心粥館 (已結業)

心粥館都係魚米集團，通常去都係食下魚湯米線，同病左有個地方食下粥，不過不失。今日試下餐牌其他野， 哎左個鹵肉帆立貝撈刀削烏冬。唔知係咪撈的關係，覺得鹵肉老左d，似平時起湯米線食倒的炸醬，如果係放起湯食可能夾d，但撈麵食不太襯。但想讚下個烏冬，無唸過係好粗的大條的烏冬，仲粗過筷子，好彈牙，鍾意食烏冬可以來一試，不過唔好揀鹵肉撈。帆立貝仲有成8-10粒，不錯幾抵食。餐牌雖然有超多款式食物揀，但試左幾次，有些質素很一般，重質的我認為款式多是好，但質素高更重要，菜式配搭味道都有改善的空間。

午餐和女兒來吃這個米線 叫了鯇魚米線 鯇魚本身是煎過的 所以入口更野味 魚湯香滑濃郁 不過太大碗我吃不晒 很浪費😩😭轉了柚子蜜特飲 本身喜歡喝柚子蜜 更要是在夏天裏特別好喝消暑用

Lunch time 唔想食飯，但係又想食粥，見到間野就入左去啦。 帆立貝瘦肉粥單叫都43，所以都係叫套餐算，帆立貝瘦肉粥加炒麵加餐飲都47姐。 然後一入黎姐姐叫我坐另一邊仲好貼心講話個度沒咁凍。 坐低叫左餐個炒麵到左先，油落得幾多，但咁至好食，可惜係凍凍地。 碗粥有蔥在面架，走蔥記得講聲bo。帆立貝同餐牌上面一樣有3粒大概一蚊銀的大細寫，煮得不過不失，瘦肉而家撕成肉絲（但應該煮太耐同沒咩味）,個粥底綿帶少少鮮，所以最鐘意應該就係粥底。 杯即磨咖啡都幾耐至到，ne款即磨咖啡同m記個款差唔多。

去開荔枝角，臨時搵個好友食個午餐，喺呢頭返工都知午膳時間周圍都人頭湧湧。好友結果搵到位，仲選定食物，佢話大熱天時唔好食粥啦！我選了豬軟骨撈淮山麵，貪佢唔熱。豬軟骨味道尚算可以，但係只有兩大件，其他都碎濕濕。反而淮山麵質地唔錯，又易入口。

同同事一行三人諗住近近地又得一個鐘，所以揀左佢，貪佢有得揀粥或者米線，叫左三杯野飲三個正餐，正餐都黎哂之後有兩杯野飲遲遲未到，就吹一吹，點知漏單無落，好啦！繼續等，點知食到一半見到碗麵入面有隻疑似強哥既野，即刻撈起啦！點知真係強哥！即刻無心情食，同同事講完諗住算，等埋果兩杯野就走，之後再吹左2次去到同事碗野食完先到！之後岀去埋單，麻煩收銀幫我打散張50佢同我講，無散紙點唱呀我最多咪唱你10蚊散紙你答我啦我一直都keep住仲係好好禮貌既我自己都飲食業岀身你如果咁唔耐煩既就唔好做服務業

平時呢間嘢不嬲都要排隊嘅晏晝lunch time 荔枝角中價嘢食, 選擇不嬲都少啦以前間唔中都會有叫牛腩撈烏冬嘅, 一向都係46蚊冇嘢飲外賣加一蚊啦, 尋晚心血來潮又有少少攰就叫咗一個皮蛋瘦肉粥 走蔥 , 32蚊嚟講呢其實又唔算太貴但係出到嚟嗰個外賣我覺得真係好細碗囉 , 再叫多個蘿蔔牛腩撈烏冬番屋企 做晚餐同屋企人 分享啦, 一打開碗 皮蛋瘦肉 粥, 一"了"落去, 唉 好大舊既皮蛋 。。。少許 肉絲, 大佬呀我一家大細想分享佢嗰啲食物嗰刻真係好失落, 跟手開埋個撈烏冬啲牛腩好乾身, 柴嘅, 雖然不嬲都冇乜汁㗎喇, 最攞命係啲味精, 真係好難再畀多次機會佢囉

同個朋友喺附近做完嘢，就諗住搵間餐廳食米線，不過譚仔就好多人，就見到呢間心粥館有得食，款式仲幾多下所以就的起心肝入去試啦！我朋友就叫咗個八寶面，我就叫咗個豬腸，豬肚米線，佢個湯貌似沙嗲嘅湯底，但係食落去又唔似係，我本身都食得辣嘅，譚仔都食小辣，所以今次都叫咗小辣，但係個面係辣到我食唔到！可能佢隻辣醬係唔同啲，建議想食辣嘅朋友問吓佢可唔可再少啲辣，所以就叫咗個水蜜桃Qq冰，佢所謂嘅Qq就係啫喱，都冇乜特別嘅，但係唔會左返嚟食

