快車茶餐廳

營業中

休息中

廿幾年冇入過坪洲了，今倘一行竟然有意想不到的收穫，這廿幾年來結識了一些坪洲的原居民，雖然已遷出市區，但對家鄉美食的概況瞭如指掌，多得好友介紹，令我食咗難忘美味的一餐，𥮉一坐下，老闆娘即報告有咩海鮮供應，說到海捕的有「劑」魚（恕我唔識寫正字，唯有寫同音字）,$140一份，真是快人快語，沒法，老公在廚房，樓面就只得她一人，一腳踢，真係少啲效率都唔掂，我唔知佢地係出名煎封，仲問佢點整好，佢於是很自信地說：煎最好，果然不負我所望，食咗呢世人最好味嘅煎魚，我地另外再叫了籠仔蝦蒸飯，豆卜湯和炒玉豆茄子，也頗有水準，全部都是用心製作，睇得出也食得出。

有舊同事住係坪州, 以前都成日吹雞叫大家入坪州食海鮮, 但我次次都夾唔到時間. 今次終於到我喇~第一次踏足坪州~ 冇長州咁多人~幾好行~第一個行程係食海鮮!!!!一早同事就訂好台, 買好海鮮喇~今日爆哂.. 好在一早訂左台~~~ 遲一步都冇位呀!坐低等左陣, 先黎呢個開胃菜.泰式酸辣鮮魷, 呢碟唔係我地既海鮮範圍內, 係羅海鮮去時鋪頭介紹既~~~試下新款食法!又幾正~ 辣辣地, 好爽唔會林PAT PAT 咁~6個人食好足夠有突!! 如果十幾個人就分得好少試唔真喇..再黎既就係竹節蝦蒸籠仔飯.D蝦好靚, 好大只~ 好彈牙~~ 個飯都好入味~~~~係咁食個飯~~~好癲~係羅海鮮時, 我問有D咩野食, 因為係地道同事發板, 我只係帶個人去, 乜都唔駛諗既~我聽到有魚, 蝦,蟹時, 我心諗.我都唔食魚既... 蟹又麻麻地... 會唔會唔太岩我口味要出去食小食呢?!第2道就係魚喇... 睇兩睇又幾吸引!!!煎封立魚, 未見過既食法.. 好香酥咁~我見到好似有少少新意又即管試少少啦~~~一試完...就........係咁偷哂D 脆卜卜位食~~~ 好香~唔油, 已迫走哂D油.唔膩~呢只魚D 肉唔係一

他們的出品每況愈下，初搬入坪洲時，幫襯多次，但老闆娘乞人憎的態度認真趕客，你若襟得炳，可試一次貼錢買難受！很多海鲜餸菜，他們堅持用味精，並強調是貴價貨，試問食魚、蝦、蟹的，真需要落重手味精嗎！

星期五中午去坪州，先去街市球妹買大蝦丶花蟹丶大墨魚到快車煮，球妹老實平靚正，快車老闆娘簡太為人親切好客，廚房鑊氣猛，出菜快，鮮咪保存，味道一流。墨魚切片，輕微滾一滾，爽！滑！嫩！不論日式豉油wasabi定泰式酸辣汁都美味。花雕蛋蒸蟹，蟹多肉鮮甜，蛋嫩滑微帶花雕味，沒有酒澀苦味，味道剛剛好。南瓜黃金鮑魚，鹹蛋鹹香惹味，沾滿南瓜及鮑魚，鮑魚超嫩口夠林，卻又爽口彈牙，超水準，必要大カ推介。蒸籠仔飯，大蝦超大彈牙爽口，用來蒸籠仔飯有D浪費，應早聽老闆娘講豉汁乾煎，糯米飯超入味鮮甜無比，夠乾身爽口吾油膩，凍左都勁好味。黑啤汔水當然吾少得。4個人，人工買料計埋，每人都系$260. 超值！

由於母親大人提議趁假期入評洲食晚飯，當然就諗到食快車，所以一星期前就訂枱及預訂好菜式。但一時忘記了今天是國慶假期，晚上維港有煙花匯演，好彩的是在下午查看船期時間發現晚上有兩班船取消了。。。二話不說打去改早一點😅好啦，講番今餐晚飯，我們一行五人，點了五餸一湯。快車水準依舊，好味😋😋😋豆卜湯蒜蓉蒸扇貝這個稍為煮耐左啲啲....有啲"un"籠仔蝦海蝦配糯米飯，冇得輸花雕蟹呢個又係訂嘅餸，啲蛋用嚟送飯一流鹽焗雞第一次食，好香，雞好嫩，下次都可以再叫

