意廊 (裝修中)

呢日與同事前來吃個午餐，今天只有兩枱客，共四位客人，人太少了，可惜了美味的食物。..Lunch係semi-buffet，我率先拎一堆沙律菜及cold cuts，沙律菜真的非常新鮮，我不禁添了幾次。蘋果沙律也很好吃，相信另一枱食客也有同感，因為我發現這盆蘋果沙律消耗得好快。..奉上了餐包及西式濃湯。到餐包差不多吃完時才見到餐枱上其實有油醋.....主菜我點了西冷扒，肉質稍硬，肉味未算突出，但看看價錢之後就不會要求得太苛刻了。同事點了羊架，我未有試味，但看上去好像不錯。薯條係好味的！熱辣辣又夠香脆。..吃完主菜就開始吃甜品了，整體味道不錯，其中兩款panna cotta都好好味，滑滑嫩嫩的，奶香濃味十足。..最後食埋冰條！我找到了奇異果味，吃著覺得根本係冰狀的奇異果，味道真實到不得了。.然後吃豆腐味的冰球，袋裝來的，我不懂怎麼拿上手吃，用叉篤住佢的話，未幾又滑下來....臨走前拿走了菠蘿雪條，帶著吃。味道又係真菠蘿來的，極好吃。.今餐用左指定信用卡找數，有85折。

加州特色牛油果鮮蝦薄餅 想吃即叫即整的菜式，但又同時想滿足all you can eat的慾望，Semi-buffet絕對是抵食之選，前幾晚我就來到位處九龍城富豪東方酒店內的意廊Avanti Pizzeria享受一頓豐盛的半自助晚餐。店內面積寬敞，坐得舒服，氣氛悠閒自在。歐陸風紅磚牆裝修風格，配合昏黃柔和的燈光，頗有格調。最近換上新餐牌，提供一系列意大利菜式，選擇繁多，而且在主餐牌每人加 $168 就可享用Semi-buffet，見到如此抵食，我也抵受不住任食的誘惑，追加了半自助晚餐。想再划算一點，也可選擇set menu，半自助晚餐只低至 $218起。附上牛油餐包，麵包烘得暖暖的。是日餐湯為意大利菜湯，酸酸的蕃茄味，開胃極致。湯頭濃稠度適中，味道不會過鹹，而且也下得頗足料。加州特色牛油果鮮蝦薄餅 $108pizza即點即烤熱辣辣，配料極之豐富，加入蝦、煙肉、牛油果和羅勒，蝦肉新鮮爽彈，以軟滑的牛油果入饌，清新輕盈，不會吃得飽飽滯滯。表面舖滿厚厚的芝士，可以造出拉絲效果，芝香特別濃郁，混合酸忌廉有助中和芝士的膩感。和美式硬得像磚頭的pizza比起來，意大利薄餅薄而脆，像餅乾一樣香脆，而

臨近聖誕，公司通常都會來一個節日聚餐輕鬆一下本身以為24/12，點知原來有幾個同事24/號都仲要出去做嘢，於是改早左再星期五食，當賀埋冬至；本身有唸住叫pizza外賣，但原來有同事晚上親友gathering 都係叫pizza，所以就決定外出覓食不過又由於臨近冬至，新蒲崗的餐廳多一早爆滿又難等大枱位，唯有向外求，直奔往九龍城區，同事發現富豪東方的意廊有semi buffet，咁都幾好，main course + 沙律bar 及冷盤 放題，咁main course 是即叫即整，有別於普通buffet一早整好一盤，確保新鮮炮製即日book 一行6人都有位，1點鐘到達時，餐廳其實都唔係好多客人，畢竟九龍城區也沒有太多office，又或太多選擇平日的lunch semi buffet $118起，主菜選擇也有不少，從海鮮的香煎鱸魚、大蝦帆立貝，至羊架牛扒都有，想食得casual點，也可以選擇 燒牛肉法包三文治面薯條，大家點完餐後，都立即叠埋心水前往沙律吧沙律吧為處於餐廳正門的位置，不算很大，但麻雀雖小 五臟俱全，Cold cut 、沙律菜、特色沙律之類煙鴨胸厚肉，油脂甘香而不膩；Ham plat

