18份量真係二人㗎～多再加多$9有杯凍檸茶～茶膽夠香亦都有幾片檸檬唔錯！基本上有好多嘢食連炒粉麵飯都有欣賞嘅係有人情味又耐心聆聽待應碗麵比平時嗰啲粉麵牛雜檔係大一半但係價錢相對係一樣牛雜每件都平均有兩件仲要係厚切麵都好多真係冇得輸！食過就知道㗎啦！

牛雜癮起，一於去德記整番碗新鮮牛雜河頂吓癮。近年香港的新鮮牛雜買少見少，德記係香港僅存小數尚在用新鮮牛什嘅粉麵店之一，原因當然係成本高，而且最緊要嘅係處理及清洗新鲜牛雜手續繁複，唔係好多老板或師傅願意花錢、花時間又花精神去做。。。聽講新鮮牛雜每日由買手從屠房辰咁早送來後，師傅先要用水再洗一次，然後出水，牛雜入了水會很重，需要花很多氣力，前前後後清洗到下煱炆煮要用3個小時。所以行內人漸漸懶得就懶，新開張那些餐廳全部都不會再用新鮮牛雜了，不過用冰鮮貨，一般在冰鮮及解凍過程中會破壞牛雜質感，肉味同脂肪香都欠奉，新鮮牛雜入口味道嘅層次感真係差好遠。。。～新鮮牛雜河新鮮牛雜河賣 $30 一碗真係無得輸，牛雜份量足、有牛膀、草肚、金錢肚、牛肺同牛腸各兩件，夠新鮮、清洗得夠乾淨、軟嫩度又適中。帶點肥膏靈魂嘅牛腸屬個人至愛！先呷一口湯頭，熱辣辣已經加曬分，要挑剔的話鹵汁湯味道有點濃，整體份量對一個大男人來講未必夠飽。～ 雙拼韭菜餃水餃淨食見到啊姐係到包餃子，忍唔住都要整多碗餃子試吓，浄食韭菜餃同水餃各有4 大粒賣 36 蚊非常低食同新鮮，真正即叫、即包、即刻由生煮到熟，+ 6 蚊重可以叫多杯跟餐熱檸茶

🍴牛腩飯 49 蚊大大碟 牛腩飯 牛腩半肥瘦 燘得好淋 個柱候醬汁 濃度適中 如果鍾意食濃味 d落下辣椒油都仲得 👍🏻🐂🍴魚皮14 蚊🐟夠哂香脆 比較薄身 所以就甘食 ok, 點粉麵湯汁食要快拎出黎 🍴水餃河 26 蚊🍜🥟水餃大大隻應該係自家包 個皮幾爽。入面蝦肉木耳都落足料 河粉 爽爽地份量夠 但就比較粗身 如果薄 d更好#牛腩 #水餃 #河粉 #粉麵 #辣椒油 #魚皮 #炸魚皮Score 平均分 <7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#德記粉麵茶餐廳長沙灣青山道152 號 a鋪~~~~~~~~~~~~

下午特價午餐飯價錢好平 ，$40-45日日有唔同款式，日日食都唔會厭，又有水準，牛雜粉麵又好食，牛腩很軟身，唔似平時快餐店咁咬極都咬唔得到宜家出面咁既食物開起碼都$60以上 ，佢咁既價錢真係好超值

星期日下午趁有空閒時間，到長沙灣德記一嘗頗為出名的牛雜我於中午時間到達，餐廳已坐滿 8 成座位。一坐下，二話不說便點叫牛雜飯 + 可樂一罐食物到達，賣相不錯牛雜以及牛汁的「色水」都到位～可惜，白飯的質感嚴重影響此牛雜飯的水平。係飯過程的水份太多，以致飯粒十分溶爛，影響牛雜飯的整體口感……至於餐廳環境尚算衛生，每張枱面上都有膠板作阻隔，而且飲管更有獨立包裝。員工的服務都十分週到，而且有禮貌，是十分難得。整體而言，如果「飯」的問題解決，整體將會是一客非常吸引的牛雜飯。

話說香港重係用新鮮牛雜既粉麵店已經唔多德記係其中一間，去到坐低 叫左碗🧡牛雜 牛筋米💛好得意 個湯底係魚🐟湯底 比較淡口所以忍唔住手 落左幾羹辣椒油🌶️而個牛雜相當不得了食得出好重牛味 特別係個牛腸 好肥美 又香口 🐮牛筋 都炆得好入味 又腍口 好骨膠原既感覺😍一碗米粉 雙拼 不嬲都唔抵因為會相對少左餸但呢度唔係 🤩🤩 俾返足咁多餸💲40既價錢真係超值 😋😋😋一齊去食哂全香港

早幾日做嘢去開長沙灣，順便過嚟食個午餐。叫咗個蠔仔煎蛋飯，跟熱奶茶，成為42蚊，超抵食。蠔仔煎蛋，煎得夠香，同芙蓉蛋飯做法同出一徹；豉油汁亦都夠香，不太鹹，味道剛剛好。奶茶中規中矩。牛雜米，食得出牛雜是新鮮貨，不是雪藏牛雜。米粉是較 raw，比較硬身。值得一提係湯魚湯頭，好味！30蚊碗，超值抵食。可惜係附近泊車比較困難，後面兩條街，全部double parking；車泊到去到李鄭屋邨再行過嚟，比較不方便。

