意樂餐廳 (+WOO嘉湖一期)

營業中

休息中

唔係第一次光顧呢間連鎖餐廳,但打食評就第一次。今晚3人晚膳。主食:$54 77105意式蕃茄豬扒小鍋配珍珠飯 +野飲半價$11芒果JELLY冰冰蕃茄醬超足夠,食晒飯D醬汁都重係多,賣相都唔係差。豬扒味道中規中舉,唔算係好特別...$51 77025墨西哥瘋狂辣肉醬溫泉蛋焗意粉 +野飲半價$11抹茶紅豆冰冰唔好睇少佢既辣醬,真係好堅秋,食得辣都覺得辣呀!!!但辣同芝士係好夾~ 食落完全無違和感~$64  77118 安格斯牛柳炒珍珠飯+野飲半價$9熱即磨咖啡炒飯係無咩特別,但係粒粒飽滿既珍珠米,配一粒粒既牛柳粒,令每一啖都零捨飽肚小食: $28 77123瘋狂辣肉醬芝士焗脆薯條個醬係同我個意粉一樣嫁~鐘意呢到係因為價錢夠平,而且食物質素唔差,份量又夠,希望一直保持水準。 飲品都整得有誠意,家人對即磨咖啡亦表示可以。出面食個意大利飯閑閑地都過$100,呢到幾十蚊就食到意樂餐廳地址:天水圍天恩路12-18號置富嘉湖地下G77-78A號舖電話號碼:24509100

下午三時多，跟家人到了意樂餐廳試試它的下午茶☕️翻開餐牌，看到它們的選擇頗多，有西式如西多士丶三文治等；有意式焗飯和意粉，如番茄蜆肉扁意粉丶芝士雞肉焗飯等；亦有茶餐廳系列如流心蛋丶雜菌湯米粉等，食物選擇多元化😊今天我點了漢堡扒雜菌湯意，湯底清新，意粉不會太＂林＂。媽媽點了招牌雞扒包拼沙律，雞扒包味道出色，中間夾有番茄和千島醬，新鮮丶夠熱，口感不俗👍🏻。沙律有青瓜丶生菜丶車厘茄等，配上胡麻汁，好味😋爸爸吃雞扒包配薯條，薯條略為乾和硬身。價格方面，都算抵食，三十至四十元一份，包有餐飲一杯😍

本來心血來潮準備去另一間意式餐廳吃肉醬意粉，沿路這間Itamomo出現眼前，環境看來不錯，看看餐牌很對口味，便臨時轉軚進去了。點了*意式鮮茄肉醬扁意粉，另加 *水牛城辣汁烤雞翼，餐飲選了 *熱即磨咖啡。*意式鮮茄肉醬扁意粉，上桌焗得熱辣辣，香噴噴，芝士給得很豪爽，夾起更有拉絲效果，贊。肉醬香濃，濃稠合宜，意粉靭度適中，加了一片茄子和小量菇菌更顯誠意。*水牛城辣汁雞翼 我放了一下才吃，入口卻仍然皮脆肉嫩，兩道菜都滿意。*即磨咖啡 比常見的份量大杯，我很懷疑質量會差，入口卻是香濃的，滿意，用餐過程唯獨服務員下單枱號出錯有點亂外，食物質素和價值整體是令人滿意，性價比高。

連鎖餐廳係銀座叫做開左唔係好耐今次係第二次去食😂用餐時間大約9點 人流唔算多環境都幾靚 🤓餐牌選擇都算多，有pizza ,豬扒，牛扒，拉麵，意粉，焗飯，焗麵，想健康重有沙律🥗😂另外特飲都有幾款選擇😂平民餐廳算唔錯🤓上餐速度快環境 服務態度都不錯👍🏻最後叫左個安格斯牛扒唔係好得好多筋 勁似擦膠 咬勁耐都咬唔開 雖然話唔係特別貴 高級扒，但比普通牛扒難食🤷🏻‍♂️下次都係食返其他Btw 焗意粉 同 咖哩雞飯味道不錯👍🏻可以再食

意樂同百份百餐廳都係同一集團下既食肆前者係西餐廳 加走少少fusion路線 後者則係港式茶餐廳既然上次已經試左百份百 依次就試下意樂依日係週末黎 午餐時份已經人頭湧湧淨係等入座都等左半個鐘 認真旺場餐廳週末都仍然提供lunch set比起平時散叫平$2-$3 而且仲包餐飲或餐湯 都幾划算~等位期間我地已經諗好食咩所以入座冇耐好快就落好單我地一行三人叫左一份西西里鮮茄烤豬排焗飯、咖哩雞飯同白汁香草芝士焗薯條share過左冇耐野食就送到黎 幾有效率而且仲好熱辣辣~不過食物味道就有少少強差人意...個蕃茄豬排焗飯賣相雖然好吸引 但味道就唔係咁討好首先焗飯用既西西里蕃茄味道偏酸 冇一般蕃茄既香甜味用黎製作焗飯既醬汁自然令飯既味道大打折扣因為醬汁可以話係焗飯既靈魂所在~而且醬汁份量唔太多 只係單純地覆蓋住飯既表層食到底開始唔夠醬汁用~其次個飯雖然話係炒底 但炒得並唔香口蛋既份量過少 令飯缺少左應有既金黃色澤...而且飯炒得過散 大大破壞左米飯既口感雖然餐廳聲稱用上珍珠米 但感覺米飯並不如珍珠米咁晶瑩剔透同有口感配料上 佢同一般市面既豬排焗飯唔同 加左茄子、南瓜同荷蘭豆 味道有d唔夾唯一較值得欣賞

九點七入去，前後兩個侍應九點九問仲有冇嘢叫，要截單，我地話冇喇，轉個頭另一個伙計過黎埋單，都正常嘅，不過欠缺禮貌，然後即刻漂白水拖地，前後兩次過黎收餐牌，要拎埋俾佢，又再放餐牌，已經感到催人走㗎啦，仲騷擾人食飯，好明顯趕住收工，有冇諗過冇俾時間人地安安樂樂食飯，連15-20分鐘真正食飯都冇，員工又冇禮貌，黑口黑面，爭佢錢咁，慘過同佢乞咁，絕對唔會再幫襯食物講真真係麻麻，真係中曬伏，想食幾樣嘢都話冇，同埋我想講，如果客氣少少同客人講埋一埋張單先慢慢食，人地都會識做，唔洗又洗地又盛，我知隔離嗰間美心都係咁，但你價錢貴過人呢，係咪有番應有嘅服務呀，咁我食美心好過啦，食大快活都唔會有人催你同黑面，食三百蚊呢間垃圾餐廳