同事即將退休，我們一起和她食farewell lunch，當然要食好些。這間在富豪東方酒店內的“意廊西餐廳”，環境清幽舒服， 沙律吧款式很多，沙律菜很新鮮，我們4個女仔每人都食了一大盆，其實只吃沙律都夠飽。蕃茄湯很濃郁，好好飲主菜我們4人都叫了豬扒配薯仔，豬扒很鬆軟，不太大塊，對女仔來說就剛剛好。同事有會員證，有75折，折後平均每人$100，當然啦，是我們請快退休的同事……午餐要趕返工，如果下午不用工作，可以慢慢食，就最好了

相約好友聚會 ， 星期日中午， 可以不用等位，環境 ok , 地點不能太遠 ， 有可以 hea 座 …… 幾難諗，突然想起富豪酒店呢間意大利餐廳 ， 午及晚餐轉變成 semi buffet ， 價錢實惠 ， 應該要試下啦講番食物， 任食前菜 ， 沙律 ， 餐湯，麵包 ， 再加任選主菜 ， 價錢一樣是 $108 再加 10% ， 主菜可再升級加 $15 ……另選其他項目 。今天主菜分別叫了豬扒 及 加 $15 叫了羊扒 ， 份量足夠 ，味道剛好，不是重口味 ， 羊扒 剛熟，不會“鞋“ ，仍有肉汁 ……絕對合格 ，前菜有煙三文魚 ，火腿 ， 煙鴨胸 ， 沙律有 2 種 ……蘋果 及 南瓜 ， 還有其他沙律菜 ， 忌亷西蘭花湯， 幾款迷你麵包 ， 種類不算好多 ， 但每樣有啲 ， 一定滿足到個胃 , 總括質量是 ok ， 包餐茶 1 杯 ，另外每人一份甜品 …… 2 種一口蛋糕 （其實可以不食）。hsbc , hs , boc visa card , 有 8 折 ， 埋單平均每位 $105 ， 如果不升級加 $15 ， 真實都係 $100 位 …… 抵到呢！相信去一般酒樓飲茶，都要呢個價錢

約了朋友一齊食飯，係呢間餐叫了個set dinner 包自助頭盤。頭盤菜式選擇多，因為係自助形式，所以可以試很多不同款式，薯仔沙律很好味，餐包亦很出色，湯亦很好，至於主菜，揀了個煎魚扒，主菜全無驚喜，本來見頭盆都咁ok!，主菜都不會太失色，點知。。。份量細，味道唔突出，太清淡。甜品: 無特色可言，餐廳環境幾好，寧靜，可以傾到計。服務尚可，上菜速度快整體而言，有進步空間。。。。特別係主菜同甜品

一班舊同事相聚一刻，當然要找個好地方食下野啦！呢間西餐我第一次來，不過有同事已經在沙田分店食過很多次，極推介甘話。我地一行七人，叫了兩個四人餐，雖然一早知道叫多左，但套餐係抵的。最先上的是每人一個沙律和湯，又有蒜蓉包，已經唔少野，再加埋之後上的前菜小食，飯，意粉等，我已經飽飽地。同事提醒我，主菜和薄餅仲未上，唔好飽住。我同事話，呢間最靚同最抵食的是牛排，夠分量。但食物味道真係好的，而且環境寧靜，幾適合傾偈。

約了朋友在九龍城吃飯，行過舊機塲就行左入去富豪意大利餐廳，静静地冇乜人，都好試下D食物得5得，叫左晚餐，有前菜，主食，甜品及 1杯冇洒精飲品，价錢也算公道，前菜送上，火腿、冇花果、火箭菜，新鮮好味，主菜意式蠔炖飯嘩味道恰到好處，大家都搶不到互相的味道，但只是太小了，可能因為太好吃。意大利麵有質數，pizza 就一般啦，可以過得去。甜品个慕蛋糕凍，不太甜又有柚子粒，good,整體來說是不錯的晚餐，值得試下

