意八餐廳 (已結業)

與媽媽血拼得很開心，完全忘記掉時間！晚餐去很久沒有食的意八，果然時間過了七點半，門外是完全沒有人輪候，可以直接入座。水牛城辣汁雞翼 - 雞翼煎得尚算香口，不過肉質有點兒嚡～辣汁味道不太突出。米蘭原茄烤豬扒焗珍珠飯 - 份量多夠足料！豬扒不算太淋身且肉質帶點韌。飯焗得有點過時，因為食落口有點微硬。舖於面層的芝士很多，食完都滯滯地.....蟹籽三文魚蛋白炒飯 - 賣相驟眼睇落不錯～但...飯粒黏到一嚿嚿，而且食落亦不算太有鑊氣！配料味道亦淡淡...寧願穩固點叫意粉，也許味道可能會較好！凍奶茶 - 味道中規中矩，猶幸尚算飲得到丁點的茶味！

咖啡有浮游物，叫人換過杯，點知換來同一杯，因我落咗糖，一粒粒糖係到，嘩嘩嘩！原來間公司咁樣運作，做飲食要不要良心呀？飲食業的悲哀😠😠😠😠😠😠😠😠

It is nice to try something different in a place like Wong Tai Sin. It is a night out with the girls. Unfortunately, extremely busy. We waited a bit because of our group number.Our order was unanimous, steak. This was a good choice. It came with rice, fried potatoes and vegetables. It came in a sizzling plate. You have a choice of mushroom or pepper sauce. The serving was quite sufficient. Affordable.We didn't wait that long for our order to arrive. No pressure from staff even when place was ver

平靚正！餐廳嘢食抵食，味道也不錯，都值得推介。Lunch Set跟餐湯，麵包羅宋湯，材料豐富，味道略酸，蘿蔔雜菜薯仔都有！蒜蓉包非常之脆，牛油味重個麵芝士味濃，但意粉有點硬，材料豐富，海鮮有蝦有墨魚，整體味道不錯。

晏就2:30已經好多街坊攞定籌等食3點先開始入席既下午茶餐，羊群效應下我同朋友都想試下。我叫左個柚子雞翼+pizza餐，連熱飲係$28，+$7有特飲，揀左玄米抹茶啫喱冰。食物好快上檯，但實在O嘴說好既一件pizza原來只得四分之一塊囉，就連伴碟既車厘茄拼埋連半粒都無呀份量實在少得可憐。雞翼味道還算ok，有少少柚子味，少量芝麻灑面夠香口，但雞翼同pizza都唔夠熱，pizza仔同便利店買既無分別，一d誠意都無 呢個餐係搵笨之選。特飲有半杯冰粒夠消暑，極少抹茶及玄米味，沒有粒粒玄米只有勁多啫喱，幸好甜味適中。至於朋友揀既焗豬扒飯係正常下午茶既份量，熱辣辣焗出黎，有勁多芝士鋪面，豬扒夠腍夠入味。

間中經過這餐廳，無論早上、中午、晚上都是好多人等位的，唔知以為好好食！約了很久沒見的中學同學吃早餐！她帶了兩個女兒來，我們叫了同一個餐加一個麵餐。看見餐牌，以為很豐富，滿心歡喜的。。怎料上枱是這麽凋零味道談不上很好，但杯熱好立克很濃郁！之前已經吃過下午茶，已經覺得麻麻。。環境也很嘈雜！很奇怪還有那麼多人來，難道黄大仙吃西餐廳的不多？

今早到意八食早餐點了平時會點的重量級全餐有一杯飲品好像外面all day breakfast的料但若是大食人應該不會覺得飽這裡經常有人排隊人多所以會有點吵侍應夠 態度好 服務快整體還好

今日黎到呢間itamomo食意粉之前都有食過既 都覺得唔錯呢到午飯時間勁多人 不過勝在夠多位，都唔洗等好耐我就叫左香辣意式蕃茄帆立貝海鮮扁意粉（$51）佢都唔算叫好辣 係個魷魚唔知點解特別辣佢都叫多海鮮 都好新鮮既扁意粉就幾有口感 唔會太淋仲有d磨菇都好match

Lunch Time~~~午餐黎講都算幾抵！Lunch Set選擇多!凍飲加$2，凍檸茶茶味較苦。蕃茄濃湯味重，份量夠大，已經有湯但煙肉比較油。餐包括左多士，件多士比較燶了，但幾脆口的。

