念川居 (MOKO新世紀廣場)

營業中

休息中

一間很有質素嘅川菜館，亦都有好多粵菜選擇。三個人下午來食，食了大概$800左右，非常好味，非常飽肚。菊花茶非常好飲，茶香飄飄。腸粉好滑，燒賣足料香口。點心原來係由前澳門五星酒店主廚主理。超級推薦蘋果叉燒酥香口，師傅做得好細心麻辣筍片，青椒皮蛋，四川淡淡面，四川豆乾全部都辣得好好味，應該有唔同嘅辣椒醬，不過我本身唔係好食得辣，但係都感覺啲辣得好好味同埋好香環境非常好，衛生乾淨。職員都好有禮貌。上菜速度亦非常快。雖然價錢略貴，不過都會再光臨。

不是第一次來吃 質素同平時一樣，招牌蘿蔔牛筋煲再次二拎未食過嘅人大舉拇指👍牛筋份量不少，不過因為一台10幾人食，所以每人分得一件左右就冇㗎啦大家都好欣賞，炆得好入味恰到好處，因為淨係牛筋冇牛腩，所以唔會好油膩極喜愛腸粉質素穩定，涼拌海蜇調味普通，沒有醋味指有少少辣油味道，新鮮不過可以不點忘記了這是什麼紫菜卷，因為只有三件，我沒有事，朋友好像話香脆好味小米高外脆內軟，第一次嘗試，基本上整台都說驚喜味道我自己就覺得味道OK，只是油分多一點蒜泥白肉我沒有吃，不過看下份量幾少，質素就很好的樣子灌湯餃大件不油膩

川菜風味-新世紀念川居Fb:下一站豬欄; IG@Pig7station行開新世紀廣場，臨時想試吓食呢間，晚餐時間尚早，都係六點幾，仲可以Walk in😙不過要兩小時交枱當日有好多嘢都冇，紅油抄手同餃子都無🥲最後叫咗水煮牛、脆皮豆腐同埋杏汁豬肺湯，水煮牛好淋，夠晒香啦，不過寛粉唔夠煙韌，一夾就散😅 脆皮豆腐唔錯，豆腐好滑👍🏻杏汁豬肺湯都好足料，飲完好滋潤😋甜品叫咗生磨芝麻卷，傳統小食，芝麻味好香濃😍畫上完美的句號。當日仲有生啤買一送一添😚

雖然係川菜餐廳，不過都有好多粵菜選擇，朋友移民回港探親，就一齊回味下粵菜、點心。貢品炒飯蟹肉、蝦肉用料充足，有蟹味，夠鑊氣，但偏鹹。幾樣點心賣相雖然普通，但味道都好唔錯，原來係由前澳門五星酒店主廚主理。我地揀左甜包（唔記得左全名）、鮮肉小籠包、燒賣、叉燒腸，仲有芝麻卷，兩樣甜點都有驚喜，平時煉奶花生醬揸麵包就多，原來用黎做中式包都夾到，趁熱食特別好味。一向唔太鍾意芝麻食品，大家叫到就試下，黑芝麻卷質地綿軟，甜而不膩，配上芝麻粒，口味香濃，都值得一試。餐廳內裝修雅緻，午餐full house都唔會好噪，適合聚會，會再encore, 下次試埋川菜。

夾左幾次 終於與友人夾到食飯了 即刻睇下有咩食先💓呢到好快手 一order 啲餸好快就上曬，要有心理準備😂炸饅頭 呢到就質地比較硬，同埋唔係幾脆脆炸一口鴨血呢個都幾得意 鴨血包住脆漿炸 不過鴨血略嫌不夠嫩滑 有d痴牙啫啫時蔬 本身點左芥蘭 不過黎到係菜心照食lo 係好香口的 不過菜心同個煲唔夾 好快比熱氣煮得過熟了椒鹽九肚魚 香脆可口 外脆內軟 不錯不錯紅油炒手 皮薄咸鮮 醬汁酸香麻爽 Xo醬炒露筍帶子 露筍鮮嫩無渣 帶子大大粒同xo醬同吃提升了鮮味十分夾呢肉絲銀芽雙面黃呢個麵炸得很鬆化香脆 而且唔油 我地凍左食都仲好脆呢麻辣魚春煲 呢個麻辣煲夠曬辣啊 又香又辣 而且唔會死咸 魚春也甘鮮味美 質地鮮嫩 我個人覺得個地既蘿蔔索曬啲味先係精華👏

