意壽司-心意之日本料理

營業中

休息中

喺荃灣上完堂，就喺附近食d嘢，見依間餐廳規模細細，就入去支持下小店店内目測約20個座位，適逢疫情下，但店家都安排其他不認識嘅食客搭枱，而且座位較迫，依點扣分到食物方面，活赤貝刺身好爽口，蟹膏帶子好鮮甜，墨魚片就一般唔夠黏口燒三文魚頭，不會太燶，啖啖膠質，一d都唔腥，配上檸檬汁，可以解膩黑松路牛油金菇份量好足，金菇爽口牛肉窩就一般，牛肉片較多脂肪，而且食落有陣羶味，所以淨晒d肉無食到，但個湯底甜甜地，配蔬菜粉絲一流

近期天氣實在太熱，所以真係忍唔住去左食sushi。今次食呢間食店就個火炙sushi套餐仲包埋一客蟹棒wu冬，盛惠$62。三文魚腩肥瘦適中，配埋面頭火炙燒過的外層，更顯得惹味。除咗三文魚腩sushi之外，仲有3件加洲卷，真係岩曬大食之人 !而且個份wu冬都係大大份，有蟹棒之餘，仲有塊豚肉，即係平時食拉麵個種，真係性價比幾高的一間餐廳。不過因為呢間餐廳都算幾平，所以lunch時間都幾多打工仔放lunch黎呢度食，所以都要預番5-10分鐘去等位。

舖頭位於福來邨對面，朋友話係佢日常飯堂，抵食又好味，所以就黎試下。自己買左幾枝梅酒入去，老闆勁nice咁幫我地攞未開既入雪櫃雪住先~第一次自攜飲品有舖頭主動幫手雪凍雞軟骨好香又唔會太咸，炸物大件得黎唔太油~每人少少好快清晒，送酒一流啊酒煮蜆好似唔使100蚊，蜆大概有十隻，湯底仲有粉絲同菜，湯煮得好香，大家爭住飲。海膽魚生都好新鮮，成餐飯每樣都okay，再加埋酒精作用，大家食得好開心~埋單每人唔使200，飽到抱住肚仔走

雖然平時成日經過，但因為依間小店唔太起眼既關係對佢冇咩興趣。咁啱因為復活節連假周圍都好多人，亂入食晚餐點知就有驚喜喇溫泉蛋汁燒雞扒石頭飯（$68）估唔到假期夜晚都仲有定食，見佢咁平本身對佢冇咩期望。但來到時熱辣辣，雞扒亦都幾嫩滑。雖然個汁有少少鹹，但將蛋絲、溫泉蛋同飯撈埋食個味道即刻升華，令人好滿足。蟹肉忌廉薯餅（跟餐）每個定食都會跟個小食，同朋友仔都揀左蟹肉忌廉薯餅。雖然個炸粉有啲厚，不過都好creamy，收貨啦。總評整體來講味道好正常冇伏，以依個價錢來講性價比非常高。不過因為係小店所以坐得就唔會太舒服喇。同埋晚餐時間都多人排隊既，要預留返時間。但整體來講係可以再戰既。

屋村小店，雖然位置較偏，但質素高同好抵食。午市日式定食套餐有好多選擇，由$40幾至$60幾左右包飲品，好抵食。黑蒜豬軟骨湯烏冬，湯底好有黑蒜味，好濃郁，豬軟骨好多夠腍，烏冬用讚歧烏龍麵，好彈牙。必須推介火炙醬油漬三文魚壽司，一口即溶，一試難忘不過服務態度需改善，冇咩笑容，見隔離被侍應倒瀉野，個侍應都係細細聲道歉就走左

久違的平日荃灣午餐，友人好推介，說這是荃灣熱門日式小店。一入門，平日午市人頭湧湧，門外仲有人排隊！入座後，馬上點了這裡的名菜——鵝肝和牛粒石頭鍋飯；友人則點了迷你叉燒烏冬配火炙壽司餐。一上菜，滋滋聲響，一睇就知熱度、份量都十足。鵝肝雖然薄左啲，但這個價錢已收貨和牛粒軟淋，油香十足！個飯底唔係白飯，係炒飯黎，更添風味好食！真不愧係名菜！至於友人則說叉燒烏冬頗咸，壽司份量足。下次再黎支持小店食壽司

荃灣區真係好多穩世食店，意壽司就係其中一間!都唔係第一次同貓生嚟，雖然系小店，價廉物美，性價比高每次都唔會令我失望街坊食店，環境係迫少少如果第一次嚟可以參考牆上面嘅餐牌，全部都值得一試㗎鵝肝和牛粒石頭飯定食+三文魚壽司$78雖然係七十幾蚊嘅定食，有嘢飲，有小食，定食包嘅三文魚壽司都好肥美雜錦天婦羅鍾意呢度嘅天婦羅粉唔會太厚，炸得啱啱好每次嚟都一定要叫嘅黑松露牛油焗金菇勁多黑松露，一上枱勁香甘粟薯餅

