恆達油渣麵

營業中

休息中

通常都係宵夜幫襯外賣雲吞返屋企食，好少堂食。一來地方細，二來長期多人。可能街坊生意，好多街坊都會幫襯。今晚同老公一齊遲收工，相約晚餐，其實應該係宵夜平時黎通常係油渣麵加雲吞就算，今晚突然要想試盅飯，就叫左一個土魷肉餅，再加大油渣麵油渣麵當然保持水準，佢個湯底係正嘅，係個面林左少少，不過佢嘅精粹係辣菜譜，加入個面度一流講返個驚喜嘅蒸飯，因為老公鍾意食硬嘅肉餅，所以佢好滿意呢度嘅肉餅，我覺得佢嘅土魷雖然唔係太多，細細粒融入肉餅度，不過佢嘅土魷味仍然好出，肉餅都有小小肥豬肉，所以口感都不錯

幾次經過這條街，都已經燈光昏暗，沒有什麼店舖在營業，可能是由於這條街附近都是裝修舖，過了八、九時，大部份都已經關掉了。上次經過，發現有這家油渣麵店，本人一向對油渣麵都有點情意結🤔，有天，吃完不算太飽的圍飯，便來了吃消夜。店內場面其實非常溫馨，一名年輕小伙子，搭配其父母（看來是），營營役役，辛勤工作，店內環境就有面壁座位，供單人來吃，亦都見到有張圓桌。油渣數量不多，不太乾，不夠脆，味道普通但沒油益。這種上海麵我也覺一般般，未算全林但質感不滑，口鞋脷掘。辣菜莆極辣，嗆口痺脷。另外有個豬骨粥，本身都不太鍾愛吃粥，看見好像挺濃厚，試了一口，還好。油渣麵的麵條比較普通，油渣不覺得揸得非常乾，因此不算特別喜愛，都未必會再來。

夜晚想係油麻地食油渣麵，上網揾到這間舖面不大，但客人絡繹不絕，好厲害。點了一碗雲吞油渣麵。 好大碗， 食完好飽，味道不錯如果將油渣炸一炸會仲好食完聽到隔離叫炒蟹，伊麵底，諗下都想食，下次要試試。在舖內，你會見到一家四口如何分工合作，努力地經營。 可以感受到 香港精神 的精粹。

前晚等男朋友收工都已經差不多十一點，我地唸緊食咩好既時候，佢就話附近有間飲豬肺湯好正既餐廳，所以就出發啦呢間餐廳個位置都好偏僻下，唔係有佢帶路真係唔會識蒸魚飯，倉魚唔算大條，不過個蒜蓉豆豉汁好好味，配飯食一流老闆仲話收平我$5結果，$45就有交易，好抵呀男朋友就叫左個牛腩飯我食左一舊牛腩就食到有種酸味，應該係變壞左但男朋友又話牛腩本身係禁既味主角豬肺湯，洗豬肺係一件超煩超複雜既事，所以平時係屋企都唔會煲而呢個豬肺湯係洗得好乾淨又好足料，超好飲$20一碗真係好抵！

喜歡去舊區揾食，睇雜誌介紹而來，小店在油麻地舊區群中，客人都係附近街坊，以單身漢為主，非常「地道」。小店面積好細，只有一排靠牆位加一張小圓枱，好迫夾，要食環境就咪來了。街坊小店，洋溢温情，我估係一家四口經營。提供家常菜，湯水涼茶小食甜品乜都有，無餐牌，菜式全貼在牆上，有好多隱藏版，非常温柔又有禮貌的年輕人會介紹是日精選，你想食的都可以自己開口問下有無，非常隨意。最重要係大件夾抵食，兩條友，有湯有菜有雞，埋單唔使一舊水，足料得來味道又唔錯，詳情請見內文。我儍儍的問年輕人咁多款食物點預備得切？年輕人温文一笑地答我湯水涼茶同糖水每日只供應一款。