舊區老店，針對街坊生意，實而不華。是香港僅存售賣新鮮牛雜的食肆，水記之外，還有那一家？特點是新鮮牛雜粉面之外，亦售賣炒粉面飯，而且街坊生意價錢大眾化。叫了一碗牛雜河，牛雜鋪滿了碗面，賣相吸引，但其實牛雜跟河粉的份量也並不太多，一個大男人剛能吃飽吧。雖然店鋪老舊，但內裏空間還算寬敞，而且間格合理適宜。各款牛雜的獨特味道也能發揮出來，不帶腥味，清潔得十分乾淨，只有金錢肚有些微苦，其它都很出色，尤以牛腸的油香最出眾。河粉就很一般，煮得有點過淋了，也沒什麼米香。一般粉麵店的貨色也齊。也售賣炒粉麵飯。新鮮牛雜真是賣少見少了，老店加油！

今天去开深水埗，来这间在YT上过饮食男女的铺头，真的像影片一样，全家经营十分干净，由于新policy底下，每张台只能坐一人，坐得舒服，但难为了饮食业经营者，百上加斤。希望他们做多D外卖。叫了碗牛杂河走肠，汤底清，不会太多油，但够牛味，喝了不会口渴，无落味精牛杂有牛蒡，牛肺，牛肚（多），全部新鲜，真的食法不同河粉一般，不过不失下次会试试牛三宝最后提提大家找铺的Tips - 在青山道刚过了东沙湾街，如果从东京街去就要走到街尾

行過長發街，經過呢間成日都人頭湧湧好多人幫襯，我又好想幫襯 , 但又從未幫襯過嘅德記粉麵茶餐廳 , 今次見到裏面冇乜人，於是就行入去食碗粉，醫下肚都好。墨魚丸、魚蛋 河粉，墨魚丸 , 質感很厚實 , 吃落有墨魚肉，有咬口感 , 都幾好食。魚蛋 , 質感爽滑彈牙 , 重魚味又有胡椒味 , 真材實料，好味。河粉 , 粉條啲質感比較粗糙 , 唔係好似我平時一般食開嘅河粉嘅質地，但係食落都幾爽口 , 有啲特別。湯底有啲 msg味，又帶有胡椒味，味道係 ok 嘅，不過我就唔會飲。

開到凌晨五點鐘。 宵夜的時候是一個好選擇。提供一般粥粉麵飯舖子，面積小但是有雲吞麵、牛腩麵、炒粉及餐茶。雲吞麵等更配有油菜及茶飲套餐。今天去買了一個郊外油菜，發現原來一個17蚊的外賣，菜的數量也是挺多的，屬於長沙灣區的一個良心小店。

今日黎到長沙灣覓食，舊區最多既就係地道小店，當中最出色嘅可算係茶餐廳，今日就再次幫襯食過幾次都覺得唔錯嘅德記食午餐。環境：話明係小店，座位一定會迫d，但都有3至4張卡位枱，不過唔建議坐電視機下面個張卡位枱，因為會俾電視機聲嘈到崩潰，我試過。服務：同普通茶記差唔多冇乜特別，但食過幾次試過唔止一次收銀找錯錢，仲要多數係找多左錢，睇黎收銀要再小心d先唔會做蝕本生意喇。衛生：衛生情況一般般，其中有個卡位上面係樓梯底，斜天花上面有唔少塵垢，見到都驚會跌落枱面d野食度。味道：呢度主要係食碟頭飯同車仔麵，我地分別叫左一個紫菜五寶麵同兩餸麵。先講紫菜五寶麵，每樣餸有一件，試完覺得墨丸最好味，加埋紫菜湯既鮮味，整體都幾滿意。兩餸麵分別係魚片頭同雲吞，魚片頭魚肉比較淡口冇乜魚味，反而雲吞有驚喜，食得出足料大隻蝦，但湯底較清淡，同紫菜湯比差了一截。抵食：三十幾蚊既午餐，係長沙灣仲有唔少其他選擇，只不過始終係老店，味道總有一定既保證，先至可以做到多年屹立不倒既。

游完個夜水想話係附近搵下野食。見到門口既牛雜幾香咁就走左入黎。不過都係想食下飯就叫左個沙爹金菇肥牛飯$41。加碟通菜$8同埋凍柚子檸蜜$5。柚子檸蜜柚味幾夠。不過得一片檸檬(不過咁會多少少水飲下)。夠哂冰凍飲落透心涼沙爹金菇肥牛飯就差少少。飯爛牛太肥。不過沙爹汁夠惹味。銀芽都好正好脆卜卜。扳回少少分數。通菜菜好新鮮。腐乳都好正。唯一可以挑剔既係腐乳太多。屬可控制範圍之內。都可以話幾好。