影片
諗住叫個外賣試下，點知又中伏。食個午餐咖哩雞扒飯，塊煎雞扒有陣洗潔精味。即係話比我知你地洗嘢洗唔乾淨啦。唔會再有下次了。評分系統又西，要人打夠200字先有得評分。如果食物有問題了，我仲可以點樣再打更多字去形容呢？唔怪得openrice啲食評越黎越唔洗睇，睇黎都浪費時間。根本對用戶唔討好，又唔夠好用。唔怪得人地轉左其他平台睇食評。另外又多買食評嘅地方，每次睇到啲買食評嘅地方又可以唔洗去。打夠字負評了，拜拜。
繼續閱讀
3分鐘未夠炒左個公仔麵出泥 都知瀨野 叫伙計叮熱 態度好好既 但叮完都係熱 食唔落去 ... 舊紙唔關事 係太嬲 掉落去 😂去冰室吃野唔應該有期望 唔講味道 起麻都要熱吧 ~ 個肉丁凍過出面城門河...食物的品質令人失望，炒公仔麵的口感煮得過爛應該係一早煮好曬 ，成碗睇起來就係漿糊，煮定唔係問題 但控制下火候🙏🏽🙈另一個肉醬意粉 咁大間餐廳用錫紙兜慳皮我可以諒解。 但味道係淡過白烚 係連鹽都想慳？ 每一啖都懷疑人生 冰室做到咁 直頭去到肚餓都食唔曬既程度 堪稱一絕。 5點未夠 連跟餐既菠蘿包都無貨 ...咁樣點做街坊生意 ...
繼續閱讀
叫左個麻辣口水雞飯 凍央 收我 74蚊個餐牌同現實 有出入都算 唔好禁過份啊大佬 。問佢有冇黎錯 佢話圖片同現實不嬲都唔對 。食左兩啖 真係搞唔掂 仲要難食 。 叫經理換 。都肯換…..
繼續閱讀
產檢完咗之後就喺附近搵啲嘢食以下個肚近日發現恆香除咗餅店之外多了冰室， 當然要去試下。（5⭐️最高）蔥油蒜香雞扒爆蛋撈飯（5⭐️）雞扒香嫩又滑，一切開雞汁慢慢由扒中流出。香脆可口之餘， 再配合埋雞蛋撈飯🥰加上秘製醬油十分滋味。 恆香金沙炒飯（5⭐️）主要材料有臘肉、叉燒及鮮蝦。每一粒飯都均勻地沾滿了蛋香。最後上碟的時候，再加入鹹蛋黃在面。所以 雪花奶黃流心西多（5⭐️）傳統西多士中間的餡料是花生醬，但今次是選用了流心奶黃醬🤩。面上鋪了一層糖霜🤤、加入傳統的糖漿切開時， 奶黃漿慢慢由麵包中滲出入口😬，雖然如此但食落，都不會唔輸蝕傳統做法❤️
繼續閱讀
久唔久都會去開❗️石門❗️, 一直都好想試下恆香冰室. 係呀, 今次恆香唔係單單賣老婆餅, 仲做埋香港人至愛嘅冰室, 好有香港本地特色❣️透明玻璃門面, 環境企理乾淨, 有好多卡位, 坐得舒服. 爸爸叫左個沙嗲牛肉公仔麵配牛油多士, 真係要讚一讚個沙嗲牛肉底, 沙嗲味好好好濃郁, 啱晒爸爸呢個沙嗲牛肉超粉🫶🏻 媽媽就要左恆香招牌炒飯, 好足料, 有叉燒粒 / 蝦仁 / 鹹蛋黃碎同埋”恆香臘腸”, 唔怪之得咁惹味可口👍🏻另外仲試左集合左媽媽兩個至愛 - 奶黃流心 + 西多士 = 雪花黃金奶黃流心西多士, 呢個西多係即叫即炸, 個餡都流心, 仲加埋幼粒鹹蛋黃碎, 食完超級滿足🥰走之前仲買埋老婆餅返屋企比公公婆婆😍😍😍💡特別提一提, 呢度店員好有禮貌, 笑容滿面. 我地仲發現其中1位有金鑰匙協會的會員徽章, 呢個係好高嘅認證, 全球80個地區有約4,000個會員, 香港就有大約100名會員👍🏻👍🏻
繼續閱讀