心。泰 (已結業)

上星期同個朋友參加左d2dating，睇左吸血新世紀，好浪漫!主持人比我地選食泰國菜定日本壽司，佢推介泰國菜之後帶左我地去一行八人去Simple Thai食泰國菜，四位男士都好識食，仲同主持人講食經，當中有人曾食過(但不是旺角店)，佢地點左幾個菜：大蝦炒泰米(即係炒貴刁，唔太淋仲好彈牙)炸蝦餅燒雞串拼盤(好香，串燒雞五串...雞都幾滑, 醬汁香)冬陰公各人一碗(冬陰公有隻大蝦，好好味！)鹽燒魚(一般左小小,好似係烏頭魚)泰國粉卷(細件左小小)蝦醬蝦膏炒飯(個飯味道好香，好野味)大蝦 (好似日本海老咁大隻，華麗而入味)幾碗椰香飯 (唔錯，但不夠香，無黃油)呢度環境幾舒服，燈光少許暗不是很吵，合食飯傾計同dating。呢個約會活動單單戲票已值回票價，咁選埋地方比我地食，真係抵玩！希望下次參加時可以去多些不同地方食野!

今個聖誕, 女友book左黎呢度食晚飯, 呢度環境真係唔錯, 仲訂左坐window seat, 望住下面平台餐聽、燈飾, 上到就望住個淺藍色天幕, 再襯上枱面既爉光, 果種感覺真係浪漫到暈得一陣陣 總共叫左三個菜1. 溂沙 - 有少少辣, 煲入面既料新鮮, 湯夠濃, 但唔影響料既鮮味, 下面用個火加熱, 令到温度唔會凍之餘, 食住熱辣辣既餸, 個湯都幾呼飲哂, 下次黎都會再叫! (好多謝女友的細心, 知道我鍾意熱辣辣, 特登點呢個比我 T__T)2. 椰青焗海鮮飯 - 如果單係食飯撈汁, 味道會太濃, 但將椰青肉挖出黎撈云 食，味道會變得有層次，同時令醬汁味冇咁濃，好特別 3. 併盤 - 每樣兩件， 味道ok好食，唔算太特別，但最貴呢個．．．好好味，絕對有下次!

周二的晚上與朋友到這家餐廳吃晚飯, 雖然來過朗豪坊很多次, 但是十三樓還是第一次上去呢!!!!!! 一上到去, 立刻被優美的環境深深吸引著, 起初還以為是露天, 但後來發覺原來是有個天幕蓋著的, 那打風下雨也不用擔心了!!!!我們兩個人被安排坐在餐廳入面, 還是window seat呢!!!!!! 旺角的街景就在我們腳下, 感覺很酷!!!!!! 我們都覺得, 如果有畏高就肯定會感到心驚膽顫呢!!!!! 好, 說回食物, 我們叫了黃咖啡雞, 柚子沙律配大蝦以及泰式蝦餅. 黃咖啡雞很不錯, 咖啡質感很滑, 感覺到是加了很多椰汁, 雞也很滑. 柚子沙律配大蝦也不錯呢!!!!! 很清新, 不過卻有點兒辣, 朋友不太能吃得辣, 所以頻呼好辣好辣. 相對來說, 泰式蝦餅就差了一點, 不太能夠吃到蝦味, 給我的感覺好像是吃著一團帶有膠質的麵粉進肚似的, 這款較為差.我們初初進來時, 由於時間尚早, 餐廳不是有太多人, 所以感覺是很清靜, 但是後來愈來愈來食客, 餐廳就顯得較嘈了. 我們進來時, 侍應已要求我們八點半交"台", 到準時八點半, 侍應也真的拿單來要求我們埋單了, 真是很準時呢!!!!!!

17/10/2008 同朋友慶祝生日黎呢度食...一行4人預先BOOK左枱準時到達.....點知黎到無枱比我地....咁無問題啦...我地等囉....明明見佢有其他枱係FOR4人既...佢地都唔肯比...仲要話係人地預先BOOK左....咁我地BOOK黎仲有咩意思?大家都等到好肚餓...大概等左半個鐘有多先有位.....點左4個送......白芥蘭 :賣相太普通......點左豉油都係淡而無味燒豬頸肉 :又是普通貨式....我覺得燒臘店果D叉燒都好味過佢好多賠咖哩炒蟹 :算係今餐最正常.....D咖哩汁比較甜...用D薄餅點黎食都OK....可能我食慣印度咖哩偏辣...所以呢個唔岩我泰式豬肉炒河(唔記得名) :呢個等左好耐先有..同waiteress講話叫佢cancel佢地就一直話整緊好快有...等到火都黎終於都到啦...睇下佢有咩咁特別要炒咁耐先.....點知...食落只係普通既肉片炒河....完全唔掂呀.....成餐飯我地都覺得無野落過肚咁....完全唔覺得自己係食緊泰菜...茶餐廳都好過佢.....唔會再有下次..真係好對唔住我既朋友...同佢食左餐唔好味既b-day dinne

