必勝客

營業中

休息中

一人滋味-Melts烤雞煙肉Dip脆批​配牧場沙拉醬酥脆蝴蝶蝦 (2件) 拼香脆薯條百事可樂一罐今晚放工冇乜胃口，去pizza hut買左個外賣返屋企食!烤雞、煙肉餡料都算多，差唔多每一啖都食到，我覺得好好味，又有芝士🧀係入面，卜卜脆！小食蝴蝶蝦係脆粉加成隻蝦，薯條正常，兩款小食同個脆批好夾！食住睇奧運好滿足😌好食

網上訂購都會選擇寶怡分店，因為家住附近，很多年前裝修過。堂食都是第一次，晚上只不過是8點，但成間餐廳只有我倆個人食客。但原來點餐要到櫃檯，餐具要自己攞。收銀樓面前前後後5，6個人。服務員行來行去地聊天。感覺是自己服務自己，跟我去過我分店很不同。食品一般，應有的味道吧。

疫情關係, 好耐冇食過Pizza Hut, 今日去左屯門寶怡分店.可能平日關係, 完全唔需要等位. 入到去也只有幾個食客.點左一個我最喜歡食的海鮮至尊普通批 再加一客雞翼.  Pizza 正常脆,  配菜感覺上比其他分店少, 好彩有千島醬補番味道.  雞翼多汁好味,  不過不失.

有日阿爸生日，限聚令又出唔到街食飯，咁就唯有叫下pizza慶祝阿爸生日，今次就簡左叫pizza hut外賣，因為好掛住佢既芝心批，今次叫左個3人餐，有2款意粉同飯，再加個大批同蒜蓉包，大批叫左個至尊芝心批，另外飯同意粉就係芝士海鮮焗飯同香蒜肉絲意粉，過往以前叫pizza hut外賣既質素一向都唔錯，但今次真係非常差個pizza難食到一個點，個皮好硬個芝士完全食唔到有芝士味，其他意粉同飯都麻麻地，啲料同份量都好少，無下次

限聚令又黎喇☹️連夜晚都唔可以出街食飯喇 只可以外賣 但食外賣都就黎諗唔到食咩好 而一大班人最常都係叫炸雞🍗pizza 🍕今次試左pizza hut新出既「芝士輪盤扭扭批」每粒扭扭都有超香既芝士 批面仲有好多配料 有帆立貝 蝦 車厘茄 蘑菇 青瓜等等口感好豐富 食落每啖都好香濃 鮮味最特別既係呢個輪盤扭扭批入面有其中兩粒扭扭係釀左黑松露蘑菇醬令到味道更特別 咁岩我就抽到其中一粒黑松露扭扭喇 真係超香濃呀😆黎緊諗唔到食咩外賣 可以叫黎試下🙌🏻

小時候屋企偏好pizza hut的芝心大批，就算後來有其他外賣批的店開張或如何做優惠也好，家裡還是偏好此家的批，尤其冬天冷冷的天氣，他們熱熱的送來，滋味十足。到各人都長大，各有忙碌及安排，便很少再叫pizza hut外賣聚在一起吃，今日適逢星期日同阿妹行街，經過Pizza hut便入內用餐。我地叫了一個至尊批餐及巴拿馬火腿卡邦尼意粉餐share，會員更憑券免費送多一份迷里腸拼雞翼。套餐配湯及餐飲，完膳大家都相當滿足，份量十分豐富。本人對三個餐的味道頗滿意，而我阿妹都食得相當滿足。餐廳很family friendly ，有不少小朋友或一家人黎食，也勾起我好多童年的回憶。

通常食Pizza Hut都要成班人一齊食，自己一個人好似食唔到咁大塊pizza。咁岩經過呢間pizza hut 外賣店，原來可能堂食，而且價錢都唔貴。＄50一個餐，會員再有9折，再加用支付寶d劵俾錢，＄40就有pizza食 又有野飲。Pizza 最好食就係一出爐即食！所以堂食真係好正，個餅皮又熱又脆！好味不過杯凍檸茶個賣相有dd怪（味道無問題） 個茶底唔清。下次有機會再食應該飲湯先岩。so far so good！

在屯門寶怡花園的分店食早餐，論環璄，服務都不錯的！可惜每一次 orde 有煎蛋的早餐，就令人失望，因為每次隻蛋都是又硬又凍，就算落單時提醒廚房要熱的煎蛋，端出來的都是又硬又凍的，要求更換，换出來的都是一樣！ 我先後三次來到這間分店幫襯，每一次都係提出同一個問題，可是一些改進也沒有 ，不明白廚房的品質控制是這麼的差勁！如果是預早準備的食品，應該做好數量及品質評估。

以前一直都唔需要等帶位，取飛仔入座，不知幾時開始改了.....但當客人入來，他們又不主動說要取飛，又沒有指示牌說要取飛或排隊，所以部份客人都不知道，仲盲中中自行入座，搞到好似人地打尖咁......另外屏幕上沒有的餐又不在屏幕上貼紙提醒顧客說沒有提供.......餐具要自取，但係就無义又無碟，問職員，說等一陣，等到食物來了都仲未有，仲說現在洗等一陣，唔通叫人用手食？真係氣到7彩.....樓面有4個，顧客座位又唔係多，既然應付唔到，就唔好搞堂食，堂食搞自助，又搞一半唔搞一半....都唔知想點？