心血來潮想飲碗靚湯，去左恆達飲湯，一心想飲花膠湯，但今日是日靚湯蟲草花煲魚，位置係果欄附近，主要做街坊生意，所以地方細細但好親民，如果你係熟客碗湯份量會多好多料，認真係多好多，眼我個碗同其他人分別好大，講番碗湯真係惦，油渣麵多油渣，另外見到一枱客有勝瓜少唔知咩，但餐牌上無，原來係神秘熟客先知有小菜，隔一陣見到人叫鳳找排骨飯跟住叫，無蝕底，野食到齊後，又見到另一熟客叫左條蒸魚，又係餐牌無的，總括來說很喜歡這小店

我幫襯恆達油渣麵己很多年，不要以為此店祇賣油渣麵！它出售的食品很多～熟客一定會叫湯，每天不同款式。例如花膠煲魚/豬肺湯/雞骨草煲豬橫脷, 很多人都專誠來一試。午/晚市提供蒸餸飯，蒸肉餅/排骨/臘腸雞之類。我獨愛蒸魚飯～有鯇魚/烏頭/䱽魚/鱔……等等。不想吃飯，有油渣麵/豬骨粥/炒麵/車仔麵/生菜魚肉/雲吞/碗仔翅。過了晚市，夜遊人愛聚集叫海鮮～炒蜆/蟹/瀬尿蝦,蒸魚，再加碟蒸咸雞和炒菜！食完再飲自家製菊花茶/羅漢果水/野葛菜。**睇過很多食評並無提及，每年端午節和新年，有自製咸肉糉和蘿蔔糕芋頭糕年糕出售，價錢平，質素高，不防一試**

之前睇fb見到有人話恆達既湯水好好味 打算過黎一試可惜今日我地太遲 d湯賣晒唯有下次試於是，我地試下個海鮮飯餐同油渣麵，再叫多個涼茶，一共$91個蟹真係好平，$55連飯，因為距系清蒸，肉汁鮮甜，而且份量多！不過油渣麵d麵就一般，反而油渣比較好吃！以呢個價錢食海鮮真係好抵！

晚上十－點幾來吃晚飯。要等－陣才有位｡叫３油渣面加雲吞。湯底係胡椒豬肚，夠辣。面太軟｡雲吞是小雲吞，－隻蝦加小小肉｡共有6隻｡$42是不能投訴。要等－陣先有得食｡

本人其實很喜歡尋找隱世小店美食。這天晚上想吃粉麵，奈何香港的茶餐廳幾乎都是sell「種類多」、「有個地方坐坐」，粉麵檔間間差不多，不是米線就是牛腩麵魚蛋河。油渣麵算是有香港特色得來唔會太濫，於是我在open rice 上鎖定了這家油渣麵店。不得不上來寫一篇記下。它的位置我們平常逛街應該極少會經過，它比較入，晚上走過去要經過幾條非常靜的街。但這正好時我喜歡它的原因。在鳥無人煙的街上，掛著一個亮亮的小招牌，很有feel呢～店面真是超窄。入面只有一張8人圓枱，加一排6個面壁窄位。所以晚上佢會放枱出門口比客坐，別有一番風味。食物方面，原來也不是只賣一兩樣東西的，還有飯，還有湯，居然還有炒蜆。真是麻雀雖小，五臟俱全。一來到，待應報給我們知，今天的湯是「川芎白芷龍躉頭湯」。嘩，好似好勁咁，咁緊係要一碗。個湯d川芎味好好喝，味精一定有，但唔係多。$30咁大碗，平。加$8個臘味真想不到那麼大塊，真的看到都想尖叫。加起來才$33，很大碗。還有油渣麵加雲吞，辣菜脯自己加。菜脯味道很不錯，夠啦又不回搶了菜的味。油渣麵不回油，但稍有味精。加起來才$98，很實惠。絕對是隱世食店！推介！