6個女仔食左-芥蘭，　用好大條好粗既芥蘭去皮上碟，　都幾好食-椰青海鮮飯，　好味，　ｄ汁好濃，　飯又有椰青味，　唔係煮完飯就咁放落個椰青度serve 果隻呀-柚子沙律，　好辣, 有別於一般柚子沙律，　唔食得辣千其唔好叫-明爐魚，　一般啦，　可以唔食-吊燒雞，　ｄ皮好脆，　yummy-蝦餅，　正常-什菌豆腐，　自家制豆腐，　好滑（質感似日式蒸蛋），　豆味濃，　唔錯-鮮蝦香芒米紙卷，　ｄ芒果好酸呀，　頂唔順-甜品併盤，　(有ice cream, 炸香蕉，　斑蘭蛋糕（not sure） ，　芒果黑糯米.), 炸香蕉好掂，ice cream 幾好，　其他麻麻呢度環境幾正，價錢ok，　食物幾好，　地點就腳，　必定有下一次

朋友幫我補祝生日，當日下午訂位已話full晒，唯有walk-in試下有無位，當晚七點左右到達，餐廳內有七成滿坐，待應入坐時已講明八點半交枱，我地安排坐較入window seat，望晒旺角街景，每枱待應都會點上蠟燭，餐廳燈光比較昏暗，氣氛幾好，當晚我地點左一個原個海鮮焗飯，一上枱個飯好熱辣辣，飯面都有幾多海鮮，d飯食落有陣陣椰青味，另叫泰式炒雜菜、味道幾好，椒鹽魷魚酥，新鮮炸起，好脆口，待應服務態度幾好，有不斷加水，到了八點半交枱時間都無催我地埋單，只係問仲有無需要落last order，唯一唔好係餐廳內枱與枱之間好近，走廊通道比較陜窄。

上2個禮拜, 同班姊妹出唻聚舊, 揀左睇唻旺中帶靜o既心泰食, 貪佢環境好可以暢談八卦野我地本身都幾鍾意食泰國菜, 亦算食得辣(雖然唔算嗜辣), 但我地個晚6位都同時覺得呢間泰國菜真係好辣, 個晚係不停叫個waiter添水...軟殼蟹米紙卷, 椰青海鮮焗飯, 蝦醬通菜, 大蝦柚子沙律, 咖哩雞+薄餅, 豬頸肉飯, 等等...我地由第一道通菜, 已經發覺好辣. 軟殼蟹米紙卷中和左一下, 點知唻個大蝦柚子沙律, 我本身好鍾意食柚子沙律, 但呢碟係全晚最辣, 每人食左2小啖, 決定放棄呢碟o野. 之後唻個d, 已經食唔到咩味覺啦..真係唔知係咁o岩個廚師問題, 定係呢間不嬲都係出名辣呢? 平均我地每人係飲左3大杯水...之後每人點左唔同甜品, 唔記得點左咩, 大約係香蕉布甸, 雪糕+cake, 心太軟等, 每碟個賣相都好靚, 不過味道麻麻.主菜太辣, 甜品太甜, 所有味道都over左咁...唯一好處: 因為大家都太辣食唔落, 咁又多左時間掛住講八卦野, 氣氛離補到...

同老婆黎呢度慶祝紀念日，睇左食評就提早Book檯，Reserve左窗口位一入到去發現係所有窗口位都比人reserve哂lu~好在有book =)餐廳氣氛同情調都唔錯，睇下外面夜景(雖然旺角夜景無中環/TST咁靚)我地兩個對Thai food都唔係有研究既人，只係想搵個氣氛好而食評唔錯既地方軟殼蟹米紙卷 ($66)唔算太熱，點了汁之後無咁熱氣，軟殼蟹份量好多，可能是不習慣吃米紙卷的關係，覺得有點像腸粉皮@@南瓜紅咖哩海鮮 ($72)好大一個，而且海鮮都幾足料，好多咖哩汁，所以叫個薄餅黎點，仲可以食埋成個南瓜，不過係有D辣椰青海鮮焗飯 ($72)外貌幾好睇，唔係好辣，海鮮多，飯都好多...所以邊食都會邊加dD南瓜紅咖哩海鮮既咖哩食，幾好食，飽飽!!椰青仲好滑好好食~薄餅 ($14)好細塊...係唔係泰式同印式的會不同？呢度既應該牛油好勁...拎上手好油@@大份D就好啦服務唔錯，上菜好快@@，成日主動添水，收碟之前都會問過客人食完未，有禮貌=)加埋一總共246個幾~飽到咁甜品都唔洗食 =)

到心‧泰同朋友一聚，環境都OK，坐位不是太迫。入座後，點o左好幾個菜：冬蔭公、泰式小食拼、軟殼蟹米紙卷、鮮蝦香芒米紙卷盤、BB菜、通菜、菠蘿炒飯、燒雞。食泰國o野，必然要點o既冬蔭公，味道OK，冬蔭公裡面果半隻蝦，雖然都OK大隻，但係D蝦肉梅。個泰式小食拼都OK，不過類似扎肉的小肉塊D味就比較怪。其他都唔係太過出色，一般啦。最後一句，每道菜o既份量都好mini size囉！

3個人食左好多好多野 係幾正架 平均一個人都係百零蚊 差唔多啦海南雞雞本身無咩味 一定要點醬(雞醬,泰式醬,蒜蓉)冬蔭公味道不是太濃烈 d料都足 唔算辣南瓜咖哩海鮮賣相吸引 咖哩易入口柚子蝦沙律酸酸地幾開胃 不過做主菜就太多了泰式炒通菜幾油下......

