悅來酒店咖啡室 (已結業)

刺身— 三文魚：肥美，新鮮，不錯！— 𩶘魚：味道淡淡的魚味，不錯！— 呑拿魚/八瓜魚：無食，不宜評論冷盤— 蠔：屬沒什麼海水味，不是肥的，適合喜歡淡或不介意腥味的人— 蟹：一般重咸味，唯口感比較散— 蝦：讚，爽口！— Parma ham： 不錯，不是超瘦或咸那種沙律盤— 都很乾淨，新鮮！甜點— 糕餅： 不停有新款，不過無試— 梳乎厘：唔需要等太耐，味道都可以— 豆腐花：當然不及專賣店好，但還可以— 雪糕：多選熱食— 湯：有粟米湯及椰子雞湯。只試過椰子雞湯，味道一開始好好飲，飲多幾啖會太咸— 羊架&半肉：超失望，個廚求其俾啲過熟嘅我哋，放上碟又唔係斯文嗰隻。— 其他無試，賣相可以，唔會好似放咗好耐咁。讚— 買咗網站Facebook promotion，突然想食，但無列印個電郵，我主動願意付款去front desk print, 但餐廳寧願幫我慳返$1x，給我一次特別安排幫我列印，好感動！而且一早訂位時一早講明因訂位遲，所以位置偏遠，溝通好好！— 職員做嘢好快手，又有禮貌。經常檢查食物是否足夠，衛生環境如何。— 等待入座時間係因為前面有兩家人，唔關職員事。但開餐時間係6點就6點，就算早就座

）。唔到買團購都禁多海鮮，一行5人，男女老友去掃＾＾勁食生蠔、長腳蟹，風乾火腿已經回本，仲可以任飲橙汁汽水，白酒紅酒……dreyer's雪糕添……蠔雖然唔係好高水準，但食左無肚痛，最好服務係佢不停加，唔怕搶餐死，服務員好勤力，一見食物就無就去換架啦……收碟的服務員也是，真係想表揚佢地，見你飲洒又主動問你仲要唔要飲品！讚！長腳蟹唔錯有蟹味又粗，龍蝦仔我都食左2隻，最特別有炸軟殼蟹，真好味！燒羊按絕對無得彈，食都忘了影相，係乳羊細細件好嫩好好味！忌廉藍青口都好正！我食海鮮食都無位食甜品，甜品係我朋友食，梳乎利我相信好好食，因為她食左4杯以上……強！雪糕櫃有2大個人禁高，有6款味到，連開心果味都有，豆腐花，蛋糕，麵包布甸，朱古力噴泉有齊！我真係無想過禁多食物……普通熟食，印度多款薄餅，即煮粉麵，即煮意粉都有……仲有個中式湯居然無味精！！係冬瓜紅羅白瘦肉雞雪耳蜜棗南北杏……煲，我朋友又隊左2碗，未試過由630食都930才依依不捨禁走，真係超值推介～

    星期三約左客荃灣食Lunch,諗吾到邊度好,係車度望見悅來酒店上到三樓見Lunch Buffe $188,隨即入內,不用等候.先出去攞刺身,見三文鱼,蝦同青口好新鮮,先食一碟.跟住飲左個好有蕃茄味嘅蕃茄湯,熟食方面攞左咖喱雞,東坡肉及抄飯咖哩雞不辣但好香咖喱味東坡肉好入味,第轉再攞抄飯一般,但任飲支装汽水及任食杯裝Dreyer"s雪糕埋單+10%, 值得再食終結是次熟食常可,需種類不多,但冷盤新鮮及任飲汽水雪糕,值得一試!!!

一棚人買左團購去食呢度嘅 buffet一開波就食左隻送嘅龍蝦麻麻啦, 無咩味, 蝦肉唔夠爽脆海鮮類d 螺同蠔都係唔多得, 2 樣都係無左應有嘅鮮味, 打開無(海)水出唯一可取就係個長腳蟹Hot dish以下呢 d 都算做 ok la... Cold-cutCold-cut 好難唔好食, 又唔係差嘅, 不過又係無咩特別驚喜甜品:Chocolate Fountain 唔係好夠朱古力味至於個杏仁布甸直情係係敗筆之作, 面頭果幾塊杏仁同個布甸都淡而無味, 完全唔夾各式 cakes 都係麻麻, 好似好淡味咁最後就係 Dreyer's 開心果味雪糕 + Cherry Macaroon <又係普通>Overall 來講, 如果你對質素要求唔高, 食平少少嘅"酒店" buffet 都 ok 嘅....

