意粉屋 (已搬遷) 新店位置

周圍蒲頭、白忙一場，真係罪過少不了一頓好食。今次腳步幾經辛苦，攞到嚟到這家飲食界o既老字號食堂試埋下午茶。入嚟時間已過仲下午，老闆面露微笑歡迎筆下，咁我就唔客氣，即刻點菜。首先，佢哋嘅香芒蜜桃炸蝦食落真係鮮味十足，脆脆哋，沙律醬適中唔搶味，係咁一匙一匙嘅挖，感覺個嘴都要唔停歇啦🍤！再嚟，煙三文魚芝士菠菜酥餅入口即溶，菠菜嘅清新夾雜著濃郁芝士，層層酥皮包裹煙魚，個汁香滑得滴，食落簡直得意！😋最後，加咗既紅豆雪糕冰，簡單直接，紅豆香甜掂實，溶在口中嘅雪糕有冰凉嘅解膩感，場面上個挫冰又幫到手，即刻化走咗我啲煩悶！🍨整體嚟講，這次食評體驗，可以話係滿載而歸，唔需要太多華麗辭藻，正係真正食到香港食肆嘅貼地好滋味。食就食嚟講，你話呢！

2人各點了個餐1. 酥皮龍蝦湯,肉醬意粉同埋凍檸茶個湯好好飲，肉醬意粉都OK2 唔記得咩名的沙律，好難食，D菜又黃，面個片黃色的一D都唔脆，又無味道(其實成碟都無味)，螺絲粉勁硬，一D都唔好食配左一即磨，都幾好飲。埋單出門先見到原來恆生卡有買2送1優惠，但D優惠廣告又唔放係餐桌/MENU，否則可以試下甜品。

因為好想食鮮果沙律,同埋薯條,就諗起只有意粉屋。叫左個$248套餐。蟹肉南瓜湯、龍蝦湯。南瓜湯好味D,不過南瓜極少,欣賞佢用真蟹拆肉。芝士焗龍蝦帶子天使麵,(另選擇是原隻龍蝦帶子墨魚汁麵$288,相信就算原隻都係無味,仲係龍蝦mo,無意思啦)呢個普通天使麵亦然,龍蝦??同根本為左爽口,被梳打粉醃到,好似雪藏蝦味,係蝦定慮蝦?唔知；帶子,急凍小帶子,得小小帶子味。黑椒蜜汁豬仔骨凱撒沙律及美國瘋薯條,豬仔骨要自行淋埋燒汁,味道才出來、才好吃。但那些薯條,炸唔夠,薯條仍有點死實,唔鬆化。另加的半份,挪威三文魚鮮果沙律,好多墊底生菜!!生果juicy全因為切得大粒,一咬好多汁啫,其實整體賣相都唔fresh。我唔知道係「套餐縮命」─set好晒,唔好食吖?還是揀錯配搭,這餐只係食飽左,沒有歡愉滿足感覺。

班天使去飲茶,我當然在其他地方找食處la! 最後決定---意粉屋~職員非常有體貌,問我們要溫水、冰水等,然後為我們介紹下午茶!點了肉醬意粉,餐湯係酥皮龍蝦湯,這個湯非常好,有濃烈的蝦味外,酥皮亦是一流!凍檸檬茶有額外糖漿,隨你口味 兩支小飲管,我心裏是感激的,因你在茶餐廳飲的時候,萬一有"核"頂住,茶就會唔上唔落,甚是麻煩!$50-60有個好環境吃下午茶,good~~~P.S: 妳真行,飲完茶"打包"都好呀,叉燒包都冇

年初三同女朋友去食個afternoon tea，見到個menu既tea set只係淨番兩個已經先打左個突 (原本係有成四版十幾款可以揀)，不過新年期間少左選擇都無可厚非，算。我點既兩個餐，一個係白汁蜆肉磨菇螺絲粉，另一個係煙肉蛋磨菇螺絲粉，等左一陣，佢黎既兩個意粉我都覺得錯左，一個係龍蝦汁磨菇長通粉，另一個懷疑係白汁磨菇螺絲粉。我咪問吓個waitress有冇上錯枱囉，ok，龍蝦汁嗰個錯左，白汁嗰個佢話冇錯，但係我搵黎搵去都唔見有蜆肉囉，我之前喺其他分店食過都唔係咁樣，今次水準真係好差。另一個再上桌既時候，同第一碟既味道差唔多一樣，係多左啲乾煙肉碎同蛋絲，如果唔係對比番第一碟，我都會覺得可以接受，但係我就好唔鐘意佢哋堅持話嗰個所謂蜆肉螺絲紛係冇問題囉。我啱啱先申請左VIP會員卡，係因為我之前都覺得Spaghetti House啲野食唔錯，但係今次真係打左個折扣，希望佢哋只係因為新年人手唔夠先至係咁啦。另外，走既時候經過好幾個侍應身邊都冇人講聲thank you，都希望佢哋改善吓。

