心語甜品 (已結業)

東大街一向都有唔同嘅甜品店，今次黎一間新開嘅試一試，但結果非常失望58 蚊1個cheese cake只有唔夠手心咁大，味道亦無乜特別。 側邊d "鮮果粒" 細粒過鼻屎，然後曬左d sprinkles係上面亦唔知做乜。然後舊cheese cake上面仲放左一粒軟糖，極之9唔搭8。朋友叫左個楊枝甘露， 非常淡，好稀，茫果亦唔甜，整體來講一d都唔好味。店員全程同佢廚房不停鬧交，互相責怪，氣氛非常奇怪。一句講哂，blacklist以後唔會再黎。

週末與朋友在筲箕灣早早食完惹味既晚飯，行到東大街，想食甜品。大概夜晚8點幾，東大街依舊熱鬧，行到兩間甜品店，見到新開既心語甜品，排隊既人又多，想比次機會佢。等左超過半個鐘，終於入到去。見到招牌必食既黃金流沙湯圓。我叫左招牌芒果流沙湯圓，上檯感覺係芒果西米露，顏色係實色黃，一入口，好奇怪，係冇香味，得好假、好淡既味，都稱唔上係芒果味，唔係食到超級細粒既果肉，根本唔知係芒果糖水。到流沙湯圓，一咬落去，完全唔流心，好失敗，皮又厚。仲要個湯係凍，湯圓熱，好奇怪，唔配合。👎👎👎朋友食紫薯流沙湯圓，紫薯湯一樣得鮮紫色，係冇味既。👎👎👎令一個朋友食最穩陣既芒果豆腐花，一上檯好清楚見到係超級市場即買即食既盒裝豆腐花！😱連豆腐花水都唔隔，水汪汪😱。上面得小小芒果醬，依然冇芒果味。👎👎👎冇誠意，冇水準

東大街最近開多咗甜品舖，所以去試試佢。鐘意呢間湯水舖整體食物唔會太甜。--👉👉 餐牌係後面! 👉👉--🍉 鮮雜果西米露 HK$36水果有奇異果、火龍果、西瓜、木瓜，水果份量都算幾多。底配西米露個汁唔會太甜剛好。.🍠 紫薯椰汁三色芋圓 HK$36三款入面，比較鐘意紫薯，味道幾重，唔會太甜，幾結身。配埋有咬口嘅芋圓，比較飽肚。.🥭 鮮芒果小丸子 HK$38芒果少少酸，小丸子相對特別多，底嘅芒果汁，唔會話係甜到漏。

冇出街幾個星期今天決心來筲箕灣東大街找食（因為事前睇過電視機介紹呢條街好多美食）點知比我揾到間正野心語甜品我揀左紫薯椰汁黃金流沙湯丸我朋友揀左香芋椰汁拼三色芋丸先講我果款好味的紫薯椰汁黃金流沙湯丸本身我都抱住一種心態，應該都吾方好好食啦，因為本人未試過食過有一間紫薯是真材實料但這間果然令我好驚喜紫薯味很濃 結結的 不錯 👍🏻椰奶有拉花效果 顏值超高入面有西米 十分彈牙 ！總結，呢間糖水店整體對我來說 有80分 （100分滿分啦）又比我發現一間性價比高的糖水店

周末晚餐後，好友相聚，來到筲箕灣東大街試一下新開張的甜品店-心語甜品。甜品店新開張，座位空間嘗算可以接受，周末晚上大概等候了數分鐘就可入座，椅子比一般甜品店舒適。總共點了三款甜品，三款各有特色。芒果爆球: 內有芒果，爆珠，小丸子等候，味道可以。雪糕生果拼盤，店方有多種雪糕味道供選擇。芒果湯丸，芝麻湯丸非常好味道，值得推薦。三款甜品都可以，唯一美中不足的是，甜品溫度不夠凍，希望店方可以改善。銷售員回頭指數: 3分