意樂餐廳 (新都城中心二期)

營業中

休息中

有兩款新飲品不用加錢便可以飲凍飲所以試下草莓茉莉茶 和紅石榴茉莉茶飲完之後嘻嘻我下次都係會繼續飲返我嘅利賓納啫利冰冰或者凍檸茶小冰小甜長棍西蘭花bb爽脆嫩嫩的，味道幾好沒有臭青味就是油太多，一咬落去個個花嗰度立即成口油這個燒雞飯半隻燒春雞配白飯 做緊特價68元性價比高隻雞燒得香噴噴味道唔錯可是今晚啲飯硬咗少少豬骨湯海鮮拉麵安全之選面底好多食極都食唔完 不過啲紅蘿蔔太生了，很硬油鴨肶管意粉意粉粗粗的中間就好似飲管一樣很有趣亦都非常飽肚雞肉管意粉龍蝦汁意大利飯這個真是有進步的空間 首先龍蝦汁太淡了另外唔夠creamy 因為成功的意大利飯應該是每粒飯都掛上厚厚的醬汁以上的似龍蝦湯泡飯多過龍蝦汁意大利飯

服務態度惡劣，大聲呼喝老人家，批評老人家去錯枱，令人非常反感，今時今日仲有這樣的服務態度，不會再來😡😡😡🤬🤬🤬🤬難怪香港食店做唔住！倒米員工！！令人討厭！！

同小朋友上完興趣班，就去新都城二期搵食，小朋友因為上次食咗意樂餐廳覺得好味，於是再帶我去食多一次。去到餐廳見到有空位，於是就直接入餐廳坐低叫嘢食，我哋叫咗個日式肥牛炒烏冬（走青），同埋一個洋蔥牛肉流心蛋飯，加咗一杯雪糕紅豆冰，午餐嚟講都算經濟實惠，但食物質素有進步空間，希望下次嚟食會有改善。日式肥牛炒烏冬（走青） - 睇落賣相OK，聞落去味道都好香，但個餐冇走青，食落原來仲有一浸燶味洋蔥牛肉流心蛋飯 - 有好多洋蔥同牛肉，小朋友鍾意食，加上流心蛋，幫呢個飯加返啲分

今日1月13日，晚上，3位，在新都城意樂叫火鍋加長通粉，廚房唔睇單，火鍋比漏一碟牛肉，叫左3個同事先拎到出來，每一位都來問有咩事可幫忙，講完，又跟唔到，唔通係part-time ?又講吓湯底，叫左龍蝦湯，變左意大利蕃茄湯，經理+收銀死口話係龍蝦湯係加左蕃茄，又加左芝士，係有d白，係咁樣既紅色，明眼人一睇都知龍蝦湯係橙色架啦。睜大眼睛說謊話，老花定眼矇？少事化事，發現進餐時，其他枱叫火鍋都懶野，錯單，漏單，難道廚房又part-time ?完全無heart 工作態度。如果唔夠人，可以管理層不加新菜式，做好拿手菜，伙計唔用心，多款都無用。大家都有選擇，大家想清楚先嚟食。

進去意樂嘅一刻简直係心頭好，一落座就揀咗一份蛋黃煙肉鮮菌卡邦尼長通粉同芝士薯條。講真，嗰份長通粉，勁！卡邦尼醬汁濃郁得嚟又唔膩口，煙肉香味撲鼻，仲有個流心蛋淋上去，味道好夾，真係好正！而啲薯條就香脆得來，芝士醬好惹味，真係停唔到口！黎到慢煮秘製咖喱雞珍珠飯，味道好夾心，珍珠飯彈牙，咖喱汁香濃得黎唔會過辣，但我就覺得佢可以再大方啲汁啦，咁樣嘅秘製味道真係可以多啲唔會嫌得住！成個午餐過程中，最出彩要數蒜蓉牛油多士，厚切香脆，蒜香撲鼻，每一啖都係幸福感！而家諗返起啲咖啡同奶茶，舒服得滯，沖淡啲食物嘅油膩感。實話實說，來到這間餐廳，從食物質素到坐得舒服度都實在唔錯，下次邊有心情低落，黎意樂搵食，保証心情大好！🥘🍟🍝

我今次就叫左肉醬芝士千層麵同埋雞肉芝士焗飯，而我就覺得兩個都好好食不過可能份量比較多同埋芝士嘅份量都比較多所以食落去都偏膩，不過佢地價錢都算係親民嘅範圍內，但係佢地嘅環境好高級😍😍係一個好適合約會嘅地方🥰

而家每個商場都會有一間百分百嘅集團，意樂我都經常食，但係講真價錢貴，但味道係真係唔錯嘅！ 今次食呢個龍蝦湯海鮮麵，佢個湯底真係好好飲，蝦同埋蜆都足料！ 麵係天使麵，幼身，我幾鍾意食小朋友都食得好開心舔舔脷，但係唔夠分。另外杯嘢飲係柚子梳打？超級酸！為加咗一半水都仲係好酸。 整體佢其他餐都係好好食嘅今日

