影片
電話號碼
2204 4376
營業時間
星期一至日
07:30 - 23:00
以上資料只供參考, 請與餐廳確認詳情
同事因腸胃病休息了1天，回來唯有陪她食得清淡一點，免得她肚仔負擔重又要請病假，大家辛苦。終於在商場找到這家店，是一間現代粥店。可能是基於營運成本的理由，這裡沒有油條、腸粉，取而代之有芒果布丁和紅豆冰涼粉。不過這也是合情合理，在商場租金高昂的情況下，食市不能賣令客人飽肚又低價的食品，否則必定虧本！我們3個人選了1個2人餐，包括：1大煲粥、1碟炒飯、1份小食、2個甜品、2杯飲品，每項都提供2至3個選擇，都算不錯。「杞子豬膶竹絲雞粥」-竹絲雞比較少肉，想食肉就要食豬膶；而豬膶切得薄，容易熟又不怕煮'老'了，合格；最出色的是杞子，又大粒又甜，令這煲粥都很甜！食的時候，我們都不用加任何調味料！很喜歡！要讚！ 「薑粒五蝦炒飯」-愛食蝦的人都只愛食新鮮的，明蝦實在難滿足，不過這炒飯還加了蝦子，事情就不一樣了！有點惹味又未至於太濃，算吸引的！ 如果這炒飯能夠再乾身一點就更好！至於小食，我們選了「蜆介炸鯪魚球」，我認為不合格，由賣相到質感也不太理想，索性不放相了！ 甜品算不錯，「紅豆冰涼粉」更是意料之外 ，或許是我們誤會了「紅豆涼粉冰」，所以感到份外驚訝 ！ 不過，味道是好的，不算太甜，紅豆軟柔，感覺良好，涼粉也是細細粒，挺有特色，可試！ 完成了整個餐，對2個一般食量的人加1個病人來說，份量也算足夠，$148 - OK！
繼續閱讀
平日好少機會行過荔枝角一帶，今日同男友去攞團購，順便周圍貢，貢下貢下去左昇悅廣場個邊搵野食啦！時間太約7點左右，個商場人流唔算多，餐廳都未有人等位，我同男友考慮左一陣就揀左心粥館啦！餐廳環境設計簡單，檯與檯之間唔算闊落，但檯夠大，我地2個人都比張4人檯我地，可能職員們見到我地攞住幾大袋戰利品！講番食物先～我地今晚揀左$138霸王雞餐，餸菜包括一碟雞、一碟自選小菜、飯及飲品（凍飲+$2）：主菜：霸王雞豉油汁味，雞肉明顯係冰鮮雞仲係有陣濃濃的雪味，所以我要點好多汁，肉質都係一段，有D"嚼勁"勝在份量夠多，2個人差D食唔晒！主菜：西蘭花班塊都係有陣雪味，又係勝在份量夠多！菜意想不到幾好食，無"叔"味！飯點解要介紹飯？因為佢份量真係好足夠！仲係軟硬適中！飲品應該係沖出來，好既係無藥水味，仲有D果肉咬下！幾好飲，飲完唔口渴！
繼續閱讀
今日難得約左好紙美AB喺荔枝角食午飯~~本身諗住去鋸扒,後來因少少意外所以誤闖此地雷為怕午市時段多人~所以我早左少少去搵位,見間餐廳都算大,有inside and outside ,兩者其實分別唔大~只係有冇玻璃隔住既分別我見人唔算多~問服務員小姐可唔可以坐outside,佢答我而家唔開~(我心諗可能夜晚先開~)SO~我理解,佢跟手話入面仲有好多位,叫我入去坐~OKOK…坐落紙美未到,就睇住餐牌先~款式算多~有粥粉面飯仲有湯~睇落好吸引~本來諗住叫半隻鷄~見到佢有海南鷄飯餐就放棄念頭~!