男友去油麻地踢波，之前佢常提起吃過的豬油渣麵好好味，今晚就帶我去試一下店面不大，只能容納十人左右。食物款式也不算多(因為我點的通通也沒有 結果我們點了豬油渣麵、是日靚湯及豬手撈麵先說說湯，星期六的是水魚煲花膠，味道很「住家:，似是沒有添加味精，但亦很鮮味，還有不少湯渣在內:有兩片花膠我吃的豬手撈麵很香南乳味，撈麵也不覺得很乾，但豬手不拌麵吃的話會較為鹹。男友吃的豬油渣麵，我試了一點，有油:，但不會覺得很油膩，湯底比我想像中的清淡。其實還有蟹及蒸魚，多人吃的話不妨HAPPY SHARE 

I have heard the elderly speak of the legendary "Pork Fat Trimming Noodles" (豬油渣面) which used to be a very popular food in Hong Kong many many years, if not decades, ago. With healthy diets becoming more of a trend now, it is now quite rare to be finding restaurants making this noodle. I ordered the spicy version here at "Heng Tat" Restaurant.The noodles (i picked vermecelli) came with a variety of toppings, including pork fat trimmings, shitake mushrooms, ham, preserved spicy vegetables (冬菜)

今早來到門都未開，致電入內，阿姐即時開閘讓我坐低，跟住她有她做事，我一邊吃油渣麵。熱盪的湯頭是清徹而有骨湯的甜，不會太多味精，喝起來是舒服的，豬油渣屬於軟身但仍有趙頭，酥酥香香。吃這個沒理由不加辣匍吧，可是它鹹香不夠，辣度亦滿足不到我，只好顺手加點卓上的辣油，喔，這辣油有四川style,花椒香麻痹感配油渣麵，吃出驚喜。其實店內貼着好多出品都想試，可惜胃只得一個，只好追加半隻蒸鹹雞帶走，結果亦是佳作！肉質不柴，味濃有脂肪而不會吃得腻口，雞皮爽脆而沒過鹹，好食。$50半隻而有這水準，也是驚喜，以後，一定來多幾次！最起碼，也要試試豬肺湯和葛菜生魚湯的

店舖屬於內街店外就係賣濕貨既露天街市地方細細坐摺椅得都好迫,不過食懷舊食物好好氣氛,等食物時見應該係老板娘不停捧一碟碟烝餸出爐又有涼茶同湯,超吸引下次一定要試好有媽媽感覺豬油渣麵入面豬油渣原本下爛野豬肉檔淨返唔要豬皮,聰明老一輩將廚餘整得好食過貴價野,豬油渣切得勁大舊好香好林,湯底好香蝦米味道麵條雖然好粗但都入到味又冇煮到爛晒一d都冇糊口正,辣菜脯好惹味但好辣唔食得辣小小都唔好試因為菜脯撈左辣椒粉鴛鴦腸生炒糯米飯入面嘅臘腸唔肥幾香玫瑰露味道,潤腸就普普通通啦,糯米飯可能要一路座熱所以比較林冇生炒感覺但係放左好多葱花好清香花生咸咸香香都好脆襯埋糯米飯食好夾另外銀菊露好甘好濃甜度剛剛好,整體都唔差會再食,不過地址真係難搵左小小

油麻地好多懷舊小店，早排睇到報紙介紹呢間油渣麵即刻就黎試試位於油麻地廣東道，屬於內街，店外就係賣濕貨既露天街市，環境認真麻麻。油麻地係老區，就係老區先保留到呢的懷舊老店。店內坐位不多，午市時份好多公公伯伯食飯，估計大部分係街坊生意。 先黎一碗豬肺菜乾湯，用上燒豬骨黎煲湯，多左份燒骨既鹹香味，加上菜乾既清甜，好濃但好潤喉碗內仲有部分豬肺同豬天梯，可惜我唔食豬肺晒左 豬油渣麵，豬油渣其實係炸豬肥膏提煉豬油淨下既副產品，早年香港人窮就將呢的炸到香脆既豬油渣加上上海粗麵製成平民美食。隨住時代變遷慢慢越來越少食店會做豬油渣了！呢到既豬油渣唔算好脆口，鹹香味十足，湯底好鮮，再加上辣菜脯好惹味一碗湯一碗麵非常滿足繼續返工去