諗住一月一日新既一年好既開始就去食餐好少少既晚餐知道荃彎區得依間酒店嘅自助餐有生蠔而上一個食評幾好就黎依度試下一去到就沖去攞生蠔，竟然唔洗排隊就攞左半打返埋位食d蠔隻隻入面都勁多蠔碎，又唔新鮮，略苦！唔怪得無人攞！長腳蟹就一般貨仔，刺身無咩款選擇淨係簡左三文魚，而三文魚就瘦得可憐！食左依3樣就突然冇曬食慾，其餘熟食都無咩款可以選擇少之又少不值一提！跟住再去甜品數曬佢，都無一樣係好食我諗全晚最好食既係杯裝嘅草莓雪糕！比咁嘅價錢回頭一想都唔知食左d咩！經過今次就算請我再黎我都唔會再黎！

有食開自助餐嘅人都知今時今日食一個自助晚餐咩價，唔好講話咩特別節日或星期五六日，就算平日食番個似樣啲嘅，三幾百都只喺基本入場費，食好少少嘅閒閒哋都要四百過外。如果我話今晚所食嘅自助晚餐只喺$150，估計都唔多人信，但事實如此喎。可以平到咁只因太太教會一年一度為有份事奉嘅人搞個大聚餐，地點喺荃灣「熊貓」酒店，出席我想大人細路加加埋埋都近成百人，所以你話幾咁墟撼呀！餐廳正正做緊「國際滋味自助晚餐」，即刻無主題，乜都有，6:00-9:30pm，比一般自助餐早半個鐘，成人正價每位收$328，指定信用卡有85折，加番一拉勻三百鬆少少。其實個環境都唔錯，樓底夠高，闊落開揚，大枱細枱都安排到，人多人少都唔怕，而且皮櫈高椅背，坐落頗舒服。如果想私隱度高啲，近門口有幾張馬蹄形梳化可供考慮。大人食自助餐通常都想食多啲試多啲，由頭帶到尾，而細路仔唔會咁好耐性陪你坐幾粒鐘，所以食餓就周身郁。依度有為家長著想，晌餐廳最入面有個小小兒童樂園，地下牆身鋪晒膠墊，相對幾安全，又有啲簡單兒童玩樂遊戲，足夠消磨晒小朋友啲多餘精力，唔怕佢煩住晒！餐廳環境俾人個感覺唔錯，服務亦算妥貼，收碗收碟頗快手。食物選擇方面，比心目中預

友人買左團購自助晚餐約埋我一起去試下.一入門就見到個超可愛既熊貓迎賓認真攪笑食物方面見到有生蠔, 長腳蟹等海鮮, 可惜每樣試左一件就放棄無味之餘又唔算新鮮.反而刺身就夠肥美又鮮甜, 最愛就係三文魚厚切係我至愛.再來既熱食既牛扒都算唔錯, 幾有肉味而且肉質夠嫩滑, 其實熱食都唔算好多選擇, 食唔夠2碟已改供甜品.要左幾款不同既甜品如:芝士餅, CUPCAKE,涼粉, 芒果布丁等.甜品算係整晚BUFFET我個人較為欣賞, CUPCAKE蛋糕夠鬆軟甜而不膩芝士餅亦夠香滑充滿芝士香味, 反而芒果布丁就偏甜而且只有好假既芒果味道.整體來講食物只屬一般, 特別冷盤海鮮算係最弱一環, 海鮮唔肥美又無味道, 熱食既選擇亦唔多及唔吸引, 至於甜品算係合格

