意樂餐廳 (寶熙苑商場)

營業中

休息中

一個晚上同女朋友去咗長沙灣要搵野食又唔知食咩好冇乜要求嘅我就想是但去間茶記食個晚餐所以就是但入咗一間茶記食求其入咗間叫Ita momo嘅茶記選擇都幾多嘅 餐廳整得都幾靚幾好睇嘅易睇舒服當晚比較夜去到 好似係九點左右所以都冇乜人食緊嘅白汁芝士焗海鮮扁意粉 $60叫咗個扁意粉食感覺賣相都唔錯嘅食落一般般 唔算好味白汁唔夠濃海鮮都一般般 調味唔夠份量都唔算多西西里汁雞扒滑蛋飯 $53個汁好酸下雞扒一般 唔夠香同蛋嘅配搭唔多夾一般般嘅飯最後有加十蚊杯嘢飲朱古力冇乜味

tastes good, customer service is good. great value for money.would recommend for those who like western cuisine! lunch sets are good! have been here multiple times and food is always great!

今個星期日休息日，一家大細走出新界，到九龍行街，早上列牌菜番餐西式早餐。早餐做到11時半，對星期六日要睡晏些的家庭照顧到，來個豐富早餐(可加$追加多士，麥皮，通粉)那可以在早餐吃過飽飽，不用吃午餐了! 而且店員很好，我曾經試過11:32分了，她仍然給我柯打早餐。那天叫了沙嗲牛香菌通餐，流心蛋餐肉即食麵餐， 番茄蛋三文治餐，沙嗲牛好吃，菇有炒過很香口，但湯底有D肥，通粉Q彈牙，都OK。餐肉流心蛋即食麵，流心蛋好有蛋味，但餐肉份量較少，茄蛋三文治烘底不用加錢，份量足，好好吃，但奶茶的茶味和濃滑度都是傳統茶餐廳較好。P.S 這店環境舒適， 侍應很有禮貌。

晏晝同老婆落屋企附近搵食，好耐無食過意樂，就行去食下。點幾鐘餐廳入面都唔算太多人，大約七成滿。叫左個挪威煙三文魚海鮮pizza同埋白汁吞拿魚肉醬焗長通粉，一杯熱檸茶同一杯菠蘿乳酸特飲。Pizza望落去好似好正，成塊都佈滿芝士，對於我呢個鍾意食芝士ge人黎講，見到都流哂口水。不過，食落原來就無乜芝士味，個落差真係幾大，少少失望～不過整體味道係可以接受。呢個焗意粉都幾得意，原來係一半肉醬，一半白汁。食落都幾好味，白汁夠味，肉醬又唔會太咸，唔錯。整體黎講都唔錯，可以一試～

呢間平時經過左好多次都無入去食，今次同屋企人一齊試。大約夜晚7:45去到門口就已經直接入得，一睇個餐牌，價錢都係中等價位，大約60-100蚊一個主食或小食。睇完一輪最後叫左安格斯牛扒，黑松露煙肉菌皇忌廉意粉，柚子蜜味芝麻烤雞翼，蒜容包。安格斯牛扒(六成熟) 配薯條，賣相唔錯，塊扒幾厚身，但食落又唔算好JUICY，有少少韌。薯條就好好食，好脆，不過如果薯條份量可以再多D就更好。黑松露煙肉菌皇忌廉意粉，味道一般，無乜味，睇落好多汁，但其實食落去又唔夠CREAMY，如果當係一個清清地既意粉係幾唔錯的。柚子蜜味芝麻烤雞翼，有4隻雞翼，食左一隻先記得影，個雞皮好脆，外脆內軟，入面D肉都算滑，有點點JUICY，加埋柚子都係一個唔錯既小食。蒜容包，16蚊就有咁3大塊實在抵食，而且成塊都係搽滿蒜容的，唔似其他地方好多時都係搽一兩野得果少少就叫蒜容包!整體係呢區黎講，係一個乎合性價比的餐廳。

