意大利佬 (已結業)

這一頓飯帶比我最深刻嘅感覺係「好有驚喜」！店裡裝修不揚，甚至乎可以話係無裝修但係D出品真係得！好味道！有誠意！仲好有個性！我地一行4人，大家都好滿意、好滿足誠意推介第一道菜式：意大利香草包外脆內軟，再點少少油醋，好好味第二道菜式：香辣蒜片白酒青口吃得出的鮮味、惹味第三道菜：西班牙紅蝦呢個係menu無既，之前係網上見過有人食所以試下～好鮮味，隻味仲好特別添！雖然貴D，但真係好食嘅第四道菜：3色芝士Pizza芝士味香濃，讚！！！第五道菜：蟹膏蟹肉意粉本身好鐘意食蟹膏，呢個真係好足料、蟹膏味濃郁，好第六道菜式：牛扒廚師建議三成熟，緊係信個廚師啦！呢個又係好味，有牛味、又滑又淋，點解我煎極都煎唔到咁好食連d配菜都好好味本來想食個甜品做結尾，點知沽清老闆話因爲自家製，又避免存放太耐唔新鮮，所以日日製造少量，賣哂就算下次一定要打電話預訂先

住開元朗，一向都鍾意周圍試新嘢，搵好嘢食，但咁耐都冇寫過食評，今次真係處女作。原因好簡單，因為真係要奉勸各位巴絲打，呢間意大利佬千祈唔好去！門面：舖頭細細，廿幾個位。小弟星期日夜晚八點去，正常食肆理應總會有人食緊嘢。但當日小弟開門見到成間舖係無人，連waiter都無。係我拉開道門，先有位waitress由廚房行出嚟擺底兩杯水。服務：可能我對間嘢有啲期望，正常新開舖，都以為會有人介紹吓有冇咩廚師推介。仲要間舖無人都唔主動介紹吓，企到老遠玩電話。要大嗌先聽到我講嘢。我見佢Menu有寫生蠔就問waitress有咩蠔，佢竟然答唔知，之後就跑入廚房問，問完都淨係知個名，問佢有咩特點但又講唔出。唉食物：一個字「差！」- 巴拿馬火腿橄欖油沙津：我諗應該叫油浸巴拿馬火腿沙律。沙律菜變晒油菜，油無橄欖香，塊ham無ham味，得個咸字。- 烤帶子：上碟有煙，但竟然咬落唔熱，仲出奇係喺帶子肉入面有殻，點食！- 烤鵪鶉脾：唯一食得落口，都幾香口，但肉太韌- 亞拉斯加長腳蟹配黑松露忌廉汁意大利面：差！個汁溶到好似稀水咁，完全無黏性，無質感；長腳蟹唔熱；個意大利面直情錯晒！個面煮到老晒，夾硬食咗啖，之後無完無晒胃

之前睇到哩間Italiano係網上大受好評, 於是乎男朋友既Risotto癮又上來, 就打算即刻去試下。前一日去到發現店入面數埋唔夠10張細檯既位置, 話無位, 唯有今日再打電話去預約, 先順利入座。本真諗住咁細既鋪頭, 我就細細聲同佢地講野, 但係唔知點解, 老闆娘明明就企系你隔離1米唔到既位置, 佢都勁大聲覆你說話? 老闆就每逢攞食物出黎既時候, 都係大大聲咁喝住同客人講野? 見其他食評話老闆多年在歐洲學廚, 可能中意義大利餐廳嗰種吵雜溫馨既感覺。但你地間鋪頭其實真心好細, 又無放音樂, 你地每次一講野, 都會嚇親我地。------------------------------講返今日既order, 前菜叫咗Crab cake, 無影相, 因為賣相麻麻, 不過幾香口。只係我印象中的crab cake都係炸的, 佢地既就係煎既, 可以見到整塊都係原蟹肉( 係鮮美既 ), 加洋蔥 。其實我建議老闆可以考慮將它改名叫日式煎蟹餅, 以免客人混淆。------------------------------先介紹處女座男朋友既主菜:帶子黑松露意大利飯比起其他意大利飯, 哩個係難以置信地結

