心語甜品 (已結業)

《9蚊仲想點🤣》———————————————-#心語甜品🍮係東大街食完小食有啲口渴，又想食啲甜野，又想來返碗港式甜品。-經過呢間心雨甜品門口，見到大大隻字寫住「抗疫價$9」 ，諗都冇諗就買咗碗嚟食。而且佢仲有得揀，唔係fix死俾你，我地揀左凍嘅桃膠椰汁西米露，真心抵食。桃膠平時喺市面買相當貴，雖然呢碗細細碗，但係都比得幾多料，甜度適中👍🏻 過吓口癮相當抵deal，$9你仲想點？🤣-⭐ 參考價錢︰桃膠椰汁西米露：$9 （另加$1外賣盒）-🍌抵deal指數：8/10💰人均消費：$10

買完嘢，天氣十分炎熱，行到東大街想揾地方坐低休息，心又想食甜品，見到一間粉紅色好靚的甜品店，入到去看餐牌見到很多甜品好想食，結果選擇了比較特色的甜品……芒果撈球，都幾特別有爆爆珠，見到$lO(超抵)仲可以加榴槤蓉，我加了榴槤蓉。食品到枱，見到芒果撈球上面有一個雪糕，以為廚師搞錯，同侍應講"我要榴槤蓉不是雪糕"，侍應很有禮貌解釋……原來佢哋將榴槤蓉雪成雪糕咁，並不是一Pet上，又幾特別，食落口一陣陣榴槤香味撲出來，嘩！好食好特別，榴槤蓉同芒果一齊食，說不出的好味，尤其是小丸子十分煙韌，好有咬口，走時才看到出面好靚的牌寫"手工小丸子"，下次一定再來食其他甜品。

以往去東大街都係食晚餐，未試過食甜品，今次試下食甜品，行到去見到有2間甜品舖，一間望落幾高尚冇價錢睇，價錢應該比較貴，而另一間望落去好少女Feel，顏色粉紅為主，價錢因貼出來，較合理，所以決定入這間。星期六較多人，等了一陣才入到去，入到去樓面姐姐好熱情款待，太多嘢想食，最後叫咗紅豆窩夫食，樓面姐姐問要唔要加$1 0食榴槤蓉，本人都幾鍾意食榴槤，所以加咗榴槤蓉。窩夫來到見到擺得好靚，以為榴槤蓉一pet上，點知整雪糕球一樣，食落似食雪葩(加$10超抵食)，第一次咁食榴槤，真係好驚喜，窩夫好香好脆(嫌唔夠燶)，紅豆蓉剛好唔太甜，抹茶雪糕超好食，甜品而家唔係剩係女士識欣賞，男士都會欣賞。因為第一次嚟食，所以八卦問樓面姐姐，原來窩夫係廚師姐姐自己整，睇得同食得出用心做，女仔做甜品確細心，同樓面姐姐講下次窩夫可以再脆D，姐姐話之前D客係openrice投訴"窩夫硬好難食"，所以廚師姐姐唔敢焗太脆，唉！窩夫要脆同硬先好食。而榴槤係最近先賣以前冇，下次一定叫埋朋友再嚟試其他產品。

趁7日禁堂食前去食甜品，去到要等咗10分鐘先有位，點咗"紅糖冰粉"同"焦糖香蕉窩夫雪糕"，因為當晚比較多人叫焗品都等咗15分鐘，冇聊睇下Openrice食評，見到話窩夫有D伏同難食，我又叫咗呢嚟，冇法啦都叫咗唔通取消咩！硬住頭皮試。先上咗紅糖冰粉，都比較特別出面食落似涼粉，一問原來係四川甜品，食落甜度剛好。到咗話伏嘅窩夫，一上枱完全冇伏的感覺，擺得超靚。燶味係真火槍燒D糖，真係即做，窩夫脆的，我嫌唔夠脆硬可以再焗硬D仲好味。再睇番話有伏嗰張相，一睇就知食咗一半先影。要影先影咗相才食。過完疫情一定再支持食過，筲箕灣區冇D咁有質素、咁用心做甜品嘅舖，直得一讚！