平時屋企樓下都有呢間餐廳，岩岩發現原來黃大仙都有分店， 而且仲推出左新餐 新款式， 咁我就是下佢的章魚墨汁意式飯！章魚墨汁意式飯有d人可能會覺得黑文蚊 覺得賣唔好睇 但係從來好食既野都唔會好睇得去邊啦 不過我 反而覺得賣相都唔錯由於佢係用墨魚汁去做 食完野之後會黑曬 相當之香濃 墨魚醬汁整得好好 野味就算d牙黑曬都值得飯的質感 煙煙銀銀 口感不俗 意大利飯就係要有感恩的質素 另外章魚的分量都幾多 四五十蚊食個lunch 幾滿足

早左起身，可以食個豐富早餐先返工，yeah意八由朝到晚都好多人食，今次叫左午餐肉煎蛋肉丁麵，午餐肉食得出不是太差的牌子，仲要厚切仲煎得剛好，蛋邊真的做到脆口半生熟蛋，麵叫左煮林D，配左柸熱好立克，食完諗住精神D，點知食得太飽有D眼訓添！

約左朋友一行七人去食晚飯，先有四個朋友先到已可以入去坐，雖然外面仍有有一堆街坊等緊，意外地快入坐。開始點餐，服務員態度和善很耐心及效率很快，點餐后在5分鐘后已到。效率非常高。至於，食物方面，各人都點選了扒餐，份量剛好。有薯菜，輕量式飯量，扒類。本人點選了芝士烤雞（配黑椒汁），雞扒的味道都ok, 個煎蛋雖然平凡，但有驚喜。因為隻太陽蛋放係鐵板上面，一直加緊熱，由不太熟變至熟，鏟起時，蛋邊有少少焦地地，非常得意。可以自行調配要即時食定係等一陣才食。之後，叫左涷杯洛神花玫瑰茶，有少少酸酸地，啱曬我～～還有個杯的配色很美喔最后，價錢也十分合理，還沒有加一添。員工好服務，好的態度，認真值得推介

話說呢間野係我LUNCH TIME成日會想食GE 鋪...可惜成日大排長龍,,,今日行過見唔算多人...決定食啦!!!!!你地睇下個餐牌..呢個價位食呢D食物...你仲想點?我叫左個百里香烤雞義大利飯~雖然細細份...但份量對我黎講都岩岩好.因為白汁關係掛...~~~味道非常之濃郁~好香百里香味~而且好足料~唔係得1,2舊雞~D飯粒唔係硬骨骨~岩我口味啦~48蚊~包埋杯唔係水味GE熱朱古力~抵一定會再幫襯啦~ 

豪華芝士拉絲蕃茄焗豬扒飯 ($35) 呢間餐廳一直都係司令最愛去餐廳頭十位，原因係食物真係又抵又好食，平時嘅時段價位已經唔高，但識食一定係下午茶時間黎😏。意八兩點就開始有下午茶供應，不但價格比較平，仲要餐係包飲品添！司令照舊要左🍅蕃茄焗豬扒飯仲要多汁，上菜快而且即叫即焗。上枱見到出晒煙已經好吸引，芝士係瘋狂地多完全唔同大家客氣，啲芝士淫賤到呢😍！米用左珍珠米，口感好。豬扒份量好足，仲有蕃茄一齊焗，超香，同埋芝士一齊食真係講到司令而家自己都流口水💦。不得不提嘅係司令從來冇試過食得晒意八嘅一個飯你就知佢足料🤔，咁嘅價真係抵到爛！

上星期五，與屋企兩老到了黃大仙這家餐廳食晚飯。小編對這餐廳的印象一向不錯，算是較為平價的中上餐廳。晚餐小編點了一個「焗豬」+粟米湯，過了一會湯到。這個粟米湯味道正常，不難喝，但也不突出，算是餐前暖一暖胃。其後主菜終於來了，好一個「焗豬」，它的豬扒不會像某大型連鎖餐廳標榜厚切，但卻用炸粉加厚，而是真的一片一片豬扒，是烤出來再焗的。炒飯底加上茄汁芝士，是小編的至愛之一，非常美味，故整個「焗豬」都是非常不錯的。而另外家人點了一個蜆+煙肉的意粉，汁不會太稀也不會太多，蜆則有5隻連殼，不算太少，味道小編覺得太淡，但家人卻很滿意。另外還點了一個蟹籽三文魚炒飯，但忘記了拍照，這個飯上準不錯，很乾身，味道足，相當可口。綜合來說，意八還是保持不錯的水準，總好過一宗連鎖店，只是打著便宜的旗號，卻沒有水準可言。