快樂蜂 (天澤商場)

營業中

休息中

菲律賓國民炸雞店，自從喺香港插旗之後都係姐姐們假日嘅聚腳地之一🫣呢度啲炸雞比起另一間連鎖快餐店的確係大件同埋Juicy好多，試完真係返唔到轉頭🤤 今次要左兩個C2套餐，可以選擇配薯條/薯蓉/白飯/粟米。今次嘢飲升級咗青檸茶梳打+$8，好湖新，配埋炸雞一齊食啱晒！炸雞同埋薯條係啱啱炸起，徒手拎起會有滾燙嘅感覺🙈炸雞配上特製嘅醬汁黎食會冇咁膩，薯條都非常脆身，唔會有軟林林嘅口感。原來佢哋仲有學生優，11am-530pm出示學生證會有九折👍🏻

平時食炸雞通常食KFC，朋友同我講點解我唔試吓菲律賓炸雞名店Jollibee😂 既然佢請我食🤣我就去試吓啦我哋去位於天水圍天澤商場嘅分店，餐廳面積都幾大，有唔少卡位，可以坐得舒服。有幾款套餐選擇，我地揀咗一個 C2 和一個C4 餐😆😆C2餐小食可以揀粟米、薯條🍟或薯蓉，我就揀咗粟米🌽，粟米粒好甜好好味C4 餐嘅小食係蘑菇飯，蘑菇飯好多汁，蘑菇片亦都好足夠，好送飯😌快樂峰既炸雞真係好好味😆😆 快樂蜂 (天澤商場) (天水圍)天水圍天瑞路77號天澤商場1樓115A-B號舖

快樂蜂 Jollibee📍天水圍天瑞路77號天澤商場1樓115A-B號舖今日屋企大部份人都有節目，得我同媽咪晚餐無着落，難得佢今日可以做返次「無飯主婦」，當然要到附近嘅商場搵吓有咩好食啦。米線、壽司、西餐最近我都食唔少啦，反而少咗食快餐，喺商場行咗幾個圈，發現從來都未食過開咗好一段時間嘅Jollibee，所以決定今晚同媽咪一齊試一試。 💰$49C4 2件樂脆雞配蘑菇飯 🍗第一次食，當然要叫啲經典嘢，我揀咗兩件原味樂脆雞配招牌蘑菇飯，兩件炸雞揸得金黃香脆，重點係望落無一丁點油膩感。雞肉入口滑嫩多汁，點埋gravy食簡直滋味無窮，碰巧遇上店員剛剛炸起炸雞，食到最熱辣辣、脆卜卜嘅人氣樂脆雞，非常lucky！蘑菇飯味道有啲驚喜，可能為配合菲律賓國民飲食習慣，蘑菇飯食落鹹中帶少少甜，有好濃嘅胡椒香味，每片蘑菇都大片厚肉，配炸雞食絕對係最佳配搭！ 💰$49C2 2件樂脆雞配指定美食 🍗指定美食有四款選擇，包括細薯條、薯蓉、粟米或白飯。聞說Jollibee嘅薯條同炸雞一樣好食，第一次食嘅我又點可以錯過！幼薯條即點即炸，金黃色非常吸引，外脆内軟，唔會過硬！配選辣味樂脆雞，脆皮同微辣滑雞肉相當夾，唔洗額

食炸雞，個人首選Jollibee，唔經唔覺Jollibee已經係港九新界開咗好多分店，連屋企附近都有，咁就腳就一於黎嘆返件炸雞。炸雞可以揀辣或唔辣，既然一人一個餐，當然兩款都要。炸雞拎上手熱辣辣，外皮夠晒脆卜卜，咬落好juicy，肉質鮮嫩，原味較適合配gravy，值得一讚嘅係gravy都係熱嘅，咁就唔會令到炸雞變凍，而辣雞唔駛沾gravy都夠晒惹味。蘑菇飯有好多原片蘑菇，味道唔會太鹹，蘑菇汁夠晒多，唔會食到尾得返d白飯。

#吃貨心柔日誌 🐝 Jollibee 班戟三文治早餐早起的鳥兒有蟲吃🐛今日一早要同女女出去興趣班+活動，附近有一間Jolibee快樂蜂🐝原來早餐餐牌有班戟三文治😋雖然係大型連鎖店，不過我哋屋企附近無分店😅所以我哋都係第一次食呢度嘅早餐😆除咗班戟三文治必食(見到有八成人都食😅）我哋仲叫咗腿蛋牛角包🥐，同埋一份迷你薯餅😍味道唔錯，價格仲好親民🙌🏻💓💓💓💓💓💓💓💓💓💓💓💓💓💓💓早餐餐牌：📍Jollibee 快樂蜂天水圍天澤商場分店

今日路經天水圍天澤商場探訪朋友之前醫下肚，入咗去Jolibee食個午餐，見間餐廳乾淨又寬敞，坐得幾舒服，叫咗兩件雞加包薯條，菠蘿批，一杯嘢飲，估唔到件雞咁滑又Juicy，皮薄又入味，好好味喎，菠蘿批都OK細細件，唔太甜，有個女職員對人態度都幾好， 有笑容感覺良好，可能係經理。 D枱都乾淨，所以坐咗喺度工作咗一陣，下次可以再試吓，值得推介👍🏻如果加啲宣傳活動，其實都可以有更多客，可能香港人鍾意食茶餐廳，但間中食都幾喜出望外。😄

