意八餐廳 (已結業)

搞錯，同阿媽去食下午茶。個侍應都唔講清楚就落單黎到pizza得細細一件。好啦，照食。到嗌野飲，諗住嗌柑桔蜜同柚子蜜，又話人知要加2蚊，直接轉單！於是轉番飲杏霜同熱利賓納。好差阿，咁細份又唔抵轉單加錢又唔講聲咩態度！！！

聖誕期間食，非常非常非常多人，但幸好人流都快，等左幾個字。同薩莉亞好似，每樣野portion唔多，但平平地可以試好多款。呢個pizza係crossover日式，味道好似章魚小丸子，幾特別，對於唔鍾意茄汁既人感覺唔錯。Salad,正正常常，份量有d少。個飯食落都幾飽。食落幾油，同有d乾。每樣野都正正常常，好食就說不上，但平價野食算係咁，可以試好多種野食，坐得舒服又免加一，都有下次

假期到到都爆棚，好在早去有間唔洗等緊係狗沖，入到去裝修幾靚，一灌連鎖店餐廳風格，叫左個lunch辣汁海鮮扁意粉，味道ok，意粉軟硬適中，香料十足，漿汁幾好味，海鮮冇乜雪味，抵讚！可惜入面有6-7隻蜆，一半唔識開口😒😒😒😒😒配有菜湯，冇乜味，零分！

好朋友陪我去黃大仙求完籤 就要搵野食但由於咁啱新年 好多店鋪同食肆都唔開 加上黃大仙原本就冇咩嘢行🙁 係個商場行嚟行去行咗好多轉😂結果就揀呢一間🙊 本身想叫兩個主食一個小食，點知有一半小食賣哂😰 應該入唔夠貨…鐵板西冷朋友叫左個鐵板西冷，有雜菜、薯角、煎太陽蛋、迷你飯，感覺豐富，而且價錢合理熱辣辣上枱，sasa聲，扒都算大塊薯角已經淋左，而且分量唔多西冷有唔少筋，好考牙力😰韌到無朋友😂相比之下，我個焗烤雞茄子百里香忌廉飯好有驚喜，不愧係推介品芝士分量足夠，而且夠熱能夠拉絲😍 炒飯底，又有雜菜同茄子等蔬菜，令個飯更加健康👍雞肉唔鞋且入味，有五大件，好好食😋 個忌廉汁同雞件好夾，做到好朋友因為新年，所以要加一，平時係唔駛但新年以呢個價錢食晚餐，已經好抵💗

每次經過都見到呢到係排曬隊等位同屋企人就仲未諗到食咩好 就決定試下拎左飛等左5-7分鐘就有得入入到去餐廳氣氛好熱鬧 但地下有啲污糟坐低後 好掙扎鋸扒好定食意粉好😆最後我都係比個牛扒吸引左 跟餐叫左杯利檳立啫喱冰 另外屋企人叫左一個海鮮意大利飯 同一個芝士雞扒 跟餐叫左一杯朱古力同紅豆冰 跟餐仲有湯送我地叫左兩個紅湯一個白湯首先到既係三個湯 紅湯既味吾會好似罐頭湯既味 蕃茄味足夠 白湯就重忌廉味 飲曬成碗會有啲制🙊第一個黎係意大利飯 意大利飯好有海鮮既味道 仲有青口同帶子👍🏻之後我既牛扒都到啦 有雜菌同黑椒汁揀 我揀左黑椒汁 鐵板上除左個扒仲有大陽蛋同薯菜等做配菜 個扒切開入面好紅 但入口冇生味 因為本身自己吾食得太生既野 所以讚👍🏻跟餐杯啫喱冰 有足啫喱係入面 啖啖都啜到啫喱😋最後既芝士雞扒 芝士味足夠 亦吾會掩蓋左雞味👍🏻每個餐既份量都比較多 所以最後大家都食凈少少🙈買單三百蚊吾洗 食到好飽 抵食👍🏻