由細聽到大嘅口號，開心時刻pizza hut, 今次試試呢間Pizza Hut 嘅bistro, 同平時Pizza Hut分別係好似快餐店咁，先比錢落order，之後取餐，不過連餐具都要自己攞，就好似唔係咁方便今次叫咗個下午茶超級夏威夷迷你批，跟凍檸茶，個迷你pizza即叫即焗好新鮮，用料都算足夠，仲有呢度唔駛加一，都算係抵食夾大件，不過氣氛麻麻，如果可以播少少細細聲嘅音樂，就更加似西餐廳，不過係呢區，算乾淨企理

N年無食PIZZA HUT, 原來而家好多野都自助, 除左送餐。最怪係, 晚市落ORDER後, 起碼等半個鐘以上, D 野先黎, 心諗, 你呢度咁細, 計埋外賣, 都唔使咁耐吧, 真是等到火都黎。忌廉湯:夠濃, 多餡料, 唔錯 (其實係咪罐頭野)至尊厚批:其實好怕食厚批....因為太飽, 我都無食個批邊, 辣肉腸好香口, 雞肉, 火腿果D 正常LA。唔會太漏, 醬多D更好。肉醬闊麵: 我無睇單, 唔知係咪ORDER左闊麵, 但我食到的是薯蓉..... 一食就知係開粉GE....雞扒長通粉: 好多雞肉, 但個茄汁味道一般, 大大份都OK GE原味雞翼: 雞肉燒得夠滑, 甜甜地幾好食炸雞寶: D粉好厚.... 好熱氣, 味道一般LA...其實仲叫左好多其他野, 但無試。

禮拜天就是在宅在家中，不餓到一個點也不要出門。其實附近pizza hut都開了一段時間。但就是未去試過買餐過程要出去買，買完就要自己帶飲品餐具。餐服務員會再送上的。跟餐的蝴蝶蝦 ，味道一般，很乾。又炸得黑。而且這個餐等了我們很耐呢，差不多有45分鐘Pizza Hut 至尊無死如果這個都不好吃的話就要倒閉了吧肉丸意粉就是出奇不錯，茄醬酸酸甜甜的，粉也沒有黏一堆的，肉丸也不錯。其實是不錯不論環境，食物。就是被蝴蝶蝦和焗粉令我感覺不爽啦

平日午餐有時都會到這間 Pizza Hut 解決，貪其食物ok，坐得舒服又不用等位。今日再來，試了新的＂秋冬推介＂⋯⋯這個推介推得本人不得不立即寫食評海鹽柚子蘋果青檸梳打。味道不過不失。一口喝下去，感覺就是微鹹的波子汽水！柚子味微有一點點，蘋果/青檸味就完全欠奉⋯⋯飲品內有些柚子和?蘋果啫喱粒，飲完後可舀出來吃一下。香烤雞肉蕃茄濃汁意粉。意粉上桌時的賣相已經不好(如圖所示)蕃茄濃汁的蕃茄味很假，辣味也不足。＂濃汁＂很稠，但只似是一個打得很重手的芡而已雞扒只是很小的一塊放在碟旁邊，質感很差，咬下去很霉，又完全沒有味唯一可取的意粉硬度控制不錯，可惜完全不足以挽回敗局這兒很近工作地點，想是還會再來的。只是一定不會再試這些新推介了，以免白花銀子又壞了肚皮呢！

建生這間是自己拿東西（大部分）跟餐具的，沒有服務費，但有些堂食優惠也因此不能用。LTO2-3人餐＄239烤雞盛薈材料有：雞肉、辣肉腸、肉丸、煙肉、菠蘿、黑橄欖、紅洋蔥、青椒、黃椒、火箭菜、熱情果凱撒醬。SIZE比平時的小，新鮮上菜怎也是好吃的，帶麵粉香，材料不算滿剛剛好，加有火箭菜味道蠻特別的，近年PIZZAHUT不停的芝士XXX，芝士YYY，味道總會太膩，但這款加有熱情果凱撒醬，算是平衡了一些，比只會不停的芝士海鮮好多了。二選一，選了卡邦尼肉腸意粉卡邦尼的質素與普通西餐廳一樣，還好一點點，汁不太杰，也不死咸，下次能再選。法式檸檬撻別以為給我加法式兩個字就能死甜，而且檸檬香精味太濃，皮又是軟的，像超市賣便宜的美國餅乾的麵粉味。法式香梨撻能說說誰決定餐中一定要加這兩個東西挑選的⋯⋯還是給回我雞翼的選擇吧，這比檸檬好的一點是，有片梨子比較清新一點。忌廉雞湯 2碗晚餐＄56千層肉醬闊麵PIZZAHUT的肉醬永遠不會難食到那兒，番茄味有甜味有，醬偏乾身，焗後香香的。野莓忌廉吉士杯比起前兩個甜品好多了，有新鮮的生果，而且啫喱有咬口，吉子不會過甜，不好的是啫喱帶了點藥水味。忌廉雞湯不過不失，不算太

每隔一排就會同老友去食PIZZA,因為好鍾意食XD唔記得個餐叫咩了,海鮮餐囉XD, 幾抵食既,出示會員AC就有折,PIZZA唔算大,我都係鍾意傳統厚批, D新批硬係覺得怪怪地...隻蝦好脆呀,肉都算厚,唔錯!天使麵都唔錯,個汁好惹味,份量唔算多,但2個人其實岩岩好囉!過2日又食PIZZA HUT先!