快車茶餐廳

營業中

休息中

因為睇左OPENRICE其他食家的提醒當日早上打去BOOK檯BOOK海鮮費事去到無得食, 白行一趟, 好彩仲BOOK到去到坪洲, 雖然係假日, 但無乜人, 好寧靜既小島,真係可以HAE的地方行行下到食飯時間,去搵呢間快車, 由於我地得3個人,所以要同人搭檯, 不過唔緊要.因為BOOK左, 好快就上菜,我地只係左3個菜:蝦膠豆卜湯 - 好多豆芽, 無摘的, 豆卜可以話細細粒, 但可以一啖一個, 蝦膠唔算塞到好飽滿, 湯底唔好期待係好濃魚味, 反而係好濃既PEPPER, 唔好湯的食家可以唔試. 花雕蟹蒸蛋- 一如其他食家所言, 好香花雕酒味, 蛋亦滑, 佢俾左兩隻蟹我地, 新鮮, 唔算好大隻, 回家問老娘, 可能係花蟹. 我好鍾意有酒味既野, 超愛醉雞!! 所以呢個都好鍾意!! 蝦蒸糯米飯 - 蝦新鮮, 份量夠, 應該係海蝦, 糯米飯好好好好好食!! 你話係咪有蝦既甜味, 我唔係好食得出, 但本身個飯就煮得好好, 唔油唔硬, 又夠香, 如果你唔係事必要海鮮舖面, 可以唔要海鮮, 平D, 同埋已經好好食!!(見到隔離檯係用鮑魚仔蒸, 所以你話啦~)我地仲叫左支啤酒...好似係青島, 咁先食得

正呀開心的一餐点的菜式都是招牌菜VERY GOOD, SHRIMPS WITH STICKY RICE, CRABS, SWEET & SOUR PORK, STEAM FISH( 魔鬼魚好滑呀! MY HUSBAND LOVES THIS TYPE OF FISH AND THAT'S WHY WE SPECIAL ORDER IT AND 佢哋真係揾)VERY GOOD EXPERIENCE!!!P.S. MAKE SURE YOU MAKE RESERVATION

快車是坪洲閒日遊的最後一站, 我兩下午茶還未消化, 配合小島居民早睡早起的優良習慣, 便提早六時食晚餐, 店內亦無其他客人, 我兩被安排坐二人小怡, 該位置收不到信號, 所以我也無法上開飯網看食評, 只靠記憶點菜, 便選籠仔糯米蒸蝦, 可惜阿姐話當晚的蝦已預留给其他食客, 轉大蝦又會好貴, 於是問蒸蟹點計, 阿姐話當晚無蟹, 若不是坪洲, 我會尋找其他食店, 返正時間尚早, 而我想起一個月前的保險講座談及"既然來到... 事情可向好的方向想.....", 於是問阿姐還有什麽介紹, 便是:家鄉豆卜湯 ($68)可惜無細碗供應, 我兩享用一大煲熱湯, 豆卜超過十件, 內部釀有蝦肉, 頗彈牙, 香滑的湯似加入豆漿, 並有不少爽囗的牙菜, 理應讚好, 但最敗北是加了很多重手的胡椒, 使我兩基本上只喝到辣味, 令每喝一碗便要飲茶.籠仔糯米飯 ($48)打開籠蓋嗅到糯米飯的香味, 也有些蝦乾作點綴, 只是沒有海鲜做籠中主角, 感覺空洞無味.盬焗雞幸好我等試過豆卜湯後才诀定, 结果當然取消再點菜的念頭啦.還記得阿姐話快車已開了十五年, 可是對我是次 walk in 的生客來說, 只感與快車無缘, 最

因友人的建議下.找個時間入來坪州暢遊一下,相比南Y 島和長州,這處的確細小,餐廳種類較少,要找間店鋪食個午飯才行,想起有一,二間店鋪都想試下,其中一間就是快車茶餐廳,很奇怪,雖然有茶餐廳這個名字,但賣的是小炒菜式,鋪內只有五張桌子,不符合茶餐廳風格,侍應說假日沒有魚類提供,怕放在雪櫃不新鮮,就簡單地選擇四款菜.先來一客咕嚕肉,但肉則豬頸肉,煮得更脆,肉也鮮嫩,碟還鋪滿甜酸汁,份量雖少但食得津津有味,預料之外的水準,咕嚕肉做得出色不多,最好的是得龍,但這款合格有剩.沒有飯落肚的話,怎有氣力呢?糯米飯可以配上蝦,扇貝等等材料,其實以基本會有保障,什麼不用,一碗糯米飯可以帶暖身之用,食量較為大的自己可以吃足一籠,當然要以好味才可以做到.肉餅是家常菜,在家中經常吃到的在島上看到不少掛著一條條咸魚,就不如咸魚肉餅,這處以薄身,還有那陣咸魚香,如果身旁有一碗白飯會更好,和友人談一談以後有什麼打算,埋單約二百一十,每人只不過是五十元左右,又不算貴,還要繼續起行更多相片:http://cky20080.blogspot.com/2009/11/blog-post_23.html

第一次同男朋友入坪洲玩~上網睇左一定要食快車..所以一早打左電話去book 位+訂野食~~電話中阿姐都算helpful架喇~~ 準時五點半去到...一坐低阿姐都幾好service呀~~ 坐一陣就上菜喇~~ 叫左:蝦+糯米飯: 蝦算幾爽口...糯米飯好香荷葉味~花雕蟹: 好香酒味...蟹新鮮~!! 豆卜魚湯: 呢個無乜味0既...d豆卜幾得意...overall 都算幾好味~!! 埋單$323...算係咁啦~!

