悠閑閣餐廳 (已結業)

Fantastic Ladies Café（悠閑閣餐廳）於2011年開業，由循理會社會服務部經營，以「推動婦女就業」為宗旨。之前看新聞，知道荃灣難得的社企餐廳投標不成功將於月中結業。所以，我們決定前來一試。因暑假關係，可能有表演吧，幸好訂了位，　店內滿滿大人和小孩。這店所有野都好簡約, 看似簡單的午餐餐牌, 也有9款選擇。午餐價格在48-56元左右,都算是合理吧!這次我選了黑椒牛柳絲意大利粉, 而朋友選了野菌雜波椒天使麵。先上了南瓜湯和蘑菇湯, 估不到還跟了蒜容多士,南瓜湯和蘑菇湯味道還不錯, 不過有點似罐頭湯。我的黑椒牛柳絲意大利粉份量很足, 有很多牛柳絲, 配料有青椒紅椒和菇,炒得好香又乾身, 很入味而不太辣。唯一可改善是比較油膩。而朋友的野菌雜波椒天使麵, 賣相也很漂亮, 份量也很豐富, 但略為乾身, 如果加點汁會比較好。最後我們喝紅棗桂圓茶, 原來是茶包來的, 味道有點淡但都可以。整體來說$48算是不錯, 而且餐廳的服務都好好又幫到婦女, 真的是值得支持的地方, 很可惜月中就結業。

算是第二次光顧，只因試過第一次覺得不錯，社企餐廳，感覺不錯！我和朋友兩個人挑選了超值優惠套餐，蒜蓉包和餐湯忌廉磨菇湯同出面的磨菇湯不太一樣，味道不錯，蒜蓉包亦十分脆身，蒜香味十足！煙三文魚凱撒沙律新鮮的煙三文魚以卷花上碟，金黃色的蒜茸麵包粒及生菜，十分醒胃！主菜：新奧爾良辣汁烤雞扒配意粉份量算大份，個汁好食，又香又有辣，重點係個烤雞扒，外皮超脆，雞肉十分滑，真係超級好食服務員十分有禮，對比外面餐廳，我比較喜歡呢一類，食物好吃之餘又多一份人情味在內。

今日同三五知己小聚，特別選了清悠、雅緻的小角落<悠閑閣>!悠閑閣座落於荃灣大會堂，即使荃灣的地膽，也未必知道這片樂土!   餐廰環境適合週末慢活的生活節拍。。。我們三人挑選了超值優惠套餐，由前菜到甜品，一應俱全，互相SHARE，試到更多美食! 超值優惠套餐 煙三文魚凱撒沙律南瓜湯OR磨菇湯(附送 蒜蓉包) A.加拿大豬鞍扒 B.美式炸雞籃 C.慢煮龍脷柳拼帶子甜品:朱古力泡芙飲品:泡沫朱古力用餐後附送Homemade朱古力曲奇(星期5至日、公眾假期，三人$288，需加一)煙三文魚凱撒沙律新鮮的煙三文魚以卷花上碟，形像吸引、不馬虎! 金黃色的蒜茸麵包粒及嫰翠的羅馬生菜, 加入沙律醬和碎巴馬芝士拌勻，醒胃前菜之選! 南瓜湯(附送 蒜蓉包)南瓜已攪拌至入口順滑，南瓜糊不會過稠，充滿南瓜的濃甜蜜香! 如果將南瓜湯倒進碗中時，在湯上留少量淡忌廉作點綴更佳!  加拿大豬鞍扒豬鞍扒賣相吸引，師傳用了坑紋煎鍋把豬鞍煎成金黃色的格仔紋，肉厚，可惜食下去卻肉汁比較乾身~比起燒汁，我覺得豬鞍扒配上蜜糖芥末醬應該更加蜜味、刺激味蕾! 美式炸雞籃美式炸雞籃是熱門推介，炸雞脆卜卜、