我真係忍唔住啦‼️好想食日本野，去左荃灣內街食好野✌🏻呢間嘅衛生措施同埋飲食規矩都做得好足👏🏻價錢平易近人之餘，餸菜亦好有特色😋#胡麻冰柏葉超級好味既冰盤😍牛柏葉食落脆脆聲，好彈牙😬好爽好開胃🤤配芝麻醬絕配👍🏻*#帶子蟹膏刺身 🍣帶子好大件，夠新鮮🤩口感清爽，中和蟹膏可能有既流感🧐配帶子好有口感，多咗層次😙*#鵝肝和牛粒石頭飯 🍵和牛粒夠高質，唔會煮得好銀😝鵝肝夠份最，入口即溶😲以石頭飯形式暖住，令進食時keep到口感🤤*附近環境唔會太嘈雜👍🏻所以進食時都幾舒服✌🏻IG: @babyfatfatface

去荃灣做完嘢搵食疫症期間好多食店都較冷清，不過呢排多數食店都特別注重衛生最後試咗呢間日料店入門口有幫客人量體溫，枱面都放有消毒用品俾客人使用胡麻冷柏葉店員特別推介呢款前菜，係以牛柏葉製嘅前菜佐以胡麻汁，醬汁酸酸甜甜將牛柏葉蘸上胡麻醬汁，入口好開胃醒神值得一提係墊底嘅係一堆青瓜絲平時好少會連墊底伴菜都食埋，但青瓜絲配胡麻汁同樣好配合帶子蟹膏刺身蟹膏同帶子刺身本來就鮮甜味美，將兩者融為一體後帶子刺身夾住內餡，內餡係一坨蟹膏兩者都新鮮，蟹膏微鹹，加上微甜嘅帶子刺身入口好爽甜，想食完一啖又一啖，係另一碟好好嘅前菜唐揚單骨雞翼每碟有8隻，將雞翼變單骨雞翼，更容易入口而且單骨雞翼更易入味雞翼以脆炸方式表達，入口外脆內軟，香口惹味感覺有幾分似M記嘅脆香雞翼，但佢比較juicy值得一提係佐以韓風醬汁，問一問咩醬汁嚟，先知係佢哋自家製入口帶酸甜味，配搭脆炸嘅雞翼，食落無咁油膩鵝肝和牛粒石頭飯以鵝肝同和牛粒伴石頭鍋飯，感覺好矜貴飯面舖有一片片鵝肝同一粒粒和牛粒鵝肝煎過，顯得表皮略帶輕脆，而內裏仍然軟滑和牛粒有牛味，好香口，肉質軟嫩，輕輕嘴嚼就OK鍋飯同時有鵝肝蓉伴炒，令飯粒都帶有些微特別嘅香味將鍋飯伴勻後

All in all 簡評：1 小店性價比高，而且大廚用心煮。 9/102 店內人情味濃，吃的是食物和人情味。8/103 鵝肝牛柳粒炒飯，必點，不會後悔。10/10————————————————————一直以來，自己總以為，要食一些高質素的日本料理，都要在商場來吃。然而，今天去了這一家料理店，在屋村的對面，價格平民化，而且很高質素。大廚是老闆來的。-我們一行兩個人，吃的份量不會太多，所以就選擇叫了刺身、一些小食，同埋一個飯。-刺身我選了一份蟹膏帶子，$65，帶子清甜，爽滑，配上份量適中的蟹膏，海水味重、配上脆口的蟹籽，好好食。--之後叫了一份餃子🥟，$28，四隻，煎得香脆，配埋餃子汁一齊食，就好正。單骨雞翼，配上沙律醬，一口過，用來作送酒菜是一流的。最後是重點介紹這一個石鍋飯———鵝肝牛柳粒炒飯，$72，必點。這一個炒飯，飯底是用鵝肝炒的，另外配上煎得香脆的鵝肝，和好好食的牛柳粒，加上醬油炒飯時，你會感受到飯跟醬油是融合在一起的，而不是分離的，這更加顯示出大廚的功架。下次來吃，一定會試埋這一個鵝肝多士。

今日就去左荃灣愉景新城搵朋友，行左一陣之後，就開始肚餓，咁我地就去搵野食，我就比較想食日本野，所以朋友就帶左我去香車街街市，附近食一間街坊日本料理去到門口店舖裏面已經有好多人了，等左一陣先到我地，店員服務好親切，會主動倒茶俾我地飲，望了餐牌每款食物價錢都非常抵食，而且仲唔會收加一服務費，客人人流不斷，証明依間日本料理，受歡迎程度都十分之高帶子蟹膏刺身$65/4件香濃既蟹膏更能帶出帶子既鮮甜味道，食落有層次感日式煎餃子$28/4件煎餃子皮薄多汁，而且外層食落仲好香脆雪酒煮花甲$62花甲大隻肥厚，新鮮而且冇沙鵝肝和牛粒石頭飯$72石鍋能夠令飯保持到熱度，鵝肝香口，和牛粒份量都好多，牛肉味香濃，好有嚼口

