心之食堂 (裝修中)

約左朋友談心，想搵間好味又唔嘈嘅居酒屋。朋友book左位，入到去，環境好舒服，設計得幾有溫馨感，令人有種返到屋企嘅感覺。餐廳提供好多唔同嘅菜式，包括刺身、日式串燒、炸物etc. 同埋好多款Sake ，每一道菜都特別注重食材嘅新鮮度同埋味道嘅平衡。個人大推「胡椒豬骨湯煮蜆」,用料新鮮，成碗可以飲晒。「海膽蟹籽杯」鮮味之餘，用Cocktail杯裝住，影相特別精緻。此外，餐廳嘅服務都幾好，員工親切友善，對菜品介紹得好詳細，令客人感受到賓至如歸嘅體驗。如果喺銅鑼灣附近想搵個地方靜靜地chill，同朋友傾計談心飲酒，「心之食堂」絕對係一個唔可以錯過嘅選擇！

喺呢到未裝修之前，夜晚想揾d日本居酒屋feel既餐廳，就揾左呢間！叫左脆脆吞拿魚腩卷，味道都吾錯，蟹籽配吞拿魚同脆脆味道完美地夾！個煎豬頸肉飯意外地好有驚喜，煎豬頸肉加醬汁送飯一流d珍珠米好有口感，bf仲話想加碗白飯，牛舌控既我，見到都忍吾住叫返串，燒得好好食！最尾仲有個鐵版燒豆腐，都燒得好香口，下次都會想再食！

心之食堂今日Happy Friday,森仔放工同女朋友去左銅鑼灣食好西，迎接假期🥳今次搵返一間之前食過，感覺幾好嘅：心之食堂❤️佢位於銅鑼灣耀華街百樂中心，係時代行過去超方便。而餐廳🍴空間還好，座位不是太多，有充裕的空間👍🏻談天吹水好地方。最令森仔encore嘅原因係其優質嘅食物和高性價比🤭🤭🤭胡椒豬骨湯煮蜆$78此個湯品味道真係一流！胡椒味濃，帶有微辣。而豬骨嘅精華也十分入味秋涼下飲胡椒豬骨湯真係超正，驅寒🙌🏻🙌🏻三文魚腩刺身$68呢個剌身真係超級鮮甜肥美油脂分布超正，有一種入口即溶嘅感覺好新鮮阿😋份量十足，足足有五大片，片片厚切👍🏻👍🏻原條鰻魚石頭鍋飯$118這個又係森仔必點。除左女朋友鍾意❤️食鰻魚之外，佢真係大件夾抵食。大大條原條鰻魚上枱，燒汁味道惹味，再帶有點點燒焦的脆邊😊肉質亦肥美，啖啖肉！最正係佢石鍋飯，熱🔥辣辣上枱，令到有一定飯焦🤭飯焦的香脆口感正！配上燒汁和鰻魚一齊食，正😚香蔥石板牛舌$68呢條譽為是日性價比之冠！因為估唔到$68，份量如此多！牛舌都係大大件，有無數咁多件。而香蔥燒汁汁煮時，令牛舌都很入味和稔身，非常美味！蒜蓉焗生蠔🦪$48這個生蠔🦪燒得也不錯，蒜蓉醬香濃

呢間居酒屋就係銅鑼灣百樂中心，店舖裝修好有日本風格，環境舒適，食材高質，用Qrcode落單，夠哂方便嘩，真係超級多蟹籽嘅 [ 日式蟹籽沙律 $58 ] 超級足料嘅沙律，沙律菜新鮮好味。即叫即燒嘅 [ 蒜燒大扇貝 $68 ] 個 size好大，口感鮮滑爽嫩，厚肉又肥美，食到lamlam脷，蒜蓉好香再嚟就係 [ 燒雞軟骨 $38 ] 兩串雞軟骨，細細粒，咬落口感脆卜卜。[ 厚燒牛舌心 $58 ] 一串三件，每件都好厚身，油脂較豐富，燒得好正，肉質口感軟腍，濃郁牛味，咬落去好juicy必叫 [ 心之蛋卷 $88 ] 用茄汁畫咗個心型圖案，加上沙律醬，厚身又餡料滿滿嘅玉子蛋，入面塞滿半溶芝士、蟹籽及三文魚，每一口都口感豐富有層次[ 胡椒豬骨湯煮蜆 $78 ] 個湯鮮甜好飲，胡椒味香濃，蜆肉份量都好多下，蜆肉肉質鮮甜，連啲蛙蛙菜都入哂味，飲完個湯可以暖下身添即叫即燒嘅 [ 蒜香烤焗茄子 $68 ] 超大件，雖然要等45min，但值得等咁耐，聞落超香蒜香味，茄子外皮燒得香口，茄子口感軟綿綿又滑又惹味色彩繽紛嘅 [ 彩虹卷 $68 ] 每邊都黏住唔同嘅食材，包括有蟹籽、海苔、魚子，每個口味都唔同，中