那一天約了一個在大會堂附近工作的朋友吃下午餐、見見面聊聊天，聽說在大會堂有一家不錯的社會企業餐廳－Fantastic Ladies Cafe，該組織(香港循理會社會服務部)專門協助婦女，並提供餐飲陪訓，幫助她們融入社會工作所以服務生全都是婦女，但亦因為這一點，服務態度是超好的。與其中一個服務員大聊一番後，看看餐牌，就點了一份天使麵及一個牛角包。蕃茄碎蛋沙津牛角包牛角包內夾著碎蛋、蕃茄、青瓜，生菜，就沒有其他伴碟，賣相算是一般。但當我試吃一口後，就覺得味道十分好吃，牛角包有稍稍弄熱過，而且有脆脆的感覺，加上中間的配料，味道十分夾。因為是牛角包的關係，味道會比較咸，但加上中間味道比較清新的蕃茄、青瓜，生菜，再加上蛋的味道，整體味道十分好，而且口感脆脆的，很有層次，推薦！野菌雜菠椒天使麵因為我朋友為了減肥，都喜歡吃少一點肉，所以她選擇了餐單上素食的選擇。天使麵果然是我的最愛，天使麵有口感及味道，應該有加上橄欖油及香料去煮過。而配料算多，包括有野菌、紅椒、青椒、洋蔥、紅蘿白等。所有配料加起來，十分配合到。但份量一般，大食的人，未必會夠食。

一個人的下午，閒逛完一輪想要搵個地方坐坐，剛好經過附近，記得之前睇過大會堂入面有間cafe，所以決定過來試一試, 順便支持一下社企! 星期六的下午，人唔算多，可以靜靜的享受悠閒，點了一個炸魚薯條，炸魚外脆內滑，好味!!! 薯條就一般，太油太硬!! 如果佢個薯條可以炸得脆啲就PERFECT! 檸檬茶都OK, 茶味可以更濃會好啲!  

某週日返外家前往位於荃灣大會堂內的悠閑閣餐廳 食個悠閑Lunch,此乃香港循理會的社企餐廳專協助弱勢婦女就業,作為婦女的一份子當然要多多支持啦^0^位於清靜的大會堂內環境一流~Set lunch跟蒜蓉包和餐湯磨菇湯有別於坊間忌廉不多帶有茹香但未算香濃,南瓜湯味道不假也做到香甜滑溜蒜蓉包就乾硬了些用來點湯吃還可以的~ 香辣蕃茄海鮮意粉$50味道略鹹亦未夠辣要加添tabasco來增加風味,蝦肉吃下爽口有鮮味意粉亦有咬口整體表現算不錯~煎豬扒飯黑松露汁$58豬扒較薄身咬口不夠肉質淋身又不夠彈性配襯淡然的黑松露汁不算得上好吃~餐飲例牌凍檸檬茶有驚喜茶味幾出不錯而車爸爸的熱奶茶亦不俗算得上滑溜但比較細杯,這兒午餐不收加一這點要加分呀~

未齊人入去坐住先，待應都無push我order野食，好彩之後係無人等枱。坐左一陣有一群從強國來的進入，一坐底，燥音加倍，然後佢地來自強國四方八面的，在餐廳上方個樓梯不斷向下同個班人講外星語言，記得一定不可坐在近樓梯個邊的枱，如果唔係你個餐會係食口水雨。隔離枱都是來自強國的，order左個麵，竟然拿出成個西瓜放在枱面切，唸住大快朵頤，職員見狀，禮貌勸說，其實餐廳門口已貼左notice唔俾食外來嘅食物，不過從強國來的面皮有3尺厚，唔肯收返啲西瓜，仲鬧職員係因為主辦單位無安排休息地方，後來經理黎到，話其實個餐廳唔屬於主辦單位，來自強國的才肯將個西瓜收起，原來佢地以為order的飲品都是主辦單位提供的。我地order嘅煙三文魚天使麵好快送上，熱的，份量足夠，賣相不錯，西蘭花好入味。南瓜湯夠濃。蒜蓉包係成個表面都搽滿蒜蓉，成片都好正！好香！這餐廳員工態度很好，對住來自強國的都可以咁好耐性。讚！