夫妻作坊，老闆在歐洲學廚幾年。地方有限，所以一定要提前BOOK枱或者20:30後先去。裝修也一般，但食物出品真的好好！全部由老闆一腳踢，出菜可能要等一等。推薦黑毛豬扒，老闆特別吩咐只碟係乾噶，但切開肉扒後只碟真系濕曬！牛扒三成熟都冇血水。會繼續光顧！

終於試左！昨晚同太太慶生，約9:00入坐，全場只有我地一台食🤔可能太夜😂呢度地方細細，環境都算唔錯，如果有多d食客應該幾好氣氛叫左3樣野食～3式芝士薄餅 - 超好味，餅底好似係梳打餅，芝士味好重，味道咸咸地好惹味芝士香草Parma ham意粉 - 較失望，芝士味唔夠，無想像中好食，香草太多，但Parma ham好正👍🏼主菜：13安牛扒，廚師推介3成熟，果然無失望😍外面香脆，入面粉紅，肉汁多夠淋唔un無血水！好彩貴一貴都試左😂！

好少寫食評但真係太好食!好細嘅店鋪但估唔到咁高嘅質素!烤鴨腿超好食! 個皮好脆內裏啲肉又好有肉汁!咩筍鵝肝意大利飯, 又係好好食 好濃嘅忌廉汁加好香嘅鵝肝, 仲要都幾大碟!佢啲果汁都好好飲只係$15一杯!叫咗杯桃汁, 好似真係食緊個桃咁店員服務又好, 大廚仲會走出嚟問你啲嘢好唔好食座位都如舒服

等左咁耐終於下定決心過黎一試啦! 等左一陣就有位啦, 地方唔大, 得幾張枱, 不過環境都唔錯, 幾舒服!坐低點完野食, 侍應姐姐就比左3杯水我地, 隻杯d 顏色好似去左酒吧咁先黎飲品, 西柚梳打 & 青檸梳打, 仲有一杯橙汁(無影到), 梳打普普通通, 不過佢餐牌寫係意大利100% 新鮮果汁, 但係佢開雪櫃斟果汁果時我地見到係葡萄牙既"Compal" 果汁, 有少少貨不對版喎 7" 頂級巴拿馬火腿薄餅 - 除左塊parma ham 咸咸地之外, pizza 好似唔多夠味鮮帶子露荀意大利飯 - 露荀好大條, 清甜爽口! 帶子比較細粒同無乜鮮味, 意大利飯本身亦比較淡口, 大廚耐唔耐都會行出黎了解下客人, 咁佢見到我地仲有剩意大利飯就問我地係咪D 飯好似生生地既口感, 我答佢係因為比較淡無乜味, 佢就解釋因為用左乜乜羊奶芝士, 無落鹽去調味, 想帶返本身芝士味出黎. . .嗯. . 不過唔岩我胃口 蜜糖芥末汁配去骨春雞(半隻)及小露荀意大利麵 - 去骨春雞好香口, 不過肉質就比較鞋, 當初仲以為蜜糖芥末汁係用黎點春雞食既, 完來係用黎炒意大利麵, 麵質唔錯, 幾有咬感, 不過配蜜糖芥末汁總

蟹餅: 見D 食評話蟹餅OK, 就試下, 一上台, 得一塊! 食落去, 蟹肉係多GE, 連埋洋蔥一齊煎, 但洋蔥多得滯, 主要是洋蔥味, 而唔係蟹味。同埋無汁真是太乾了。仲要無賣相可言, 求其放在一隻碟上, 無汁,無裝飾。鮮蝦番紅花意大利飯:得幾隻細蝦。D 蝦無咩鮮味, 唔似新鮮蝦。個番紅花汁唔太好食...怪味... 個飯仲衰, 好粉, 我唔知佢用咩米, 但食到中間是粉的!!! 個汁, 難食!!! BTW, 好細碟, 只有約半碗飯的份量, 貴夾唔飽菠蘿汁:MENU話係鮮柞, 但一飲就知係果D 現成菠蘿汁...