還記得朋友第一次帶我來吃的時候，覺得這間餐廳各方面也不錯，性價比高，自此成為在黃大仙的食堂，因為食物種類繁多，並不會很多食厭，但最近食都總覺比以前差，今次真係覺得連衛生都太差了，從此我應該不會再到來吃飯為迎合領展，所以改為電腦派飛?不過咁樣都好既，個牌高D，遠D都睇到叫到幾號，平時太多人圍住Reception，塞住哂，根本唔會知叫到幾號朋友說這個醬汁比以前少了，但仍好，勉強可以大部分麵也沾上醬汁。飲品來到的時候，一開始並沒有留意有2粒野係到，飲左2啖，攪攪杯野既時候就發現左唔應該出現的東西有2粒檸檬核係個杯到即時有想嘔既覺得，衛生真係好差，幸好同侍應講可以重新換左杯，但說實話，新來那杯都是飲了一口就放棄了，因為真的會有陰影朋友食哂碟野，我個辣肉醬都未到，同埋經歷杯野飲，已經感覺太差唔想食，所以忘記影相。但辣肉醬曾經係我必點食品之一，但今日一食，肉醬完全唔夠，根本只有面頭一層，並且已經完全一點辣味都沒有，吃了四分一左右，就離開了。經過這一次，很難再會比機會了

黃大仙中心最近進行維修樓下不少餐廳已經結業我唯有和朋友去意八吃午飯在繁忙時間不搭枱要等我地選擇搭枱所以馬上有位我看了午膳之選 B餐單選5206 米蘭原茄烤豬排 焗珍珠飯焗飯內有芝士還有紅蘿蔔和椰菜作配料豬排有點硬蕃茄不太酸飯又不硬整體味道不錯如果有更多芝士用作撈飯則更好飯餐配上牛乳粟米忌廉湯餐湯味道不差不過比較濃最早趁熱飲凍飲便失去原有的口感付錢給了47元因為有餐前湯所以我未吃完飯已經有飽肚感覺質素和份量算是配得上這個價錢

聖誕節周圍都加價，再唔係就要食套餐，真的好討厭！幸好俾我發現到宜家冇加一，平均食個lunch都係$40連埋餐飲，夠哂平民價！豬骨濃湯叉燒拉麵味道不俗，但就似港式拉麵！叉燒好入味，而且半肥瘦，好有口感！麵條幼身，冇乜口感，唔似日本人拉麵煙靱彈牙，比較似公仔麵！濃底味道濃，但似味精湯底！日本拉麵多用竹筍做配菜，宜度就用左蘿蔔，非常港式，好似食緊車仔麵！焗蕃茄豬排飯份量都唔算少，豬排有手掌咁長，而且仲好味過快餐店添！值得一提既係，面層放了芝士一齊焗，格外惹味，仲有芝士拉絲效果添！

和好友尋找了一會。也不難搵。一來了，也有一羣人在門外。心想要等位了。店員有禮：請問幾位？女兒：七位。未齊人。店員有禮：請進！竟然？開心愉快呀。分配真好！環境也大的，昏黃燈光，格調不錯，但人多，有點嘈吵，明白的！全日，不加一！正。食得更爽快！哈。 其實了叫了八款食物：烤雞珍珠飯，鐵板卜卜魚，蕃茄海鮮天使面，煙三文魚沙律，焗薯角，牛乳粟米湯，蜜汁芝麻雞翼。嘻嘻哈哈，照顧玩耍的大人小朋友，忘記怕照全部了整體也好吃呀！清新，沙律醬料份量多點，什麼也好吃。炸薯角也鐵板上。份量多。多少錢？17呀！再來三杯特飲抹茶紅豆冰，，，，可惜，一般呢。太甜了。全單。。。。270元正。值得呀。食物也吃不完。

很餓，在公司ot兼看notes等豬豬放工, 隨意吃個晚餐。要了蕃茄焗豬扒飯，個汁令到更開胃，豬扒都好軟腍，更有芝士，更有菜平衡下，有生菜翠玉瓜飯魚飯飯比較油，但粒粒都沾有豉油，灑了點柴魚絲幾好味。芝士焗蔬菜，女木多芝士但好好好油膩，有椰菜南瓜菇等。個玫瑰洛神飲，唔好飲超甜，沒洛神那股酸味，也喝唔出玫瑰香。

好明顯意粉無味是因為直接放到濃湯裡，也其實是味精湯黎。。。碎菇一堆煙鴨胸為什麼又有會放一堆？就算不是都算了真當是十元一舊？皮仲大舊過肉。 雖然30不算貴而且無加一，但諗到波記食過的蜆肉意粉或大盒的芝士肉醬意都是廿幾蚊，比較起來就。。。以前都算有食過炒飯什麼的，還不過不失的，這次真的是不太行，唯一可贊的是店員服務，還好。