今日去左意樂餐廳食野,行左成條街都搵唔到d咩岩食既,就去番熟悉既意樂餐廳,不嬲都樂鍾意呢間餐廳,因為好多選擇,又要好平好抵食,連晚飯時間都係講緊60蚊左右一個飯,今日叫左個黑松露磨菇扁意粉,想食得清清地,唔想食咁多用,所以今日叫左個白汁既,平時多數黎到都會比塊扒吸引住,黑松露味都ok,可能今日想食清d,所以都無咩期望,同埋值得一提既係呢到既白湯我自己好鍾意飲,比較杰身比較飽肚,意樂餐廳唔會好高水準,但一定唔會令你失望,快靚正多選擇之選👍🏻

第一次食意八仲係讀緊書果陣係馬鞍山店食，當時好鍾意食佢既雞肉/牛肉炒珍珠飯。隔佐一年冇食，宜家係長沙灣做完gym見到，當然要回味當年味道。今次例外叫佐個日式拉麵，配個粟米濃湯（送餐湯）。濃湯每一口可以食到打碎粟米蓉，湯既制度都creamy，可以加少少胡椒點綴。至於拉麵就不過不失，可能我口味偏淡，所以覺得個拉麵比較鹹。總體來講我覺得意八都算係價錢合理，選擇亦多（同埋唔會趕人走），如果想再平啲可以選擇下午茶時間幫襯～

睇食物選擇就似大XX 果類快餐店, 但款式多少少, 叫左個TEA SET, 係蕃茄豬扒意大利飯。意大利飯就唔似架喇, 應該都是普通米, 但煮得幾林, 幾多汁GE。 蕃茄都好多, 夠哂蕃茄味, 豬扒就是一般煎豬扒, 但細塊左D, 骨就大大舊.... 普普通通吧, 算平GE。下次想試下佢D 三文治/意粉, 我見人地個公司治好大份呢~

來到深水埗保安道的一個商場，見到這間越來越多分店的餐廳。記得以前我去過青衣和沙田的分店食過，嘢食都OK。最令我印象心刻的是它們都參加了咪嘥嘢食店計劃。今次來到深水埗呢間分店，唔知食物係咪都OK 呢? 試試就知。時間有些唔三唔四，又未到晚飯時間，就食個下午茶餐吧。其實，有好多人和我一樣，都係來食下午茶餐。選擇有很多。最終選了 【香草野菌忌廉天使麵配即磨咖啡 $35】，再追加一份【水牛城辣汁雞翼 $9】【水牛城辣汁雞翼 $9】Buffalo Wing，以係九蚊雞乍! 大大隻，炸得香，仲有就係個辣汁，好出色!【香草野菌忌廉天使麵】都好高質素。去較為高級一點的餐廳食的話，閒閒地要收八、九十蚊。忌廉白汁雖然多咗啲，但係，天使麵吸收咗忌廉汁就好好味。再歎埋杯 coffee，就真係 very good!我覺得呢個下午茶餐好抵囉。

這間集團式嘅餐廳，因為裝修靚，餐單設計又正，早年殺入長沙灣已經即時爆紅咁舒適的環境，食物質素之高非一般茶記，午餐、下午茶、焗飯意粉，都非常有水準。晚市更加有扒餐，特色一人火鍋，以至pizza,特色飲品樣樣都正單看早餐，西式做法的野菌牛肉通粉，健康美味，蒜蓉多士內脆㚈輭，topping還有調味香草呢🌿，配即磨咖啡都係講緊$29.-值得一提，服務員都訓練有素，親切有禮，還記得去年八號風球襲港，意樂仍然風雨不改，繼續為街坊服務，所以說左鄰右里，最喜歡你

一間連鎖餐廳都能給予人高檔嘅感覺，呢間可以話係佼佼者無論係環境、裝修都在水準之上，猶於置身高級意大利餐廳之中！仲記得佢初初開張嘅時候，我誤會佢一定係一間好貴嘅意大利餐廳，經過幾次都冇入去，卒之有一次試過之後，無論早餐午餐同晚餐都有試過，食物質素一定超乎你預期價錢平到你唔信，下午茶時間可以係二十零元起，但絕對唔會將價就貨其實佢係一間連鎖店，喺其他地方都已經有分店，真係誠意推薦大家去試吓呢間餐廳，包你有意想不到的感受！