除咗擺設 真係乜都唔同晒喇 冇以前見到都流口水嘅芝士豬扒 係有個名㗎 但唔記得咗喇今次食呢個意粉 以前都有 但味道真係冇以前咁好 而家啲蝦“梅”肉 粒帶子有點腥味 最先個磨菇湯有微酸 但塊蒜蓉飽都係好脆

一直想試下這間社企餐廳，終如願以償了！😊佈置和格局都很有格文化氣息，坐在這裡心情也會悠閒起來。點了翠玉蘑菇甘荀長通粉和店員推介的手打奶昔，很不錯。通粉醬汁的咸味重了點兒，但配菜相當新鮮可口；奶昔沒有加糖打的，藍莓的甜味來得更自然。很棒的餐廳，很開心可以享受下午茶的悠閒時光。👍

係荃灣廣場行街，行到有點疲倦，就去左呢間係大會堂裡面既餐廳，事後睇食評先知原來係社企，餐廳內坐位比較迫夾，剛好到下午茶時間我地跟餐叫了榛子咖啡，唔洗落糖都好夠甜味牛角酥唔係好脆，有點淋，沙律一般麵包皮烘過，所以都幾好食待應服務一般，坐位坐得不太舒服同埋坐得好擠迫，或者下次會選擇更好

是日行完山後，見差不多到晚飯時間，於是便吃過飯再回家。不過要"食自己"，所以都不花時間去那些旺場店了，幸好荃灣內有很多小店，搵食的確不用愁。在荃灣廣場借完廁所，便走去隔離的荃灣大會堂，因這裡有一間社企餐廳：悠閒閣。悠閒閣分別有三間分店，都在新界區的，雖然我住屯門，但從未光顧過屯門首店 XD，所以今次去荃灣店是我的首次。提倡婦女自強不息，協助「婦女」投入餐飲業的是該店的宗旨。聞說屯門店不論是廚師或是服務員都是婦女，我未去過所以都不清楚，又或者現在已改變了﹖因今晚在荃灣店都有一名年青男服務員，另外兩位女服務員都十分年青，雖則他們的服務手法帶點生疏但用心做事，態度方面也十分有禮。餐廳在大會堂的地層，票務處的對出，旁邊是往來一樓的樓梯，外面的聲音都會傳到過來，之不過，大會堂不會十幾小時都人來人往，所以不會有太大的滋擾。我安排坐在餐廳最入的地方，這位置私隱度較高，旁邊幾位女食客都可以暢所欲言。而我較留意中間那條柱子，頂部放有很多物品，每件都不同樣子，甚為特別，上網查看才知道全都是用垃圾製造出來的藝術品，噢~太厲害了吧﹗餐牌內放齊午餐﹑下午茶及晚餐的內容，而晚餐是在5點半開始，正好和我入來的時間一

早前捉了友人入來荃灣大會堂看舞台劇，事前打探一下這邊有什麼好吃，有人介紹了正是在荃灣大會堂的悠閑閣。悠閑閣是一間社企開設的餐廳，就在荃灣大會堂地下的樓梯口位置。看過餐牌，見價錢公道，兼免收加一，大喜。座位雖然不是特別寬敞，但內裡的陳設也花過點心思，天花板和柱位的裝飾讓我想起在台灣去過的一家主題餐廳...看店名 Fantastic Ladies Cafe 就知道這是一家以婦女為支援對象的社企。言歸正傳，我們一人叫了一客意粉，各加 $15 便可以配沙律和甜品。餐湯是南瓜湯，味道還可以的。沙律是蔬菜沙律，也算正常。我這個翠玉蘑菇甘筍意粉 ($48) 本來是午市才有的 (因為晚餐的素食意粉售罄) 然後本來是長通粉來的，又沒有長通粉所以才變了意粉，她們肯這樣變通我是頗欣賞的。食味頗為清淡，對我來說就剛好。友人吃的是忌廉海鮮墨魚麵 ($56) 據說不錯，不過我看來是頗多忌廉。甜品是我很喜歡的小泡芙！太感動了！平心而論這兒的食物水準過得去，服務雖不是特別殷勤但也不過不失，我覺得最 fantastic 的地方是價錢非常實惠，兼上菜快手讓我們可以吃飽後還有時間傾計再準時入場！