第一次去坪洲, 四圍影相 + 食o野!!睇蘇Good介紹，試了快車茶餐廳！一行十二人，由於一早訂咗位同叫咗餸，所以一坐低叫起菜就有得食!!籠仔糯米蒸蝦 - 叫咗一斤蝦，蝦肉好爽，糯米飯好乾身好好味！家鄉豆卜 (魚湯底) - 豆卜好好食，不過湯底麻麻，好油膩。枝竹炆狗仔鴨 - 係落單時候阿姐強烈推介的，鴨肉較「鞋」，但係枝竹超好食，如果可以加多啲枝竹就更好！陳皮蒸鮑魚仔 - 好新鮮，水準之作。咕嚕豬頸肉 - 比想像中好，甜酸度適中，啖啖肉。客家鹽水雞 - 又係水準之作，唔會太鹹，雞肉超滑。芝士鮮魷球 - 麻麻，魷魚炸過，伊麵加埋芝士好膩，每人都係試咗小小伊麵。蒜蓉炒生菜蒜蓉炒通菜紅豆沙 (送) - 雖然係送嘅，但係都好好味，甜度適中。十二個人連埋炒菜總共叫咗十個餸，啱啱好唔會浪費，整體嚟講各樣嘢都ok，不過略嫌太迫，坐得唔夠舒服。記得要一早訂檯同埋叫餸，因為海鮮一定要預早留定，如果唔係隨時冇得食。佢哋嘅服務都幾好，有講有笑的，仲肯幫我哋揸機影大合照。

剛剛好一圍人哦~~~12人去之前已經同負責人訂好野食~~~蝦膠釀豆卜+大豆芽菜+魚湯 好鍾意呢個湯！ 但胡椒味重了一點。籠仔飯:蝦+糯米飯 like it 啊！蝦的鮮味落左D飯到！魷魚+芝士伊麵 呢個魷魚真係好掂！必吃！蟹+花雕酒蒸蛋 好濃烈的花雕酒哦，但還可以接受。o古o魯肉 我覺得一般一般啦...可能遲左食...煎魚 完全同意之前的食評！煎得太好啦！自攜神樂院神父的有機番茄+炒蛋 另加$45上海鹽焗雞 我覺得幾好味哦~~~是沙薑味的！雞肉滑滑的！最尾張相 有粉絲，生菜，魚卜。番薯糖水

一日坪洲遊.......最回味就是餐飯!!!!我同D朋友(有5個黃老五)一齊入左一間叫'快車茶餐廳'的小店。吾.......................'魚湯,糯米飯(阿蘇話正!!!!),漁村小炒,豬頸肉(酸酸甜甜的)........'我問阿姐有咩好食,佢話煎魚,醉蟹好出名,但是要去街市買。最後就幫我叫人去買(服務又ok喎)...。有得食la....先來一個豬頸肉-橙紅色的,炸得好香,外面酸酸甜甜,裏面包住多汁嘅豬頸肉!!!(吾錯!!)糯米飯-不油又不乾,清请地ok喎..煎魚-最好吃(真是超正,最good)醉蟹-蟹同酒二合為一,蟹又有肉又吸收曬D酒嘅精華(食到我不停到)。食完有糖水送!!抵呀!!!

入左坪洲行行, 店舖唔多, 又收得早入到去係下晝5點幾... hea左陣, 6點半左右就去左呢間食晚飯男朋友話佢d『籠仔飯』好出名架喎...就叫左個試試餐牌寫$48, 個啊姐問要唔要加野？加蝦？我地就問幾多錢, 佢話$125... 雖然都叫左, 不過好唔抵食, 寧願叫d其他小菜下次要食, 都剩係試佢地個籠仔糯米飯就夠...好好味, 仲好多食唔晒叫左個蟹... 新鮮 ~ 藍蟹一向都好平, 雖然佢地都係賣$20隻,要花雕蒸就加$70 好啦好啦, 一場黎到就試試佢啦不過好苦, 酒太多喇 ~