晚市時份，黃大仙的食店都排滿了人。因為難得過來黃大仙一次，就選了個比較多人排隊的餐廳一試！座位地下有幾團紙巾，是太忙沒時間清理吧。入座後才看餐牌，發現主菜都相當便宜，平均價格也是$50左右吧。前菜點了個蒜蓉焗田螺。以這個價格來說味道已經很好，香香的蒜蓉味。主菜點了星級夏威夷比薩和新出品的墨魚汁小章魚墨魚意大利飯。星級夏威夷比薩令我們喜出望外，因為相當足料，還有厚厚的芝士！而墨魚汁小章魚墨魚意大利飯感覺則一般。雖然用上珍珠米，可是沒什麼嚼勁。小章魚的味道是日式甜甜的那種，但竟然跟墨魚意大利飯的味飯也尚算配合。可能最後才吃它，再加上它份量很大而且膩膩的，到最後還是吃不完。配餐飲是飲品半價，所以點了杯洛神花玫瑰茶（$10），很香玫瑰花味，很可口。另外配餐追加了牛乳粟米忌廉湯（$7），很濃郁，甜甜的很美味！也追加了日式芝麻汁田園沙律（$7），醬很多（在底一點，所以拍不到），不會要客人乾吃菜。除了那個意大利飯，其他食品也是令人滿意的一次尋味之旅！

返學之前喺黃大仙搵下有咩好食喺openrice 搵黃大仙中心$100樓下第一間就係呢間見佢menu好似幾吸引，價錢又唔貴同朋友過來一試Lunch hour未夠12點好少人唔洗等位不過呢度都幾大應該peak hour嚟都唔洗等十世香辣意式蕃茄帆立貝海鮮扁意粉開頭仲諗住落辣椒仔，點知食落已經好辣，西式嚟講真係估佢唔到。海鮮好足料，除咗帆立貝，仲有青口、魷魚同蜆，唔似平時啲cheap兜餐廳咁，海鮮=蟹柳+魚塊+八爪魚毛。蕃茄唔係用茄膏，不過由於辣味太出，茄味只能若隱若現。活蜆魷魚圈香草忌廉意大利飯又係海鮮今次配料用咗雜菇，個飯比一般意大利飯結，相當creamy，飯粒硬身，又唔會好膩。美中不足係有太多洋蔥粒，撈埋喺飯度好難揀出嚟，仲係爽口洋蔥，挑食的人有難了。飯品或餐湯二揀一，揀咗牛乳粟米忌廉湯，粟米味好濃飲品可以加$3要啫喱冰冰，仲有三款揀。利賓納夠開胃，啫喱都好多。埋單連加一都係人均$50鬆啲，食物質素可比人均$1xx餐廳，相當抵食！

係附近嘅摩士公園游完水，正值下午三四點的時候，肚子又覺得有點餓，決定去食少少下午茶。附近最多野食嘅地方，莫過於龍翔中心和黃大仙中心。行到去黃大仙中心，上到去又見到依間長年有人等位嘅意八餐廳，反正又冇乜野做，就等埋食一餐。等左一陣，其實都唔算一陣啦，而都可以見到門面好忙，淨係喊名都已經唔少工作量，入到去又比較少一個人嘅位，坐低後，喊左個必食推介，就係蜆肉豚骨湯珍珠米。作為鍾意飲湯嘅人，我第一件事就係飲湯，飲個下，叮一聲，哇，真係好好飲。通常飲豚骨湯都會有一種鮮味，但係依個湯嘅鮮味唔知點解係特別濃，於是是就變左特別好飲。而佢嘅珍珠米原本可能係好硬，但係用來泡飯，個質地又岩岩好，有點煙煙韌韌敢。蜆肉也是鐵三角之一，同湯頭同埋啲米相比絕對冇失色，好新鮮，食得出個蜆肉嘅鮮甜同彈性。再飲一啖熱咖啡，唔算係好正嘅熱咖啡，但都不錯濃，可以接受。總結: 好好味！

辰早去港島辦事，回到九龍已2點鍾，吃什麼好呢？記得在沙田試過一間不錯的Fusion餐廳：Itamomo。這間主打義大利和日本菜的餐廳在黃大仙中心也有分店。下午茶時段人比較多所以要搭檯。餐牌選擇多多，最後揀了芝士焗米蘭肉醬長通粉（＄35包熱飲）。大概等了20分鐘熱辣辣的焗意粉上檯啦！意粉放滿芝士，而芝士焗到脆卜卜、加點口感。這道菜OK，只覺得醬汁有點甜 。