意粉廚房

營業中

休息中

這家餐廳的食物雖然不算是非常美味，但考慮到價格來說，絕對物有所值。只需88蚊就可以選擇意粉，並享用自助無限供應的餐湯、多士、咖啡奶茶和生果，這種價格下提供的多樣選擇相當吸引人。其中，大蝦意粉是炒製而成的，這種烹飪方式使得意粉保持了一定的口感，並且搭配了酸豆和蒜片，增添了一些酸辣的風味，使整道菜更加豐富多樣。不過，牛肋骨意粉的表現就稍微差了一些，意粉烚熟後缺乏特別的味道，牛肋骨的風味也不夠突出，可能需要更多的調味或烹飪技巧來提升它的口感和風味。

尖沙咀一向都係多遊客去嘅地方所以之前都好少行今次行過尖沙咀見到人流少咗 喺條街度打橫行都得🤣🤣遊客多嘅地方餐廳自然唔會少行到咁上下好想食意粉就開OpenRice搵到呢間推薦地理位置喺酒店嘅地庫入到餐廳 見到燈光充足餐枱擺設同埋侍應都比普通西餐廳為高級坐位舒服😚😚😚我哋叫咗兩個意粉嚟食湯同埋飲品係自助添飲嘅啲意粉口感唔會太淋 唔會煮啲意粉淋啤啤而且都好多汁 同其他西餐廳比唔會輸蝕 算係中規中矩但係計埋價錢同埋飲品性價比非常高下次再以再試下😊 .

漆咸道南過尖東嘅天橋前有間酒店，酒店嘅地庫入口有一間叫「意粉廚房」嘅餐廳 🍴由於餐廳嘅起名實在比較平凡，加上位於地庫，街外亦見唔到餐廳內食客嘅數量，比較難吸引人落去食 🤔 不過我同飯腳同事平時食飯實在經過「意粉廚房」太多次，今日的起心肝一試龍與鳳！ 一落樓梯好似進入咗藝術館咁，兩邊有蠟燭形狀嘅燈同少少聖誕裝飾，準備進入未知世界喇 👀～餐廳嘅裝修異常簡單，好似去左大學canteen咁 😮餐牌上意粉種類算多，有茄汁、白汁同乾炒等。除左standard餐牌，仲有是日精選，款式豐富！ 餐廳只有一位侍應，態度好好成日幫客人斟水，好彩客人唔多輕鬆應付。餐湯同餐飲都以自助形式，semi buffet嘅感覺～ 先嚟嘅係餐包，冷冷嘅天氣配上熱哄哄嘅餐包，少少可惜嘅係塊牛油未及解凍有少少過硬 ☹️餐湯有粟米忌廉湯同中式例湯。我揀左粟米忌廉湯，飲落有粟米粒粒，比較稀，麻麻 ☹️=========================蛋汁煙肉蘑菇意粉 $68 同事 W 叫左呢款。老實講，就咁睇中文名，估唔到係carbonara 😅 賣相唔錯，意粉配上煙肉，茄子同翠肉瓜？！味道比較港式，唔係正宗用蛋黃同芝士整嘅carbo

諗住喺酒店入邊嘅餐廳水準都應該唔會太差，雖然係四星級嘅酒店，但係食物就冇四星嘅質素啦！裝修簡陋，座位安排比較迫，一睇餐牌發現價錢都唔平，有八十幾至到百幾蚊不等。但係標榜湯任飲，咖啡奶茶自助添飲，感覺上又真係冇咁貴啦！有兩款湯中式同埋忌廉蘑菇湯，兩款湯就好似茶餐廳嘅例湯，一係太鹹一係就太淡。茄汁海鮮意粉賣相就唔錯啦，蝦的雪味太多，龍利魚柳偏硬。蜜糖芥末汁雞扒個樣睇落去好大塊，但係就係好薄身，實際份量同普通雞扒餐差唔多，冇乜蜜糖冇乜芥末味。紅酒燴牛肋排差唔多20分鐘先煮好，但係呢一個有心機煮出嚟嘅餸就真係最好食啦，牛肋又淋又入味。呢個價錢來講性價比比較低。

環境樓面比較低，正門個look同後門冇分別，感覺好隱世好大學飯堂fee，要食環境嘅話唔推薦呢度食物-d湯ok冇味精味-雞扒入味 正-d薯條好dry好麥當勞feel餐茶d咖啡唔掂 一陣尿味服務d店員過左一陣（幾分鐘）先過黎serve你，有d慢啦

岀去做嘢，同事推介食呢間，未夠1點，去到唔洗等有位！鋪頭算大，坐得都幾舒服，主要食意粉！跟餐有包，湯同嘢飲！湯同嘢飲係自助式，飲幾多拎幾多！湯就一般，蘑菇湯黎，水過多，唔夠creamy, 嘢飲都普普通通，無咩特別！菠菜麵: ok 好食，唔係太鹹，creamy！三文魚意粉: 正正常常，三文魚同上面d鹹菜好鹹！拿破崙意粉: 以為係拿破崙汁，但原來唔係，只係擺d芝士擺到拿破崙咁樣，汁只係普通意粉汁，無咩特別！甜品係燉蛋，一般，超甜！總括黎講，嘢食正常質素，無咩特別！