年三十, 在奧海城百老匯影院睇完 <赤壁2>, 早餐後到現在16:00, 都無食過野,所以想搵間好食一些作選擇當lunch及tea 一餐過, 當行到 <意粉屋>並確定尚有下午茶便進了去.. 打算點算2份tea set 作我倆兄弟2人之選. 正!!對比隔離的麥當勞及其他食肆, 這裏環境闊落, 服務細心, feel so good是次叫了2份下午茶 -- 酥皮套餐 + 1個 6’吋大薄餅 1) 酥皮餐: 白汁火腿長通粉 及 1份酥皮菠菜湯 + 咖啡/茶 (約 $55)2) 6’’ 什錦pizza (約 $45)剛巧時值 意粉屋 30週年日子, 一問之下,原來會員有 第2客下午餐有半價discount 及 餐飲免費升級至 hot cappuccino. 問埋即時入會都可享用, 計算一下即慳 $23 .. 正!說回食品水準. 一貫的合乎預期, 酥皮菠菜湯 - 第一次嘗試的比想像中淡口, 好彩d酥皮夠鬆脆. 好好味 7/10分 (果然 酥皮龍蝦湯才是spaghetti hourse的皇牌! 10/10) hot cappuccino - 咖啡味不夠香濃,

哈哈．其實係補番好耐之前既食評．不過由於係芝士火鍋．所以耐一耐都想寫番~~well..我真係唔記得左係幾時啦下!有人同男友興起想食芝士火鍋．又去開奧海城．就決定幫襯我成世人既頭3次意粉屋環境又真係幾好wow~可能奧海城冇咩人．所以情調不錯~~ 岩哂拍拖我地叫左黑松露(?)芝士火鍋．跟肉既配來食真係幾好! 不過個人比較欣賞佢既面包加埋真係好夠味~ 唁似d肉咁太濃可惜佢冇得加$加面包．份量少左d不過配合價錢、環境和service~ 係好美滿又幸福既一餐

四位舊同學出來食飯，要在各位「地頭」（屯門／佐敦／港島西／港島東）的中心點搵地方叙腳，又要坐得舒服，都幾有難度。最後選了這裡，因為比旺角少人，又有鐵路到，食完散水都方便ｄ。侍應招呼幾好（我地唔要求貼身服侍）。坐位幾舒適，背板高了一點，雖然私隱度足夠，但略嫌焗促！叫了兩套 Set Dinner (@$238)，主菜有： Lobster Bisque 特色龍蝦湯 x2; Cream of Fresh Mushroom w. seafood Soup 鮮蘑菇海鮮忌廉湯 Angel Hair Pasta with Lobster & Scallop Au Gratin 芝士焗龍蝦帶子天使麵 Barbecued Baby Back Ribs served with Potato Wedges 醬燒豬仔骨配香脆薯角 Risotto Seafood Combination 意式海鮮炒飯 Super Deluxe Pizza 超級什錦薄餅 龍蝦湯同忌廉湯都好正，好creamy； 芝士龍蝦天使麵算係「賣飛佛」，I’m loving it! 海鮮炒飯同薄餅都幾好，不過又說不出甚麼特別

11/7/2008這天在奧海城，等位等了很久呢！原來內裏有人開party，怪不得。被安排在一個角落，看著外面奔跑著的大小狗隻。還是點了citibank優惠套餐，這次沒有龍蝦湯，而是雜菜湯。雜菜湯味道較濃，我還是喜歡龍蝦湯的鮮甜。點了一個risotto，這炒飯有點油了，又沒有味道……pizza要了田園雜菜，批邊很脆，不錯。我很喜歡很菇類，所以覺得這pizza味道不錯呢！總覺得二人餐的份量過多，下次還是試試散叫的~ ^^