朋友生日飯泥左呢度元朗的意大利佬揀呢度因為見到朋友ig post個牛扒連我少食牛都覺得好吸引食西餐就啱哂我地班 "偽細食女"😂😂餐廳環境不算大，但係都夠cozy 我地坐在餐廳正中老闆知道係有人介紹非常客氣😆😆原來果客牛扒係VIP專享品牛我真係唔識，朋友食五成熟話啲肉好鮮好嫩而我食八成就覺得 very great 喇！外脆內軟我最中意又唔會好生配埋大廚特製嘅藍芝士醬Woho😆😆我第一次食牛扒食到想添食😂之後有呢個充滿 cheese 嘅pizza 當然係秒殺了，雖然不是大pizza , 但超足料味道又剛剛好，因為市面太多過於濃味的pizza 了😅😅呢pat係咩？咪超好笑墨魚汁意粉食到個咀仔由內到外都黑哂，為我地餐飯添左好多歡笑😂😂個麵軟硬度剛好足料重手但完全唔腥不得不佩服師傅拿捏得好好大家食完都好滿意

是日預祝朋友既生日，首先，真係要讚下呢間餐廳老闆兼大廚，訂位同佢講有朋友生日，睇下有咩特別甜品，佢就紹左佢自家製既意大利黑朱古力蛋糕，佢仲提議用意大利文寫上生日快樂，的確幾得意既做法，因為我地平時都係寫英文，所以咁樣寫都幾唔錯。。。是日叫左兩隻生蠔，兩隻焗蠔，一份沙律，一份蟹餅，一份14oz既牛扒，仲有cheese pizza...大廚每上菜之前，都好鐘意拎佢既食材出黎介紹比我地，好讓我地知道佢既食材新鮮。。。佢既生蠔超鮮，又爽口，焗蠔就朋友食，但佢地都覺得好食，因為完全焗得岩岩好一d 都冇over cook到。蟹餅，每次黎都必定食佢，佢煎得乾身得黎 ，仲保留蟹肉既鮮味，而且絕對足料。。不得不推介。。超晒班既蟹餅。。。牛扒真係不得不提，大廚既超高技術，真係不能不佩服，因為朋友只食五成熟既牛扒，而我就比較鐘意食三成，大廚竟然可以將一塊牛扒整出兩種唔同程度既生熟，當切落去既時候，肉汁仲不停咁流出黎，真係一絕。呢塊牛扒雖然要成四百幾蚊，但絕對值得係比呢個價錢去食，元朗真係冇幾多間可以食到咁出色既牛扒。。。最後再黎一個自家製既75%朱古力蛋糕，苦苦甘甘既朱古力味，實在太香濃，感覺有點似brow

因為帶住狗仔的關係，一定要揾D有露天的餐廳，呢間餐廳門口就剛好有一張枱，雖然係開揚D,不過2個人坐都OK嘅。叫左3樣野，水準一般啦！不過職員服務非常好！蟹餅- 招牌菜。確實好多蟹肉，不過size略細卡邦尼意粉- 蛋汁比平時吃的濃，有D "漏"羊架- 因為原份羊架燒的關係，制作需時，職員很細心地提示我們，嫩囗，沒有"蘇"味！不錯！

