必勝客

營業中

休息中

一直都好鐘意食Pizza Hut, 啲pizza同雞翼都好符合我嘅口味。今次外賣叫咗辣肉腸pizza同八隻辣雞翼再加百事可樂。假日喺屋企邊睇劇邊嘆pizza真係好享受。雖然送到過嚟已經冇咁熱，但係都算滿意。個辣肉腸pizza今次焗得幾靚，個邊好好食，每一啖咬落去都夠香脆。惹味嘅辣肉腸配上香濃嘅水牛芝士加上濃厚嘅茄汁令人一口接一口，好快食清光。用百事可樂送住嚟食絕對係一個好選擇。至於雞翼，調味唔算太辣，符合我嘅口味。間唔中食一次都算可以

最近我去食pizza hut，試咗佢哋嘅夏威夷Pizza。火腿同菠蘿嘅搭配味道清新，餅皮薄脆，起司拉絲效果也相當不錯，整體口感均衡。最值得一提嘅係，上菜速度非常快，傾吓偈等一陣就可以享受到美味嘅Pizza。服務人員亦都好友善，環境輕鬆，適合同朋友聚餐或者家庭

一坐低男店員話用餐一小時，但黎齊食物超過1.5小時，向他查詢首先唔睬當聽唔到，之後我再舉手請他過黎查詢，佢竟然話食物至少要1.5小時才到，仲夠膽話一早同我講左，如果我聽到食物要1.5小時才到，我點會坐低食呀？佢根本冇講，我再問附近坐的食客，他們都話冇，只講了用餐一小時。我唯有再向另一位女職員查詢，她說外賣多係要等，完全冇理會堂食顧客的感受，回答時語氣極差😤😤😤😤，一路問佢一路走。到收錢時男服務員極冇禮貌，放低收據就算，並沒有講是否可取回信用卡，又冇同我講要唔要簽名，多謝或再見都冇講，總之食到一肚氣，以後都不會再光顧

近排Pizza Hut做特價Pizza買一送一非常抵雖然同屋企人兩個人去食但因為普通批同大批嘅價錢差唔多所以就叫咗兩個大批當然到最後份量都係太多所以請店員俾個紙盒我哋帶返去晚餐用Pizza做餸😂😂😂

12:10開始落單，12:35先有飲品，仲要行去櫃位，特別追先有，12:55先有普通批pizza, 絕對不普通，而且並不是我的餐特別慢，每一枱客人都在追，實在太過恐怖，只有兩三個年青待應，被人追問，慘不忍睹！

呢間餐廳下午茶性價比真高金會員仲有9折變相等於免加一兩個人食叫一個普通批加一份窩夫已飽夏威夷批芝士爆登有拉絲效果窩夫🧇配上朱古力雪糕同brownie 三重口感真係絕配

講真，今日食嘅Pizza Hut午餐真係得喎！首先，個大蝦菠菜芝士Pizza乍看之下好普通，但一咬落去，瞬間蝦味四溢啊！🦐蝦仔夠彈性、肉質鮮嫩，完美咁融入到厚厚嘅芝士海中，嗰種交織嘅味覺體驗，真係叫人捨唔得食落肚！至於隔籬嗰碟香蒜肉絲意粉，吓～講到香蒜，真係香到飄飄然吖！肉絲同意粉混合得好均勻，每條意粉都包裹住濃郁嘅蒜香同那份略帶咬勁嘅彈牙感，食落去好過癮！🍝而且，免費送嚟嘅葡汁雞皇焗飯仲要正喎！葡汁恰到好處嘅酸甜，一塊塊雞皇肉軟滑得嚟又充滿口感，三色椒仲提升咗成個飯嘅甜味同視覺吸引力。😋食完今日呢餐，我又開始諗住下次幾時返嚟一嘗再甘之味啦！给腸中好友們，你哋真係唔好錯過喇！

今天一家六口到pizza Hut共進晚餐。我們點了一個四人餐，另外追加沙律及一客意粉。下單後菜式很快便送上，女兒最愛的扭紋pizza熱燙燙，美味可口，大家也爭著吃。意大利飯的醬汁恰到好處，離開時還在回味呢！真是豐富的一頓晚餐。

昨晚一行六人去北角pizza hut 食晚餐，我們叫了一個4人餐，再加了一客沙律和香蒜肉絲意粉。食物熱騰騰上枱，好好味，最好吃的是芝士扭紋批，好足料，啖啖海鮮，平時只會吃一片或半片pizza 的我，我都吃了一片半，值得推介！