閨蜜話想去銅鑼灣shopping 之後搵間可以慢慢傾計嘅餐廳 我就搵到呢間居酒屋 菜式創新又唔貴 一試果然無去錯 😋🔸胡椒豬骨湯煮蜆 $78通常我地食開清酒煮蜆或者昆布湯煮蜆 胡椒豬骨湯可能係fusion 潮洲菜 我帶住滿滿疑惑 先飲一啖湯 哇 好鮮甜 蜆好肥美 配埋娃娃菜 神奇地又有d 日式feel🎌🔸海膽蟹子杯 $78好靚呀 用香檳杯裝住好似雞尾酒咁 蟹子嘅份量都幾多 啖啖卜卜聲 海膽上仲有d 魚子醬 真係奢侈到極緻 🍸🔸邪惡包（2件）$88顧名思義好邪惡呀🔥 食左肯定要努力做運動 但肯定唔捨得唔食嘅組合 用刺身帶子夾住煎鵝肝嘅生菜包 兩個都係我最鐘意食嘅食材 不過無諗過可以一齊食 仲咁夾🥠🔸心之蛋卷 $88切開佢原來有半熟芝士流出黎 煎到啱啱好 好juicy🥚🧀🔸燒BB露荀 $38BB露荀比一般嘅露荀幼好多 燒過好香 食落無乜粗纖維 大大啖食得好暢快🥬🔸火焰鐵板牛柳串 （2串) $88重頭戲黎啦 兩大串牛柳插喺鮮甜菠蘿上面🍍 已經睇頭十足 店員仲即場表演 一加酒一點火 大火即時將牛柳包圍 好睇之餘仲有實際作用 令肉嘅表面多一份焦香同酒香🥩🔸原條鰻魚石鍋飯 $118原條鰻魚浮誇咁搭

一向都知百樂中心多野食，今次同朋友來呢間餐廳，比佢既巨型牛舌飯吸引了。必食神級香葱牛舌石鍋飯，賣相超吸晴，牛舌份量超多之餘仲切到容易食，用左石鍋來裝飯，可以保温外下面仲有飯焦，脆脆哋好香口。第二個必食推介一定係胡椒豬肚湯煮蜆，胡椒味好香濃，呢個時間涼涼地飲就最岩啦。沙蜆超大粒仲鮮甜，加上清甜既娃娃菜，真係諗起都流口水啦~蟹肉忌廉餅即叫即炸，份量岩岩好，而家creamy之餘仲有絲絲蟹肉鮮味。當然唔好錯過串燒啦，每款都燒到好有水準，必食燒雞腎，燒秋葵，雞軟骨，鹽燒雞翼同鯖魚，只係簡單用鹽調味，已經好滋味了~最後叫左百香果柚子茶同蜂蜜柚子茶，甜度岩岩好，仲可以解去食物既油膩感。

成日聽人話呢一間餐廳性價比高而且見個火焰鐵板牛柳串幾吸引，一於嚟試吓～ 《 秋葵刺身沙律 💲88 》《 胡麻蕃茄 💲38 》沙律菜同角切魚生都夠新鮮，份量都多～《 彩虹卷 💲68 》卷住有炸蝦、蟹子、青瓜、牛油果、魚鬆粉，頂部放有黑魚子～外層仲有白芝麻，口感好豐富！《 蒜香燒蠔 (2只) 💲48 》既鮮甜又夠肥美多汁～ 
《 火焰鐵板牛柳串 (2串) 💲88 》喺面前點火一定係打卡位～牛柳粒嫩滑夾雜住甜甜嘅紅椒，仲配咗薯角同埋juicy嘅菠蘿，幾提味～
《 鹽燒雞翼 (2串) 💲58 》每串有2隻雞中翼～雞皮微脆香口，肉嫩有汁～《 鹽燒三文魚頭 💲78 》好大個魚頭，仲連埋魚鰭位置，多肉又嫩滑，加啲檸檬汁好提鮮～
《 蟹肉忌廉餅 💲38 》即炸好香脆，入面好creamy~
《鰻魚茶漬飯 💲58 》原來都幾香濃，湯吸得快，最後差不多喺鰻魚汁撈飯，都幾惹味～
《 鐵板豆腐 💲48 》香口又嫩滑～