因為老公生日, 又見到團購網做promo, 地點方便, 仲要咁既價錢有生蠔呢d野食, 好開心咁同老公去預祝生日。 好可惜, 佢地既環境衛生同服務水平, 令人好失望....我地5:50pm到達, 被分配到近門口有植物係附近既位置, 好守規咁坐到六點先至去攞野食, 初初都冇咩野, 仲係度諗野食雖然唔係想像中咁多款式, 不過$198+正價10%咁既價錢, 佢提供既野算係咁架啦, 可以接受既, 野食質數係ok既, 但係...攞完第一次野食返埋位, 我開始發現左手被野咬, 紅左, 都冇理到, 再去攞多次野食返到埋位, 我發現個背脊愈來愈痕, 叫老公睇下, 發現已被咬左幾野, 紅腫痕! 係呢毎時候我地留意d睇下, 係有d細細隻既黑色野係度飛黎飛去, 我地即時同侍應反映, 佢都即刻去請示上級幫我調左位, 呢樣野我好感謝佢, 但係我實在太痕, 咁就問佢地有冇薄荷膏可以借黎查下, 問左好幾次得到既答案都係"我地冇藥膏!", 但係冇人講點解冇, 仲要個d睇得出係高級一d既職員係點都唔會行近我張枱, 好似驚我地揾佢咁.係呢個時候, 我地唯有打電話去酒店既電話求救,個自稱係餐部經理既人先至黎問咩事, 我再問佢

見團購自助晚餐, 仲有生蠔, 一買又訂到枱, 好開心, 又訂到老公豬生日正日一去到, 門口資客好有禮貌, 續個check跟住帶位, 得一個職員, 好慢, 終於入到去坐抵原本拎住部手機先餵下佢先, 點知影影下己有人出黎攞生蠔, 咦?? 都未夠鍾, 不過人攞我又攞囉一開始僅係生蠔, 長腳蠏,青口同螺啦,老火湯三文魚都肥美, 不過好枯寒, 講明兩人份量, 都係比咁多囉甜品唔太多跟住原來可任飲懷舊尊压氣水呀

心自來潮想食自助餐下午3點即日打電話去悅來問下有無位點知真係有6pm準時去到一入去就見到個好靚既蛋糕海鮮蝦同長腳蟹唔錯好甜好新鮮不過生蠔細隻又有沙好失望熟食區無乜特別~選擇唔算多另外重會有印度簿餅味道就唔錯既 不過個印度藉廚師就多多口整餅既時候不斷問我野又話咩YOU ARE SO BEAYTFUL ,,WHAT YOUR NAME個d場面十分尷尬都唔知望佢好定唔望好甜品選擇小不過黎悅來食既目的就係為左佢既乳酪雪糕同場加映ZERO可樂

上次去過另一間荃灣酒店食lunch buffet, 想話試下悦來酒店,聽人講款式多又好食,點知係失望!!價錢都幾貴, 午餐要成196/位, 仲要只包熱奶茶同咖啡,全部凍飲/果汁,一律加每杯10.環境好暗,大堂仲光猛,但位置就一般,對住電梯,雖然中間有隔開,但其實望就會見到入面,感覺俾人望住晒食咩咁,食品款式雖然算多,但係唔好食,刺身4款,壽司2-3款,沙律同冷盤每樣都有6款擇,都叫不俗.還可以.熱食有成十幾款,但唔係好多擇得落手,有羊扖,可惜太生根本都切唔開,食唔到.點心仲得意,每籠得2粒,仲要係細細粒,又厚粉,個燒賣仲衰過街邊既魚肉燒賣.以為啲甜品咁多款,應該唔會太差, 食落係冇樣得,蛋糕款得朱古力味及藍莓芝士糕叫一般外,其他都唔得,唔係啲味道好怪就係好似食面粉咁,而糖水最好食係芒果西米露,點知啲芒果好碎,要自己自製西米露先食得.服務一般,個同事未食,只係行開咗一陣,問都冇問就收走咗啲食物.講到衛生,好難講,倒垃圾既地方就在刺身bar枱隔離,只係隔位一塊板,但又唔係好污穢, 而且其他地方都幾好