粥同材料好似分開落咁試過牛肉粥同豬肚粥牛肉係急凍牛肉但感覺無調味就掉落粥急凍原材料跟本不會有味道粥底沒有米香味整個粥只有生菜絲的味道自己屋企煲白粥都比佢有香味希望店舖想想辦法提升味道（以沒有味精為前提下）原本食左一半都想食埋佢但食到啖好腥就真係食唔落希望改善一下衛生唯一可取之處應該是沒有味精35$一碗粥都算中等價錢湯粉麵都偏林雖然份量很多但湯底真係淡到 只食到米粉的味道所有材料只得急凍味侍應既服務態度都幾好但調味同衛生方面希望再要加強

咁岩星期六日有市集，所以過黎行街順便食下午茶。附近都係西餐同埋貴貴地，諗住食個快既就決定入呢間茶餐廳。我叫左花生醬西多士配雞翼 35蚊，價錢ok!黎到見到雞翼炸到勁多油，未”鯨”乾就上碟，油浸咁 點食先西多望落個樣正常，淋上糖漿就食得！切開擺落口…點解無味既？！花生醬係邊？揭開黎睇…唔係呀嘛？你不如唔好落花生醬啦，成塊包得個一劃 咁簡單搽花生醬呢個步驟都咁hea 不如唔好做廚師啦！食完覺得好失望，竟然基本野都做唔好以後唔會再黎！亦都會叫朋友唔好去

香港進入風季，天氣經常都好唔穩定，雖然呢日橫風橫雨，但都無損娘親同朋友行街既決心。呢日晏晝尼到D2 place , 唔係為左行手作市集，就當然係尼搵食架啦!呢間粥舖同魚米連埋一齊做既，唔想食粥都可以揀魚湯米線，我地一行三人唔想食到咁飽，所以叫左一碗大粥，再加兩個小食咁。粥裡面有肉丸、蝦、帆立貝、蠔豉等等，好豐富。尤其是蠔豉落左好多，粥煲得夠綿，調味都恰到好處。XO醬炒腸粉，我至愛之一，但調味麻麻，冇咩辣味，要再加辣椒油，色水都差少少。炒麵唔會炒得太乾，份量都唔算少，唔錯既。

今日去荔枝角搵朋友食飯，大家都想食清淡啲，於是就揀jor心粥館。坐低先知佢同魚米同公司。我因為想食米線，所以嗌jor佢地既酸辣米線～味道唔夠算亦唔夠辣，所有材料都唔太夠入味，同譚仔、雲南真米線等餐廳的確差好遠！不過勝在價錢平，外觀係吸引既，但係味道就麻麻啦。

呢個商場有好多嘢食，中丶西丶日丶韓、東南亞、粥丶粉丶麵丶飯都有，但我冇乜胃口，想食粥，所以嚟左呢間食，叫左個𧐢豉瘦肉粥，每碗四十二蚊，因為唔想食肉，所以問侍應可唔可以走瘦肉，佢話可以，於是我就可以食碗淨𧐢豉粥，碗粥上枱時熱辣辣，𧐢豉全部喺個碗嘅最底，攪攪下啲粥發現除左𧐢豉之外，原來仲有啲羗絲同埋䓤花，粥底可惜煲得唔夠綿，越食越出水，食食吓啲𧐢豉咬到有沙，有啲無隱，早知就叫其他嘢食，草草食左碗粥就走。

呢間心粥館＋魚米位置好方便，向荔枝角地鐡站一出嘅D2內，全店算光猛，係有啲污糟啫，平時我會叫鯇魚骨米線或者新竹米粉，廚房會將鯇魚骨炸得好香脆，我通常要求分開上，唔想啲湯浸林左份炸鯇魚骨；粥品都幾好，我病時都會叫碗粥食；但菜飯我就覺得麻麻地，小菜都唔係強項；今次我就清清地食冬菇米線，大大碗，只係$32，米線我會揀呢間食，因為味唔重，清淡得嚟唔會無味，最重要食完我唔會口渴。但係每次落單都要小心，唔知點解呢間D伙記成日落錯單，平均三次有兩次都會落錯，最攪嘢係唔只落錯我一枱，又唔只一個伙記落錯單。。。。簡直令人費解。

麻辣鮮菇豬扒炸醬米線（$42）Rice Noodles in Sichuen Spicy sauce with Pork Chops & Mushroom🍜湯底🔥個麻辣唔太辣，湯頭就一般般🙈冇話驚喜又唔係伏，可惜米線🍲煮得太腍啦😟，不過份量足夠，🐷豬扒經油炸，豬肉肉質鬆化👍

南瓜粟米雪耳粥（$35）Pumpkin, Corn & Mushroom Congee有日草根番工時唔太舒服😷Lunch想食碗粥🍜暖下個身，本來以為荔枝角無粥食，但老闆話D2 place🏠有間食粥粉麵飯，草根就揀咗食南瓜粟米雪耳粥🍜粟米甜甜地雪耳好爽口，食得出個粥係自己煮嘅而唔係開粉👍營養價值十足😀