心之食堂係我第二次黎啦! 都開左一段時間了!環境舒服，多選擇，又上得快，擺碟仲好靚，岩哂打卡的人! 今次帶朋友黎2人食左好多野~ 我重點推薦幾款!心之魚生飯 ♡98賣相超靚又足料🍣 海膽包(2件) ♡98海膽鮮甜! 賣相好可愛，令我諗起鈴芽之旅🪑蒜燒大扇貝(2只)♡68巨大隻，啖啖肉 三文魚腩(5)♡68絕對厚切!!l🔪好好味💖 藍碟花白桃乳酸 ♡48薄荷菠蘿特飲 ♡48豚肉蘆筍卷(2件) ♡48燒雞軟骨(2串) ♡38彩虹卷 ♡68燒原條菠蘿 ♡48超級爆汁多水又超甜🍍🍍上Openrice Book 位仲有85折Tim 心之食堂銅鑼灣耀華街3號百樂中心12樓1203室#跟Mila食好西 #foodiehk #foodie #銅鑼灣 #銅鑼灣美食 #日本野食 #日本菜 #日本居酒屋 #食好西

窩夫日前帶媽媽去銅鑼灣百樂中心支持小店。今次去12樓的「心之食堂」吃日本菜，店內的打卡牆超美。媽媽喝熱的百香果柚子($38)，窩夫喝走了冰的天然蘋果醋($38)，甜酸度剛剛好，窩夫非常喜歡。媽媽不吃生冷食物，當晚點的全是熟食。打頭陣是原條鰻魚石鍋飯($118)，一上桌便感受到那股熱氣，粒粒分明的飯加上脆卜卜的飯焦，飽肚之選。窩夫全晚最欣賞的是厚燒牛舌心(1串$58)，一串有三大塊，每塊約一厘米厚，火喉控制得非常好，爽口彈牙，肉汁豐富。窩夫很久沒有吃過的燒雞軟骨(2串$38)，調味剛好，不會燒得太乾。日式炒野菜($58)的賣相不錯，木魚絲很「生猛」，野菜種類亦不少。蒜香烤焗茄子($68)的茄子很大條，蒜蓉份量足。香蔥石板牛舌($68)的牛舌份量超多，味道和口感跟串燒的不同，各有特色。

係人海繁忙的鬧市銅鑼灣,周圍嘅餐廳都坐滿晒人,想搵一度可以坐得舒服，又安靜嘅地方真係好難,不過比我搵到有一間高質素嘅日式料理,仲發現到佢哋所有菜式都係用個心去製造,「心之食堂」!我好鐘意佢既心之魚生飯,大大份,又足料,同刺身又夠鮮,我朋友都食到停唔到口!大大啖哋吞晒落肚😂,仲有秋葵剌身沙律,好清新,又健康,岩曬我le 個又鐘意食野,又唔鐘意飽到上心口既人食啦!心之魚生飯 $98邪惡包（2件）$88威士忌梳打（杯）$58荔枝清酒特飲(杯）$58菠蘿荔枝清酒（杯）$58秋葵剌身沙律 $88火焰鐵板牛柳串（2串）$88燒雞軟骨（2串）$38蒜香烤焗茄子 $68

為食妹食 #日本野🔸心之魚生飯🍚外表係心型已經好吸引啦！如果朋友生日，仲可以插枝蠟燭當生日蛋糕都得🤣講返正題，除咗有三文魚之外仲有多種魚類😍起新鮮嫁👍🏻又有好多蟹籽，真係超足料嫁🔸海膽蟹籽杯🍸海膽杯真係出色，海膽下面有青瓜🥒同埋超大量嘅蟹籽嫁，絕對唔慳食材嫁😍🔸海膽包（2件）🍙入邊有大大粒嘅帶子包住超多海膽，海膽上面仲有魚子醬點綴，外面仲有紫菜包住😍入口好似融化咗咁😍🔸彩虹卷🌈🔸日式蟹籽沙律🥗蟹籽真係超級多，超級足料嘅沙律🥗🔸鹽燒雞翼 (2串)🍗燒得啱啱好，脆卜卜，雞翼係一定要食嘅串燒🔸鐵板豆腐上枱仲熱辣辣炸炸聲，下面有娃娃菜墊底，豆腐就唔會窿，呢個豆腐好特別👍🏻🔸芒果芝士蛋糕🍰好濃郁嘅芝士蛋糕🍰帶住淡淡既芒果味🥰🔸藍碟花白桃乳酸🍑藍白色既白桃乳酸，可以俾你瘋狂打卡先🤣味道啱啱好，又唔會好甜🔸青蘋果乳酸🍏好清新嘅青蘋果乳酸🍏，解渴就啱晒啦