今日同老人家食午餐，點了4樣，燒賣味道正常，担担麵是暖的，已經扣分，最差是炸兩，炸兩已經唔脆，而且不提供甜醬麻醬，點會好食，所以完全冇食，同集團的望月樓出品比較好，不會再來了

念川居和望月樓雖說有川菜和粵菜風格上的分別, 但畢竟是同一個集團營運, 有些菜式兩家餐廳也有提供, 當中最喜歡的必然是白玉黃金, 也就是將鹹蛋黃釀入豬腩肉之中, 蒸好再加上豉油, 材料簡單, 但其口感由軟到實, 由綿到化的層次, 以及油脂的香濃美味, 依然令人難以忘懷, 膽固醇超標也自然拋到九宵雲外去了.傳統點心如蝦餃和燒賣做得不錯, 至少基本的皮薄餡靚也能達到, 蘿蔔酥餅的外皮層次度高, 酥香而蘿蔔內餡並沒有出水, 吃起來口感很好. 牛肉腸外皮也能做到薄而不爛, 如果牛肉肉香再多一點, 又或者加點陳皮提味就更完美. 說是川菜餐廳, 但唯一點了和川菜有關的菜式就是辣子雞丁, 辣勁強而麻度一般, 雞丁口感香脆, 口水感有點乾但不至於柴口, 吃到最後要找雞丁, 當然又變成尋寶遊戲. (笑)Although Chuna Palace is focused on Sichuan cuisine, the Cantoneses dishes are quite well. My famous dish here is the pork belly with salted egg yolk tha

之前只係中午黎過念村居，主力點心。今次黎發現，夜晚就主力食辣野，由於我都鐘意食辣，所以覺得唔錯。最好食蒜泥白肉，辣嘅炸子雞，炸豬血我就一般鐘意，紅油抄手幾好食，都多料，由於有小朋友，好多辣嘢佢唔食得，叫咗個炸蜜瓜奶，第一次食唔錯，今次食好滯，下次唔會再叫。

Book唔到北京樓試佢個扁皮鴨，唯有食飯食開嘅臉村居，質素穩定不過貴價少少今日多人食可以嗌多少少唔同種類嘅點心！椒鹽九肚魚香脆可口外脆內軟，加上好味嘅喼汁不過上枱發覺好細碟集材煲正常發揮不過不失，不過入面蔬菜唔多粉絲好多好辣嘅大腸蘆筍釀竹笙係貴價嘅食材，所以呢個好似都要$198 ！其實自己食就覺得會好貴每次必嗌嘅牛筋煲！質素穩定非常入味！又唔會好油膩加上清甜嘅蘿蔔超級正我仲食咗牛筋腸粉海蜇全部都好味！最正梗係蘿蔔炆牛更啦嗌多個枝竹魚湯浸時蔬知足好滑且又豆味，個魚湯就唔係太有魚味，似溝出嚟多啲豆腐花一個分到四碗，好正啊！ 我呢碗係得多咗嘅size叉燒腸蝦腸都好味！不過如果佢個腸粉皮唔好溝咁多油更好整叉燒包個包皮都幾鬆軟，整體不過不失，廁所就喺商場不過好近好方便員工服務態度幾好， 忙啲係正常啦

明明話用餐90分鐘，book 咗中午12點，諗住等齊人先入坐，11:47 am reception位小姐話可以比我哋早少少入，照計12點開始，食咗差唔多一個鐘，就有職員走嚟問仲有冇order,話冇，諗住坐多一陣間，傾吓計，轉頭已經有人攞埋張單嚟叫你埋單，問佢乜唔係張枱用餐時間90分鐘咩？支吾以對下就話仲有十零分鐘可以坐⋯⋯⋯單都攞埋嚟喇，唔係趕客係咩呀！酸菜魚冇同一集團另一間咁好食，服務態度亦相差甚大。