今日一家大小入去探親友離開煩囂吸下自然空氣坪州有不少懷舊食肆但這一間店小但又好多人咁就要入去探下究竟家庭式管理街坊好似個個都同老闆好熟咁我成日食野都唔記得野食叫什麼名字只可以講條魚好鬆脆可以試下鮑魚仔好似平平淡淡咁可能蒜蓉唔夠多食下其他啦咁籠仔蝦底有糯米飯好特別我自己就冇食過我對糯米真係麻麻地D蝦就係普通既蝦藥膳羊腩好正個湯真係好多藥好美味冬天食就最好不過花彫蟹好鬼多隻值得關注下隻蟹豬一睇就知好多肥肉送飯真係無敵到不得了食咁多重口味既野要有d菜食下豆苗係一個不錯選擇

城市裡有大灰塵 人多車多嚇驚人喜歡鄉村綠野處處原野共樹林不是對城市厭惡，只是太喜歡郊野了！每次在郊野，腳步特別輕快，又越過高山，又越過谷，就像忍者從不覺累，心情也特別的美。所以每逄週末，若天氣和時間許可的話，便飛奔到郊野去！今年的情人節，碰巧是星期天，我們再一次到次訪坪洲！累積了上次到坪洲的經驗，我們下船後第一時間到心儀的餐廳訂位及預留菜式。「快車」是我們的目標，門口的海報將招牌菜圖文並茂，因餐廳的面積不大，加上坪洲的食肆較早關門，上次我們未能佔上一席。在大利島岩石上欣賞浪花，然後轉入山徑，環島走了一圈，再走上手指山，下山後差不多五時半，跟我們預訂晚餐的時間相約！「快車」內部呈長方形，左邊大多擺放了大檯，右邊是供兩人的小檯，我們是第一對到埗的客人，可優先佔上一張二人檯，不用跟其他客人搭檯了！牆壁掛上坪洲舊貌的畫和照片。亦貼有寫上菜式名字的彩紙，散發出地道和街坊氣息。給老公在雪櫃裡發現了「Riesling」，售價才 $100，非常合理。用港式的水杯盛上，從沉實中帶出甜絲絲的浪漫!第一道菜是煎封魚。魚身鋪上滿滿的青蒽，細看撲上麵粉的位置，並不像煎，頂多是半煎炸！入口肉質細嫩鬆化，尾部、魚鰭

前2天同事問我有冇興趣去坪洲食野？當然去la.一行四人坐車坐船到坪洲時間尚早走到手指山，剛好黃昏坐在高處欣賞一下，一來一回正在晚飯時間。穿過橫街到享用晚膳的“快車“。由於餸菜须早幾日预訂，坐了一陣已有 最遲是雞及炸豆腐是晚十分豐富好飽，平均每人消费200.最好味花鵰蟹蒸蛋好重酒味，蟹肉中酒味濃厚，而蒸蛋细滑。而煎封魚，新鲜魚肉結實，有魚味！而雞……是我同事推介，我觉得麻麻，坐車坐船到坪洲別有風味！可携新鮮海鮮加工。值得一试。這。是。假期晚餐

是日坪洲一日遊~~人生第1次踏足坪洲~~對小島感覺十分討好~~正午藍天白雲，配上寧靜海岸~~遊人數量少~ 香港上難得淨土~晚上來到快車茶餐廳~雖然叫茶餐廳，但每台食客都叫海鮮~~小店只收來料加工費~ 食客需要自己俾錢海鮮鋪~~2個女孩子只係點左：蒸蝦糯米飯 & 豆卜魚湯魚湯好快就上台~外表奶白色十分對版~但入口只有胡椒味~ 十分失色…而豆卜釀左蝦膠~~ 亦唔出色~ 太硬…未煮夠？蒸蝦糯米飯食左20分鐘~籠仔上台~十分搶鏡~~蝦數量好多，亦食到鮮味~糯米飯同平時食的~ 不一樣呢~無花生、蠟肉等~ 反而換上菜甫~老實講味道有d過咸~~(理想中 & 幻想中) 糯米飯會吸收蝦的鮮味~但事實並唔存在 XD只係好普通：蒸蝦 & 過咸糯米飯不過小島風情，收費亦合理~~食完飯，出碼頭睇日落 & 散步~~等天黑，在岸上數星星~~ 亦十分唔錯！

從來沒到訪過／認識過坪洲，朋友提議組團到坪洲玩半天，日子時間配合，一口就答應了。由中環碼頭乘快船到坪洲約半小時，沿家樂徑意思意思的行了個多小時山。午餐就到預訂好的快車茶餐廳享用海鮮餐。首先端上的是蒸蝦，有糯米飯在底下吸引了蝦精華，蝦與飯配合得很好。接著來的是扇貝。多蒜蓉的扇貝本質都是美味的，不算特別。豆卜魚湯我會推薦給大家。從顏色上能看到這湯煲得很「融」，完全沒有魚腥味，而且店家的調味工夫到家，令人一飲再飲....再飲。煎魚方面，雖然沒有很吸引的賣相，但魚肉在炸皮下仍然保持嫩滑鮮味。骨亦不多，沒有因食用麻煩而令人卻步。膏蟹蒸蛋賣相吸睛，但蒸蛋層比較薄，而且未有很入味，相對普通。蟶子用豆豉汁炒，肉質算爽。另也點了蔬菜等。結賬竟然不用二百元，實在是「抵到阿媽都唔認得」！