今日4：30落去天澤商埸一樓找食，入咗去炸雞店快樂蜂 ，見到一大群人，原來係搞緊生日會，成個過程見佢哋玩得好開心好有氣氛 ，用手機訂餐，唔使去排隊仲好快就有得食，地方舒服乾淨，炸雞熱辣辣又脆仲有雞汁配埋，滿分👍

之前一直都係食炸雞呢間個炸雞一向都好好食 外脆內多汁有次買返屋企先食 點知攤凍左少少都好食！今次試左食意粉$27意粉餐好味又抵食仲新加咗手機訂餐可以喺屋企落完單再出門 直接攞唔使等店內環境整潔出餐快 午餐時間都唔使等好耐會再幫襯！

今日嚟天水圍出完job 搵食，突然想食邪惡之物，見到快樂蜂，入嚟食個快lunch，利申我不嬲都覺得蜜蜂雞好食過KF雞，覺得juicy D，同埋比較有heart，除咗炸雞之外，其他食物都覺得吸引啲，雖然不嬲都食開快樂蜂，但係今日呢間分店驚喜地好，除咗Juicy之外，炸到個皮好脆又唔係覺得勁油，冇諗過咁驚喜，俾我食過其他分店嘅好，所以相都冇影張，可惜我只係路過唔係住附近，希望間間分店都保持到好似呢間嘅水準

落樓下醫肚，亂入左去Jollibee食炸雞。平時真係唔多食炸嘢，所以無抱有期望去食，誰不知有驚喜啵！首先點左個炸雞餐配蘑菇飯，雞叫少辣，好快就有得拎埋位。拎上手，咦。。。熱辣辣嘅！好耐無喺快餐店食到新鮮出爐嘅炸雞喎！！咬上口，咦。。。有汁啵！難得佢完全唔會炸得乾身，d肉都仲嫩滑喎，不得了！其他食物例如蘑菇飯、批等都平均水準，徹底對快餐店炸雞改觀。唔肯定其他品牌炸雞會唔會都咁正，但今次嘅驚喜係令我好改觀！

話說當時新開張我見到排隊排到成行成市，幾乎嚇親，以為有多麼好吃，我爸爸也不執輸說要嚐一下於是乎我們等了很久買了返家裹去吃，發現他的套餐也很傳統，意粉配可樂，炸雞配可樂，漢堡扒包配可樂。我覺得配搭簡直很乏味，意大利粉買返去係凍嘅，我阿爸話仲要自己叮熱去吃，炸雞印象中皮肉分離，漢堡包也是很傳統的漢堡包冇咁Juicy。不是太推介吃的店舖

雖然粟米細細杯，但係已經好好味，牛油撈得好均勻！嚟到我最鍾意食雙層芝士漢堡，其他我未試過淨係試過，我嚟過四次四次都係食呢個包，同M記唔同，我覺得佢哋呢個包好軟熟，芝士亦都係好足夠，成個包都係芝士！夠鹹味～ 然後再揀咗杯可樂 一個餐就飽晒，但係唔知點解呢間分店次次去親都係冇乜人，可能呢個商場太多選擇啦 有機會想試吓佢哋嘅意粉同埋炸雞，聽人講佢哋個炸雞好脆 好香。 環境衛生方面，每張枱都好乾淨沒有污跡。職員服務態度非常好，細心溝通！

快樂蜂開係天澤俾大家多左一個選擇，以前好細個食過一次佢嘅意粉覺得好好食，自己唔係經常食炸雞，快樂蜂分店唔多，出到旺區又唔會揀食佢，所以一直保留童年記憶嘅味道，知佢開係天澤真係覺得好開心所以佢一開就即刻去朝聖下，今次嘅食評遲來左好多一口氣買左兩個餐，炸雞真係唔錯，又大件，但意粉就麻麻地，好似同記憶嘅味道差好遠佢個蜜桃批勁細，個味唔太啱我，好似M記個皮好食啲薯蓉同KFC嗰個差唔多，不過一向我地都唔like薯蓉，係個餐有焗要

一直我都覺得快樂蜂d 野係幾好食！曾經係旺角食過一次之後～ 印象深刻！而且仲要平過M記！ 一個餐都係40幾港紙今日冇乜人流 照計d漢堡係會乾身 但同想像中唔同 . 因為食落去肉扒好juicy ！ 好正！薯條雖然唔係份量好多 但我覺得好味 有薯仔味！而且好脆！我朋友係叫左炸雞包 ！ 雞係用雞胸！ 相對健康d.！佢都幾鍾意！ 算滿足到邪惡念頭！但又可以健康少少～希望呢間可以長做長有la！ 同埋冇試過呢間野真心可以試下呢間d野食！ 哈哈哈

黎 Jollibee 真係只覺得炸雞最好食，皮脆肉嫩仲有汁，仲要係熱辣辣，正呀！不過唔同分店質素真係有差別，之前係元朗分店食過，又乾又唔夠熱，都係呢間分店既炸雞質素比較好！