心甜 (已結業)

之前食過覺得ok，今晚再黎食，價錢貴左，食物質素差左！叫左個椰王燉蛋白，味道正常但稀溜溜，半水狀態，收$48只可以話唔值。另外個雙子比利時waffle更離譜，得兩舊窩夫，一舊上面有幾粒芒果加一pat cream，另一舊如圖，得半球雪糕，味道都係正常，夠膽收$68，元旦特別日子仲要加一！無下次！

前幾年好喜歡去心甜食窩夫，特別有原味、班蘭等等，事隔一段時間了，再次去心甜竟然覺得失望。第一 是已經沒有以前多麽的選擇第二價錢比以前貴左好多第三 最重要是窩夫的形狀和味道已經沒有外脆內軟的感受。如果可以我未必再選擇。

布朗尼雪糕三文治布朗尼部份(好重朱古力味，濃度不算高)口感好實(布朗尼的特色)雪糕有 movenpick 牌子，揀左士多啤梨味(這牌子雪糕好滑，士多啤梨味特出(味道不錯)滿$ 60甜品……可享有 指定同款同價錢飲品，買一送一西瓜汁味道一般本來期待的椰皇，第一次失望上枱已經見到椰皇肉變左淺紫色(新鲜椰皇，係雪白色肉)湯圓正常，蛋白唔滑(而且蛋白面有層椰水)，一望已經知(雪完……再座熱俾客)味道有微酸味，椰子不新鲜的酸味，同店員反映……答案(今日先造)，我們強調有酸味，答案(椰皇無問题)，我們當然知道椰皇(無變壞,只係唔新鲜的酸)，店員呆企，我們叫廚房甜品師，出來試味，無人出來試味，店員再過來的時候，有一個全新椰皇上枱，椰皇肉雪白，蛋白面無一層椰水，蛋白好幼滑，湯圓熱辣辣，味道新鲜新鮮椰皇肉係雪白色第一次上枱(椰子肉淺紫色，蛋白面有層椰子水)食甜品係開心事，投訴味道(希望甜品有進步)，店舖新開張，好多人排隊等，現在很冷清，造甜品的態度，好差(唔新鮮，係負評源頭，希望注意這點)本身甜品有質素的

啲甜品既價錢同味道不成正比，雪糕既選擇得2款，其他要加錢，唔係嘛，你48蚊既朱古力brownie三文治就真係得兩款，斑斕窩夫味道好奇怪，等成20分鐘，個窩夫都係唔熱唔脆。好失望

今晩一家三口口淡淡去大圍食甜品，經過尼間甜品店見佢d雪糕係Movenpick就入左去，點知中伏😤地下無位，佢哋請我哋上一層，唸住正正常常啦，點知係閣樓仔，行人去要污低身，否則中頭獎😩d座位殘舊不堪，冷氣又吾夠😖（坐我隔離枱坐坐下都未食野因為太焗走咗），反映左之後有少少改善。叫咗兩個香蕉船，Movenpick雪糕好味夠凍，香蕉士多啤梨也不錯，可惜足足等左15-20分鐘！佢有個鐘話有需要按鈡就有人上尼，諗住等咁耐崔下啦，點知禁左兩次都無人理😡😡巨峰提子梳打買一送一，可惜味道一般，又冇比匙羹了啲紫色嘢上嚟🙄🙄剩惠＄158😒😒又貴地方又吾好服務又差😑連阿仔都話下次一定吾會再見！

叫左個芒果奶凍，個芒果另上，但極唔新鮮，變哂色咁😢叫左個香蕉船，叫咩雪糕無咩雪糕, 跟住個雪糕仲要有冰😓..............................

 士多啤梨奶昔-中規中矩-味道假-似由家庭盒裝雪糕整成雜果班蘭味窩夫配綠茶雪糕-班蘭味很香，不太有化學感覺-窩夫不會太硬-生果新鮮度可以接受-雪糕是movenpick，味道正常整體水準屬中上可以一試窩夫類甜品奶昔則不推薦p.s 沒有加一

琴晚放工忽然想食甜品，就過左黎大圍呢邊。呢間鋪地下唔大，但好彩有二樓。講返正題，今次叫左個朱古力心太軟，等左廿分鐘終於送上來。個心太軟外表呈心型，伴住分開盛載嘅雪糕，賣相其實無咩特別。但一切開個心太軟裡面啲朱古力即如泉水咁湧出來，做得好好。再試試味道，流出來嘅朱古力漿味道好濃，而個蛋糕外表亦好味又唔太甜。伴隨埋個movepick雪糕，味道，下次會再來試下其他甜品～

大圍小店一間，之前只有甜品，可能生意難做，衣家要做埋lunch！加油！今次點了士多啤梨原味窩夫配雪糕，買相唔錯！雪糕用Movenpick，我唔多介紹，一定有保證。一上台個窩夫好香，其實一切落去就散散地！可能係外脆內軟既關係！好有蛋味，外面脆到硬咁，裏面就真係好軟熟，熱辣辣。真係唔明點做到咁極端既外脆內軟！士多啤梨超清甜，好似喺日本食咁！價錢好合理，支持小店！

