必勝客

營業中

休息中

叫左外送，佢話多人等𨋢所以要我落樓攞都算。重點係佢就咁放低左係保安更台仔枱面，連等都唔等我就走左，如果比其他人攞走左咁點算？勁無責任感加離譜。仲要加左芝脆㘩但比普通㘩我。。。。真唔會有下次

話說11月pizza hut 外賣自取有買一送一優惠，仲要一星期7日都用得，我平時都係外賣自取，因為貪佢一出爐我就拎番屋企，番到屋企仲係熱辣辣同有脆脆地既感覺外賣速遞一定冇呢個質素全家都鐘意食佢既千島醬系列既批，所以今次就買左兩個千島海鮮大批，一個加芝心，一個加芝脆千島海鮮（芝脆批）由於個批仲係熱辣辣，所以可以做到拉絲效果同埋少脆既感覺，芝脆比芝心係pizza 邊皮上多左芝士碎，令脆度再提升同更香口，海鮮材料唔算多，質素正常，都係雪藏貨千島海鮮（芝心批）味道同芝脆既差不多，只係pizza 邊皮冇咁香口

期待已久的優惠介, $99可買个大批, 怎可放過呢！可惜選擇只有兩個： $99只限夏威夷大批, $105至尊大批, 芝心再另加.最後, 訂了至尊大批 + 芝脆批底$24 + 半介小食- 蝴蝶炸蝦餅 $39. 預早了25分鐘下单, 但去到店裡已早做好了. 回到家, 香氣四溢, 各人已急不及待打開用餐了.由於回家路程花了10分鐘, pizza已焗到有倒汗水了, 回水了. 吃起來, 餅底較乾, 圓形的茄醬片和肉粒過咸, 整體感： 過咸！ 而蝴蝶炸蝦餅還是微暖, 小脆, 蝦嫩, 包着的炸粉也不少, 沾點沙律醬, 也不過不失. 但如要正介$78的話, 介格性比較低, 我不會選擇呢！

就像我們的計劃，打麻雀沒有時間出去買東西或是煮吃，結果都是叫外賣。我以為叫必勝客應該會是附近商場那一間送來，豈料原來是近泳池那一邊那間才是專責送外賣的。本來以為要等很久，怎料不久便送到來，超級夏威夷比薩，配料正常，但不算太多，肉粒、菠蘿、蘑菇、火腿、醬。起碼，叫必勝客的比薩，一定會烤到底部比較香比較脆，不像有些品牌如PHD的比薩，未完全烤脆便拿來，像麵包。而且其他小食，例如辣味雞翼，味道也不錯；薯蓉，味道也不錯，有點蜆肉。仲有個肉醬闊條麵，肉醬不少，醬汁不少，吃起來也不錯。

突然想食pizza，就當然要食pizza hut，加上最近有個新pizza推出，千島黃金海鮮黃金熔岩批，就單叫左個大批。千島醬同芝士都好多，味道好豐富。餡就有魷魚圈、蜆肉、仿蟹柳、辣肉腸等。幾好食。

難得想食下pizza，咁就外賣個未食過嘅pizza，就係香草蜜糖肉丸點芝扭扭批，係網上預個時間去間分店拎，好方便。個批芝士味好足，而且扭扭批幾特別。d餡料都好full。

Pizza Hut 可以說是多少七，八十後的童年回憶。最令人難忘的，是那些年自助式任裝沙律！只是不知從何時開始，Pizza hut 開始自我們的揾食選擇中 fade out, 是因為competitor 相繼出現？ 還是因為pizza hut 大不如前？ 西西里風情pizzaPizza Hut 的TVC 一向做得深入心， 令人多少也想給它一次機會，試試新品！今期推出的是Italian Cheezrani, 標榜意式風情，雖不最什麼新鮮事，但就賣相而言也亦滿特別！內餡方面有雞，豬，腸，煙肉，火腿等，基本上就是"超級至尊"與"意式風情"的 remix 版！唯一特別之是當中新加入的"三味芝士", 不過個人認為名稱也不過只是包裝，到底就是三種不同的芝士混在一起，講到底還是有點名過於實！另外，這款pizza 算是本人試過最乾身的pizza, 吃下去口感像牛肉乾，亦太硬，整體完全fail!

雖然我對去年吃到那個味道甚為遜色的花開富貴7重奏仍猶有餘悸，但芝士7重奏的吸引力的確難以抵擋，於是這晚我們又order了Pizza Hut的外賣速遞作晚餐。大蝦蜜桃芝士7重奏 $187這次點的是大蝦蜜桃芝士7重奏，餡料有鮮甜大蝦、蟹柳、蜜桃、黑橄欖、日本小青瓜、車厘茄、巴馬臣芝士、蕃茜、蕃茄醬，還特別配上印第安惹味脆脆。7款芝士味道香濃，是一貫芝士7重奏的好滋味，這讓我相信去年那個是個別例子，可能只是碰巧那一間分店的品質味道不如理想而已。這個大蝦蜜桃的餡料非常豐富，跟芝士味道配合之餘，又帶出鮮蝦蜜桃的香甜味道，讓芝士7重奏味道不至單調，灑上印第安惹味脆脆，吃來香口又帶點辣味；唯一的美中不足是批邊批邊上的芝士經烤焗之後，口感硬而且帶點微焦，感覺頗為熱氣。

