意樂餐廳 (禾輋廣場)

營業中

休息中

禮拜日唔知食咩，通常都會出街食，依家唔使排隊，入邊都坐咗七成滿，就入去食。仔仔鐘意食麵類，叫左個茄汁芝士雞肉丸意粉比佢。都幾大碟，有5-6粒芝士雞肉丸，好多雜菜，有車厘茄！紅腰豆！洋蔥！脆肉瓜！枝豆。個蕃茄汁有肉醬，但係肉醬有好多硬既關節位，所以咬唔到。仔仔表示個意粉有啲硬，我都覺😂我哋仲叫咗個夏威夷pizza，係有海量嘅配料，有肉醬有菠蘿同埋有火腿，真係海量，因為個皮好薄，根本拎一塊都會跌晒啲料出嚟😂😂老公叫咗個脆魚柳奄列蛋飯，今次啲雞蛋有啲少，同埋啲汁都有啲少，但係魚柳都好食嘅。仲有特飲個士多啤梨有少少難飲😂😂要返普通檸茶檸水算。

開到通街都係嘅意樂, menu選擇都算係多, 今日見終於有返個飛魚子三文魚炒飯就久違食下水要自助, 但黎十次有八次都係無水, 又要等refill想揾staff幫手, 揮手揮咗兩三分鐘先有人黎, 睇真啲十二點半peak hr嘅lunchtime 啲staff大摸斯樣坐喺度食lunch, 無食緊嗰啲又選擇性失明, 唔怪得唔夠人手啦, 總算終於叫到個人黎後對應都算係咁, 幾快手就落好單飲品叫咗少冰但上到黎啲冰都係佔咗三份之二個杯, 杯邊又唔抹下真係呢個價錢 一啲extra都唔會俾你, 好彩叫做有個柄可以拎下, 唔一定要整污糟手叫咗個黑椒汁豬扒炸雞飯, 豬扒幾好食唔會鞋, 炸雞略乾, 但啲飯呢 我理解唔到點解要ut到咁實, 好影響口感, 而且都好難索汁, 汁嘅份量就算係咁, 如果可以再多啲仲好三文魚炒飯一如既往幾好食

第一次黎意樂食下午茶，又唔係太肚餓，見到有牛角包餐下午茶，而家香港有牛角包嘅餐廳小之又小，即刻叫黎試下。牛角包好香脆，配埋芝士火腿同埋個醬，好味，仲有啲沙醬菜配搭，正。

晚餐時間，8點左右在餐廳點了鐵板芝士牛扒，要求七成熟。餐點送到後，先食咗薯條同菜，之後切開牛扒時，發現肉質只有三成熟，遠未達到原來要求的七成熟。通知了侍應，請他們轉告廚房，希望能將牛扒煎至更熟一些。過了十分鐘，侍應端上煎過的牛扒，但牛扒不是放在鐵板，而是放在一隻好細的梯碟中，只能剛剛好容下了牛扒，讓客人很為難。由於切唔到嘅關係，之後再請侍應叫廚房換回鐵板上。餐廳和廚師對顧客的服務態度真的非常之差。以後也不會再幫襯呢間餐廳。

好少嚟禾輋商場，估唔到呢度有街意樂餐廳喺門口望佢嘅餐牌已經覺得好多嘢食。我同朋友一人叫咗一款嘢食，我就叫咗個咖喱牛腩飯，呢個咖喱汁好啱我因為唔會好辣，牛腩都好腍好好味。而朋友個牛肉飯佢都話好好味。

落單時 問咗熱飲係唔係送（如menu所示）服務員無答之後話要熱柚子蜜單據顯示收$11 同服務員了解後服務員表示柚子蜜係特飲（menu只見蜜蜜飲）我一淡都無飲，只係見送所以叫退款後，女服務員大大聲講唔識睇餐牌另外，食物質素如圖 （圖為吃完貌）非常吸引烏蠅🪰哥

住附近食幾次收銀態度極差 問佢攞單泊停車飛 好似打佢工咁欠佢嘅咩 唔明佢係咪天生 講嘢 冇禮貌 唔知咁大間公司點會請呢啲人 服務業嘅位 請呢啲人死得 破壞曬公司形象 短時間唔會再幫襯 將來唔知