隔了一段時間無吃中式糖水近近地來到這間心甜因為我想吃腐竹白果薏米糖水而男友平日喜歡吃楊枝甘露點了各一客首先來到的是楊枝甘露我慣性搶吃第一口一放進口，簡直癲覆我味蕾味道像壞掉的酸男友嘗了一口也忍不住叫人來然後她解釋師傅說過今天芒果比較酸我反問既然知道為什麼下單前不說一聲反正味道是壞掉的酸。。。然後腐竹白味薏米只有腐竹水內裡一顆白果或薏米也沒有我也吃光了 我發誓整碗都是什麼都沒有。。。男友後來點了一客法式燉蛋質地像Cream Cheese一點滑都說不上。。反正就感到糖水師傅一點心都沒有難食！不會再來

今晚約左友人黎大圍食飯，食完之後佢話想食甜品，於是就帶左佢黎呢到。講起心甜，我都好耐無黎，一黎就見到menu轉左😂今次都係叫呢到出名嘅窩夫，芒果窩夫配雲尼拿雪糕窩夫外層脆身，內層比較黏口，並不是內軟嘅感覺，蛋香味不出，反而牛油味比較明顯，已經算不錯了。朱古力topping醬已經比其他地方好食了，呢方面加分！雪糕就係用m字品牌，味道就正常，不過唯一失望嘅係，原來佢地係一球球預先整好放係雪糕碗到，再放入雪櫃冷藏，搞到球雪糕原本溶左再雪返硬，感覺怪怪的。焦糖燉蛋，呢個真係燉蛋😂由於cream嘅比例較少，蛋呢比例較多，所以口感較實。焦糖係用白糖燒出黎，都算脆，不算太甜度，份量都幾多。整體黎講，呢間咁多年嘅水準算不過不失，沒有太大驚喜。

上次同朋友食過一次， 念念不忘燴梨， 今次又再食多次， 果然水準依然， 個梨好林好甜， 入口即溶， 再配埋汁是加糖在面再用火槍燒， 所以個面脆脆地、 成個燴梨的配搭好好， 仲要配好好味的movenpick雪糕， 真係未食完又開始掛念， 男友叫左個梳乎厘，又係一般要等好耐的梳乎厘， 驚喜就無喇，好平常的梳乎厘， 唔算好甜， 但都好鬆軟， 打得好勻， 無一舊舊， ok的， 又是配movenpick 雪糕，呢度 大部份甜品都是配雪糕， 而movenpick就提供， 士多啤梨， 朱古力同雲哩拿， 其他味道的雪糕是另外的牌子， 我問店員是咩牌子， 佢竟然答唔知道， 咁算啦， 梗係食返movenpick啦

平時經過見到門口都幾靚又見到食評好似幾好，今晚專登揸車去買碗甜品試下，真係唔識煮都好過佢，你地放d食物落碗比人之前都要諗下食唔食得架，呢碗野比你自己都唔食啦，仲要$31蚊😡😡

朋友說這間的甜品舖也不錯 所以也想走來試試 雖然店舖不大 坐位都算多的 也坐得舒服的 我點了焦糖布甸配movenpick豬古力雪糕 甜品一上枱就很吸睛 即刻忍不住要拍下照片 哈哈 甜品是凍食的 布甸上有一塊燒過的焦糖還有半粒士多啤梨 味道方面 我覺得焦糖可以再甜一點 布甸的口感很嫩滑 好好味 另外 小妹我有點貪心 所以另外再加了一個movenpick豬古力口味的雪糕 廚師很貼心 因把雪糕的碗也冰凍了 所以雪糕唔會溶得很快 雪糕的味道當然正 味道夠濃也有豬古力碎 一齊入口食 無得輸 嘿嘿 這次的甜品可以説是完全滿足到我口腔上的滿足😝😝

星期六早上，不用上班，毛毛細雨催人眠，輕鬆上課過後，走到這邊隨便找點吃的當午餐。 這是一間甜品店，門外不難看到甜品的介紹。中午時份，店員在門口宣傳，我們見價錢相宜就進去了。 忌廉汁燴海鮮意粉忌廉汁香濃幼滑，海鮮雜錦粒很豐富，有蝦有魷魚有章魚，撒上香草葉更有淡淡清香。不過忌廉汁略微過濃，令人有點飽滯。 流心卡邦尼意粉流心原來是有隻流心蛋，桔破後蛋漿如泉湧般流出，拌勻後每啖意粉都帶有淡淡蛋香。煙肉用料足，與蛋味相配，實在抵食。午市套餐有附送汽水，整體來說尚算經濟，只是店內空間不多，座位舒適度不太高。