九龍城呢間富豪東方酒店入面有好多餐廳，今次book咗其中一間主打意式菜嘅意廊，食落係有驚喜喎～一杯係雜果賓治，一杯係草莓奶昔，味道都不錯，雜果賓治如果可以多氣D就好，之後食得太多肉都想解一解～火焰威士忌岩鹽焗澳洲M6和牛斧頭扒 36oz（$635）呢客好似手臂咁長既和牛斧頭扒係意廊嘅招牌，要先預訂先有得食架！個扒一上就有職員整火焰，最岩影上IG。肉味同肉汁都OK，賣相吸引，切開有成10塊扒，真係四個人食都夠飽。不過呢個扒就唔算好重威士忌味，同埋個配汁算普通，如果有多D種類就更加正喇！雜果奶凍，個奶凍都推介，夠creamy而且生果幾新鮮，食完咁多肉再食個甜品，呢餐好滿足！整個龍蝦湯配蒜茸包，龍蝦味好正，不過同行朋友就覺得個湯有D咸，我又覺得OK～蒜茸包都正呀。重點係叫咗咁多野食野飲都唔洗$250一個人，酒店黎講算好抵食～

位於九龍城的意廊，是一間主打36oz牛扒的酒店餐廳。今天相約一班親友來吃晩餐，幾個人選擇三件披薩，二碟意粉，一碟巨大牛扒，非常飽足呢。蘑菇忌廉湯$68超級足料的蘑菇湯，菇香味超濃，蘑菇打成蓉，口感非常豐富，想吃多一碗呢。M6 36Oz 和牛斧頭扒$988 特價$635餐廳主打招牌，重36安士的和牛斧頭扒，重得我要用腰力才能把它抬起來拍照呢。斧頭扒需要預先幾天預約，吃貨們，要醒目哦。大過木版的和牛斧頭扒，外皮燒至燒香，微微炭焦，充滿濃郁牛肉香氣。切開和牛扒，內裡呈現漂亮的粉紅色，肉質非常軟嫩，牛香沖擊口腔，非常美味，質素超出預期呢。配以的薯條，炸得金黃香脆，乾身不油，薯條爸爸吃得好開心呢。

中秋做節當晚一家六口到九龍城賞月，諗住食泰國菜但又怕熱氣同辣，未試過依間咪試吓，估唔到有意外驚喜！首先坐底無耐已經有侍應細心發現我家老人家感覺冷氣有少許凍而主動較細冷氣！值得一讚！第一推係斧頭牛扒，肉質超嫰口感一流第二推介係萧香海鮮天使意！真係可以比美出五級星酒店第三推介係香煎意大利煙內雞卷！外脆內軟超juicy其他食物都ok，pizza同芝士焗海鮮忌廉汁意飯都好好味！環境舒適地方夠大坐得舒服，聽講weekend仲可以有波睇，我可以同老公邊睇波邊食嘢！正！

三五知己，突然扒癮起，夾埋就去左九龍城富豪東方酒店的扒房Avanti。每次來九龍城也是朝著泰國菜和火鍋而來，食西餐都是第一次。Avanti原來是富豪酒店集團經營，始終係酒店，質素也相對地有保證。今次我地還預約了斧頭扒！有優惠價又幾抵食，由頭盤開始吧。龍蝦芒果羽衣甘藍沙律先來一客沙律，超彈牙的龍蝦肉，好鍾意！芒果好甜，同龍蝦肉都幾爽。蘑菇忌廉湯用新鮮的蘑菇伴打出來的蘑菇湯，粒粒特別有咬感。蒜香海鮮天使麵這個Angel Hair不得之了！炒得香口，條條分明。我一直好驚喺外面食天使麵，怕餐廳煮到好餬，不過呢一碟蒜香十足，海鮮都好新鮮。意廊特色手工薄餅超級足料的手工薄餅！四式芝士手工薄餅芝士控必食！鍾意個批底好薄，非常脆口。加州特色牛油果烤蟹薄餅意式鐵板啤酒燒三黃雞一上枱就好香的燒烤味，三黃雞有淡淡啤酒味，好香口又甜甜地！雞皮唔肥所以唔邪惡。特價$288咋多人些牙都得。M6和牛斧頭扒萬眾期待的斧頭扒，燒香後肉質鮮嫩，中間部分是我最愛的medium rare，同時又有全熟的部分，就算有朋友唔食得太生都可以接受。燒烤後的斧頭扒面頭焦香，就算不加任何醬汁食都好有肉味，而且份量好多夠哂三四人食，加埋顏

