意樂餐廳 (錦英苑) (已結業)

假日夜晚唔想出街食飯，外賣平台解決，幾鍾意叫呢間意樂，選擇多，價錢親民。香草鮮野菌忌廉天使麵忌廉汁夠濃厚，野菌都落得非常多，仲有唔少煙肉。香濃芝士白汁煙肉焗西蘭花西蘭花略為硬左少少，但白汁芝士味夠濃搭救。帆立貝海鮮菌皇龍蝦汁意大利飯飯底係龍蝦汁好香濃，海鮮都有青口、大蝦、蛻肉等等，撈飯食不錯。半溶芝士配一口炸雞炸雞略為硬乾少少，芝士醬就好芝味，非常杰身亦夠濃味。外賣到黎仲熱辣辣，味道算ok，呢個價錢要求達標。

叫咗個滑蛋鰻魚飯+凍檸茶，埋單$71，唔算好貴，但亦都唔算係平。個滑蛋鰻魚飯味道一般，蛋唔夠滑，鰻魚有少少腥…… 杯凍檸茶就幾好，夠凍有🍋味。服務就一般快餐店質素，唔講得上好但亦都唔差嘅🤣

意大利蕃茄濃湯米粉 (自選火腿+流心蛋) 💰34 包熱飲 (好味度: 💛💛💛💛)本來打算早餐配通粉的，突然之間想食米粉就轉左。果然無揀錯！蕃茄湯底十分濃香，米粉都好索味👍🏻 流心蛋篤穿後連湯底一齊食超正😋 火腿係切左小片，份量有d少🤏🏻 熱飲揀左奶茶，上枱後試過味，覺得都唔需要另外自己加糖，雖然唔算得上好滑嘅口感，但都算幾香。呢個價錢嘅早餐包熱飲，算係不錯👍🏻 推介！-環境:💛💛💛💛服務:💛💛💛💛推薦:💛💛💛💛

意樂今朝去左意樂食早餐😋😋我們叫左雞扒餐，加左個通粉，餐入面有煎焗流心蛋、腸仔、多士$44，擺盤都幾好👍仲叫左魚柳餐，加左個麥皮，入面有熟蛋、餐肉，魚柳好香脆，$44整體評分：4/5環境：4/5價格：4/5

梗有一間意樂喺左近， 環境都幾好坐，特別係窗邊位，食物質素都唔錯，特別係佢而家改良咗嘅凍檸茶值得推薦， 下午茶都幾抵食三十零蚊就有一份飽飽嘅下午茶。有時平平地醫肚都ok

今次去左馬鞍山食lunch意樂餐廳真係抵食我叫左個九洲叉燒豬骨湯拉麵同阿華田飲品份量剛剛好味道ok午餐仲有好多其他選擇可以揀飯餐好舒適整體評分：4/5味道：4/5抵食：4/5

今次去左馬鞍山食牛扒晚餐意樂餐廳價錢優惠有時想平平地食西餐，可以黎試試我就叫左個安格斯牛扒配薯條$118份量大，味道都唔差而且餐廳環境舒服，可以慢慢坐整體評分：4/5味道：4/5環境：4/5

成日路經呢間意樂..見到佢menu好似好多元化咁所以決定一試見佢2點開始就有下午茶...正呀啱哂我夜班收工時訓醒開餐叫左個輕量鰻魚丼飯 $48點知份量一D都唔輕量..好抵食！配埋木魚仲有半隻蛋鰻魚好厚身..有汁又唔乾..可以媲美一啲日本餐廳嘅質素！叫餐仲可以加$9 有兩隻水牛城雞亦竟然好食過平時有時西餐廳叫既😳有驚喜！凍咖啡面上灑埋咖啡粉..好香濃！估唔到呢度咁多元化..睇佢menu晚餐有埋牛排，搵晚黎試埋先！