今天又到坪洲了,臨出發行手指山前,先到上次吃不到的快車餐廳吃飽.到達的時候大約下午十二時,只得我們一枱客,可能晚市才多吧. 我們要了三個餸:1. 咕嚕豬頸肉----是不是豬頸肉就不知啦,但真係好好食,啲肉外脆內軟,加埋酸酸的汁可使胃口大增2. 豆卜湯----豆卜釀了蝦肉,湯入面還有大豆牙菜,有一點胡椒味,d湯白色可能是加咗腐皮掛,總之好飲啦3. 上海鹽焗雞-----即沙薑味加D唔知咩汁味的雞,雞肉又滑,結果係超好食加埋一個白飯都係$203

如果不是朋友的朋友訂了枱,相信不會走到這麼遙遠食飯:釀豆付卜魚湯~很濃的魚湯,喝到好像加了芝士的味道鮮蝦蒸糯米飯~蝦新鮮,糯米飯一點都不膩(最怕油淋淋的糯米飯)炸蠔拚薑葱撈粗~d蠔好鮮味呀!想食多隻都無lor~本菇炒鮑魚仔~呢個好似係自訂菜式,清清地,未試過咁食法,都ok花雕蟹~蟹有膏的,d蛋好滑好香酒味蒸魚, 白灼瀨尿蝦(唯一差的海鮮,其餘都很新鮮), 蒸扇貝, 沙薑雞(好鞋)p.s. 最好先訂枱,講明想食乜海鮮會比較穩陣

今次阿蘇真係好介紹!!我今日同班FD入左坪洲"快車"食LUCH....首先,,我吔叫左個虾膠醸豆卜湯,超好飲呀!D虾膠好彈牙,仲有個虾糯米飯,D糯米飯好新鲜AR!!配糯米飯一流~價錢都幾合理(半斤鮮中虾糯米飯$125)...跟住再叫多個3隻花雕螌,都幾大隻.D蛋真係香到你唔信!再叫多個豬脛肉就滿足la^^其實佢吔D服務都唔差,我就好滿意la =]

上星期睇完阿so的飲食節目介紹坪洲呢一個地方，由於未去過坪洲，於是就上網找了些資料準備星期日去，除了節目介紹的蝦多士出名外，有間叫做快車茶餐廳，食海鮮及小菜都好多人讚好。於是星期日我地一行四人早上8時由中環出發去坪洲。去到坪洲我地沿著個島環繞了一圈，行完大約是11時50分，於是我地就去找賣蝦多士的鋪頭，找到了蝦多士但由於門口太多人排隊，於是我地決定先去快車食午飯，食完再翻黎。其實快車茶餐廳都唔易找，要問下當地村民先找到，入到去有2-3張枱，一位大嬸見我地入去就問我地有冇book枱，我地話冇，佢就叫我地座近門口的四人枱，原來鋪入面仲有幾張大枱，可能個d已經俾人book左。我地一坐低，個大嬸就行埋黎問食咩，由於出發前係openrice睇過呢間野的食評介紹，於是我就叫左：1. 豆卜湯 2. 蝦糯米飯 3. 花雕蟹 4. 炒菜 5. 家鄉小炒我就唔係d咩食家，但同行一位朋友是從事飲食業，佢對以上菜式d評語：1. 豆卜湯：湯表面是奶白色，但飲得出不是魚湯，因為有好大陣奶香味，豆卜讓蝦膠唔錯，個湯就唔得；（價錢：$68）2. 蝦糯米飯：海蝦新鮮，糯米飯一般，朋友話蝦同糯米應該是分開煮的，

香港其實有好多小店，味道好，價錢抵，只不過因為知名低，又或者位置比較僻，所以少人知道。我食過有好幾間，都幾值得大家去捧場架。快車位於坪洲，係坪洲就無人不曉，只不過我地城市人一來少去坪洲，二來去坪洲都未必食埋晚飯。有幸因工作關係，知道了這間好野。呢道最掂係海鮮，小炒ok不過又冇海鮮咁好。海鮮最好訂定，晚飯都最好訂枱，因為佢都幾滿吓。你仲可以係碼頭市政妹記買料，帶埋去整。花鵰醉蟹係必食，蛋滑勁酒香，蟹鮮詌，但也只是配角。胡椒蝦同黃金蝦兩個都咁掂，要二選一都好難選。胡椒蝦出面少食，黃金蝦比出面好味好多。蝦的質數比出面好好好多。豆卜湯又係必叫，四個人都分到兩碗架。食三味海鮮加一小菜同埋一個湯，每人都唔駛一百五，高質味道好，好抵食。

我是坪洲的住客,日日做完野都會來怏車。我最鍾意佢地D套飯，清清地的梅菜蒸肉餅有肉味之餘還有一黠梅菜味，驟眼睇好似好平平無其，但是以經令我十分滿足。 有一次，我在快車同媽媽一齊慶祝她的生日，叫了十幾個菜。我媽媽十分喜愛那個糯米飯，佢說那個糯米飯十分好味，令她吃得十分滿足。而我就最喜歡花雕蟹和家鄉豆卜，那個花雕蟹在坪洲就人人都知，它那花雕味令人回味無窮。家鄉豆卜;那個湯底味道很特別。簡直令人回味!!!