去九龍城搵食，我大多數為了甜品或是泰菜，其他好像是普普通通，不會令人入腦的質素。最近，當同朋友行到腳酸的時候，驚覺龍城的邊緣，啟德的附近，酒店的地下，竟然有平靚正的隨便西餐，值得同大家分享這個歇腳亭。入到餐廳，馬上揀個靚位，坐低揀野食。我們四人決定來個前菜加雙主菜，先來沙律—龍蝦芒果沙律，龍蝦肉半隻有多，相當豪氣，但未見鮮甜，可以接受，而芒果反而夠甜(不是糖水甜，是果甜),沙律菜可以再新鮮爽脆點，調味適中，總體可以接受。再來主打的薄餅，我們點了招牌的意廊特色，15”的自家製薄批，加上豐富的材料，和牛肉粒，蘑菇，芝士，巴瑪火腿，味道濃郁，批底薄脆，要讚!見門口有新推介的啤酒燒雞，便點了，雖是亂點，但沒中伏，烤雞典型是肉很乾很老，但它一上桌已香氣四溢，一切下皮夠脆肉汁多，雖未叫得上嫰，但味道同肉汁的質素已經令人叫好，最令我欣賞是此雞不肥，沒有一粒粒黃色的脂肪體，令人食得更加放心。餐單各類款式可算豐富，意粉飯類薄餅合共都有20幾款，不怕無嗒好食，重點款款百零蚊，大大份但味道都有合理的質素，未算驚為天人，但是另有滋味

Regal送俾會員的價值$900的免費餐，因為多咗一位小朋友用餐加左個龍蝦海鮮雜燴。服務： 我真係好懷疑除了著黑衫貌似Captain的是全職之外 其餘白衣waiter都係part time。 完全唔知道邊張台乜嘢上咗乜嘢未上。 甚至邊張台order咗D咩，都唔知。攞住個菜 張張台去問。我地因為第一次座位上冷氣滴水轉台，轉台後 原台上面飲過的水杯一直冇人收直到有下一台客坐低。食物：見到旁邊台的客人點咗斧頭牛扒賣相係唔錯。但係我地的order簡直係惡夢。 加點的龍蝦海鮮雜燴本來係配蒜蓉包。點知道係分開上，個菜東曬 ，包都未來。 個套餐 湯上先，好似罐頭湯未煮滾，一舊舊。最好笑係廚房出多咗，個黑衫就將個湯送俾旁邊台，遭到那台客人投訴：'你唔會以為送俾我我就要，你個湯係酸嘎 周打湯酸即係變咗，送俾我都唔敢食。' 。我後來先見到個湯配corn cake， 我真係冇食過。 廚房做餐完全冇次序。一個主菜上咗 另一個隔咗45分鐘都未上 要猛催。 菜的味道。 黑毛豬扒乾到好似豬肉乾咁樣。唯一似樣的係甜品。 上完主菜上前菜，簡直亂七八糟😡😡😡😡。仲搞笑係餐飲的咖啡，配的唔知係咩奶 用水開希白色的糖水。 從

The price was affordable as my family ordered the lunch set. Customer service was great, the waitress was polite and always had a smile on her face. Food wasn't disappointing either, I really loved the pizza! The crust was fresh and the toppings went well together. The dessert was also one of the dishes that I enjoyed too, the sweet vanilla pudding tasted amazing with the fruits on top. Definitely coming back again with friends and families! Great place to have lunch, the environment of the rest