必勝客

營業中

休息中

半年前叫過一次葵盛分店外賣，當年 pizza 送到嚟，pizza 邊冇醬嘅地方成隻食指咁多，啲料又少，焗得過火，又鹹又乾。半年後再叫，水準更差。今次張單 $360，所有嘢食都不可思議。第一個至尊批三藩市批底，得半邊 pizza 有材料，批底可以一邊勁厚一邊勁薄，批底仲濕笠笠，口感超差。第二脆薯角，我冇見過薯角係可以白烚嘅。白色嘅薯角睇到薯皮少少乾，其中兩隻邊邊有少少燶，相信有入過焗爐 5 秒。第三雞翼，又係白烚之選，咬落成隻濕笠笠啲皮肉又焾，唔似係焗，似係浸完溫泉。無論邊間分店，一向 pizza hut 外賣出品都唔錯，堂食更佳。唔相信 pizza hut QC 可以出啲咁嘅成品，如果要保住 pizza hut 個名，建議盡快摺咗佢。唔係班員工技術唔夠，係佢地完全冇心做，仲有心玩嘢。