麵包好食，服務可以，好有早午餐嘅感覺！配流心蛋！最鍾意食太陽蛋留心蛋等等！用來點包都一流！我就叫咗個麥皮加芝士雞蛋麵包，本身細食食呢個都好夠飽！而且$25真係好抵食！又有埋嘢飲喎！我最鍾意佢係用蒜蓉包底然後再加塊蛋再加塊芝士焗，自己有時整早餐都咁樣整不過冇用蒜蓉包，所以咁樣都幾滿足20幾蚊有人幫你整埋❤️食麥皮又健康！呢個呢價錢邊度搵？朋友就叫咗個炸魚柳都好脆唔差好食！佢食開清淡就覺得有少少漏得滯。所以食唔晒🤣

同屋企人落樓下食午餐 唔想食大家樂 發現有間平醉地又幾好坐既呢間餐廳 就坐低左意式鮮茄肉醬焗扁意粉⭐️48個名冇提過有芝士 一上枱竟然有拉絲芝士🤤個汁同芝士好香濃 撈埋一齊好吸引 肉醬番茄🍅都幾足料 扁意粉焗得好香 口感亦都幾有水準 飛魚子三文魚炒飯⭐️炒飯份量超多 一個男仔都未必食得完 三文魚🍣好多片 但係個炒飯就炒得唔夠香啦 唔知係咪冇用隔夜飯整 定係啲海鮮出得多左水 個飯比較濕 同埋調味都幾一般 以52蚊算抵食既 不過下次唔會叫😇

住附近第一次幫襯，見佢裝修門面幾靚，餐牌吸引個價錢又好似唔貴，所以就同老公坐底試下。有扒食有意大利飯有拉麵，都好多選擇我地叫左個安格斯牛柳粒炒珍珠飯同埋一個拉麵，另外仲有優惠價加小食..開頭我哋以為只可以用優惠價加一份，但餐廳啲人話唔係架..仲講笑話如果食得到 ，每樣每款都可以加最後我地叫左3款小食，飽哂水牛城雞翼最特別係呢杯凍檸茶，佢地係用冷壓方式去將啲檸檬壓成汁，黎到已經唔洗篤已經溝好哂。味道岩岩好

今日終於放假諗住hea下唔出去啦 同女朋友落樓下簡單食就算啦不過其實附近餐廳黎黎去去都係個幾間 不過前排開左間新既就冇事過 咁就係意樂餐廳真心後悔咁遲先去食 製作認真好食又抵食我見門口有人等烤雞 下次要試試！我一入門已經比依個下午茶餐牌吸引決定要叫流心蛋/漢堡扒蕃茄濃湯通粉濃濃蕃茄味 不過唔知點解係長通粉 如果d通粉軟身d就好塊漢堡扒都有煎一煎唔係就咁烚熟餃子外脆又多涵都係加配小食$11 唔叫對唔住自己水牛城辣汁雞翼 辣到適中加配$9

一間大眾化親民價嘅西餐廳， pizza，意粉，鋸扒都會有， 如果平時早食飯嘅話趕去六點半前嘅下午茶餐當晚餐其實都幾抵食，其中有一個日式雞肉炒珍珠飯味道相當不錯。 夜晚嘅鋸扒分量都幾大， 牛扒質素ok， 唔係梅肉牛扒，可以一試。

呢間絕對係一間平價港式意大利餐廳，復珍珠飯，到意大利飯，甚至各式意粉，都應有盡有。而且只是40至50元的價格。唔怪之得咁多年喺錦英苑屹立不倒。今次點咗珍珠飯和意大利飯，两種飯的口味都唔錯，招牌的羅宋湯更是材料豐富，勝過好多高級西餐廳。薯條炸到脆啵啵，小朋友食到停唔到口。四個人四個餐，加上餐飲，都唔過$240，真係好抵呀。

咖哩牛腩好味，但飯小不夠吃，要求加多少許飯被拒絕，待應說公司規矩不能加或加十元，我一個人如點多一款菜又比較多了，吃不掉又浪費，十元我可附得起，但我只差二口便滿足，感這店舖有不近人情，我又不是二人吃一個餐要求加飯，這就太過份啫，店內職員態度不佳，雖然質素略比大家樂好，但大家樂可要求加飯及冇口黑面黑，吃得也開心，所以我日後不會再幫襯此店，食客慎之。