惠籮餅店

營業中

休息中

平就係平，問題係間麵包舖嗰啲麵包櫃完全唔冚蓋，得一格有，跟住有勁多烏蠅，先唔講其他，唔明點解甜餐包可以咁難食，個蛋撻啲酥皮硬，但係其他麵包舖就算凍咗都唔會硬，麵包舖嘅衛生情況有啲惡劣，可能因為好多年，冇乜點打理裝修，服務態度都勁惡劣，店員完全係勁Hea咁答你，俾錢嘅時候又找錯錢。整體嚟講，如果唔係冇時間都唔會去呢間食！希望呢間麵包舖會改善，因為唔冚蓋，會令到啲麵包真係會唔衛生，而放門口嗰啲麵包都應該要改善吓，搵嘢冚吓，唔係烏蠅就喺度開餐

話說今日返工收左工諗住落去買啲野，行下行下去左呢間鋪附近又覺得有啲餓好啦入去睇睇個價大部分包都係5-7蚊不等，我買3個7蚊包佢計我18蚊，有句說話叫做執輸行頭慘過敗家，咁2個都14比多4蚊有多個咁食多個囉，結果叫左2個奶皇包(菠蘿同雪山)重有個肉鬆包，我地都係將個討論放返係肉鬆包到，另外2款除非賣晒所有麵包，唔係真係唔好考慮我已經做左試伏器。肉鬆餅佢有足夠既肉鬆，唔係剩係表面果幾條毛仔配埋佢個包有少少沙律醬，其實係好食🙃不過果2個奶皇包原本諗住係我既重點黎，好彩佢有同我講18蚊3個唔係我應該邊食邊講粗口

用真材實料做！不是集團式行貨。貨真價實，我住老遠，每次去筲箕灣一定幫襯，老闆用心做面包蛋糕，沒有美心和集團式的咁多化學添加物，每個面包都好像有老闆的心機做出來，超讚

作為筲箕灣西灣河街坊，去包店都有好多選擇。我係呢度嘅常客，已多次光顧。最近武漢肺炎肆虐，我亦如常光顧，本想買幾款包，但看到所有包包都無遮無掩，所以只買了其中有袋裝嘅方包，並出於好意建議佢哋學其他包店先用袋仔放好，女店員話唔明我講乜。算。後來，得悉我老豆有一天到店光顧，同阿姐講啲包都冇嘢kum住,點知佢居然同老人家講：「你先至要攞嘢kum 住!」(意思即係叫人入棺）你可以有你嘅理由唔封包，話我表達能力差亦冇所謂，但點解可以對一個態度溫和嘅老人家出言侮辱？！枉我成日穿過愛東商場光顧！