意八餐廳 (已結業)

黃大仙中心都算有幾多食物選擇，意八哩間餐廳，之前食個下午茶，性價比都算高。今次就試吓佢個晚餐啦。佢每晚都有唔同嘅鐵板餐選擇，本身食和牛，但係已經賣晒，於是就叫咗個西冷牛扒啦。你都嘅份量都算幾大，配菜亦都好多，尤其是佢個留心蛋的確唔錯。牛扒都好大份，而且都唔算韌。醬汁嘅選擇有兩種，我叫咗蒜蓉汁，非常唔錯，性價比高。有餐湯有扒再加埋嘢飲都唔使$100 ,而且環境都幾好楚，傾計一流。 不過一個女仔食實在太多，最後都食唔晒就走左，非常可惜。

同朋友聚會，朋友介紹就入咗呢間餐廳食飯。點餐時個服預員好唔耐煩，不停比面色我哋睇。我哋嗌咗個扒餐同意粉再加個雞翼牛扒都幾大份，配菜都好多，跟個飯，薯仔，蕃薯，蛋同埋翠肉瓜。肉質較硬，冇肉味。。。但呢個價錢嚟講真係算係咁為咗飽肚就得意粉嘅賣相就唔錯海鮮唔算新鮮，真係唔會再試雞翼好好食！夠入味！小小辣個皮又好有咬口另外仲嗌咗花茶，都幾清新其實呢個價錢真係幾平，雖然唔係話特別好食，但都幾平。不過服務態度就有待改善了！

成日去黃大仙食野都諗唔到食啲咩，但實在太鍾意食意粉，結果朋友介紹去咗食意八！價錢合理，而且食物質素非常好，分量亦都唔細碟，夠飽之餘，又可以滿足我食意粉嘅慾望！下次試埋小食先！

今日早餐去咗黃大仙嘅呢間itamomo度食👅👅👅，嚟到嘅時候10點幾人唔多，唔使等位。睇完Menu之後比呢個濃湯公仔麵上面「濃湯」呢個字眼吸引左，同埋佢嘅價錢又好實惠，可以配兩個餸，所以就叫左嚟食。😂😂碗公仔麵黎到之後，我望到個湯已經覺得佢唔係濃湯，點知食落真係同平時嘅湯冇分別，一啲驚喜都冇，而個公仔麵仲有啲硬，搞到我覺得好失望，最後碗麵我仲食淨左好多🤢🤢，其實未食飽，不過已經唔想再食埋佢😢😢😢

因為工作關係今日又來到黃大仙區，一個人為左hea多一陣打發時間，必須要搵一間坐得舒服同可以坐得耐小小的餐廳，行完黃大仙南館一個圈，就決定試下itamomo cafe 啦！佢地的set lunch都有很多選擇，拉麵、飯、意粉及常餐等......主要是西式為主！🙂食物的名稱也經過精心設計～今次我就試左佢地的.......米蘭原茄烤豬扒焗珍珠飯賣相十分吸引，上面鋪滿芝士，豬排也切件上碟，方便進食，珍珠飯好有口感，不會過軟身！ 唯一不足之處是茄味不算突出！豬排亦有香茅香味！午餐附上飲品一杯，熱奶茶就未見突出，正正常常啦！🙂🙂🙂

事隔兩年冇食過意八，資素keep到，仲要好抵食唔係講笑 真心好食叫左一飯一意粉一小食，埋單只係百幾蚊好耐冇試過咁抵食先講個柚子雞翼好fresh好juciy海鮮天使面就大大碟，因為太好食，食左一半先記得影相，香得黎又好食其實仲叫左碟蕃茄海鮮意大利飯，真係超好食！必試呀！個人認為好岩長期糧尾既人食 ，味道好又抵食 ，性價比好高 大家快點去試建議8pm前去食 一晏左就好多人排隊 要拎飛等半個鐘先入到 所以唔好預咁晏去

午餐價錢好優惠， 百里香烤雞忌廉意大利飯$49，飯偏硬少少，味道唔太濃，較淡口，另加$2柚子茶太甜。墨西哥瘋狂辣肉醬焗扁意粉$44，味不過不失。+2即磨咖啡，一般茶記口味。*服務真係比個嬲......叫咗杯凍齋啡， 點知飲咗啖發現有加糖嘅？ 咁我就問著住紫色衫應該比較高級嘅員工問......我：「唔好意思我叫個杯係凍齋啡， 點解會加左糖水嘅？」待應：「a.....你唔要甜就講呀嘛？」我：「我叫個杯係凍齋啡喎⋯⋯正常係唔會有奶同糖水嘅......」待應：「點會冇糖水遮，一定有囉⋯⋯」我：「凍齋啡喎⋯⋯」待應勞氣回答：「總之我哋嘅齋啡就係有糖水嘅，你下次唔要就同我哋講」就因為咁，唔會有下次啦！ 我點知你哋公司杯'齋'啡會有糖水呢？ 待應嘅語氣係反過來怪責客人，唔係應該待應係落單嘅時候，提一提客人，你哋公司嘅凍齋啡係會加埋糖水，問下客人需唔需要走埋咩？