紙美終於到~我地決定點几個午市套餐~唔知係咪點單同上菜的服務員係分開工作呢~所以我地叫極D服務員都唔係咁睬我地~認左你又話要等等~足足5分鐘都冇人理~!!好忙囉~!辛苦落左單~等大陣終於有得食~海南鷄飯餐 – 有油飯同白飯揀,我就點左油飯,奇怪佢D油飯都冇咩鷄味,心諗可能白飯味仲淡,D鷄真係幹到唔信~連紙美B齋睇都覺得會好鞋口~果然食落真係硬到冇得頂~!OH~NO!!暴殄天物!服務員小姐問我飲乜野,我就答佢飲中湯,佢居然答我呢個餐冇湯跟..吓~我都係第一次聽到~~!唔係呀化~所以我唯有問佢有乜野可以揀LA~佢就答我:咖啡茶可力華田果D囉~仲有D特飲你自己睇下...~.吓~~乜咁麥太...紙美B的星洲炒米餐 – 超級油~而且冇咩香味~!!感覺好差~食左大半成都冇再食了~紙美A竹筒咸魚鷄粒炒飯餐 – 上枱時只係一碟炒飯,我地三個都以為係送錯枱,就同服務員小姐講,佢話係呢碟呀~!仲講得出個名~我地話乜唔係竹筒上咩?佢夠胆話今日D竹筒用晒~咁上都一樣姐~!!(吓..唔係呀化~)紙美A冇我咁麻煩,佢話息事寧人喎,佢話個飯食落只係冇左D竹味~其餘既就同出面既咸魚鷄粒炒飯冇分別~只係油左少少~~全餐最美味既我諗係佢的油菜~烚得啱啱好唔會太老太黃~!仲有少少爽口TIM!除左我的海南鷄飯其他兩碟都冇心機拍照,因為真係太令人無奈~飲品我最後點了紅葡萄柚子茶,初頭以為係乜野新出品,最後得黎的只係一杯柚子茶~唔係呀化~仲要勁甜~真唔明點解堂食都要用膠棒棒~一拎起可能D水太熱,所以連支棒頭都溶溶地~oh…no…紙美A點左冬瓜茶,又係甜到飛起~要用清水沖沖佢先入得口~洗唔洗咁重手先?!難得既一個相聚時刻我覺得真係浪費左~~食完拿拿林埋單~真係要記得下次唔好再黎~
繼續閱讀
唔會再嚟呢間，睇下圖中物件你就知咩事：1. 招呼客人杯水啲水有色嘅，個杯有鼓油積嘅，咁都俾得個客嘅？衛生情度極差！2. 睇下碟腸粉，冇剪細條 ，只得幾粒芝麻同些少甜醬，連麻醬都欠奉，齋腸真係咁齋？究竟係呢間鋪嘅員工懶同求其？定係呢個飲食集團管理差？唔知，我只知我唔會去第二次！
繼續閱讀
天氣好!! 晨早黎荔枝角近月新開幕o既Jusco百貨逛逛…回程時近中午, 簡單食埋飯先返屋企…哈!!小小外甥女係”百蘭氏”…經過見<心粥館>門前餐牌見有海南雞飯早已鎖定目標…好在附近工商區放飯o既人潮未現, 入到黎大把位任坐…海南雞飯套餐 ($45)…可選油飯或白飯, 跟餐附送油菜及飲品(特飲或冷飲要加錢)…都好豐富咁, 雞賣相不俗, 吾會厚厚肥雞皮, 妹妹對味道亦讚不絕口, 好享受!!狀元及第粥套餐 ($38) …以傳統煲仔上, 材料豐富, 肉丸豬腰豬肚豬粉腸豬肝樣樣齊, 粥底細綿, 家姐讚好; 仲有小食一客, 要左腸粉, 只一般, 吾算細滑, 反而覺得個甜醬幾好味!!水餃撈麵 ($29) …蝦肉大大隻亦爽口, 不過可能都係叫湯麵好D…撈麵個蠔油太甜吾多好味, 麵餅好大份, 不過吾夠爽身, 整體麻麻地!!祝各位豐衣足食!!
繼續閱讀