意樂餐廳 (幸福商場)

營業中

休息中

今天去了意樂tea, 見到有新menu (可能只是我好耐無去）又有特別特飲，叫了龍蝦湯煙鴨胸溫泉蛋扁意粉配蒜蓉多士，都有龍蝦湯味，但湯就比較稀，味道ok嘅，溫泉蛋半生熟口感啱啱好，鴨胸一般，反而蒜蓉多士係好食，剛焗好加蒜香，另叫了豬扒包配沙律，保持水準好食

呢間餐廳服務態度一等一本人帶住兩位小朋友去排隊吃早餐，後面亦有3位等緊，其中一位所謂嘅部長叫我們三個人坐二人位，我行去睇過坐得落係吃唔到嘢嘅，另一位服務員姐姐都話我哋坐唔到，個位部長叫我們慢慢慢慢等，即刻有3人位却叫我後面3位去坐。真係唔知原來今時今日嘅服務態度已經升級了

跟餐叫了杯紅豆冰（還要另外加$6）來到見到d紅豆只有少少的跟相中有好大出入(有否違反商品說明條例呢？）問了句，他們說是有份量set 左的下次都吾會再來大家也自己衡量吧😤

已經食過呢間好多次，但都不禁真係要寫下食評讚下，尤其係個下午茶餐，豬/雞扒配沙律，最重要係塊肉都幾大塊，又入味，真係比樓上大XX好食，只係$3X, 至少呢度係有人serve 埋你；至於個西多士就不過不失

今日剛巧要到客戶公司開會，趁未到lunch time人多時，吃個快餐，現在茶餐廳午餐最便宜也要四十幾元，環境又廹，又不好吃，所以我選擇了意樂，雖然價錢高了些，但環境和味道都可以這個鴛鴦扒煎得剛剛好，加上黑椒汁，好味跟餐即磨咖啡，奶多了，一般以$56這個價錢吃個快餐，雖然不是最便宜，但味道和環境已ok喇

拉麵都ok彈牙，餸好豐富下，汁都幾濃味下。整體黎講都唔差，作為一個$50既午餐，可以話係不二之選。餐廳環境都幾闊落，樓底高唔覺好焗促，亦唔會不斷幫你收餐具好想趕你走咁。讚

唔知幾時開始，茶餐廳和冰室喺香港開到周圍都係，就好似便利店一樣，總有一間係附近。很多時星期六的早上，都會同老公兩個撐枱腳食早餐，今天食咗一間很有水準的茶餐廳，可能上個星期食咗果間實在太差Menu 有不少選擇的早餐款式老公特登叫一個同上星期食的差不多款嘅早餐，濃湯通心粉，我就叫咗份雞扒配餐蛋。通心粉餐：蒜蓉多士是用厚方包，好香的蒜蓉味。好濃的雞湯味，如果要去澳x排隊吃濃湯通心粉，這個通心粉真是一個不錯的選擇代替。雞扒餐：淨係個賣相都氹到人啦！亦有點驚喜，有少少沙律菜加芝麻醬伴碟，雞扒下邊還有薯蓉添！美好的週末由每一份豐富的早餐開始

係意樂又叫外賣喇，食左幾次，質素有保證。今次叫和風牛肉豬骨濃湯烏東，加$1.5，由拉麵轉為讚岐烏東😀外賣會用兩個盒將豬骨湯與牛肉烏東分開上。一打開牛肉烏東盒蓋，見到蔥花芝麻及其他調味料撒上牛肉上面，望到都流口水。倒入豬骨湯，香氣撲鼻，湯仍然熱。和風牛肉好似打邊爐肥牛味道，軟身，重牛味，不錯。讚岐烏東入口彈牙，一直都很愛吃。除了牛肉，入面還有蘑菇，昆布 ，鹵水蛋 ，粟米仔，蔥花，芝麻等等，好足料，口感豐富。豬骨湯好香濃，好夠味，令成碗配料味道得以提升。