是日同媽媽黎到荃灣逛逛, 呢度有太多商場了, 行完一個再一個, 不知不覺又晚餐LU...  突然醒起舅母上次帶我地去食既一間cafe, 而我地又係附近, 就再去食啦!  其實唔係有show睇或者畢業禮, 都好少去大會堂, 不過食稀記得呢間cafe都幾多野食, 再食亦無妨!今日先發現原來英文係fantastic ladies cafe, 唔知點解係女人...?!  而且呢度原來係社會企業! 突然覺得自己無揀錯!今日已經食左唔少野, 晚餐都係light D好喇, 可惜呢度晚餐無沙律或者三文治, 唯有同媽媽每人叫個意粉啦~所有主菜都包餐湯同包, 我地叫左一個南瓜一個磨菇, 2個都比想像中稀, 唔係濃濃既一舊舊, 不過仍然係有足夠味道的2碗湯~媽媽叫左杯芋香奶露, 我覺得味道較人造而且偏甜, 只是一般...  海鮮墨魚麵幾足料, 不過麵令我有d失望, 因為係原本就黑色而唔係墨汁煮, 但諗深一層一間大會堂小cafe又點可以咁高要求...我就叫左杯薄荷抺茶, 都係第一次飲抺茶係配薄荷, 都係有d偏甜, 但微微既薄荷都幾襯抺茶, 大家都唔會搶大家既味道~  至於意粉既芝士就唔夠濃喇, 焗到有好多水浸

如題,首先一入去係無人理你,呢個唔係重點,不過感覺不是很好食物尚可,但味道太茶記,重味左少少.食多2啖要飲野.可能我個人問題la...反而野飲就淡味左少少,但都幾香.幾舒服.唔錯唔錯-w-意粉無乜大驚喜,正路野囉. 係抵食ge.唔好要求太高就OK^w-..最後,其實我覺得唔算差. 支持社企~^^

荃灣一向多野食，緊係要四圍搵野食。呢間餐廳係荃灣大會堂地下，有天橋接駁，就算係西鐵站黎都好方便。地方唔算大，但人流唔算多，都幾多空位。餐湯：南瓜湯，磨菇湯兩個湯都比較淡口，味道唔濃郁，而且好稀，做唔到creamy效果。磨菇湯入口似係加左薯粉，所以唔滑。兩個餐湯都麻麻。蒜蓉包啲牛油未融哂，不過都唔好要求太高啦主菜：煎鴨胸意粉°°°不過不失，鴨胸ok啦，上面淋左啲和風麻醬。意粉都ok啦。黑松露雜菌意粉（$46）包餐湯，蒜蓉包，$20野飲一杯°°°老老實實望到個賣相有啲同想像中唔一樣，雜菌既主角應該係雜菌，太多紅蘿蔔同三色椒，搞到好似大雜燴咁。賣相唔吸引，好在食落口啲味還好，有菇菌味同忌廉味。餐飲：凍日式抹茶呢個餐包$20野飲一杯 over$20既只需補差價 轉呢杯都只係加$5 抹茶味唔濃郁 上面有一層泡 一般啦 仲有好多特飲可以揀總結：食物質素認真一般，但以係一間社企，咁既環境，咁既價錢不能要求太多喔！我覺得可以接受，行過咪試下囉