意樂真係好多選擇，我一般都會嗌牛扒配黑椒汁，但今日就揀咗呢個海鮮意大利飯。賣相唔錯呀，味道都OK，口味偏重，海鮮唔算好多，但呢個價錢嚟講， CP值真係好高！ ！ ！ ！

煙熏鴨胸意大利湯麵很好吃 ,但馬馬虎虎的服務"意樂餐廳將軍澳"smoked duck chest pasta soup is tasty, but so so services.之前也幫襯過幾間不同區域意樂餐廳有堂食有外賣,由大角咀,慈雲山至港九新界.....快平靚正！港式大衆化意西式現代化茶餐廳走平民路線！談不上服務態度很好但也還可以.今次來到將軍澳,可招呼落單無乜反應“超慢”！全場好似只有2店員一腳踢？！但見到宣傳餐牌煙熏鴨胸意大利湯麵茶餐好似幾正🤩咪叫碗試吓！最緊係要加必食“半熟蛋”😍呢個集團有多個不同餐廳但相同是“蛋”間間都咁正！額外多叫了杯特飲（影漏）意大利“湯”麵真要試吓?!其實我也很希望西式麵條可放入湯,不謀而合🤝不負所望😋！很快有得吃,大大碗,2大塊煙熏鴨胸油香四溢,外小小焦脆,內肉質有咬口但又唔會太實,濃淡適中茄湯,麵條軟硬適中.最happy扑穿“半熟蛋”沾上蛋汁一起吃😍perfect!諗住趙完鬆,但見收銀枱空空無人,又要等俾$,可是收銀員也是氣沖沖趕到,鞋口鞋面,唔好意思要等咁耐都無句？！只顧收$！收完$多謝都無句,撇得總快過你,走去do其他嘢,彩你都儍！之唔係唔夠

意樂餐廳開喺我屋企樓下真係好方便，佢哋又有意粉，又有牛扒，烏冬，連咖哩都有。份量中望落規中矩，實際上一個女仔來意樂，多數個午餐/晚餐都係食唔曬的，Cp值高，整體味道偏濃，岩曬重口味人士！

FOOD PANDA外送,外賣芝士薯條, 係一個大伏佢係撈芝士, 送到黎芝士都已經杰曬而且薯條已經淋得有點誇張...見到都唔想食了__________________________海鮮烏冬, 太濕太淋係餐廳煮得太淋定外送用了很多時間?__________________________

星期日估唔到下午茶，5:00PM左右竟然冇人, 唔通個個睇波搞到個人有時差, 唔洗等位直入.待應唔夠人手，建議真係加多兩位。好難叫餐。好鬼鍾意呢度D 凍0茶. 平時炸脾呢D鐘數度度都賣晒, 佢竟然仲有. 不過想講. TEA SET 選擇真係好少.（漢堡扒，牛仔麵呢D本人真係好麻麻。） 正常叫完應該可以俾人再加錢要多碗粉麵…………. 我叫呢個牛角包沙律炒蛋. 明明張相係SHOW 炒蛋另上, 但上枱卻是包左入個牛角包入面…… 咁濕叫個客點食….. 上餐唔算耐, 不過呢間成日上錯餐….

見到很多食評都是介紹下午茶，我也try try.打開餐牌見到有很多款式的選擇，除了炒飯，意粉，豬扒包，牛角包，西多士等等，還有湯粉麵餐，確實選擇很多。今次我試了豬扒包，整體賣相不錯，不過略嫌薯條比較硬，應該是多次翻炸，口感不是很好，而豬扒包肉質很軟，整體味道及份量都不錯。我還付加點了芝士煙肉焗西蘭花，勁多芝士同煙肉，西蘭花夠爽。賣點是抵食，才$16。真係油菜的價錢就享受到，所以下次還會食，整體評價：80分。

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥📍意樂 🤍炸雞髀 45蚊雞脾炸到好脆，肉質唔老好嫩滑醃料夠味🤤🤤配埋薯條🍟又香又脆口～下午茶黎講份量好夠飽🤍紅豆冰 花奶一啲都唔吝嗇，好重花奶同紅豆味，飲落去香濃滑口

新都城中心食肆都非常之多，呢間下午茶兩點鐘開始都算屬於早開始之一。未夠兩點鐘已經可以坐低，冇幾耐已經有下午茶餐牌，望下有乜食先下午茶撰擇非常多，有炸雞脾、即食麵、天使麵、西多士、牛角酥、即焗飯或意粉、豬/雞扒飽、長通粉、炒飯、意粉、三文治等，真係各式其式，睇到眼花繚亂！最後揀咗燒雞肉流心蛋即食麵及炭燒雞扒飽餐燒雞肉流心蛋即食麪配蒜蓉欖油多士，餐茶要咗熱即磨咖啡。麵好普通反而塊多士好食，即磨咖啡唔錯，非一般茶餐廳貨色。炭燒雞扒飽配田園沙律，餐茶要咗熱奶茶。雞扒飽塊雞扒好大件，夠熱又燒得啱啱好，田園沙律醬汁用嘅係千島醬汁，啱哂我口味，至於杯奶茶都 ok!