晏晝一個人唔知食咩好就去Itamomo食下雖然嗰陣12點幾1點都有啲人等緊位，不過都好快有得入👍🏻佢有啲午餐SET都係四五十蚊到，不過我試既係意大利茄湯粉，有啲似茶記既常餐，喺幾樣配料到揀兩樣，揀個意粉嗌完兩分鐘都已經上菜，岩晒香港人急促既節奏🤣我呢個係煙鴨胸加蘑菇腸，每樣有三塊，味道都不錯，同埋睇到係煎過先既👍🏻唔會求其掉落去就算意粉都有幾款揀，我既係扁意粉，不過就略嫌硬左少少，始終可能係繁忙時間就差啲啲蒜蓉多士都好香好脆口🤤加埋凍飲都只係44蚊～快靚正得黎有質素👍🏻絕對比起 大X樂 美X 嗰啲好☺️☺️☺️推介推介

隨便亂入西餐廳，入到去發現幾平喎，晚餐都係40-50蚊價位，小食再平d。叫左一個牛扒餐，一個天使面，加野飲加十蚊但大大杯同埋特別野黎既，好抵！牛扒餐抵食夾大份，貨仔一般但咁既價位仲想點呢天使面反面唔錯，個汁多d就更好！

上星期二接完男友收工，又同佢去覓食啦，加埋佢既朋友，一行三人就去左黃大仙中心揾野食。本來都唔知食乜好，朋友話帶我地食好野，就跟住佢行啦。一黎到呢間Itamomo，好多人等緊啊，拿拿林拎張飛先，都仲有幾張要等，本來以為要等半個鐘左右，因為真係好多人啊，點知等左10分鐘左右就有位，我諗前面幾張以為等好耐就冇排啦，哈哈，咁就益左我地了。終於坐得低啦，入面其實都幾大，幾多位。睇睇餐牌先，都好多選擇，有西式，日式，仲有意式我呢D有選擇困難症既人樣樣都想食，最後我地就叫左柚子芝麻烤雞翼，其實我地本來係想叫另一款，不過男友叫錯左。柚子酸酸地，配落雞翼度，我自己就覺得有D奇怪，但都唔會難食。瘋狂辣肉醬芝士焗薯，辣辣地，好好味香辣意大利蕃茄帆立貝，唔係好辣，青口好好食蛋黃煙肉卡邦尼長通粉，好Creamy，但又唔會太濃蟹籽三文魚蛋白玄米炒飯，um…我覺得都係普通炒飯星級夏威夷Pizza，正常味道，但個底好難切啊牛乳綠茶紅豆冰冰，利賓納啫喱冰冰，同埋胚芽好立克埋單$269，都係一人$90，但食到勁飽，我覺得好抵食啊！

今早11點在黃大仙區收工，與朋友走入黃大仙商場北館1樓搵食，見到這間意八餐廳，腳仔不其然的走入去了。我們叫了雞蛋碎沙律牛角酥早餐(連凍飲才28蚊)，牛角酥做得很酥脆，與雞蛋碎十分夾，杯凍咖啡已很香濃。朋友叫了千島脆脆魚柳牛角酥早餐(跟熱飲30蚊)，朋友說魚柳炸得剛剛好，很香脆，又冇腥味，又冇雪味，朋友的熱咖啡，也很香濃。臨走前叫多一份重量級早餐帶回家比女兒(連凍檸檬茶及外賣盒，都係33蚊)，三個餐才91蚊，全日冇加一的。以咁既價錢，食到如此水準的食物，都唔知他們賺甚麼?希望此店長做長有，我仍有機會再來幫襯吧！🤗

黃大仙D野真係越來越貴 地鐵站附近勁多商場 裝修好D 食野得個貴字呢間野都幾抵食 蒜蓉厚多士略嫌咸左少少 雞肉有點燶 勝在價錢合理 上餐快 地方乾淨 如果係附近 會考慮再黎 

仲諗住其他分店好好食你間都幾唔錯.....點知失望之作.....不過份量尚算大碟.....一定食飽你坦白講.....如果你純屬諗住飽肚嘅....呢度一定滿足到你因為豬扒都好大塊......只係個汁......真係濃得濟.....至於個魚飹......真係超級一般般....大家可以有更多嘅選擇.....不過好彩佢有唔同嘅款式任君選擇....咁多始終有一款啱你胃口嘅.....但係你又唔好啊..... 一到午市實爆埸....吹咩⚡️⚡️⚡️🤣🤣🤣

呢間餐廳唔貴又好食，已經成為咗我同屋企人嘅飯堂啦，平時決定唔到食咩或者屋企冇煮飯嘅話都會嚟呢度食飯haha我地最常叫嘅就係焗豬扒飯，我地一致認為呢度嘅焗豬扒飯好食過其他嘅連鎖大集團，咩大家樂、大快活嗰啲。啲豬扒夠腍唔乾，同埋啲飯好多汁夠送飯，仲有芝士喺面，夠惹味，好食

意八😚百里香忌廉雞皇焗珍珠飯 包熱飲 Hkd 36 😀佢既焗飯超級有誠意🤑啲芝士好好食好忌廉😍比較creamy~加埋啲飯同雞排好正🔫係勁full又勁好食的~熱奶茶幾香濃不過就生甜左啲啲～但平民價cp值高呀！💯