因為有Coupon, 所以今日就同幾個朋友去食Dinner Buffet…出發之前上黎睇下d食評, 心諗:「哇, 講到咁差既? 唔係化。」但so far我食完之後, 我覺得可以接受喎!首先講食物種類:冷盤方面:長腳蟹: 唔錯! 雖然唔算好鮮味~但起碼唔會咸到放唔到入口。(之前食過其他幾間自助餐D長腳蟹咸到喊…><)帶子: 好似雪得太耐…麻麻地瀨尿蝦/凍蝦/青口: 一般, 不過不失。螺: 食落真係有少少沙…不過有D甜味~OK喎。刺身壽司/ 沙律/ 前菜:沙律幾多選擇~最意想不到係有火箭菜~同埋大大片蕃茄都好好味~配煙三文魚一流。另外前菜有6-8款選擇…都係煙燻肉個D, 無咩特別。刺身就有三文魚, 吞拿魚同埋針魚…(仲有一款我唔知係咩)熱食:見到都有十幾盤, 有咖哩, 炒蜆, 炒時蔬, 羊架等等…無咩特別, 但都唔差。另外仲有燒牛扒, 燻豬肉, 羊扒, 燒大蝦同埋印度薄餅~ 我鍾意食燒牛扒~好juicy…仲好肥添! >u<諗住有燉湯, 不過今日變左燉翅~甜品/ 飲品甜品款式都係普通款…芒果蛋糕, 朱古力噴泉等等…但我一樣都無食。 因為被雪糕櫃的Dreyers

我上次都系睇完呢D到食評先去點知食完就中哂伏...野飲得咖啡...其餘乜都無喇...如果話入的口既我覺得淨系得甜品.所以想去悅來酒店咖啡室既話.請大家3思-_-''

昨晚與家人一行八人到悅來酒店CAFÉ預早慶祝冬至及聖誕，每位收費HK$338。一坐底行咗個圈，見到好多食物種類，都覺得值得比呢個價錢。但是，當食入口時簡直覺得不知所謂，服務又唔得，連基本既一柸冷飲都唔包，只得啲茶包比客人自己沖！以下係本人食過既食物及意見：生蠔 – 長期係枱面，無人攞，我都覺得奇怪；一食入口，唔新鮮不得止，腥臭加苦澀味，唔供應好過供應！翡翠螺 – 啲肉唔甜兼有沙長脚蟹 – 無味肉削熱盤 – 菜色係一般雞牛羊及蔬菜菇菌類，只有一種海鮮，炒蜆ONLY，唔好食又唔難食，比起屋企煮再差少少甜品 – 一般忌廉蛋糕，睇見個樣都唔會想食，質素比聖安X還要差算把喇，太多野都好難食，不能盡錄，本人及家人決定以後唔再黎幫親，如果大家迫不得意要到來食飯的話，大家可以選擇較穏陣既食物：燉湯、淥菜、沙律、海鮮粥得以上幾樣可以食得入口

我地平日去團購$179,另收$29.8原價加一因為係平日, 所以人不多,所有食物都不停refill冷盤:刺身: 只係食左三文魚同吞拿魚, 三文魚好鮮味encore左多次,吞拿魚都OK生蠔: 只有媽咪食,佢話有D好好味,有D係苦ga長腳蟹: 肉質ok,但冇味,贊的是每檯都有專用剪沙律: 有自選,亦有已整好的,用料ok,薯仔沙律我都encore左少少其他:食左凍蝦及煙三文魚都ok gei熱盤: 冇咩印象,因為全部都唔係太吸引,只係記得佛跳牆ok但係幾油,同埋個粥ok甜品: 款額略少,不過食哂就會出新款最記得朱古力蛋糕及亡果蛋糕好好味,因為個蛋糕超鬆軟的,可惜食哂就轉款,encore唔到也試了乳酪雪糕,不過始終not my cup of ice-cream其他都ok飲品:熱啡,檸茶,奶茶都可以自己整,任飲的另外,一坐低,職員會俾張嘢你填個人資料,佢地有promote會搵你,如果你填就送一杯所謂特飲,我見人地填左,杯嘢似係fruit punch,不過個個飲左少少就冇飲.......所以我冇填另外,服務同環境都唔錯gei總括嚟講,我覺得是次有好有唔好的地方,如果以團購價係ok gei,不過回家後