朋友為我慶祝生日的一頓晚飯, 一齊做天幕下的好姊妹BOOK左位8點半, 朋友事前巳經要求坐近窗口位..去到都要等一陣.. 真係安排到窗口位 :] 望住成個朗豪坊.. 好靚既都..其實三個人都叫左好多野食..1. 香芒軟殼蟹米紙卷 - 岩岩炸出黎, 勁熱.. 好好味! Strongly recommended2. 蝦醬炒通菜 - 同食普通既通菜無乜分別, 但都算不過不失 :]3. 鮮果紅咖哩燴烤鴨 - 好鴨.. 咖哩配鴨, 感覺好奇怪.. 但真係好鴨味, OK4. 薄餅 - 同黎點咖哩汁.. 但係.. 個餅好牛油味.. 配咖哩食.. 個味道好怪= ="5. 海鮮喇沙 - 本人好鍾意食喇沙.. 入面海鮮好新鮮, 個湯底好好味! Strongly recommended6. 冬陰公湯 - 同我係泰國飲既正宗, 差好遠.. 係好酸 @@" 7. 椰青海鮮焗飯 - 好足海鮮.. D飯無乜椰子味........ 係囉, 都OK既~情調唔錯, SERVICE都好快.. 加水加得幾密下.. 環境舒適埋單好似係$420.. 所以都OK平 :]

出左糧同好朋友黎食飯餐廳環境唔係好光, 再加上周圍都好寧靜, 所以氣氛好浪漫一去到, 隨服務員到左窗邊既位置坐, 因為餐廳0係成十三樓, 0係窗邊望落去個境好正然後服務員幫我地點左中間既洋蠋座, 更添浪漫既情調成個環境真係唔錯跟住揀野食, 兩個人order左三樣野鮮蝦香芒米紙卷: 覺得一般, 主要係個配搭唔太 match, 芒果味唔夠出, 成個卷唔夠凍鮮果紅咖哩燴烤鴨: 呢個就OK, 比較 special, 因為我第一次食咖喱配生果,個感覺幾新鮮, 咖喱味都幾濃, 不過配鴨肉就較奇怪, 而且D鴨肉少少"鞋"薄餅: 呢個就真好正, 夠熱而且煙靭, 點咖喱汁黎食係無得頂, 個薄餅救番唔少分~!一品煱: 呢個係將好多唔同野放落冬陰功湯底, 呢個菜無咩特別, 不過, 個冬陰功湯底唔錯一起食飯的感覺真好, 不知會否有下一次呢

星期五中學同學芥蘭約左我去買相機，為左感謝。帶左我上黎食飯。上到黎當然第一時間覺得呢度環境好靚啦，但係接住落黎Waiter帶左我地兩個去到最入西既一個位坐。D燈光....黑得滯...雖然第一次上黎食，但係我之前都已經聽聞過呢間野幾好食，最想試下個蝦醬炒通菜。我同學就Order左過泰式魚餅、椰青海鮮焗飯、紅咖哩牛腩我唔算係好識得食泰國野既人，所以唔知點樣細分先至叫做好。不過總括黎講四個都好好食，我想要既通菜就淋左少少，不過好入味。紅咖哩個個唔食得好辣就要小心D啦(我食得辣，所以覺得好好味)埋單$266，多謝芥蘭!!

因為係媽媽舊曆生日呢...食飯少不得啦...但又唔知去邊食..就去左朗豪坊13/F 個到食野啦!!!因為之前同朋友仔去過...都OK啦...而且又唔多人WOR...GD晒啦!!!總括黎講我覺得ok的...係個甜品甜左d....但用香蕉可以整到咁既甜品我覺得好gd架啦...但2老就覺得今餐一般姐...........所以呢...唔好有人再話我點解食野咁咀习啦....有什麼樣的父母就有什麼樣的孩子哦!!! heehee!!!

朗豪坊ge13/F 好似另一天地咁...有情調o左 係旺角fine dining ge選擇雞肉抽子salad~好味~ 夏天食好fresh好開胃呀~咖哩蝦都好香~~朋友好鍾意呢度ge咖哩呢~叫o左薄餅點咖哩..不過原來一客得一件...冬蔭公湯~嗯...同飲開ge味道有d唔同...可能多o左種香草...個人黎講唔係咁鍾意..朋友就覺得幾好味~