家庭飯局後搵甜品，心知成條東大街得嗰兩間。侍應熱情歡迎，左諗右諗見有位就無所謂啦！點知⋯⋯我哋叫咗⋯1. 香蕉船 $502. 楊枝甘露 $363. 綠茶唔知咩白色涼粉 $544. 焦糖香蕉窩夫 $56香蕉船 基本上係唔係煮，切條蕉，加三球雪糕有幾難？ 我哋等咗30分鐘。仲要賣相唔理想⋯⋯唉！楊枝甘露 同 綠茶乜乜涼粉 都一般。 等得太久嘅窩夫，真係不知所謂！ （等咗45分鐘）焦糖 係焦黑囉！隔住口罩都聞到燒焦。窩夫硬到敲落碟「框框聲」，根本食唔到！埋單時同侍應講，佢同廚房傾完話9折。其實幾多折都唔會有下次。希望筲箕灣 會開間有質素嘅甜品舖 🤷🏻‍♀️

食完晚餐緊係要食埋甜品先叫完美🤪係東大街行左一陣，見到呢間小店既甜品都幾多選擇，不過環境比較細同窄，都等左一陣先有位.意大利心太軟配軟雪糕 $62 8/10上菜時間有點耐，可能樓面同廚房加埋得2個人，除左我地之外，其他檯都有出現漏單既情況，我地都追問左店員幾次，先送上以下甜品.一切開心太軟，真係好似熔岩咁流出黎🤤外皮比較薄同埋幾脆，朱古力味唔會好甜，所以食多幾啖都唔覺好膩，藍色雪糕其實係海鹽味雪糕，顏色幾靚🥰鹹鹹甜甜又唔會好奇怪，同心太軟都幾夾

一向對於喺食評寫下嘅係好評或劣評都唔會全盤相信，畢竟每個人嘅口味各不相同，但今次食過一餐之後喺度睇返之前有幾個關於等餐時間長，員工之間氣氛怪嘅comment，竟然同我嘅遭遇出奇地一至。其實廚師同侍應都好俾心機好盡責。如果我仲係中學生放咗學入嚟食個三四十蚊嘅餐，坐吓hea吓，喺個幾好嘅地方，但打工仔lunch hour等個餐等咗四十幾分鐘，真心食唔起。對於今次超出預期嘅等餐時間真係好唔鍾意，明白大家都係做嘢搵食艱難，但係餐飲行業嘅競爭好大，希望會有改善啦。

今日自己一個人去街，因為疫情關係，好耐冇出街食嘢，好掛住心語的沙律同甜品，入到去見到廚師唔同咗人，以前靚仔廚師唔見咗，換咗以前做樓面女仔做廚師，我耐冇嚟個女仔都認到我👍🏻，我當然點我最鍾意食煙三文魚牛油果沙律，本人很喜歡坐近廚房，很多時會聞到食物香味，美中不足是廚房抽氣很嘈，所以廚房要好大聲才叫到樓面姐姐，真係要改善抽氣系統。沙律仲有驚喜，就係用三文魚砌成玫瑰🌹，多士唔太燶，外脆內軟啱啱好。同廚房傾計先知道她原來已是媽媽，唔怪之得，只有媽媽才有心機整靚食品。我好鍾意食佢哋個湯圓，奶黃唔太甜有少少咸蛋黃味，就其是芒果流沙湯圓都幾有特式，上面仲有芒果乾，咁有特色出面甜品舖食唔到。

原本想新甜品，但入到心語見到食評有人這樣寫，稍為對店舖不公平，因為當日我和朋友都在場看到所發生的事，所以先平反後再寫新甜品。店舖其實很細，座位真的有少許迫，當日我哋到舖食嘢時，廚房同樓面根本冇對駡，當時廚房有很多外賣單，本人聽到廚房同店員講今日多人叫三文魚，所以很快沒有，並不是該客人說叫了15分鐘先話沒有。後來聽到廚房說芒果漿已用完要做要等，因為做緊午餐，我一向食開都知道他們的甜品是下午3點才供應，而且他們的生果很新鮮，廚房只有一人工作已忙碌到不得了，而且女廚師很用心去做，要食好食的食品當然要等，快就求其做俾你，你會唔會食？所似係值得體諒！佢哋個沙律超好食，三文魚整成玫瑰花型，超靚，鴨胸好食唔太咸，所以我經常嚟食。他們的新甜品……焦糖燉蛋，好好食！與其他舖不一樣，因為加了牛奶，所以冇咁漏。值得一提他們的"心太軟"很香，蛋糕裏的朱古力漿很多，帶少少咸，所以食起嚟好正，值得去食。靚女廚師真的很用心做好每一度食品，值得嘉許！真的希望他們不會再有負評！