不說不知，有所不知，原來這間餐廳有這麼多分店。由於認識不深，所以也無所期待，只是今天大概五點多路過此地，份屬尷尬時間，茶市已到尾聲，晚市尚未開始，見這裡仍然有下午茶餐，當然立刻翻一翻放在門外的餐牌，見到賣相都吸引，價錢亦合理，所以就被吸引過來。除了餐牌吸引，還有一個很特別的景象，就是一條長長的人龍在門外排隊! 雖說價錢OK合理，但總不至於要排隊吃吧？認真一點看清楚，原來這些人都是來買燒雞的，大大隻四十元，也真不錯喔。雖然今次沒買來試，但下次有機會也可以一試。暫且捨棄燒雞，我選了西西里式鮮茄烤豬扒焗珍珠飯。果然是熱辣辣，卻並不迷你，份量夠大。一層厚芝士，豬扒舖滿飯面，推薦加幾滴辣椒仔享用，無敵！配合熱即磨咖啡香滑好飲。

外賣晚餐，叫了蒲燒鰻魚滑蛋蓋飯-皇牌蒜蓉汁。一打開飯盒蓋，香氣撲鼻。第一啖食落去滑蛋飯撈汁，竟然有絲絲芝士香味，事實係蒜蓉汁，汁好香濃，滑蛋好滑，味道不錯。飯量多，食到後期太約超過2/3，發覺汁唔夠，顯得飯有點乾。鰻魚肉質軟綿不乾，醬汁香甜，廷好吃。鰻魚滑蛋加飯撈汁一起食，口感好豐富。可能飯量多，所以都幾飽肚。

牛肉炒飯來講佢算係普通，啲牛肉唔係好特別好食，炒得又唔係特別香，雖然賣相係幾靚嘅，份量都唔少都好飽，但係如果呢個價錢，意樂，其實真係大把嘢好食，大家真係可以選擇其他好啲

剛巧做完運動，商場有意樂，下午茶都多選擇 所以就去試下 氹仔風味豬扒包配脆薯條一黎到 見到個包塊豬扒 有點嚇親 因為都幾大下 個包都遮唔到 咬落去都幾juicy 再加上入面有生菜配東沙島醬 食落去不錯 不過豬扒有小部分可能煎得有小頭濃就比較乾身 而且薯條都幾脆 加上仲係熱 相信係岩岩即炸好 另外，個包仲係脆 所以應該係有烘烤過意式鮮茄肉醬意粉焗扁意粉入面有好多肉醬 有好多汁 所以食落去又唔會好乾身 由於係扁意粉所以焗落去都唔會有好淋嘅感覺 有小小硬度 整體不錯

平時都食開堂食，味道係ok既，今次外賣因為另一半唔想落去，咁我唯有買外賣啦，點知就即刻中伏叫左兩份早餐，用openrice落既order，拎果時已經問佢係咪，其中一位店員仲話幫我睇下單，話齊啦，咁我就梗係諗住放心啦，點知拎到上樓打開睇，成盒黑松露炒蛋無比到我，好肚餓想開餐準備食真係O晒咀🤦🏻‍♀️，打比餐廳同佢講，仲要無得送返上門！講真，咁多間連鎖分店都話無得送，無得送外賣無問題，但問題出響餐廳度我覺得就應該要搵人送返上門囉！結果都係要我自己行多一轉，外賣真係睇check 少眼都唔得

閒閒Hea Hea 流連左去長沙灣，行到攰多過肚餓就搵間野坐下。叫左呢個 意大利蕃茄濃湯 天使麵配埋牛角酥，盛惠25蚊！加左$3既凍飲係 唔使篤檸檬嘅檸檬茶，大大杯！ 坐喺靜靜地既環境，望向落地玻璃既“景色”。當然無咩靚景望，但都開揚有陽光。真心平到無可挑剔！

下午茶真係好平，foodpanda外賣自取80蚊仲有七折 ，計番開係三十蚊到有飯或者意粉， 完全足夠食兩餐係要留意外賣自取成日有延誤，啲職員態度又認真一般 ，另外啲餐具就係神級失敗，軟都根本用唔到， 連意粉都叉唔起。今次叫咗一個雜菌天使麵同肉醬意粉雜菌天使麵有啲乾身，外賣自取返到去變咗成個麵餅咁肉醬意粉好食好多芝士 ， 而且好香濃，冇天使麵咁黐埋一舊舊，同埋佢超級熱真係有焗過另外即磨咖啡我覺得好好飲