個日係同兩位媽媽 (就嚟三位, 二姐就嚟生Bb) 慶祝佳節兩位姐姐都不約而同想食呢度...咁就嚟啦...好早就開飯喇...對上個次嚟都好耐嚕今次我因為揀禮物俾媽媽所以嚟到啲嘢食都點好哂喇…我剩係負責食佢哋叫咗幾個 set dinner有龍蝦湯、有啲仲要埋個酥皮添...主菜有肉醬意粉、鵝肝雲吞黑松露汁、香芒雞肉 Pizza 挪威煙三文魚鮮果沙律、芝士焗龍蝦帶子天使麵、醬燒豬仔骨配香辣薯角、etc...跟住另外叫咗個 Cesar 俾我皆因我仲係減肥中 我都係每樣試一口半啖而已 龍蝦湯一貫水準——濃且咸肉醬意粉同Pizza 我都冇試到煙三文魚沙津好大份量, 塊三文魚好多兼好大塊之後就試個雲吞啦有少少失望個 sauce 都叫 ok但係個皮好厚, 好似食緊層粉皮咁 跟手啲餸都嚟得好快個焗龍蝦 (好似有帶子添呀) 天使麵我一路都覺得佢啲天使麵麻...可能先入為主, 今次都覺得好一般 lor~算啦... 最後個豬仔骨個賣相好正~可能係食唔切o既關係, 啲骨有啲凍反而啲著角仲熱熱地, 不過好快俾兩個小朋友包哂嚕...最後就係我特別 order o既 Cesar我都會周圍食呢個 salad, 呢間都算好

好耐無去意粉屋食晚餐,於是星期五晚走去食,叫咗個$268套餐.龍蝦湯--很濃,很夠味,都有不少龍蝦粒及磨菇塊.鵝肝雲吞黑松露汁--有六隻,皮做得很滑,內有菠菜,鵝肝很有味道.另外還有很多雜菌,很鮮味,汁也做得很好味.煙三文魚鮮果沙律--煙三文魚很有鮮味,不會太咸,鮮果很多,也很爽甜.總括來說,這一餐由於沒有期待,就來了一份驚喜.

2月23日, 星期六,一家人到了奧海城意粉屋本打算一試芝士火鍋,那知原來早已售罄,心情無疑有點失望,但其中一位女侍應(忘記了名字,但頸上有條黑白領巾)向我們推介其新菜色,說起來很吸引,除了平時所吃,便點了一個她推介的海鮮蕃茄長通粉來試. 上菜時熱騰騰, 而且茄汁香濃, 很快便被「掃清光」,後來她更向我們推介朱古力熔岩旦糕,果然一流,賣相吸引,配上雪糕吃,令這晚餐更加滿足!這間意粉屋,比我們想像中細,但服務不錯,我們一家會再來光顧!

星期五晚同屋企人黎呢度食野,唔知係客人多定係什麼原因,侍應們的手腳十分慢,只係攞一杯水,好耐都無,連叫幾個侍應都係咁,結果水攞唔成,只好作罷...套餐中有個香芒什麼雞pizza,等左都幾耐下,搞到最後食晒所有野,pizza先到,大家最後只係食pizza...呢款口味的味道有少少怪,又好似甜甜地,但係又覺得有少少辣(唔係好辣,但係有一種辣的感覺),pizza中有芒果蓉,口感幾得意,食得出唔係芒果醬而係用芒果肉打成的蓉,算係唔錯!不過有少少似食緊許留山的某款甜品之感,哈哈哈!簡而言之,口味創新,值得試,但唔算好美味,所以試一次就夠喇!

是日女友生日, book了2位22:00,買了鮮花和禮物,因為想給女友一些驚喜,所以想先將鮮花和禮物放在餐廳, 到22:00睇完戲,兩口子便到餐廳進餐, 點完菜...店員很有效率地"派牌"才10時30分左右, 店員已急急準備收工其間更有一位戴眼鏡短髮男店員,很不友善地望著我們好像很不滿似的!!! 整個過程令我們感到非常不愉快!!!完全感受不到意粉屋特有的氣氛!!!感覺上比鄰近的M記還要差!!!以後都唔會再幫襯呢間分店!!!!

和同事到了意粉屋食午餐，點了個午巿套餐，很豐富的。先有一大片蒜蓉多士，很脆很大片，跟著有龍蝦沙律，龍蝦肉很香，餐湯選了忌廉湯，主菜是煙三文魚忌廉汁意粉，好好味，最後當然還有餐茶，點了熱奶茶。很豐富很好味很滿足的一個午餐。午巿hsbc或boc職員有八五折，只是$50左右，很抵食。