影片
港鐵太子站 E 出口, 步行約6分鐘
繼續閱讀
電話號碼
36194840
營業時間
*最後落單時間為20:30
星期一至日
12:00 - 21:00
以上資料只供參考, 請與餐廳確認詳情
小編每次依間玩具🌱素食餐廳，都想入去試試～ 終於搵到機會去食個tea，亦都可以觀賞下店內嘅figures 🧸🥪 芝味蕃茄粟米磨菇黃薑豆腐飛碟 😋😋😋😋因為小店專做素食，依款飛碟內餡用黃薑豆腐扮演炒蛋 😉 口感都有幾分像真，外層方包乾脆，咬入內裡軟綿帶少許蕃茄爽口 😊 調味溫和、微甜而有薑黃香～☕️ 即磨咖啡 😋😋😋😋即磨咖啡香濃，都幾順滑 ☺️下午茶 💵💵 約港幣$80/人💁🏻♀️ 小店位置深水埗，以太子地鐵最為鄰近。除咗小食，餐廳都有提供主食嘅，對素食有興趣嘅，可以去開依區嘅時候去試下～ 😉 當然都好好欣賞下店內嘅玩具擺設啦～🙆🏻♀️ 最後，喜歡嘅話，歡迎follow @foodirectory.hk！
繼續閱讀
全新感受......由今年9月開始，由一群有理念的年輕人，接手的新派素食。天然，創新，不加味精，不含色素的健康素食。室內裝置很多年輕人最喜歡的公仔和製作，是打卡的上佳地方。服務員非常樂意和顧客分享裝飾的故事。值得支持*****
繼續閱讀
真漢子呢晚嚟到深水埗福華街重新開業嘅 Joys Cafe，實際係要响太子站出嘅，都唔算易搵，好彩我之前嚟過一次，如果唔係應該要花起碼一個鐘先搵到。🤪不過今次見唔到素友講有煮植嘅老闆，唔通只係客串，定咁啱唔响鋪呢？😬真漢子今次試咗：🍵 抹茶香蕉燕麥奶 $3飲品唔太甜，整體係好飲嘅，不過抹茶味唔濃，香蕉味又唔夠，變咗兩邊嘅 fans 都會失望。建議可以加重啲抹茶味。☺️🍔 千島沙律天貝漢堡 $68個包好鬆軟又大個，而且超多芝麻，剩係食個包都覺得好香。天貝係炸過嘅，食落有種食緊吉列豬扒嘅 feel。餡料仲有啲爽口嘅薯仔粒同青瓜。不過略嫌用千島醬比較普通，可能用啲濃味啲嘅醬汁會開胃啲？👅🥑 脆皮牛油果茄子南瓜 $68份量超多，而且每件都大大件，冇三個人以上都唔好嗌。顧名思義，就係將牛油果，茄子，南瓜炸啦，南瓜最好味，其次係牛油果，茄子我就覺得同炸唔係好夾。不過 cafe 嚟講佢呢個炸法略嫌太大排檔，初初食係幾香口，但後尾就覺得熱氣同油膩咗啲。😅🍰 生機檸檬批 $48太好味喇，味道好清新，唔會太甜或太酸，而且好夠凍，尤其食完咁多炸嘢之後食佢落肚，真係有充滿生機嘅感覺啊。💚💪🏻除咗嘢食梗係唔少得同呢度啲公仔同玩具影相啦，我超鍾意 Sanrio 同街霸個 crossover 系列，尤其係企鵝嘅 E. Honda 同埋水怪嘅 Guile 勁搞笑，當然唔少得扮咩都咁靚嘅 Hello Kitty cosplay 嘅春麗啦。😍
繼續閱讀
感受店主對動畫動漫好有愛，食飯既同時可以參觀一下店主的收藏，日漫、 Disney ,etc食物選擇雖然唔係好多，西式為主，但飯、意粉、漢堡都有。佢所有野都無五辛、無蛋奶。店員姨姨有禮貌，笑容親切，會介紹一下佢地既菜式。炸薯條就普通薯條咁，但個蜜糖芥茉醬幾清新。沙津好大碟。喇沙意粉個色好唔似一般喇沙，但一樣有少少香辣同椰香味。有一d人想食素者又唔太鐘意食加工既素肉，可以考慮下呢間， 佢有幾款菜式都係以菌類為主。平日晚上去，人唔算多，唔洗等好耐就有位，可能都算係深水埗區，佢野食價錢同區內比較算高。
繼續閱讀
今次是第三次 “幫襯”了。這間店在屋企附近，由於朋友是吃素所以諗住“近近地”就試下啦。點知有驚喜，小店的食物很美味老闆亦好好人特別推薦 下午茶 款式都幾多，如果想試試素食西餐的朋友不妨 一試 而下午茶時間亦做到6：00。對早食晚餐的朋友亦是一個不錯的選擇
繼續閱讀