既然有一張$50贈券，我今天便選了一個2人大批套餐。原價$238的套餐，用上贈券，只付$188便成。這個套餐已包括了2罐汽水、一個大批、一客主食和一個小食，頗為豐富。～至尊厚批非常實在的厚批上鋪上了豐的餡料：牛肉粒、豬肉粒、蘑菇、洋蔥、青椒和辣肉腸。這大批上的惹味濃香茄醬正是我的至愛，配上爽口的洋蔥青椒和味道較突出的辣肉腸非常理想，味道和口感也極多元化。～拿破崙蘑菇腸片焗飯用上了我喜歡的茄醬，惹味又與白飯配合得天衣無縫。蘑菇汁多，腸片又有咬口。如果芝士份量多一點就更理想了。～焗白汁煙肉薯蓉賣相不俗，焗得恰到好處。薯蓉軟綿、煙肉鹹味突出，配合得宜。～汽水個人感覺外賣套餐配方便罐裝汽水較杯裝理想，起碼防止了倒瀉的可能性。

孖A姊妹一向都係Pizza🍕Big Fan每逢知道我嗌外賣🥡都點名指明要食❤️【Pizza Hut】今次俾佢哋見到❤️【Pizza Hut】推出咗呢款全新「玩大芝味扭扭批」 當然成為佢哋✅必點之選🤣外賣一到 兩姊妹急不及待爭相打開pizza盒 佢哋一見到每粒扭扭批邊清晰分明，大大粒、脹卜卜，眼神都非常期待😚「玩大芝味扭扭批」 面層鋪滿豐富配料包括： 百里香蒜蓉帆立貝｜精選海鮮🐙 車厘茄｜日本小青瓜｜蘑菇｜紅洋蔥🧅｜火箭菜🥗｜意式香草燒汁｜沙律醬 批入面亦加入大量芝士🧀 芝士、海鮮與其他配料完美融合 食落啖啖滿載香濃芝味與鮮味😋 最驚喜嘅係🤩其中兩粒扭扭批邊更特別釀入珍珠帶子同XO醬 批邊亦灑上花椒粉 口感變得更豐富 當然越食越過癮 大滿足！就算外賣🥡返屋企開住party食都同樣滋味😋 不得不提，外賣嘅話火箭菜🥗仲會分開另上， 確保新鮮，抵讚！

放假都係食食食🥴🥴已經第三餐🤣🤣🤣Pizza Hut杯凍咖啡好飲，個杯係即磨咖啡☕️☕️☕️☕️卡邦尼意粉真係有啲失望，淡而無味，下次一定唔會再叫。失哂水準🥲🥲🥲葡汁雞皇飯咁多年都keep 到水準，葡汁帶有一點點椰香，最啱小朋友口味👍👍最出色係Pizza，熱辣辣，麵包外脆內軟，再配香濃芝士加辣肉腸。真係薄餅嘅代表之作鍾意食辣嘅朋友一定要加埋辣椒乾同埋Tabasco 先得 👍👍👍👍👍

Pizza hut 金會員每逢到生日月都會有一張$50既coupon（要當月使用），襯佢未過期，梗係要食咗去喇，lunch 時段（12:30）唔多人，唔需要等位，好快入坐，1人都安排4人位。Pizza hut 既午餐一向都抵食嘅，套餐有湯+主菜+飲品，我揀咗香蒜肉絲意粉，另加$10 有兩隻原味雞翼，忌廉蘑菇湯，湯好香濃多蘑菇，原味雞翼一貫水準，雞翼好juicy。香蒜肉絲意粉配料都多，但煮得偏油，都好好味，好有蒜味，再配一杯凍檸檬茶，埋單都係$13蚊（會員仲有9折）抵食到冇朋友，讚吖

屋企唔想煮飯，所以叫左外賣，網上叫外賣自取，兩個大批$344，再轉埋芝脆批，然後叫左兩個$33嘅原味雞翼拼意式迷你腸。我地4個人食，岩岩好食得囇。雖然外賣返到屋企，但係都係熱辣辣！千島海鮮-芝脆批（大批）配料海鮮、吞拿魚、菠蘿、青椒、紅椒、千島醬，我就唔鍾意青椒、紅椒，不過都係好食嘅！ 錦繡至尊-芝脆批（大批）配料有雞肉粒、煙肉、火腿、豬肉粒、牛肉粒、辣肉腸、香濃茄醬，淡淡都係肉，所以會有d鹹，不過好豐富嘅配料，仲要無左我最憎嘅青椒，所以我好鍾意。仲有pizza一定要叫芝脆批，好香，入面又有芝士。原味雞翼拼意式迷你腸 （$33）好好食嘅雞翼，有少少辣味，但係唔辣，仲要好juicy！脆皮腸仔好粗好好食。

距離上次pizza hut 買一送一以後，好似有幾個月無食過pizza啦！始終最中意食距既至尊批，一定要加芝心，新鮮滾熱辣食，好正啊加8蚊加多個凍意大利咖啡，😃😃😃，麻麻地啦，唔算好好飲。忌廉雞湯夠濃味，好多🍄，好爽口。本人就覺得大蝦峴肉焗飯就太鹹了，好多醬，太邪惡了食完會肥幾磅。蒲汁焗蔬菜都好唔錯，汁好濃味，感覺食左甘多熱量甘油膩的食物，食翻少少蔬菜，都健康點。最後雲呢嗱雪糕啫喱冰，好有小時候的味道，賣相好好