平日兩個人會幫襯下意樂。而今次嚟到意樂，叫左一份加拿大安格斯牛扒，雞翼，同埋鰻魚炒飯。甜品就試咗個焦糖燉蛋。而安格斯牛扒成個套餐係唔錯嘅。首先講下個安格斯牛扒啦，佢包括一碗蘑菇湯，主菜安格斯牛扒，配菜都有薯條，三色椒。蘑菇湯味道一般，冇乜特別。而牛扒呢，就性價比高。一落刀就知塊扒幾淋，肉質唔錯。而配菜薯條令我跌眼鏡，難得唔錯。加上自己不嬲喜歡食三色椒，所以幾鐘意呢個安格斯牛扒套餐。但套餐不包括餐飲，只係嗌某啲嘢飲半價。鰻魚炒飯，可以話係隔一次嚟就會叫一次。幾足鰻魚，鰻魚汁唔會太重味。份量足夠一個人食。小食雞翼一般，比起其他餐廳嘅雞翼，冇咁入味。焦糖燉蛋就唔掂喇，上菜時已經有啲凍，好似整咗好耐咁。蛋面嘅焦糖遮唔到燉蛋面唔滑嘅事實。不過有時出街諗唔到食咩既話，考慮下試有唔少分店既意樂啦！

星期六一大早要落李鄭屋泳池附近開工，預早小小到達，一場嚟到當然係食翻個早餐先正式開工啦，今次第一次幫襯意樂，老實講係比佢嘅外觀同裝修吸引咗先。坐下來點咗個自選雙拼意大利蕃茄濃湯早餐；～ 鮮野菌加炒蛋配蕃茄濃湯配米粉幾好，食得出湯底係用真蕃茄煮出嚟嘅濃湯，唔係茄汁加味精水果種。。。炒蛋小油、配上野菌同小小嘅椰菜同米粉，清清地，非常適合做一日開始嘅早餐，好快就清哂。～ 熱奶茶正正常常嘅港式奶茶～ 可以！餐廳光光猛猛、乾乾淨淨、同一般傳統嘅港式舊派茶餐廳唔同，期待下次再嚟試吓午餐嘅質素！

今天早下班，所以有機會趕在六點鈡下午茶結束前享用美食。下午茶可以當晚餐食，即省錢，又可以避免太晚吃飯而發胖，一舉兩得。這間餐廳原來是集團經營，香港九龍新界都有他們的分店。我食的這家靠近深水埗的東京街，原本我不是要吃這間餐廳的，但剛好經過看見擺在外面的餐牌，發现下午茶有很多選擇，然後順著感覺就走進去了。一看餐牌，選擇除了有西餐，還有中餐小吃等等。價錢方面，說實在的，是便宜的。再加上舒適的西式裝潢，坐在餐廳里倍感舒適。讓我驚喜的是，他們 serve 的 warm water 竟然有淡淡的檸檬味，讓我每喝一口都感覺愉快。我和夥伴點了兩個下午茶套餐，包括一個西西里豬扒焗飯、一個雜菇番茄扁意粉湯和兩杯咖啡。另外我們還點了三元的蒜蓉包和八元的雞翼，埋單才七十二元。香港的確是美食天堂，所以我也不知不覺變胖了。

香港特色 - 茶餐廳 - 新式茶記- 提供多款西多士(eg.抺茶),、炒粉面、焗飯 / 意粉、凍0T、奶茶、仲有多款特飲... 口水已流 (愛)- 走到世界盡頭, 只有茶餐廳才會找到家的感覺 是日點餐: 火腿雜菌長通粉- 好creamy, 好heavy....- 份量足夠的- 味道正常, 不太淡不太咸熱0勿- 味道ok, 檸檬有3片- 酸酸甜甜其他下午茶之選循環再用, 又環保, 又慳 $$ (腦細果然識成本控制)番食指數: ✽✽