最近比較少吃日本菜式，今日特意約朋友去吃日本菜，由於不想出去太遠的地方，於是找到荃灣這間叫意壽司的餐廳。七點來到餐廳，餐廳內已有不少食客。就座後，侍應遞上熱茶，餐牌上有很多食物選揀，種類繁多。我們點了以下食物：帶子蟹膏刺身：帶子新鮮，蟹膏鮮甜，帶子加上蟹膏特別鮮甜美味。鐵板金菇牛肉卷：一上桌非常有氣勢，滋滋聲，香氣撲鼻，牛肉不會韌。燒原隻日本魷魚：魷魚肉質肥美，鮮甜。鵝肝和牛飯：炒飯炒得粒粒分明，鵝肝令整碗炒飯香味更加濃，和牛粒也不錯。燒鯖魚：鯖魚燒得香脆，也新鮮，鯖魚加上檸檬汁，立刻令鯖魚更加添加鮮味，更加好味道。蒜蓉燒茄子：要上桌已聞到陣陣蒜蓉的香味，茄子燒得香軟，蒜蓉和茄子真是絕配。

荃灣食肆林立小店亦多上次經過意壽司看見門外人山人海所以決定今天去試一下.帶子蟹膏刺身 $64/4件帶子厚身蟹膏份量也不少不會帶帶腥味 也不會過咸再沾點醬油就夠了.鵝肝和牛粒石頭飯 $72份量挺多的飯不會太乾 而且一粒粒的飯中還湛留著鵝肝的味道和牛粒不太硬5成熟的口感加上青蔥足以提升口味.火炙三文魚壽司 $7/件火炙味濃郁 三文上面佈滿沙律醬一口塞進嘴裏 三文魚油融化在壽司飯裡.三文魚醬油漬壽司 這款比火炙三文魚的油脂較少但仍能感受到魚油和壽司飯結合的滋味.炸雞雞塊大 皮薄 肉嫩 不用沾醬都已經夠味醬是檸檬酸的味道.燒牛舌 $46坊間的牛舌大多薄而乾但這家不會太薄 口感爽脆而且還看到裡面是粉嫩粉嫩的

是晚精選，心意之作😋今晚想支持下小店，反正就想找家對我嚟講係新餐廳試試看...光是門面就沒甚麼特別，但看看菜單和店內人數，也是覺得可以一試。餐牌倒是沒有拍得很好，所以就不放出來了。餐廳內人是絡繹不絕的，不論是一班朋友或是單人匹馬的也會來幫襯呢！想起老闆兼大廚也介紹到這裡沒有加一服務費，但也是有該有甚至更高質的服務喔！要來介紹食物了，這道不論是帆立貝，或是蟹子定係蟹膏都非常新鮮，而且每一啖都有淡淡檸檬香，實在很搭！這個酒煮花甲絕對是誠意之作，海鮮非常鮮甜，湯頭相信是加上了七味粉，平日不愛這味的我竟差點就把整窩湯喝光了！肉質鮮甜不再話下，竟然配搭得如此維肖維妙！鵝肝雖然非常薄，但還是很香很滑很夠油！搭上蔥花的牛肉石頭鍋飯，粒粒分明的飯粒仲有飯焦香味和脆度，值得推薦！最後蒜蓉茄子不多介紹，反正就是不會輸的一道菜，只是略微有點過油...服務員態度都很友善，會再來的！

開心大發現，荃灣眾坊街的《意壽司》，自己本身不是荃灣街坊，只是偶然路過，門面尚算吸引，加上性價比高，值得推介。點了幾款美食，先來冷盤，是帶子蟹膏刺身 $65 有4件，帶子新鮮，蟹膏濃味，蟹籽艷美，味道配搭得宜，互相不會蓋過對方的味道，認真不錯。再來蟹籽軟殼蟹沙律，軟殼蟹炸得香脆，最特別是用上了沙律醬加沙律醋，創新之餘，味道也不錯。喜歡的還有脆口的生菜，清新味美。小食有日式煎餃子，餃子皮薄嫩，肉質鬆軟，加上酸酸的餃子汁，一件兩口，十分滋味。唐揚魷魚軟骨，平到一個點……🤭🤭 原來每條魷魚，只有一件魷魚骨，所以是限量供應。它比起雞軟骨柔軟一些，味道較魷魚肉淡點，炸後脆口彈牙，佐酒佳品。 主食點了鵝肝和牛炒飯，製作認真，很欣賞那些甘荀粒的刀功，比米粒還少啊！ 👍👍。飯粒棵棵分明，不會黏在一起，飯底還放了些鵝肝，香味即時提升。性價比高，誠意為街坊而設的日本餐廳，值得收藏。