真係唔知點解朋友會搵到黎呢度這間意粉屋地址係酒店入面地庫，朋友先到已經俾佢個門面嚇一跳，因為基本上係冇門面，門口好似係後樓梯咁whatsapp我，叫我有心理準備，因為晚飯時間7點，得佢一個人包場我問使唔使轉場，佢話都坐低左，唔好意思走其實我睇呢度食評已經知佢冇乜人，朋友仲好認真打去book位，我以為佢真係咁重視我地嘅約會，唔好意思問佢: 乜要book架咩?我就喺加連威老道嘅入口入, 因為我記得以前好似係拉麵定日本定食餐廳入去擺枱裝修都似飯堂，都幾簡陋，絕對唔係一間尖沙咀餐廳嘅裝修去到都有一兩枱客見到咁，都係謹慎啲，叫個carbonara，應該冇衰食落其實都唔係咁差，都好creamy，份量好大，好多料，不過稍嫌太膩，creamy得滯，如果是愛此道者，可能會喜愛朋友就進取啲，叫左個海鮮拿破倫意粉見圖都知又係好多料，味道都正常套餐價錢由78 -98，有餐湯餐飽同餐茶任飲任食不過全自助，要自己出去拿由服務到裝修到餐具，都仿似回到大學飯堂，返工食lunch尚可，如果溝女就千祈唔好因為燈光係office白燈，照哂啲缺點出黎同埋黎呢度約會，除非你好似彭于晏咁靚仔，否則大扣分，死路一條。

本身諗住同朋友食個簡單晚餐 上網見到食評唔錯就去試一試 一入到去見到無咩人 咁就同朋友點餐 一路食已經有幾多細蚊仔係到飛 完全影響食慾 食物味道一般 環境麻麻 唯一可以讚揚既係侍應服務ok 任飲中湯西湯茶 openrice食評都係自己親自試過最穩陣 所以食完就想俾一個中肯的既評價

由於同幾個朋友要傾關於5月旅行的行程, 少數服從多數之下, 決定在假期前夕於尖沙咀晚餐。在「openrice」 search過, 發現這間位於酒店地庫的「意粉廚房」有機會有位, 果然真的不用排隊等位, walk in就OK!我們一行四人, 6:30pm坐低後, 為爭取時間, 就馬上隨意地點了三個意粉(黑松露帶子波菜麵、香煎大蝦意粉、茄汁魷魚圈螺絲粉)來邊吃邊傾, 湯及飲品是自助任添, 不經不覺大家傾到差不多10:00pm(打佯)才離開。好奇怪, 這店食物味道不差, 地點又方便, 真不明白在假期前夕晚上竟然坐不滿?個人推介: 黑松露帶子波菜麵

昨日和同事到公司附近食晏, 去了在最佳盛品酒店地庫的PASTA KITCHEN. 我叫了香煎大蝦配野菌, 買相十分吸引, 意粉彈牙,配料新鮮美味. 同事選擇其他意粉口味, 蜆肉蟹柳意粉和茄汁魷魚螺絲粉, 他們都話好味! 我們最欣賞是日餐湯, 有中又有西! Coffee and tea 任飲! 超正!

I had a high expectation for this restaurant before I visit because it is famous for its artisanal made pasta. It is valuable for the price. The waiter was very well-mannered and patient in explaining each dish to us which we really appreciated. Other than that, the decoration of the restaurant was simple. I might come again if I work nearby. 

今日(星期日)下午由科學館行返去尖沙咀地鐵站途中經過呢間餐廳門口，見餐廳以意粉做主打，價錢又唔貴(以尖沙咀地段來說，甚至可以用平來形容。)，於是即刻上 openrice 睇下食評，見評價唔錯，於是膽粗粗走落去試下(餐廳在地庫一層)。落到餐廳門口望入去，一個客都無，真心有 d 驚，但都繼續走入去，諗住試下啦！因為自己好鐘意食意粉，所以好想搵到好食的。入到餐廳，先問下樓面唯一的職員，餐廳究竟是否營業中？職員回答是，但沒有套餐要散叫。咁我就坐低叫左個煙肉蘑菇白汁意粉。過左一陣，意粉就上了。外觀是好的，份量在各方面都是很足夠的，無論是意粉，煙肉抑或是蘑菇，但個人喜歡少汁的，所以汁對我來說是太多了。味道是正常的但沒有驚喜，要加一，埋單$85.6。應該唔會刻意再來食。

開始入門有點伏感，餐單選擇又少。點知湯茶任飲，連想比錢叫甜品都回我「包埋」。所以最後一個意粉價錢無限湯茶加甜品，而且每樣都是高質素。之後會再來 Yeahyeahyeah

住酒店，你會唔會試下Room Service？我就會睇價錢而定，如果送餐唔貴得太多，就點都會試下。 早前短留香港，租左交通方便既尖沙咀最佳盛品酒店住兩晚，第二日好晏起身又唔願落街，於是叫咗「意粉廚房」個拿破崙芝士火腿意粉試下。同其他酒店Room Service比較，餐牌選擇其實都算多，而且價錢更加具競爭力，瞓響床百幾蚊慢慢食，算得上係相當抵。唔好以為平野無好，事關碟意粉芝士份量十足，味道可口，唔似係平價食材，最緊要食完唔會有種膩嘅感覺，同好多西餐廳比較唔會輸蝕，至於有冇酒店餐廳嘅水準，就要睇下係幾多星喇。Checkout後趕時間，於是都係去「意粉廚房」醫肚，今次食香草三文魚忌廉汁意粉，感覺相同，食完唔覺膩，但三文魚就普普通通，而且堂食環境唔算特別好，下次可能都係響房食比較划算。

又到聖誕,又到聖誕.每年呢d時間最難稔就係去邊食飯.次次呢d日子出親去食飯都比人劏到一頸血.但係你知啦,香港人忙丫嘛.你要我放假都煮, 不了.好彩搵到呢間pasta kitchen.叫2碟pasta都係舊幾兩舊水1個pax.又抵食夾大件.至緊要大時大節唔會坐地起價.抵讚.