同朋友慶生，他指定要來這一間。於是我上Openrice 睇下間嘢咩料啦，點知就比佢最新嘅食評嚇親，心諗會唔會中伏架？但朋友說食過覺得好味，更何況生日大哂，就照去啦朋友一坐低就話要叫蟹餅，我心想：Openrice 個食評都有話個蟹餅唔得架喎但....原來唔係嗰回事，係好味架喎！我食到好多蟹肉，好鮮甜跟住前菜仲叫左個牛肝菌雲吞同鵪鶉腿，雲吞不過不失，鵪鶉腿好香煙薫味，做前菜小食一流大盤有帶子墨魚麵，小小辣加埋蕃茄乾嘅味道，好香！啲面好爽好彈牙，我鐘意！最後「包拗頸」叫左個羊排，又學佢叫medium rare, 可能我地好彩啦，燒得剛剛好，味道也很不錯，肉質也很嫩不明白為何會有那個差評？是得罪人了吧？！店員姐姐服務也很好，細心推介食物及很有禮貌呀，完全不像那個評語中所說的態度？？？本來我也沒有想要寫食評，所以都冇影個蟹餅，但係食完之後我決定要幫呢間餐廳平反。我屋企以前都係做食肆生意的，人家的評語真是會影響人做生意呀！不實報導，唔知佢當時點諗，但我真心覺得好味，價錢雖不便宜，但合理

這是友人選的餐廳, 原因是看到有報導介紹大厨是從意大利學成回來, 於是我就抱著一試無妨的心情去吧.但打開餐牌, 一看就知有中伏的感覺, 強調是正宗意大利菜, 但菜式完全感覺不到是純意大利, 如果不是這麼強調是正宗嘢, 或者我感覺會無咁難受.最後四個人, 點了兩個頭盤, 蟹餅 & 青口, 蟹餅只係用蟹肉加洋葱煎成, 完全食不出蟹肉的鮮味, 只可說是咬下去啖啖肉加洋葱味, 青口唔夠嫩, 很一般的水準.主菜點了一個蒜蓉野菌飯, 龍蝦意粉和兩個羊排, 意大利飯軟硬程度還可以接受, 但只吃到蒜蓉味, 吃不到野菌的香味, 意大利的Risotto al Porcini 用的是乾的porcini 做, 呢個飯無論味道與香味我感覺不到有囉.最過份的是兩個羊排, 落單時係講咗幾次要medium rare, 但上到來的是well done.這個羊架怎看都不是medium rare 吧!同個侍應講我係要medium rare, 現在是全熟的, 她的反應只是"啊, 係呀", 就走開了, 跟著就一直不敢再行近我們的枱, 唯有無奈地吃了, 除了一個咸字, 再沒有其他形容詞了, 沒有羊味亦沒有香草味, 只吃到鹽的味道

其實舊舖已經好好味，估唔到而家重開！老闆去過意大利學廚，佢話芝士火鍋用左四種高級芝士加白酒炮製，由於我同老婆都好鍾意食芝士，所以特別叫老闆整濃d, 老闆完全無託手掙，真係超濃，並非出面連鎖店嘅淡而無咩芝士味的火鍋可比，同尖咀名店相比亦各有千秋，元朗鍾意食芝士的朋友有福了！老闆話好少人食到我哋食嘅咁濃，當然鍾意食淡d亦無問題，加埋佢即席烹調的一級靚配料（麵包、蝴蝶粉、牛柳、大蝦等），同芝士超夾，完全無懈可擊，四百多元二人飽飽的套餐非常合理，因為太滿足另外點了一支意大利白酒！老闆嘅心機同誠意真係滿分，會再來！一人廚房辛苦了，小店加油！

在一條燈火通明滿佈大排檔的大街上，反而一間表面上毫不起眼，但它的招牌卻吸引了我。行到埋去，間舖不大卻坐滿了人。幸好有人埋單離去，我們便坐下吃了第一次在普通裝潢的餐廳食意大利餐。我們點了店舖推介的鮮蟹餅、很美味，啖啖蟹肉，推介👍👍👍跟住點了個忌廉汁帶子煙腩肉手制意粉，但因他們煙腩肉沽清，所以比多兩粒帶子我，Good good good!! 個汁同帶子都好好味，意粉亦做到al dente, 真係估唔到間舖頭仔做到呢啲水準～最後main course, 羊同牛扒，賣相不是很好，但又再一次給我驚喜～牛扒好juicy, 羊肉嫩滑，好滿足，好回味。總括給這間店的評價很好，食物好，服務好，得悉個廚由意大利學廚回來，夠正宗，又不失創意，是一間很有潛力的餐廳小店（一開始太肚餓忘記左影個蟹餅）