我的多位朋友都曾對位於坪洲的「快車茶餐廳」讚譽有加, 所以我便下定決心趁著假日去一試。往坪洲的方法, 是從中環六號碼頭乘坐約每半小時一班的船, 如果是快船的話, 大概需時30分鐘。由於我的太太會暈船, 所以為了減輕她的痛苦, 我們選擇坐快船。幸好當天天氣晴朗, 我們有機會去一趟環島游, 不然只是單純坐船去坪洲的話, 實在有點不合乎成本效益。這裡的菜是預訂的, 而第一道菜是胡椒蝦。由於我們的「食團領袖」祖祖與老闆娘事前有聯繫過, 這次所用的蝦體積比一般為大, 炒得很乾身, 可以連殼一起吃, 胡椒味亦調得相當不錯。接著是蒸海斑, 他們把蒸魚的時間掌握得非常好, 所用的材料也非常新鮮。椒鹽瀨尿蝦方面, 這些足十吋長的瀨尿蝦需要事先預訂, 鑊氣十足, 不過最令我感到驚訝的並非這道菜的味道, 而是它的價錢, 我在此先賣個關子。此外, 花雕蒸蟹也是這裡很出名的一道菜, 由於我們人數眾多, 廚師為我們準備的蟹數量特別多, 相對來說蛋的份量就顯得較少了。如果我下一次再來的話, 會建議他「少蟹多蛋」, 因為我認為這道菜的精華在蛋中。魚卜魚湯: 「魚卜」是釀入了魚肉的豆卜,魚湯湯底清甜。炒蟶子: 水準算平

no kidding! there is more than decent cantonese food on this little island, only a stone throw's away from Central? the lucky thing about it was that we didn't consult open rice & stumbled onto this wonderful restaurant w/ our own radar.ok, to be honest, we were surprised that many of the attractive dishes, including seafood, were not available that day, due to chinese new yr & holiday closing of the wet market nearby.we ordered several dishes, some recommended by the staff.1. stewed pig's feet

nov 2, 13.......8人嚟dinner...........叫咗 :1) 海鮮套餐 (hk$1,298)-呢個套餐喺夠10-12人食...........我哋本來有9個人嚟食..........最後得8人............所以老闆娘好好...........主動建議-1/2隻雞...........否則會食唔晒~~~~i) 煎封雙頭海上鮮-我覺得似炸-但點都好,佢嘅魚皮喺薄脆,1d都唔喺硬脆.........1d都唔油-很少食到處理得咁好嘅魚.............因為好考功夫-魚肉仲好juicy,無乾.........所以無overcook-好掂ii) 鮮果咕嚕豬頸肉-雖然肉比較細粒又偏肥.........難得皮喺薄脆 (可能因為細粒先易掌握)-甜酸度不錯-如果個肉少d脂肪..........掛醬d........會更好iii) 籠仔蝦/ 胡椒蝦煲-個餐喺either1種煮法-好多蝦舖面........完全睇唔到底下嘅飯-個飯1d都唔腍,有口感.......之前應該有處理過,因唔喺淡茂茂-蒸完後,索埋d蝦汁..........所以飯先喺焦點...........其

假日到離島鬆一鬆, 順道享受離島風情海鮮餐, 原先訂了8人枱兼預訂了某些餸菜, 到達後枱是留了給我们但沒有預留我要求的餸菜, 只好即時点餸, 由于太遲關係, 好多海鮮都沒有, 有点失望.

呢個星期，同屋企人去喜靈洲渡假及BBQ，路過坪洲，就膽粗粗去試阿蘇介紹的呢間茶餐廳。上網做足功課，事前book定餸菜。間舖只有三張十人大枱，一張五人枱，以及一張兩人枱，舖面尚算整潔及企理。Book位及叫定餸菜係必要的動作，否則，下次請早。 蝦蒸糯米飯 - 海蝦新鮮爽口、份量多，糯米飯唔油唔硬、又夠香口、富荷葉味蝦膠釀豆卜湯 - 好多爽口的豆芽、釀滿彈牙蝦膠的豆卜，奶白色的湯底富濃郁既楜椒味，似加入豆漿或牛奶煎封魚 - 外皮好脆，內裡魚肉既新鮮又好滑花雕蟹蒸蛋 - 花蟹夠鮮夠多肉、蛋夠滑夠香，花雕酒提升左蟹同蛋的香味客家鹽水雞 - 雞肉夠味、超滑，又係水準之作上湯炒粉絲豆苗 - 豆苗夠嫩夠入味 (掛住食，唔記得拍照。) 屋企人都係嘴刁之輩，今次卻有讚無彈，大叫好味、頂瓜瓜、抵食﹗ 酒徒契爺仲帶叫左支私伙Martini黎助慶添，讓我哋食個痛快﹗ 無可否認，係偏僻小島，呢間餐廳的水準確是一流的，價錢也算合理。