同女朋友行過經過見到外賣自取3享批$68 仲要係大批咁岩又好肚餓喎所以就買一個黎食!!仲平過附近某間薄餅店3享批有三個批揀:煙肉鮮茄批,雞肉蘑菇批,菠蘿肉腸批因為自己鐘意食菠蘿～所以揀左菠蘿肉腸批菠蘿肉腸批比煙肉鮮茄批好味，菠蘿開胃，食多件$68算係gum啦！！

看到電視廣告，Pizza Hut又推出以芝士為主角的薄餅－「芝士七重奏」。話說Pizza Hut去年推出的「芝士六重奏」已經美味非常，今年更加入多一種芝士，成為「芝士七重奏」，於是是日晚餐毫無疑問就是這個「芝士七重奏」了。芝士七重奏 $163 由Parmensan巴馬臣芝士、Mozzarella水牛芝士、Romano Cheese羅馬諾芝士、Monterey Jack蒙特里傑克芝士、Cheddar車打芝士及Cream Cheese忌廉芝士及新加入的Provolone布旺倫芝士製作而成。為免芝士味被搶風頭，所以選了最簡單的「香濃忌廉芝士」，超美味！批底煙煙韌韌，加上蕃茄醬及香濃芝士，最讚的是那球圓圓的Cream Cheese忌廉芝士，不同的口感，加添更深一層的滋味，香濃而不油膩，正合非常愛吃芝士的我口味，讚。

七月一日 (星期五)為了家中的龜龜們能夠更健康成長考慮過後,決定要買個濾桶給牠們中午看戲後,去到金魚街選購濾桶最後就到了我家安裝辛苦了老公仔,出錢又出力幫我家的龜龜由5時裝到6時許見到老公仔那麼辛苦,還是叫外賣吃算吧點了個恆生卡的優惠套餐PopPop批配辣肉腸新推出的PIZZA,批邊用了辣肉腸和芝士批上面有蕃茄醬和薄切腸因為批太厚了,吃一件已開始覺得有點膩意式茄汁焗豬扒飯令人失望之作豬扒硬得差點咬不開飯又過稔,好像湯飯一般千島海鮮烤卷相信熱食效果是最好的冷冰冰的烤卷,外皮變硬要辛苦的一啖一啖咬開內裡亦是凍了的蝦等海鮮Oreo朱古力木糠布甸是晚最好吃的是甜品Oreo碎鋪得滿滿朱古力做得不太濃味,令其不會藎過Oreo味甜品迷不可以錯過

尋晚諗到大家都遲返屋企, 所以唔煮飯叫pizza...8點2 online order, 話要9點2送都算...但係最後竟然係9點7先到到左都冇講聲唔好意思, 要你地等咁耐...黎到d野又已經唔熱囉..pizzahut係涼既, 個意粉已經係最暖既一盒.....枉我仲俾tips條友.... 食左咁多次, 最失望係今次

除夕夜唔想同人迫, 叫咗外賣番屋企食, 呢間Pizza Hut只做外賣, 打電話或網上落訂單都得, 原來上網落單滿$180會送多一個薯蓉+一個飲品/湯, 如果打電話落單就只會送一個飲品/湯, 咁梗係試下網上落單啦! 點知原來除夕夜無呢個優惠... 唔緊要, 來日方長, 下次實要試一試個免費薯蓉! 兩口子叫咗一個二人套餐, 有最新嗰個帆立貝星芝批, 海鮮寬條麵, 金粟芝士釀雞翼拼秘製雞搥, 一個蘑菇忌廉湯+一罐百事, 都係$219 !可惜今日無飲品同薯容送, 如果唔係仲抵!!帆立貝星芝批 - 批中間好大陣帆立貝味, 可能會有人話腥, 但我覺得幾鮮! 比起其他Pizza, 呢個特別多芝士, 批中間有大量芝士, 愛芝士者必食! 批邊有一舊舊麵飽, 內有腸仔, 腸仔面有芝士同蜜桃汁, 個批邊少食就多滋味, 兩個人食呢個批... 就好似食咗好多好多個腸仔飽!! 海鮮寬條麵 - 呢次夠熱! 天氣咁凍都夠熱, 抵讚!!! (試過唔夠熱個汁結哂好難食), 好香奶油味, D海鮮都焗得好香口! 果然係最愛! 金粟芝士釀雞翼拼秘製雞搥 - 個芝士釀雞翼唔係好好味, 可能已經食咗太多芝士... 食落口個感覺好

星期日本來想去食潮州打冷, 但男女話想睇獎門人, 不如買外賣pizza.一向幫襯Pizza Box, 聽朋友講Pizza Hut的芝心批好味點, 今晚就試吓佢是否屬實. 叫了一個二人套餐, 有普通至尊批, 加$8改了芝心批底, 原味雞翼8隻, 千層肉醬闊麵及忌廉雞湯兩碗, BEA卡九折後自取$141.3, 15分鐘有取, 馬上返上樓開餐睇電視.至尊芝心批toppings唔算豐富, 內含芝心份量亦不比Pizza Box的同類產品多, 雞翼及闊麵算ok, 忌廉湯是一般貨色, overall比Pizza Box的自取套餐遜色, 多了兩個湯而人家卻是大批, 價錢高了40幾%而無令我覺得比Pizza Box多的價值, 如果真是較好味的話, 我絕對樂意付較高價格.