恒景餐廳

營業中

休息中

第一次食嘅時候味道普通，第二次嗌外賣葡汁雞皇飯夠膽死四隻雞翼尖都算。第三次，同佢講海南雞，佢夠膽死上隻貴妃雞上嚟，之後我哋同佢講我哋要海南雞，佢原碟上返嚟冇郁過，之後我哋同佢講唔得，佢清完啲花生過過水當係海南雞咁上過。極之誇張。

一膽拖兩腳😂$45從喱個套餐名，應該都知響茶餐廳🍴結果揀牛扒做膽🐮然後拖雞翼同煎蛋做腳😂仲包中湯同熱飲👍黑椒汁好濃，偏甜🙃但個味道我又幾鍾意🙈牛扒唔係薄切細細塊嗰種😂口感軟熟，有咬口😏$45喱個價算係咁☺

琴晚同舊同事黎依度食飯，叫左個燉湯孖寶套餐，我地要既係蟲草花燉鴨肉湯，啲湯都幾足料既！小菜方面就叫左炒通菜同椒鹽九肚魚，都係一般貨色，無咩特別。最重要既主角就係條清蒸沙巴龍躉，啲肉夠嫰滑，一啲都唔鞋，蒸既火喉 啱啱好，完全恰恰好處。最美中不足既係餐廳伙記竟然漏單，結果等多左10多分鐘先見到條魚，所以服務方面我只係俾兩星，希望老闆會改善下。

下午茶時段, 點了XO炒豬頸肉公仔麵, 其實已知當然不會是XO醬會用桂林辣椒醬代替, 我是好辣的人, 所以辣度應該靠譜,。上桌時買相不錯,但吃了一口已辣得噴火無法入口, 有火燒心感覺, 便叫伙計過來可否不要煮得那麼辣或加糖翻煮減低 辣度,我還未說完,那女伙計反怪責為何不叫小辣?一聽火上心頭, 我只是叫XO醬唔係麻辣, 小咩辣?還有餐牌沒有說明要小辣要先揚聲。這麽不負責任還把責任推卸到食客,發誓這輩子不會再幫襯如果只求飽肚不求質數的可不妨一試

噁心！超級噁心！一打開就見到雞屁股！噁心死⋯⋯越來越垃圾！！！仲送錯地址，個阿姐送錯地址打比我話對方阿叔拒收，你真係搞笑嘍⋯⋯我再一次強調地址，個阿姐話，咁我擺低比個阿叔啦，你自己來拿⋯⋯有病嗎？我連你係邊我都唔知道，拿乜！

喺土瓜灣附近, 個朋友話想食扖餐, 咁行過見到門口貼住話$39.9起, 咁就入去試試啦, 點知入到去揾黎揾去到揾唔到$39.9既餐, 中左一半伏, 叫埋其他野食, 再中左一半, 得返1/4 個感覺良好.我唔係好明, 如果係想塊肉林啲, 落啲粉去拿, 係會冇左啲肉味, 我明, 但我唔明點解明明都冇乜肉味, 塊肉都仲係咁"UN", 差啲咬唔開焗飯, 個炒飯底要夠乾身先好食, 頭先食完個咁"UN" 既扖, 反而呢個做到好似泡飯咁, 又林又水咁, 再加芝士放入去焗, 出黎個效果真係唔多吸引.最後啲個蒸魚, 最好食, 簡簡單單豉汁加豆醬, 超好餸飯.最後埋單多謝$152, (最平$40 嗰樣係最好味架囉)

一間平民價錢既餐廳，意粉係好有舊式餐廳既茄汁意粉。。已經唔係好多扒房有。。几十蚊已經有甘既效果，不得不讚尼度既小菜小菜，好有屋企既味道。。。平均一星期都有幾餐係尼度食。。