座位安排問題，欠缺基本食材，等候食物時間長，食物質素不俗經過筲箕灣，本身想去安利用膳，惟太多人等候，最後揀了不用等候且有多張空枱的心語甜品。廚房一個人負責（應該係老闆娘），樓面一個女侍應，但一入店舖就聽到二人對罵，氣氛好怪，之後上Openrice見到有食評都講呢個問題。店舖每張枱都好細，但當時食客不多，有超過一半空枱，眼見有兩母女坐4人位，我和友人有背包有手挽袋，所以揀4人位坐下，而侍應亦無表示不能坐。坐下後廚房先出聲要我和友人搬去二人單邊位，我們考慮到可能廚房認為稍後會有更多食客，所以即時配合；當之後再來兩位食客，佢哋並無任何隨身物品，要求坐4人位，侍應話歡迎，廚房無出聲話要佢哋坐返二人位，點解唔一視同仁安排兩位食客坐返單邊2人座位？之後睇食評，有人評話7個人食甜品都被店舖安排迫埋一齊坐，迫到食唔到野，就理解到店舖座位安排問題。廚房甩單，我和友人嘅飲品都係現成，由廚房雪櫃拎出來，友人飲品一早到咗，我等咗15分鐘忍唔住出聲，廚房先施施然由雪櫃拎返枝飲品交俾侍應。等候食物時間長，等30分鐘先有得食。廚房欠缺基本食材，叫咗個三文魚沙律，等咗15分鐘，廚房先話無晒三文魚，叫侍應行出去另一間舖

想為假期的第一天帶來一點甜意，祇可惜這間”心語甜品”破壞了這份氣氛☹️... 入座後第一時間揀選喜歡的甜品，但等了三十幾分鐘仍未有出品，侍應不段說要耐心等候喔，厨房只得一個人做甜品會慢小小... 但到最後傳來一句話”漏咗單”🤯😭😭😭全店所有客人都在追單才可以快一點，但我應該係最不幸的一枱客人，等不到幸福的甜蜜，換來滿肚子不滿和鬰悶，不歡離開。若大家有無限的時間和EQ💯，又想挑戰自己的忍耐力不坊試試，自問我EQ底又薄皮，無福消受啦️

冇咗幾星期心太軟，又有番，立即叫番一個食，平時都係叫雲呢拿雪糕，不過服務員提議配海鹽雪糕，最初有D抗拒驚雪糕好重鹽味，不過嘗试新嘢就聽見意，上枱時服務員親切禮貌地講"剛焗起小心熱"，未食已聞到好香朱古力味，又多生果，整得好靚，當然相機先食。當開咗心太軟時，D朱古力漿流出來，同出面食完全唔同，唔太甜，又唔漏，蛋糕外面唔硬剛剛好，蛋糕配海鹽雪糕一齊食，冇諗過2者一齊係咁夾，完全另一個食法，以往心太軟配雲呢拿雪糕。心太軟控的朋友們，一定要嚟試配海鹽雪糕，超好食，講多樣佢哋個心太軟純品人手自己整，唔怪得咁好食，價錢又唔貴！抵食！

偶爾經過，見食評不太好、說座位細， 本著姑且一試 的心態，反而有意外驚喜。座位一點也不小， 反而是很舒服，只是檯面有點小，食甜品也足夠了。香芒小丸子不太甜，小丸子也煙韌。重點是心太軟， 這麼多年食心太軟外脆的、厚皮的、淋的、苦的、超甜的、難食的什麼都有， 一早已沒期待。反而這裡的心太軟， 朱古力味雖不算很 濃郁，但不會有太甜、太漏的感覺，而且 皮很薄，內裏的流心比我想像中誇張。 很用"心”做的甜品。老闆娘說配 海鹽雪糕味道更好，下次會再來一試。有部份甜品"抗疫價"外賣才$9， 忍不住買一個回去給姐姐食。

未食過咁難食既芒果小丸子，甜得黎無芒果味，小丸子好淋無咬口另外叫咗個招牌薑湯流心黃金湯丸，返到屋企先發現俾咗南瓜西米露.....兩樣甜品加賣$74一d都唔平，仲要勁難食又俾錯食物，一定無下次

一行7人，店內只有其他一檯客，我地想分兩張枱坐，但店主要求我地 迫埋同一張檯。 終於其中一個男士 因為實在太迫，自己走去第二張檯坐。店主仲話不論幾多個人都要每人派一份甜品就算嗰個細路都要。我地個小朋友3歲，就同佢講我地少叫一份。。。。佢死死地氣話今次免我地。。。。本來新年期間唔係好想鬧人，都同佢講咗兩句。 咁兩夫婦同埋個手抱bb入嚟，唔通都要叫三個甜品？