意樂係我一直幫襯開嘅餐廳無論堂食定外賣都好喜歡！尤其係佢哋嘅炒烏冬首先係用日本嘅烏冬，扁身嗰隻今日外賣，叫咗豚肉炒烏冬豚肉係用五花腩，好香 又易咬開肉既份量重要好多烏冬都炒得好入味其次，最鍾意佢哋嘅檸檬茶第一次叫可能會覺得好奇怪，點解冇檸檬？原來係已經Mix好晒！超方便又好飲值得推介！

意樂越做越臭串，舉手落單，又扮唔見，啲眼神好似欠咗佢咁之前茄湯通粉真係好欣賞有選擇依家連轉個米粉都無得轉不過仍然都好鍾意佢嘅多蒜蓉多士、凍音樂檸檬茶、凍奶茶、茄湯所以點咗個下午茶餐，超豐富極

每到放工都總會想起呢度嘅下午茶，喺同一個商場搬咗地鋪後第一次食，明顯地方大咗又坐得舒服Order個輕盈tea set🍞奶油多+檸檬茶$27呢道嘅手沖檸蜜茶一直都有水準帶鮮檸蓉又濃又清新配埋香噴噴鬆脆多士加埋奶油🧈真係好好食

以為開喺屋邨係做街坊生意，點知愈做得耐嗰位阿姐態度就愈差，非常唔專業！仲要企喺門口收銀位，一路講嘢一路皺晒眉頭，講說話只會講一次唔會重覆，仲眼定定望實你！帶住口罩都feel到佢黑面，一副極不耐煩嘅態度，只係落個單唔係太困難吧？點解要顧客難受呢？！外賣出咗放喺收銀後面櫃又唔叫號碼，要顧客一直企喺門外白等！！！離晒譜！雞扒入面煮得唔夠煮都算，睇返食評原來唔止我一個係咁，仲要咁嘅態度硬要人難受，唔會再幫襯！！！

今日放假特登走入禾輋意樂下午茶，原來搬了去地下，叫了一個雞扒香腸公仔麵，來了雞扒炒蛋公仔麵，都算了，一放入囗，咸到不得了，於是請姐姐可否換過，姐姐拎走後轉頭問我一係幫你加番D水落D湯度，吓！？咁我話不如換蕃茄湯底，換過之後，公仔麵咸味依然，開始懷疑我係咪有新冠後遺症，味覺出現問題，立即埋單，去第二間食過，結果我係冇問題。其實我從來唔寫食評，今次真係頂唔順，希望佢哋遲D有所改善，我仍會去其他意樂分店，但這間不了。

 在早上10:05坐到埋位 隔咗5分鐘後 落單舉手舉超過三分鐘 10:14見住D阿姐望過黎 扮冇度 仲要全部在場嘅樓面望住都仍然沒有反應 難道真的行一步都不能？10:30啱啱才早上就已經忙到行唔到？講左吾該落單 都冇人應 因為新開特登過嚟光顧 結果服務態度未如理想 之前樓上到餐廳同樣也是這樣故不知新開的舖頭服務態度比之前仲差很失望 就算沒有人手但唔應該這樣對待客人 連轉頭先落單都沒有說 而家嘅餐廳服務態度差到這樣 要特登行出個位去收銀嗰度落單

餐廳服務員態度差勁，叫極都唔過嚟嗌餐，話佢知雞翼未熟，淨係冷淡處理，完全覺得冇問題咁樣🤮裝修完之後完全唔值得再食！服務員大部分都係度偷懶傾計，令人覺得好失望！

收工同媽咪食下午茶，呢間平民西餐由二樓搬咗落樓下，有啲員工啲態度真係有待改善，果陣下午4點半，門口無員工截住啲客話要拎飛，咪行入去見位就坐，咁見到有個女食客就黎食完我哋就搭住枱先，照落單，員工無問我哋3個係咪一齊，女食客食飽就去埋單，原來落單嘅員工將女食客嘅單計埋咗同一張單，仲話返我哋卡位係唔可以搭枱我哋嗌咗一個豬扒包、兩個天使麵，賣落枱就放低一個天使麵，佢架手推車嘅第二個天使面冇擺低想攞返入廚房，我媽就話我哋嗌咗兩個，就係落單果個員工話：你又唔早啲講嘩真係食到一肚氣，好似好巴閉唔憂做咁，啲嘢食幾平幾好食都冇用