同男朋友都鍾意食辣，懷念成都好辣的好日子，情人節特意book念川居諗住食餐好，重溫舊夢。點知…..服務態度不佳，服務員講野大聲又無禮貌。上網見到呢間好評不斷，但食物質素同期望落差好大。正宗口水雞一D都唔正宗，做法10分特別，一半生一半熟得滯，仲有雞毛係上面，都唔知點做到。個醬汁極重豆瓣味，但既不香又不辣。黃酒豬手食落有一浸騷味⋯⋯醬汁香濃，但豬手同蘿蔔一啲都唔入味， 肉質就好似煲完湯咁。感覺就好似白水煮原隻豬手，跟住加個汁撈一撈就算。呢個價錢，食呢個質素，完全唔知個D錢食咗去邊。從來都冇寫過食評，呢個係人生第一次。實在係喺網上面見到呢間舖頭好平如潮，完全諗唔明呢啲好評係邊度嚟。總之一句極不推薦。

本來諗住求其飲餐茶， 700個人為買一台容易啲share同埋傾吓計，但係時間又唔係太多，所以見念川居最快有位就入去啦之前都食過幾次，知道呢度食物質素OK不過價位亦都係相對貴啲，不過算啦貪佢有位，可能就係因為呢個原因🙈係大家都趕時間同埋肚餓，所以大家都掂左啲點心，最後點得多得滯要打包白灼時菜一碟$108但係唔係太大份，呢個就真係唔值得！而且特登叫佢走油用水灼，佢都係由粒粒上枱，仲要唔附加本來話要幾嘅蠔油呢度爭少少🥺雖然都知道佢平日唔是非常煩忙雪山叉燒包我冇食白灼牛肉份量OK，唔記得咗幾多錢，大家可以睇菜單，牛肉幾厚實，底下擺下好多爽口嘅芽菜高湯牛肉球，特別嘅係，呢個唔係正牛肉球係有啲冬瓜粒，清湯一齊煮嘅牛肉球，牛肉球有好多爽口嘅馬蹄粒，唔錯小籠包好味，底下剪咗蘿蔔等大家夾起嘅時候容易啲可以成粒食集材煲唔會好多油，每樣菜都有啲正常水準呢個唔會有啲咩特別㗎🤣有位朋友話呢個一定要叫嚟食，因為佢超級鍾意食spicy🤣🤣🙈呢個真係要食開辣嘅人先好嗌，試咗一粒側邊嘅嘢都覺得超級辣牛筋好好味！之前食過一定要encore ！不過$200唔係平㗎午餐來講整體質素平穩，某啲菜式overall priced!

去到問職員話無套餐，咁就就咁叫野食，食完見到就聽日人地人叫套餐，職員搞錯我無得叫但係隔籬枱有得叫，搞到無得食4人套餐，原本想試多啲野，千幾蚊食得兩樣野，又唔係特別好食，除左環境好之外都唔會再食，送糖水又cheap又難食

一坐低，便來了一個前菜，拍青瓜。 可能太肚餓，冇幾耐就已經食完。點了一個水煮牛肉，生炒糯米飯，椒鹽豆腐，粟米斑塊， 煙燻雞，咕嚕肉和肉絲炒麵。粟米斑塊和菠蘿咕嚕肉等小炒較為失色，但水煮牛肉，生炒糯米飯，椒鹽豆腐和肉絲炒麵做得很出色。水煮牛肉因為唔係個個食得辣，所以只是點了小辣。在於我而言，沒有辣度可言，但是麻味充足，牛肉淋身， 更加有花生芽作配菜，值得一讚。椒鹽豆腐和肉絲炒麵都炸得剛剛好，可口且卜卜脆，不太油膩。最後，冬天食個生炒糯米飯，暖暖胃。

我實在太鍾意食辣嘢😂今日專登約咗幾個朋友可以叫多幾個餸菜🤩🤩我哋一行五人，叫咗水煮魚、辣子雞？水煮牛肉佢出名嘅燒雞燒雞皮脆肉嫩，夠晒入味😋水煮牛肉我第一次是因為通常都會只係食水煮魚或者酸菜魚，今次店員推介我哋想食牛肉，不如食水煮牛肉，有確實幾好味，啲牛肉一啲都唔鞋我哋一邊飲紅酒之餘，我仲叫咗個火龍果沙冰非常之清甜，食得辣得滯飲返啖即刻解辣😂😂連串該喺香港數一數二食水煮魚辣嘢有一定嘅水準👍🏻👍🏻我雖然價錢唔係超級抵，但係幾個朋友一齊食一啲有水準嘅係值回票價