放咗工之後心郁郁想食串燒🔥見到佢嘅名幾得意就去左！日式風格裝修見到鳥居⛩️，內𥚃寬敞，小店經營！佢哋嘅串燒好入味，份量十足！配啤酒🍻一流！其中最震撼火焰鐵板牛柳串 (2串)HK$ 88 佢🔥嘅氣勢令我嘩一聲咁精彩！佢嘅原條鰻魚石鍋飯$118都好食，冇咩碎骨！另外點樣其他串燒，厚燒牛舌心HK$ 58 原條燒日本魷魚HK$ 118 
汁燒雞肝 (2串)HK$ 38 蒜香烤焗茄子HK$ 68 最鐘意胡椒香味又可以暖下身，胡椒豬骨湯煮蜆HK$ 78 
藍碟花白桃乳酸HK$ 48

邊個話做節一定要食中菜我就中意食日本餐😋😋心之食堂就啱曬一大班人又得 二個靜靜想傾下心事又得 我中意呢到多選擇唔系單一食壽司🍣刺身 仲有串燒🍢燒魚🐟炸物🥠可以選擇推薦的邪惡包 鵝肝配上帶子用紫菜包住 記得要一上台即刻食咁樣知錯就唔會變淋 每一口都趣卜卜仲有佢地厚燒牛舌心 🐮👅好厚鹽燒真係冇得頂每一口都香脆多肉汁 燒雞皮🐔就系要食佢油脂 每一口都系邪惡同埋煙肉荔枝卷都系必食 蒜香燒蠔🦪顆淋魚干 翠玉瓜薯片炒牛柳粒🥩呢啲全部都系送酒好物 一路傾住計一路食住小食做節 幾時喺邊到都一樣咁開心😃🤍

放工之後同朋友👫去咗銅鑼灣伯樂中心入邊嘅居酒屋食晚餐叫咗兩杯特飲藍碟花白桃乳酸、薄荷菠蘿特飮好colourful 打卡都幾正🫣心之魚生飯 佢個魚生蛋糕都只係$98 又幾抵 大大份 好多魚生呀😳有驚喜海膽包(2件) 海膽同帶子都好新鮮仲有埋造型添🥸用紫菜包住海膽同帶子 好滿足 三文魚腩（5切）估唔到佢個三文魚腩超厚切啖啖肉燒原條菠蘿🍍必食推介是日MVP係個菠蘿真係好大碌！成條咁上重切好晒起埋菠蘿肉 又幾juicy wo😝

🈵️平時努力返工👩🏻‍💻放假梗係要對自己好啲啦❤️今晚搵間性價比高嘅餐廳充充電🍴同自己打打氣🥳呢間餐廳裝修簡約得黎又好有氣氛😍窗邊放滿好多酒樽🍷鍾意飲番兩杯嘅朋友就啱曬喇🥂🐂香蔥牛舌石鍋飯 $98 : 呢個香蔥牛舌石鍋飯賣相超級靚😍熱辣辣嘅飯上邊鋪滿好多好多好多汁嘅牛舌👍而且牛舌size仲係切到一啖就食到🔪性價比高💯🥚心之蛋卷 $88 : 最鍾意食蛋卷🫔佢呢個蛋卷仲要好大份😍裏面嘅餡料仲好豐富添✅上面仲畫咗個心心❤️❤️大人小朋友見到都一定會鍾意💯好sweet呢🥳🥬日式炒野菜 $58 : 蔬菜新鮮🥬簡單炒已經令人回味無窮嚕🥳🐟鰻魚茶漬飯 $58 : 我好鍾意食茶漬飯😍但係唔係每間日本餐廳都可以食到🥳呢間仲係用石鍋做添💯一路食個鰻魚飯都仲係keep住熱辣辣🔥好讚喔🥳🦪蒜香燒蠔 $48/2pc : 新鮮肥美嘅生蠔🦪再加埋蒜香去燒🔥味道的確唔錯👍🔥味淋魚干 $88 : 呢份味淋魚干口感好正💯我鍾意食魚干嘅口感係偏嫰同埋多汁✅呢個就符合晒我嘅口味💯🍣彩虹卷 $68 : 喺Menu睇到呢個彩虹卷個名好吸引😍原來裏面好🈶️好多蟹籽仲捲住有炸蝦添🍤色香味俱全🥳🐷豚肉蘆荀卷 $48 : 薄薄嘅豚肉捲住脆口嘅蘆筍